id506507的個人專頁

好耐無食過車仔麵，難得遇到呢間，所以就去試下啦▪️三餸一麵(柱候牛肋條、鮮竹墨魚魚卷、8吋長、豬骨清湯、雙倍惹味甜辣醬、河粉)首先豬骨清湯可以令到個甜辣醬既味道更加突出，甜辣醬就有少少甜醬再加少少辣，係大部份人都接受到既辣度，唔怪得叫做惹味。牛肋條都整得非常腍，好容易入口。而鮮竹墨魚魚卷都非常足料，好飽滿。珍寶蟹柳係超正，平時一兩啖就食完既蟹柳，宜家可以食到我非常滿足，鍾意食蟹柳既人一定要試呢個餸。▪️三餸一麵(必食牛筋腩、古法金錢肚、8吋特長脆皮腸、豬骨清湯、米線)我覺得佢既牛類食物都整得好好食，所以牛筋腩、金錢肚真係好容易咬得開，唔會好似係到咬得橡筋。個脆皮腸都好正，食落都好似有芝士味▪️爽脆藤椒魚皮呢個係我最期待既食物，非常爽口，雖然有藤椒，但係唔會令到嘴唇好麻。雖然呢個辣度比較高，但係會令人好過癮👍🏿▪️雙拼(韭菜餃、雲吞)每款有3粒，隻隻都非常飽滿，用料非常足夠，雲吞係會咬到隻蝦，而且湯底非常好味▪️菜心苗、腩汁份量不錯既菜心，加埋腩汁就更加好食，但好彩無過多腩汁，如果唔係就會好膩…查看更多

好耐冇食韓國燒烤，見到炑八好似有好多野食，好似又有優惠，所以黎試下▪️特級牛肋骨非常腍，肉味重，而且好多肉汁。如果包埋生菜，就好似食緊漢堡一樣。而大蝦都好結實、爽口▪️厚切五花腩店員話最好最後先燒，同埋可以叫佢地幫燒，而且係好有需要，因為實在太厚，唔搵專業既黎燒，一定食唔到真正既味道。啲肉好結實，但唔會硬，表面都係脆脆地，包埋生菜會仲正▪️韓牛前胸肉非常寶貴既肉類，燒到6成左右就會非常好食▪️韓式豬皮配炒芝麻簡直係邪惡之選，豬皮好彈牙，有好多骨膠原既感覺，加芝麻令個豬皮更加香▪️蒜蓉牛油金針菇成個放上爐到燒，燒熟左之後，每一口都充滿住少少鹹既牛油，再加上金針菇比芝士包圍住，雖然都係好邪惡，但真係好好食▪️海鮮煎蔥餅有好多配料，而且塊餅都有一定厚度，所以食得好滿足，點埋醬汁一齊食，味道會更加豐富▪️荔枝梳打成粒荔枝出現係杯飲品到，所以味道會好正▪️藍天使梳打飲落去非常清新，非常順口❗️原來宜家有個韓牛毛巾禮盒，用唔洗100蚊就可以獲得優惠券，仲有韓牛禮盒，睇睇下真係好似真既韓牛…查看更多

平時只係會飲公司附近既飲品店，今次就特登行遠啲，帶埋嘴刁既同事一齊黎飲下🤟🏿▪️紅火龍乳酸一飲落去就覺得好清新，而且好足料，yogurt 唔會太酸，火龍果味道都好足夠。兩個味道混合埋一齊恰到好處，先有火龍果既味道，之後再有yogurt既味道▪️熱情果優格蓋茶有非常多既熱情果，茶味唔會太濃，而且有少少酸酸地，幾好飲。嘴刁既同事表示好似食緊一整個熱情果😁。個yogurt top 都唔會好膩，非常好飲整體上黎講呢間比起其他飲品鋪健康得多，用自家熬煮桂花冰糖，所以都值得一試👍🏿…查看更多

今次見到濃汁豬軟骨寬麵配花椒重慶酸辣湯 ，所以就想試下。豬軟骨有三大塊，好腍，唔會好難入口，同埋有幾塊豆卜所以可以好好吸到湯底嘅味道。話說我張單係寫住寬麵但係居然俾咗米線我，希望下次有機會可以試吓個寬麵。對我來說個湯同一般重慶酸辣冇咩分別，唔係好食到個花椒味，同埋唔覺佢好濃，好似一般嘅米線咁樣。但覺得個份量好似比之前少咗啲啲，唔似以前食完覺得非常飽。不過，我覺得可以嘗試一下新嘢，可能會有新嘅體驗👍🏿 …查看更多

話說身邊嘅人食過一次之後都覺得好好食，所以今次再食過。我對佢嘅生醃非常感興趣所以就叫咗生醃章魚套餐。今次生醃章魚同之前嘅味道唔同咗，多咗少少蒜頭味，所以除咗章魚本身嘅味道之外，多咗少少蒜頭嘅辣味，咁樣非常之好食，加上啲飯上面有少少沙律醬所以味道唔會太單調。另外飯上邊有一隻煎蛋，所有嘢撈埋一齊食非常夾，而唔會有衝突。另外我都好鍾意佢嘅美式咖啡，所以每一次都要叫黎飲。而套餐嘅小食加咗蜂蜜芥末醬之後令個味道更加豐富。…查看更多

成日都堂食壽司郎，所以就試吓外賣，叫左個壽司郎嚴選盛合（2人前）有20件。每一件刺身都非常大件，應該比堂食大件，所以兩個人食非常之足夠，雖然味道唔及堂食嘅新鮮，但係以外賣來講質素已經算唔錯，因為唔係即整即食…查看更多

一直都好鍾意食蝦堡，今次有得再食所以要把握機會去試吓。蝦堡入邊嘅蝦份量都算多，而且幾爽口，配埋啲醬就更好食，如果成個包可以再大啲就更好👍🏿不過呢間M記真係好多人，所以最好先用手機落單，如果唔係要等好耐，同埋佢哋啲點餐機成日都有問題，所以用手機落單係非常重要。另外，有時啲餐點質素有少少差，如果可以改善下就更加好啦…查看更多

好耐冇飲過Starbucks，有人請飲嘢，所以揀咗碎朱古力咖啡星冰樂，由Starbucks拎返去公司有一段路，但係都非常夠凍。一入口好有朱古力嘅味道，之後就慢慢有咖啡味，之後再飲嗰啲cream就有種甜味。因為好夠凍，所以成杯嘢飲好爽…查看更多

第一次嘗試中東菜，鷹嘴豆泥冇雜質非常順滑，有少少凍凍地，再加上一個熱辣辣嘅夾包，夾埋黎食非常唔錯，另外仲有附上一小碟配菜，酸酸地幾好食，雖然係有隻辣椒，但係唔辣，因為真正辣既係佢另外比既辣醬😂，但個種辣係非常過癮，可以嘗試下…查看更多

中環有好多台式手搖店，但唔知點解一直搵唔到益力多綠茶(多多綠)，明明呢個喺台灣係好common嘅，但終於比我喺茶湯會都搵到，而個味道真係同台灣既差不多。味道有益力多既乳酸菌嘅味道，但又有綠茶既fresh，所以唔會好奇怪，所以唔似其他人覺得係重口味黎，半糖走冰係好match既，因為唔會冇晒益力多既味道👍🏿之後要飲，我都會選擇係茶湯會到買👍🏿…查看更多

對我來說，我係非常鍾意大快活既咖哩飯，因為份量多、多汁、肉唔會好韌，而且價錢合理。今次食既都可以保持到水準，而且可以揀要咩飯，所以就揀左紅米飯。啲紅米唔會好硬，撈埋啲咖喱汁一齊食好好味。同埋宜家用手機外賣自取有9折👍🏿。不過唯一唔好既就係唔夠菜，多啲菜會好啲…查看更多

果然係譚仔嘅旗艦店， lunch time嘅時候係極度多人，我哋用外賣自取去到間舖都要等一段時間，見到廚房非常忙。雖然係極度忙，但係啲味道冇咩影響，同其他舖頭差不多，份量亦都冇變小，煳辣都係非常夠味。但就係因為極度忙，所以外賣嘅時候都要睇清楚自己嘅嘢有冇到齊，兩次用外賣平台落單，兩次我都少左野，所以真係要check 清楚…查看更多

之前去過台灣食春水堂，難得去到尖沙咀都黎試下香港既春水堂。首先香港同台灣既menu有啲唔同，我自己黎講就鍾意台灣既多啲，不過香港既都唔差▪️麻辣牛肉麵湯頭非常好飲，唔會好油，唔會太過辣，牛肉係半肉半筋。肉係好容易咬開，牛筋好有膠質▪️珍珠奶茶春水堂既珍珠奶茶不嬲都好出名，所以係好好飲。係用細粒珍珠。少糖(50%)已經非常適合，唔會無味，又可以喝到茶味👍🏿▪️珍珠熔岩蛋糕表面既黑糖非常好味，唔會太甜，而個蛋糕唔會太硬，幾好入口…查看更多

呢個飯真心勁量，勁多飯，勁多菜，勁多肉，真係會超級飽但係點解只係會適合某部份人呢，係因為個飯係冇咩汁，所以適合一啲唔係好食醬既人去食，頂多係菜飯係有菜味，而沙律全部都係冇醬，只係得菜，所以唔食醬既人會非常適合但係想同店家反映既係：我地有人叫左個樽仔奶茶，飲第一口既時候係酸既，佢以為係因為食其他野而搞到個口酸左，之後再飲就發覺唔係自己問題，所以希望店家可以check check 係邊到有問題，可以改善一下…查看更多

呢間真係由細食到大，由以前係安定街市後面既美食廣場，食到宜家。味道同以前一樣冇咩變過。不過以前有一陣子服務態度不太好，宜家就改善左好多，最好既就係終於可以用八達通比錢👍🏿…查看更多