owl eliza的個人專頁

咁嘅價錢，我個人覺得去酒店飲茶好過去一間聽到操口員工的九流食店用膳。成日漏單，又小員工，要叫幾次先有人過㴝，但就有位亞叔企係出餐位成日鬧侍應，中間夾雜操口，個場好多一家大細，唔該要訓話留番落場時間啦，攪到好似去咗大排檔咁，但收費又當自己酒店格局，呢D地方去一次就夠！…查看更多

返工前特意去食小窩薯粉，因為唔太食得辣，點小小辣味道絕對適合食唔到辣嘅吃貨，最愛佢唔會一味得酸味，金湯低食完都唔會口渴。冬菇，蘿蔔炆得夠淋，凍O茶唔駛特意叫少甜，絕對唔會飲到糖尿病。最後要讃一下服務員，特別企收銀位哪個領班，真係好好禮貌，不只對食客，我見佢對樓面同事都好客氣，抵讚👏🏻👏🏻…查看更多

朋友特意從國外來港請吃飯，一定要找間出品超群的海鮮店。提早叫師傅買定超大瀨尿蝦，今晚仲攪攪新意思，龍蝦刺身，蝦膏頭殼留起煮粥。三個人樣樣食D已經夠曬飽，如果多人少少可以叫埋蒸聖子，菊子魚呢D手工菜，埋單價錢比錢位老闆好滿意，仲問係咪蝕錢做生意😂😂…查看更多

點了湯拉麵和沾麵，麵有彈性有咬口，份量也不少。湯底個人覺得偏淡，肉也不會有膩的感覺，反而荀有驚喜，吃多多也不厭。總括來說適合注重身形而又想吃拉麵的女生，價格在今天銅鑼灣區算便宜，經過可以試試！…查看更多

今年中秋飯聚改在8月16食，既可避開人潮又可保證出品正常。今日點咗1湯6餸，上菜非常之快，龍蝦伊面，蒸魚同文昌雞係一set叫共599元，以咁嘅價錢來講叫做不過不失（文昌雞略鞋，通菜炒牛肉好大碟（菜多牛肉少），西蘭花炒帶子好味，椒鹽鮮魷我見到個炸皮一般般就冇試，不過見其他人都食曬應該OK，響螺頭燉雞豬展湯好香甜，188來說有成7碗算係咁。埋單1500元左右，下次可以再去。…查看更多

今日想食醉雞米線不過未夠12點未開店，改咗去農米莊食，星期日treat day比個藉口自己食好D，點咗個花膠雞湯米線,加粉絲春卷小食。湯底好清唔油，呢點抵讃，花膠夠淋但唔係好夠膠質，雞幾好味，總分我比85，如果湯底濃D會加分。小食可以唔叫，D油應該用咗多次，好黑下下次會再試其他湯底，不過等過咗炎夏先。…查看更多

一心慶祝朋友生日，特意提早3週訂枱，可能晩飯沒優惠，好似整晚得四枱客。點了一牛一豬火窩，烏冬，魚生沙律，兩杯啤酒，二人食剛剛好沒有特別飽，A5和牛配飯係好食嘅，魚生都好新鮮吞拿魚食到鮮味。特登買咗件西餅諗住同朋友吹蠟燭來個快食（唔駛用店內餐具）都知道生意唔好，好多食店都收切餅費，但我地只係一件小小cheese cake都話要收，幾好食都冇下次，做生意都唔識轉彎，老闆應該大把錢唔志在。唯幸職員都好好講返句生日快樂，先冇咁掃興！…查看更多

呢間食過幾次，覺得今次食好似D side dish減咗價，田園沙律先加5元，松露醬fries加10元（呢個我冇叫，因怕食唔曬）。今日試最普通的溫泉蛋卡邦尼意粉，意粉煮得剛剛好，煙煙韌韌咁配埋個撈咗蛋黃嘅汁好食到一條都冇剩。杯cappuccino （nutty）唔夠香，要加20蚊有D小貴，埋單116元含年初三加一小費倘可以接受。希望店員播返D呢兩年樂壇新一代嘅歌，呢期唱得最好嘅MC或者Jay Fung都冇，仲播楊千嬋真係好趕客！…查看更多

今年終於可以一家人出去食團年飯，諗都唔駛諗提早半個月訂枱，雖然年廿九，但八點呢－輪依然满座就知道呢間隱世私房菜有料到。店家提早五日what’s app溝通好菜單，人齊馬上起菜，每碟份量相當多，味道剛剛好唔會話太濃，特別係碗花膠響螺湯非常清甜，每人分到兩碗（掛住飲冇影相），花鵰蛋白蒸肉蟹，肉蟹啖啖肉，蛋白有酒香非常好餸飯，玉樹臨風雞擺碟有心思，雞味濃而肉嫩滑，平時唔多食雞都吃咗兩件，東星斑兩斤，火候控制得剛剛好，食到乾乾淨淨，基本上每一道菜都好味到食晒，唯一可以彈係上湯浸菜仔，話菜仔其實每條都粗大，可能趕上菜而浸得唔夠淋，所以食剩小小。8個人食咗10道菜，仲有碟超大份御膳炒飯（無影相）加三個白飯，真係好跨張，對於食環境的這裡一定非你首選，但想食好味而抵食的，呢度一定唔會令人失望。…查看更多

Kuri Cafe我每星期都會去食一次，最愛蟹肉意粉加三文魚加熱咖啡。今個星期連續兩日去食下午茶，因為雞肉墨西哥烤餅實在太好食，今日仲有可愛外甥女陪食。意式奶凍不過不失，單點要38元以街坊角度覺得略貴咗少少，如果跟餐加28元，或且出個甜品餐跟飲品會更有競爭力。下午茶跟餐花茶包可無限添加熱水，唔好浪費咗個茶包啊！希望住附近的街坊多多支持呢間Cafe，見最近都有幾間非連鎖式食店關門，真係有D擔心呢間小店。…查看更多