ingg215的個人專頁

屋企人介紹呢度既腸仔蛋飯好好味，我都半信半疑，腸仔蛋可以有咩咁特別呀？一行五人泥食LUNCH，我屋企既成員分別叫左豬扒面，招牌咖哩雞飯，腸仔＋蛋＋雞扒飯，排骨飯。腸仔蛋飯都唔平呀，要成３０幾蚊，我就試一試呢個"頹"飯啦！呢度無套餐既，野飲要另嗌，＄１８起，家人要左好大個玻璃樽既蜜桃汁，凍奶茶同熱奶茶，好大杯！尤其係熱奶茶，簡直係用HUGE板既杯！以上提左好多唔同食物，但我只專心食我既腸仔蛋飯，所以淨係介紹佢啦。貌相好好呀又大碟喎！有３條腸仔已經令我好驚喜，蛋我要左煎太陽蛋，配蕃茄汁。撈住蛋汁同茄汁送飯，正！腸仔爖爖地咁，好味！３條食唔哂，要分Ｄ比家人。無影到相：以貌相計排骨飯好差，一大PAT白汁，家人１號話味道都麻麻地。豬扒面得一塊唔大既豬扒，我驚家人２號食唔飽。招牌咖哩雞飯，腸仔＋蛋＋雞扒飯，見家人３，４號都食得好滋味，YEAH:)好適合一家人食既餐廳，另外好多客人都有帶埋狗仔泥溜。邊食邊望下海邊，一路傾計一路聽到Ｄ狗仔既吠聲，好愉快既假日午餐。NICE！…查看更多

唔睇OPENRICE食評都唔知IKEA CAFE有呢個瑞士肉丸漢堡，行埋去CAFE MENU睇真D先見到。提議IKEA可宣傳下呢個漢堡，好抵食。瑞士肉丸漢堡餐＄２６，揀左橙汁飲。橙汁幾新鮮，好飲呀！漢堡入面有５粒丸，一塊芝士，同數塊酸菜。我先食上層既包，邊食邊點下Ｄ芝士，酸菜，篤下Ｄ肉丸食；再到下層既包，慢慢嘆。當佢係平時Ｄ漢堡咁一大啖一大啖食係唔可能的，Ｄ肉丸一定會碌哂出泥總結：當下午茶咁食個瑞士肉丸漢堡餐真係好享受！會再食！…查看更多

支持一品王北角分店大大話話有一年了，每次泥都係叫牛腩河。呢次叫左牛腩河＋忌廉套餐＄２８往時既牛腩肥膏多Ｄ咬落爽口，全碗牛腩都好沐既。近幾次食都好"鞋"，好難咬，同埋Ｄ河粉痴埋一舊，好失望。:(希望會改善下啦！…查看更多

ＬＵＮＣＨ　ＴＩＭＥ：我要左個３０幾蚊既餐，名堂係雞肉火腿蘑菇意粉＋蝦條，佢比左個＂兒童餐＂都不如既意粉比我。女仔減肥都唔會係呢個份量，離譜！Ｄ汁係ＨＥＡ到不得了既蒜汁，雞肉變左＂肉碎＂佢所講既火腿都冇條。總括而言就係＂袖珍＂！！兼難食！！！！！野飲要左杯凍既紅豆冰，相對係極差既袖珍意粉係較好囉。…查看更多

同媽媽兩個人去食＄３８抵食龍蝦。上湯龍蝦伊面好快就送到，龍蝦幾鮮味，份量都可以但好快就凍。送埋西瓜食埋　到埋單果一刻先話唔可以淨係要一樣餸，咩料呀食龍蝦前有個呀姐既態度已經好惡劣，我地要求換過Ｄ碗，好污糟…佢話＂因間比水你地自己洗呀，明唔明呀？＂個經理叫個低級Ｄ既泥同我地講唔可以單要一樣餸，真係＂好負責任＂喎。我要多味燒煵仔＄３８，個女人經理鬼哂面咁行開。－燒煵仔都係好快送到，都幾油下，肉味道係可以既，但個脆皮好咸。…查看更多

蝦腸　腸粉夠滑，都有唔少蝦。燒賣　不過不失，可以一試。蝦餃　皮薄，蝦仍然係好足料。炸銀絲卷　呀姐話冇哂煉奶呢樣係幾不能接受 個皮炸得幾靚，夠硊桂花糕　清涼！但有Ｄ冰得滯大隻糯米雞　好足料～推介…查看更多

泥Ｃ＋呢度飲過蘋果汁、鮮奶珍珠。蘋果汁好青新；而鮮奶珍珠Ｄ珍珠就甜得滯唔好飲呢次試左香芋奶茶，諗住味道都唔會差得去邊，點知淡而無味，好失望。小小甜味或者香芋味都飲唔到:(　…查看更多

薑汁糖水芝蔴湯丸，有５粒湯丸。（所有糖水有得揀大細既，大既加多兩蚊，係真係好大！）而我呢個５粒芝蔴湯丸係細SIZE泥既。咬開左少少個湯丸皮，D芝蔴已經湧緊出泥～正！…查看更多

兩個人泥，我要左隻大珍珠雞（＄２３）同燒賣（＄１３）同行朋友要左常餐（＄３２）揀左茄牛通粉；蛋、餐肉、多士、同凍飲（＋＄２）燒賣　好求其:(　無論賣相定味道珍珠雞　入面有叉燒，雞…味道好濃，但稱唔上係好食朋友話個炒蛋好似M記早餐果D…其餘佢就話還可以呢餐食左＄７０，完全唔值。…查看更多

第二次泥，上次食過相撲火鍋同串燒， 呢次試下第D野。難得星期日晚上七點幾都唔洗等位～四個人食左以下既野，四百蚊有找！抵！串燒：三文魚腩　好肥美饅魚　饅魚同饅魚汁配合得好好肥牛X蕃茄 肥牛包住車厘蕃 咬果時蕃茄好JUICY！必食！海鮮丼：個飯有Ｄ碎蛋，海鮮方面有三文魚，劍魚，帶子，鮮蝦，魚子；仲有豬頸肉添！個配搭幾特別～加小小醬油撈飯已經好好味！讚芝蔴味單骨雞翼：個名好特別～味道仲特別！必食！薯蓉沙律：我唔中意食沙律所以冇食明太子玉子：相對下冇咁好味既一道…查看更多

我O係呢頭番學既；如果好彩提早落堂既話，行到落泥松記未夠一點，就唔洗等位。呢個星期既lunch食左兩三餐松記，一來生飛痱要食清淡D，二來天氣凍食粥暖和D:)呢次食左皮蛋瘦皮粥＄１５，同埋齋腸＄８相中既齋腸已經食左一行架喇。＄８好抵食　夠哂多腸粉呢度既粥好綿，但係皮蛋就太少喇，如果再落D花生就更好嚕（好貪心）雖然係坐得迫D 有時又會漏單 但為左咁綿既粥 價錢便宜既腸粉～ 值得既！:)…查看更多

食過好幾次呢度既＄３８龍蝦　適逢佢又推出呢個優惠　當然又要再泥回味一番！同屋企人六點幾就泥到，所以唔洗等位。三個人要左三碟餸：唔少得既龍蝦X伊面伴碟（上湯味）[仲有芝士味可選、炸子雞半隻同埋六隻元貝。雖然話係大特價龍蝦，但份量絕對唔少！仲好鮮味添～已經切好哂比你　唔需要動用鉗就可以輕易食到美味既龍蝦肉:)伊面好入味～充滿住上湯同龍蝦既味！正！炸子雞個皮炸得好靚！肉都好嫰！冇得彈！元貝好多肉！粉絲同蒜既份量剛好～襯託住多肉鮮甜既元貝！VERY GOOD最尾仲有西瓜送！新鮮夠多汁！非常滿意呢餐晚飯 一人一百蚊有找！三個人TOTAL＄２９８週末會再同屋企人泥！已經PLAN定五個人以上可以嗌兩隻＄３８龍蝦 …查看更多

明明見到入面好多空枱，D客陸陸續續咁走，但D待應都唔會積極D執枱 嗌咪帶客入去坐一味個門口窒滿等位既人即使入到去有位坐；張枱都係唔乾淨。個MENU更加離譜，長期痴立立既。幫襯過好多次，服務真係每況愈下但係見廿幾蚊就醫到肚、食到意式野，都抱住不妨再食既心態。呢次泥食ORDER左芝士雞扒鐵板，同朋友一人一客呀！咸到不得了　之后加單要多個飯，等左十幾分鐘都未到，問待應係咪漏單　佢去CHECK左一CHECK就番泥話' 係 '， 好老實。一句' 唔好意思 '，' 馬上幫你落番單 '，都冇！即使價錢平都要提供到應有既服務態度！劣評！…查看更多

要左個農夫包餐＄５５　揀左牛腩農夫包　配蕃茄牛腩湯　同凍檸水。等左十五分鐘左右，農夫包泥喇！比我想像中細　兩個人會唔夠食。試下個餐湯先～　所謂蕃茄牛腩湯同羅宋湯冇分別　有欠誠意喎！農夫包入面D牛腩好淋 幾好味既但係個包唔脆既？　同埋個汁唔夠熱扣哂分！:(總括：不值一試。…查看更多

終於試到久仰大名既聰嫂:)好幸運地10點幾去到 唔洗排隊等位要左個紅豆茸豆腐花 凍既!紅豆茸係冰雪紅豆茸泥既 好特別!面頭有幾粒紅豆 豆腐花好滑我比99分!! 扣分既地方係紅豆可以落多小小友人要左熱既椰汁鮮奶芋頭西米露係有一粒粒芋頭佢話還可以 我試左小小覺得唔錯 當然紅豆茸豆腐花係更值得一試! …查看更多