先達的個人專頁

本身都冇話食開呢間舖頭，去旺角諗住是但搵間餐廳入去食個飯就算，入到去啲人又冇乜招呼，都算啦，香港茶餐廳好多時都係咁，食飯上菜都係普通放低就走，條走廊唔算窄，但啲侍應送餐又唔會話就住你，直接撞落你度，然後當乜事都冇發生，我都算，臨走之前有個阿姐喺後邊張枱度執枱，佢整跌咗杯嘢飲落地下，係一杯有顏色嘅嘢飲，唔知係凍檸茶定可樂，然之後杯嘢飲落咗地之後射到我成隻腳同埋隻鞋都係，佢一句對唔住都冇，然後自己走開咗，跟住我話:靚女，我成隻腳都係嘢飲呀！佢先至唔知做乜嘢嬲爆爆咁拎咗張紙巾俾我，塊面燶過墨汁，好似發晦氣咁隊咗張紙巾俾我，然後又行開，又冇講對唔住又成，完全唔知發生咩事！先唔好講啲茶餐廳係咪咁樣啦，你唔小心倒瀉咗水去人哋嗰度你都要同人講對唔住然後俾紙巾人哋抹啦吓嘛，更唔好講你倒瀉咗杯有味道有顔色嘅嘢飲去人哋個身度！到底係一個咩人嚟？最好笑係成間舖頭都應該知佢整跌咗嘢然後整到人，但其他人完全都冇反應😇成功又blacklist咗間餐廳😇P.S. 我食咗個乾炒叉燒意粉，冇乜特別，叉燒好柴，然後啲意粉好油，我個friend食咗個鴛鴦扒飯，塊雞扒仲”鞋”過啲煲湯瘦肉，講完…查看更多

平時食晏間唔會去食呢間野，其實就一般般不過不失，價錢唔算話特別平，晏晝都要加一，70蚊食個晏晝，但係就貪佢啲位都叫舒服，又有啲韓式小菜，不過啲侍應又係澳牛啲侍應mode(宜家澳牛都叫好態度)，西口西面，上菜都好似得罪佢咁今次重有趣，我同啲同事食緊嘢，個呀姐走埋嚟話要收啲吉碟，咁好啦，做過侍應都知想快啲執好啲張枱，咁如是者我就同啲同事繼續傾偈食嘢由佢收，點知個呀姐收收下突然同我地講: 你地唔好講嘢啦，你地唔驚架咩？我好驚你地啊！首先，冇人叫你過嚟收嘢，你自己喺人地食嘢嘅時候過嚟收收收已經極度冇禮貌第二，食嘢除底口罩喺法例上都批准，而且亦冇話唔可以一路食嘢一路傾偈第三，真係咁驚你可以帶埋眼罩耳罩，其實最好係等啲客人食完帶翻口罩再過嚟收枱我都費事再加鹽加醋，大家想去感受澳牛版嘅韓國餐廳侍應就去試下，不過利申，啲嘢食係同澳牛冇得比！(味精嘢)P.S. 同完佢個餐廳經理反映完重要俾人催埋單，而且嗰時係冇人等緊位！出色！…查看更多

一入到去見到電視機播緊啲介紹間舖頭嘅飲食節目，以為好好食，點知係惡夢嘅開始......睇餐牌，好自然就揀咗個炸雞，之後見佢電視機播緊佢個廚師拉緊個芝士熔岩炒飯就叫咗個，之後小弟鍾意食蛋捲就叫埋佢個Jumbo蛋捲。等咗冇幾耐就先嚟咗個芝士熔岩炒飯，望住佢燒嗰下我諗應該就係佢燒呢一下佔咗佢碟嘢7成嘅價錢(食物其實佔3成價錢都俾多佢...)味道一般，芝士味真係冇乜，但佢傾力演出係值回票價嘅......之後個蛋捲同埋今餐嘅主角，蒜香無骨炸(蒸)雞登場！個蛋捲不過不失，不過鍾意食蛋捲嘅就會食得出，其實真係好麻麻，個蛋又冇乜味(最好食係面頭啲椰菜)講到個掛羊頭賣狗肉嘅炸(蒸)雞就把幾火！佢一嚟到嗰陣，其實賣相係ok，都見到係熱嘅，點知一夾落去嗰陣已經feel到一陣伏味，心諗，點解咁軟身嘅...之後一咬落去，What the fxxk?!(雲耳蒸雞？)佢係完全一啲脆都冇，一咬落去啲肉同啲炸皮會直接解體，我以為自己見識少啦，可能呢間嘢係出名食軟皮炸(蒸)雞，點知食埋佢雞下面啲林到好似腸粉嘅薯條，我就知到原來我係叫咗蒸雞加蒸薯條！(救命)真心，自問喺香港食過唔少韓式炸雞，從來未食過一間又林又皮肉分離嘅炸雞，真係一試難忘！如果大家想試下啲咁嘅炸雞，歡迎去嘗試(小弟不了，見過鬼怕黑......)P.S. 侍應啲服務態度，我以為自己去咗澳牛添....P.P.S. 我見到隔離枱份炸雞都剩咗好多…查看更多