yukiwong214的個人專頁

叫咗南瓜餃同香菜餃，炸豬扒同雞翼米粉，啲餃子個味一般，但成粒餃就包得好散，個皮包唔實啲饀，一夾就皮饀分離，豬扒味道可以，但剪開再炸，有啲乾，炸雞翼唔入味，個米粉就普通米粉，湯底都係冇咩味，呀姐態度超差，同枱一行3人食，有人食得快啲有人食得慢啲，呀姐竟然要我地食完嘅朋友出去等，因為佢有客喺出面排隊，態度仲要好差，我地聽到都呆咗，咁都得，咁做生意！？今次咁嘅體驗我以後都唔會再去食，仲要唔係話真係咁好食…查看更多

滿心期待買咗兩件拿破崙，一件綠茶，一件咖啡oreo，每件$58，合共$116，呢個價位比起酒店出品仲要高，但質數就同個價錢成反比。首先個酥皮一啲都唔香，亦都唔脆，平時食開嘅拿破崙酥皮會有一層焦糖同吉士分隔開，但佢呢間唔係用焦糖，係一層白色嘅嘢，好似係白朱古力，我唔肯定，因為我食唔到有咩味，但就一啲都唔好食，中間個饀我以為係cream 或者mousse，但原來都唔係，係有味嘅吉士，但一啲都唔滑，得個甜個味一啲都唔香，兩件拿崙我都係食咗1/3就冇食，啲吉士食咗一啖都"了"返晒出嚟，完全唔值$58一件，十幾蚊一件都唔會買，因為真係去到難食級別，元朗星味坊嘅拿破崙都係三十幾蚊一件，但好食過呢間十幾倍，未食過件裝之前仲有諗過生日買原個食，好在冇，如果唔係實超掃興。…查看更多

作為一個元朗人，對永年都有份情意結，以前中學時期都會成日去食，even 果陣啲人成日都話老闆同老闆娘黑口黑面串串貢，排隊排成大半個鐘，感覺都係值得，因為真係好味。自從裝修改行連鎖路線之後，偶而都會食一次半次，味道都仲唔錯，係細碗咗好多啫，已經少去咗好多。直到最近佢又再裝修，又重新開張，今日經過買咗個菜底加3餸，失望到一個點，碗嘢細都算，所謂嘅菜底餐牌張相係有蘿白嘅，但點知只係比你叫麵底多3-4條菜，而且啲菜係唔靚嘅，唔好食，魚蛋數粒，豬紅數粒，加幾塊炆到林ber ber嘅牛肚，而個味道亦都唔好食，咁就收我$41，以後可以決絕地同永年講bye bye。…查看更多

一入到去地方好狹窄，一張2人枱根本唔夠擺2份all day breakfast嘅餐盤，坐位郁一郁都會頂到後面果枱客，坐得唔舒服。佢個all day breakfast要成30分鐘先出到，其實我都唔太介意，雖然我唔明點解果啲嘢食其實根本唔洗整咁耐，但有少少介意食物出到嚟全部都唔熱，連暖都唔係，可以話係室温。個牛角包好靚好食，但都係如果熱返少少會香好多，牛油果生咗少少，薯角又係唔脆唔熱，但味道係可以嘅，我叫咗杯sparkling Americano, 幾特別，唔係度度有得飲，我朋友果兩杯咖啡佢地話一般。總括嚟講，其實佢成個餐加埋嘢飲成$160位，其實唔算平，去得食all day breakfast都想慢慢食嘆下，如果坐得舒服啲會好啲，同埋啲嘢食熱返少少會好好多。…查看更多

平日經過見門面幾靚咁都有興趣去試下，有日下午經過就同朋友去試咗。入面格局似日本啲餐廳㩒機揀嘢食然後入錢出飛揾位坐，下午set全部都係啲平價定食咁，以為會有扒類但係冇，我同朋友一人揀咗一個餐share，芝士泡菜豚肉同肥牛燒。佢嘢飲係自助，任飲，有暖水，暖甜紅茶（唔明點解要落糖），仲有味噌湯，湯我冇飲，水因爲係暖我都冇飲，好在有帶水。唔好彩地我同朋友坐咗喺正佢爐前，佢炒嘢果陣其實都幾大油煙，跟住佢裝咗兩碗飯比我地，竟然唔係珍珠米，係啲絲苗米咁，仲要個飯唔好食，我冇食晒個飯，泡菜豚肉有芝士面，多肥，味道唔叫好食，正常，肥牛極薄，所以佢一炒就碎晒，碎濕濕咁，都係偏油味道正常唔叫好食，公道啲講，價錢唔算貴，豚肉餐$60肥牛$70，但呢個價錢如果去食日本定食餐一定好食過佢，同埋接受唔到食日本嘢竟然唔係食珍珠米，唔知晚市會唔會好啲，但我應該唔會再去食。…查看更多

個炸薯條唔得，炸得唔夠，好淋，有少少油，啲椒鹽粉唔多，又冇茄汁，其實冇咩味，外賣拎走冇竹簽，總括嚟講，又唔係難食嘅，但16蚊，仲要講到淨做小食我會諗你要做得好專，但薯條都係咁嘅質數我就唔會再試其他嘢…查看更多

一個閒日嘅12點左右，我入到餐廳只係得我一個人，好似啱啱開門，我坐咗喺張二人枱背住個門口。我叫咗鵝肝黑松露意大利飯，蒜蓉包同南瓜湯，餐湯我見有蘑菇湯同南瓜，而本身我係想叫蘑菇，不過唔知老闆定侍應話不如南瓜湯，唔知係啱啱開蘑菇湯未準備好定咩，咁我都冇所謂，個包同湯都ok，未至於好好味，喺我等緊個飯嚟果陣，果個唔知係老闆定侍應嘅男人安排咗個男人坐咗喺我同枱對面嘅位置，我即刻望一望我四周圍係咪坐滿人，全場連埋我得4個客，1個坐咗喺另一張二人枱，一個坐咗張四枱，全場成廿幾個位，係咪一定要咁安排呢？！我自問唔係麻煩客，但我比得呢個價位食呢個午餐我覺得個安排可以好啲，唔需要咁，我食一個$98我冇記錯應該係最貴嘅午餐，我唔認為我可以當四五十蚊快餐咁食，如果餐廳係滿座，或者半滿我都算，明白做生意想揾多啲，但全場得4個人，有需要做到咁？！仲要張二人枱係好細，我覺得我仲衰過去食車仔麵搭枱，個飯未嚟已經黑面唔想食，如果我係被安排搭枱果個人我會唔食去過第二間，但我係被搭枱叫晒嘢走唔到，我好想出聲但個飯未嚟唔知應唔應該出聲，但已經好嬲，飯嚟到，講真，亦冇想像中咁好食，鵝肝好薄，啲飯偏硬，入面啲蘑菇都係偏硬/生生地唔夠熟？！唔知關唔關啱啱開門事，真係有啲硬，平時我一定食得晒個飯，但今日只食到一半，黑松露味係香嘅，個味道ok，係感覺應該要煮耐多少少，感覺係少少生，未至於食唔到，但食到一半已經唔想再食。先講食物質數，如果以我比$98食呢個質數係唔滿意嘅，我見佢啲意粉餐係平啲，可能性價比會高啲，再講服務，我相信食品同服務質素對餐廳同樣重要，再好嘅食物但服務唔好都唔會有人反轉頭，首先我自己就係，呢次嘅不愉快經歷令我唔會再比機會佢去試其他食物。…查看更多

我book 咗枱3位7:30，當晚大約7:20左右坐低叫嘢食，我地坐outdoor 卡位，環境唔錯，叫咗個咖哩包、菜、魷魚、蝦餅、冬蔭公，3個人都唔算叫得少丫，嘢食係唔錯0既，我地一次過叫，好快就差唔多食晒啲嘢，冇幾耐有個waitress 走埋嚟，我地就順便諗住叫埋個甜品，點知佢走埋嚟話叫我地交枱，話好多人等緊張枱，唔可以再叫嘢食（態度非常之差，係唔比再叫嘢食，唔比落order），知會我地一聲就轉個頭出埋單比我地，我地越諗越唔對路，就問佢用餐時間係幾多，佢話係個半鐘，首先由我book 枱到攞枱佢都冇同我講過要限時用餐，其實佢一早同我講限個半鐘我未必會揀呢度，而如果真係有限時你應該會通知要last order仲有冇需要再叫嘢食，唔係一埋嚟就要收枱埋單，再講，我地望一望隻錶發現我地只係食咗一個鐘左右，佢一話個半鐘我朋友就開聲話我地食咗一個鐘咋喎，個waitress 即刻呆咗，然後猛話唔好意思，我地勁嬲，食咗一個鐘就趕人走仲趕過我去食放題囉，我地走果陣仲見到隔離2人枱0既客仲點緊嘢食，但佢地仲早過我地入坐，非常非常之嬲﹗我覺得其實係冇實際限時用餐，只係我地枱面啲嘢食晒，8:30左右仲要星期五好多人仲等緊食飯佢就趕我地走，咁趕人走，我都係第一次見，幾好食我都唔會再返轉頭囉，好嬲好嬲﹗…查看更多

星期一晏晝揾嘢食，幾間想食0既一係就星期一冇開，一係就未開門，因為未食早餐0既關係有啲肚餓，所以就入咗去食。一望餐牌，啲嘢都幾貴，我叫咗個崩沙腩麵，嚟到發現好細碗，幾啖食晒，個咖哩係幾香，但係我碗麵得一舊腩，其餘都係啲腩皮咁0既嘢，咁樣收35蚊完全唔值，同行有小朋友唔食辣，叫咗碗魚蛋麵，又係得幾啖同三粒魚蛋，亦冇特別，食過一次可以唔洗再去，如果好鍾意食咖哩0既話都可以一試，如果唔係其實可以食其他嘢…查看更多

本身已經book 咗枱，7:30pm去到門口見到好多人，心諗：好在book 咗啫去到拎枱，佢話有朋友已經拎咗枱，喺樓上，咁我上去揾啦，點知揾唔到跟住門口個姐姐話果個人講到時間電話所以以為係我地就比咗張枱佢唔知係佢唔小心定咩，但我覺得佢似比咗熟人然後求其敷衍下我地，但佢話下一張比返我地但係7:30 呢啲時間張張枱都係啱啱開始食咁，唔知要等幾耐，又熱後尾等咗10分鐘到，佢話比張枱我地，我地3個人，我見佢拉多張櫈去張2個人0既枱度我地3個人，我差啲想話佢，3個人點坐，跟住佢開多張摺枱拍埋落張2人枱度我地都算，因為出面真係好熱，唔想等我地見weekday 都咁多人，所以都抱有期望諗住會好好食我地叫咗蒜蓉包、青咖哩牛腩、冬蔭公、串燒、同埋馬拉盞通菜一嚟上咗個冬蔭公同蒜蓉包，個蒜蓉包唔係好熱，但外脆內軟，蒜味唔太濃，我自己就覺得ok個冬蔭公就望落好濃，但飲落就唔夠過癮，唔夠辣又唔夠酸，感覺唔係稀，但就覺得唔夠味，一般到個馬拉盞通菜，都係偏淡，唔夠熱，但都可接受，一般到個串燒，豬牛雞我地都有叫，又係唔熱，啲肉好鞋，個醬又冇咩味，呢個唔合格到最後個青咖哩，係我最失望，個咖哩冇咖哩味仲甜甜地咁，又稀唔夠杰身，好水同埋又係唔夠熱，啲牛腩就尚算可以，但叫咖哩個咖哩汁唔得就好大件事食到呢到我同朋友都覺得真係好麻麻地，openrice 個評價我覺得overated 咗唔知會唔會係我叫果幾樣都唔好食，其他嘢會好食啦，但食過今次我應該唔會再去第2次…查看更多

9點10分開始等位，以為weekday 仲要咁夜應該唔會等好耐﹐但最後都要等成個鐘先入到場，但其實我覺得有少少因為佢地安排上面問題以致要等咁耐，事緣我同朋友2個去食，2人枱飛仔係A，3-4人枱飛仔係B，拎飛仔時以我所見2人等位唔多，tht's why 我同朋友會決定等，如果知道要過10點先入到去我地唔會食，一路等，發現問題係佢極少放2人枱，不斷叫no. 都係3-4人枱，觀察所得場內應該沒有2人枱，2人入場都係坐4人枱，為咗賺到盡，所以盡放3-4人枱0既B no.，差唔多隔15-20分鐘至放一張2人枱，等到差唔多9點45分，所有3-4人已經入晒坐，只有數group 2人組合仲等佢放位，都冇得唔等，唯有寄望等得物有所值，10點10分左右終於入場，佢收11點半，所以我地係食唔足個半鐘，我地叫咗壽喜燒湯底，最平係$138牛加豚，我地叫咗 $168極上牛同豚，配料選擇都算多，菜類都ok 新鮮，醬料非常差，麻醬同豉油又稀又唔好味，係唔好味而唔係冇味，未試過打邊爐唔想用個醬油個湯底都係好差，超咸，得個咸字，冇壽喜燒應該有0既味，好後悔叫咗呢個湯底，而主角牛同豚，一上牛見到樣好似都唔錯，不過食落就...唔值$168我地仲有叫個waiter 比碟$138 0既牛我地試，發現同我地食緊$168差唔多，可以講係冇咩分別，我地問過個waiter 分別喺邊度，佢話$138係美國牛而$168係日本牛，不過真係食唔出有咩分別，其他配料味道一般，成餐最滿意就係啲菜，其他我都覺得唔好食，包括個湯底同醬料，友人有試到佢果度0既雪糕乳酪，乳酪配料都算多，味道都可以不過溶溶地，我有食到所以唔評論。總括嚟講，呢度真係試一次就夠，唔會有下次，同同類型0既日式火鍋店比較，我有試過牛涮鍋同牛陣，2間都有再返轉頭食，牛一係最差…查看更多

以前唔洗book 位成日都會去食 New York Cafe因為又抵食又好食唔知幾時開始，做起左之後多人到係淨係接受預先book 枱而唔接受walk in 客再加上佢個電話真係唔係成日都打得通，我試過打左幾日都打唔通所以之後就好少去食，因為覺得好麻煩，又限時間之後轉左多左去savour，雖然係貴0的，不過勝在服務好又好食，坐得又舒服今次係因為有朋友生日提議去 New York Cafe 食又比我個朋友一早 book 到位wor~ 當然高興，亦都好期待到果晚，我朋友整左個蛋糕事先拎去 New York Cafe佢話要收$50 切餅費，我地話冇問題等齊人我地就入座一行4個人，3女一男叫左3份 set dinner：2份 t-bone steak，1份炭燒安格斯牛柳1份唔知咩蝦，1份炸雜錦拼盤一黎上餅同餐湯，都ok，不過點餅果個醬就少得可憐跟住好快就上蝦同拼盤拼盤好細份，就咁睇我開頭以為佢上錯左洋蔥圈幾個人分我都唔記得入面有0的咩印象中有洋蔥圈，有炸魚，有薯角，之後就唔知喇呢個拼盤都仲好似唔平，因為唔係我點所以唔知幾錢，聽友人講好似都要差唔多一舊水至於味道，唔特別亦唔突出，炸得都脆0既到蝦喇，唔記得左叫咩蝦，好似係至尊蝦?定奇趣蝦? 一上枱好香，0岩0岩好4隻一人一隻味道唔錯，唔係好大隻，唔記實際幾多錢，不過唔係特別平雖然味道唔錯，但又未到好好食，覺得唔抵食，下次唔會叫到主菜喇，t-bone steak好大塊，我諗呢度得 set dinner 係抵食我叫左 medium，出黎覺得比medium 熟少少，但我都ok塊扒係好大塊，不過食落... 冇以前咁好食唔知係自己依家食野咀刁左定佢水準真係差左覺得冇乜牛味，少少鞋，但係以一個 set dinner 百幾蚊咁0既水準我係收貨0既另外友人0既安格斯牛柳好生，不過佢話接受到唔知好唔好味一路食上菜都好快，好似一上左蝦同拼盤冇耐就上埋0的扒，因為張枱唔係好大0既關係我朋友就係咁分0的0野食落我地隻碟度等佢可以收返拼盤同蝦果隻碟我地4個人3個 sets，我地3個女仔就分2塊 t-bone我個朋友未食完，個 staff 就拎起佢食緊果隻碟打算收起佢要知道 t-bone steak 係有舊好大0既骨，我朋友就正正食緊骨果0的位0既肉冷不防停低傾幾句計個staff 就即刻拎起佢個碟想收起佢我朋友即刻截住佢話未食完，個staff 就放返低大家呆左，如果佢覺得個客食完想收碟唔係問題，不過會唔會都問一聲好0的問都唔問0係個客身後拎起人地隻碟真係幾冇禮貌感覺佢地好趕，想趨人走最後上埋野飲，跟餐可以揀檸茶檸水奶茶咖啡我記得以前可以揀凍或者熱朱古力，不過依家好似唔得lu我要左杯凍檸茶，友人點左凍咖啡同凍奶茶味道唔特別，茶餐廳水準到差唔多食完0野，我細細聲同個其中一個staff 講叫佢上蛋糕隔左一陣，另一個 staff 行出黎走左去壽星女果邊，大聲咁問：要加$50 切餅費有冇問題?我地幾個朋友呆左囉壽星女唔知我地預備左蛋糕比佢我相信個 staff 唔知係邊個生日純粹冇用腦咁問是但一個就算佢唔係問中生日果個，佢是但問一個都唔洗當眾咁問下嘛同埋一早講左$50 切餅費冇問題，點解仲問??如果要問0係我話上蛋糕果時可以問，點解又唔問仲要唔係問返叫上蛋糕果個雖然切蛋糕呢part 唔係真係咁 serious 咁要驚喜但係一間做得細心少少0既餐廳都唔會咁我地全枱得啖笑，地方迫又趕頭趕命咁趨人走於是後尾我地都冇0係果度切，拎走去第2度切總括黎講呢餐係失望0既set dinner 加左價但係都唔貴，質數ok 可以接受其他0野食價格偏貴唔特別好食服務態度... 未到黑口黑面，係冇表情同趕囉地方迫，枱與枱之間相隔好近，唔方便傾密計，仲有0的嘈如果係食快餐呢度都仲係唔錯，即係人少少叫個 set dinner 食完即刻返屋企果0的如果打算慶祝生日紀念日聚會食飯就唔好揀呢度…查看更多

今日係第3次去食，為0既係佢地0既格仔餅其實佢果度0既0野食唔係平，款式都唔係特別多之前食過雞扒薑蔥撈丁，雞扒個片係脆0既，唔錯撈薑蔥唔算好特別，個丁面亦冇因為撈左而好食左，只係普通丁面連野凍飲加半份格仔餅要$50，我覺得有0的貴亦都食過呢度早餐0既粥餐，菜乾豬骨粥加半份格仔餅呢度0既粥冇得揀，佢今日係咩粥就淨係得果款粥粥入面菜乾有好多，豬骨有一舊，不過冇味0既，我咬左少少就冇食味道麻麻地，冇乜豬骨味，冇0野飲要$26，下次唔會再考慮，都係貴左少少，同埋個粥唔好食今次朝早我淨係要半份格仔餅，$11佢果度冇寫淨半份格仔餅要幾錢，不過我記得有次聽到佢地同個客講好似$10跟住我見到收錢果度有張紙寫住外賣格仔餅加五毫，其他食物加一元我以為會有五毫尾咁我就拎左一張20加一個五毫出黎啦點知佢問我做咩（態度麻麻地，又未到好差）我就話：唔係格仔餅加五毫咩佢話：你半份格仔餅丫嘛﹗$11我唔係介意比多五毫，不過唔該如果你張紙唔 update 就唔好 post 出黎到我問你你語氣好似仲係我錯咁到拎餅佢淨係搵塊紙包住個餅就咁比我我問佢地有冇袋，問左2次都冇人理我唔知係因為早餐時間忙定佢地特登唔理我不過我都比左$1 外賣費丫，袋都唔比個我唔係話我唔環保，而係你要知道格仔餅入面有花生醬有練奶，佢包住果張紙又唔係防漏油我手拎住行又唔係，放落袋又唔係如果你果$1 外賣費唔包0既都出下聲丫服務態度客觀0的講唔係話好差，只係唔好囉食3次，3次個膽都係格仔餅咁都要講下個格仔餅個格仔餅真係唔錯，唔好脆好硬果隻係有少少煙韌果隻，花生醬有脆脆花生粒，加埋練奶好味不過我發覺外賣同堂食個樣就差少少0的花生醬搽到一忽忽，同埋好似少0的醬，唔係0係 openrice 睇到人地堂食果0的搽得咁靚總結：野食除左格仔餅，其他冇特別唔係話佢0的0野唔好食，除左個粥，其他野都above average不過都唔係特別好食，即係丁面你自己煮0既同佢比0既係一樣煎蛋火腿好食極都係煎蛋火腿，同大x 樂果0的冇分別，不過可能佢煎得靚0的同用心0的不過以佢0既價錢黎講我覺得偏貴，所以唔會成日去食…查看更多

今日同老公出去行街，食日本放題一諗就諗起大喜屋，不過我地又唔想0係旺角落返尖沙咀，唯有0係旺角揀一間食近幾年食過0既有大喜屋、松屋同五月花得大喜屋係食完會想返兜，其實旺角都有好多間日本放題尤其係兆萬，樓下都企晒人派傳單coupon，見到有間叫大和燒0係我地仲諗緊食邊間果陣個亞傳單亞姐就係咁cher 我地，又話幾正幾正仲私下比張9折coupon 我地老公就話冇所謂，反正都唔知食邊間就去試下可能我地早食，大約6:45左右，所以唔係好洗等位到叫野食0既種類：都ok 啦，正常囉刺身黎喇，醋鯖魚都冇魚，得果塊黃色醋籽，好鯹0的白肉魚刺身又係好鯹三文魚冇味，試想像一下三文魚口感但冇味炸野還可以，不過唔熱最恐怖係0的肉串燒有陣好怪0既香料味，老公話似大陸用果0的唔知咩香料我地都覺得怪怪地冇食0野飲又唔係罐裝係支裝唔好飲又冇晒氣甜品最好食已經係牛奶公司雪糕仔，仲要限住每人食2個甜品總括黎講9折左都一0的都唔值，就算7折我都唔知去食，真係唔好食同唔新鮮…查看更多

之前每次經過都會買黎食，因為覺得佢比其他 froyo 足料同埋 yogurt 個味都ok~尋日又咁0岩行開果頭就入去買左杯 large, 2個 topping以前大杯裝佢0既topping 會分2層, 佢吱一半yogurt 會落一次topping, 再吱 yogurt 再加一層topping尋日買我見佢一次過吱, 得一層topping我就問佢: 唔係2層0既咩?職員: 唔係呀我: 以前係2層個wor職員: 依家唔係呀依家如果得返一層0既話我覺得一0的都唔值32杯一, 佢topping 0既種類唔多亦都唔特別二, 雖然話係 yogurt, 但我覺得只係 yogurt 味0既軟雪糕咁樣只不過係yogurt 軟雪糕加 oreo 同士多啤梨 (large 跟2個 toppings)點都唔值32呱如果知道佢咁, 我就唔會食, 我不如食haggan dazs同埋 staff 態度都麻麻地, 感覺就好似: 係咁架喇所以冇下次~ holly cow bye bye~~~…查看更多