or#Tm65854977的個人專頁

第一次寫評論，因為呢間餐廳用各種方法係時限未夠之前趕人走，希望大家唔好中伏。我們一行三人到餐廳食晚餐，埋單$600，未食完就俾人趕走，一肚氣。叫咗五碟嘢食，餐廳限時90分鐘，食到一個鐘左右，當時朋友仲拎住筷子夾緊其中一碟餸，一個態度惡劣嘅男侍應無啦啦行過嚟收走我朋友隻碟，同埋幾碟未食完嘅餸（其中一碟豬肉炒芥蘭，碟上面仲有三四舊豬肉，個侍應竟然夠膽問我哋仲要唔要）當時我哋好愕然，第一次食都未食完就無故俾人收走隻碟。隔一陣，有另一個侍應過嚟問我哋要唔要甜品，我哋話唔要，再之後嗰位態度差嘅男仕應就再返嚟收走埋我哋三個人嘅碗碟同埋餐具下面墊住個張紙，我地三個人O曬嘴，當時我地都未坐夠一個半鐘。有個女侍應過黎話我地仲有5分鐘就坐夠個半鐘，要求我地埋單，我地都快手比錢走，唔想再留係度受氣。咁卑劣既服務態度，去餐廳食野仲要受氣，我係香港真係第一次遇到，我平時經常去airside，一定唔會再幫襯呢間垃圾餐廳。…查看更多