AdamKwong的個人專頁

尋日過屯門同親戚食lunch，就去左屯門嘅龍門一番試下，之前都有去過荃灣分店覺得唔錯，睇下屯門水準o唔ok另外見到佢地派食，仲有禮物，細問之下原來係逢星期一長者派飯，而且係全城搶口罩其間派口罩幫助老人，真係好窩心💛花雕醉豬手，同土匪牛肉都係我嘅最愛，黎度必叫之選干貝賽螃蟹係其他地方試過，始終無龍門呢度岩我好味當然唔少得魔鬼天使小籠包啦原來每星期一都有長者派飯有口罩派同消毒用品，其實我都好想要😅…查看更多

尋日放假，約左女朋友到澳門行下街，夜晚行到攰想食少少野，竟然遇一間一試難忘既pub，位於百老匯美食大街，我地只係walk-in，門口相當有氣氛，可能我地時間比較早，人唔算多，唔駛等♥️♥️坐低食左少少野叫左2份食物，原來諗住酒吧野食無乜期望，但係食物質素唔錯，行到攰曬仲有美食實在太幸福呢個一試難忘,我同女朋友搶住食呀食飽飽嘆返2杯啤酒，充滿體力又可以繼續行總括有個唔錯愉快既經歷，酒服務唔錯，價錢ok，下次再黎澳門必定再次光顧…查看更多

更早前同朋友試一間新開既椰子雞煲🙄🙄，同朋友行完而家，攰到死😰😰😰，都無乜要求想搵間有位既餐廳，見到呢間無乜人就入左去睇一睇menu差d赫死😱😱，心諗中伏⋯⋯不過都入左黎無理由走，甘就賴野🙄🙄如常地叫個椰子雞🐔🐔，一d肉一d海鮮，肉相比價錢算少，亦食唔出特別新鮮，海鮮唔知關唔關佢事，總之我食完就肚痛，係肚痛其實附近有唔少餐廳，今次真係唔小心，以後唔好貪無人就入去，無人係有原因⋯⋯⋯…查看更多

本來諗住翔龍質素下降左，去試試另一間上海野，雖然之前無食過，諗住甘多分店應該無伏，點知真係仲伏，首先排隊拎飛已經夠亂，到我no.一直比之前走左返黎既入先，我都算，當新餐廳管理有d亂我本身係上海菜迷，要求都已經唔算高，不過食物質素真係差得緊要可算係今年食過最差既上海菜，最深刻係個蟹粉小籠包，完全無蟹粉味，裡面肉又梅，收我88蚊，28蚊我都唔會再食另一問題係最後我想去洗手間，一個員工唔知廁所係邊，一個點我出商場行十分鐘先有，一句無廁所商場先有咪得咯差評，請都唔再去最差蟹粉小籠包0分呢個水煮牛肉，睇賣相都心照燒濃左既味既濃味辣子雞全部食唔落…查看更多

前2日行沙田，岩岩發現到一間新開就去試，雖然都要等位，但唔算算好等好耐，入到去我地2個人點左3份，其實每份都算大份，下次2份都夠，可以加d小食🙈呢個碎吞拿魚腩海膽丼，真心推介正到爆💥💥💥炸牛漢堡咖哩飯，呢個炸得好脆，正！👍🏻👍🏻反而呢個和牛漢堡芝士海鮮麻麻地，漢堡煎太乾，芝士海鮮裡面得隻青口，唔知係咪因該我已經食飽左呢😅😅😅🤤流口水服務算唔錯👍🏻，價錢合理👌🏻，味道好好🤗，會再幫襯😊…查看更多

好耐未試過比差評，始終而家做餐廳艱難，但係真係唔比差評唔得同家人去行ikea，順利過愉景新城帶小朋友玩，一向中意食上海菜既我，懶得返轉頭搵，就貪方便試呢間，點知等菜等得耐都事少，所以菜，係所有！無一樣ok，我逐樣解説呢個四季豆，得豉油味，d豉油仲滴緊蒸蛋一份，講完，下次可以落少少鹽都好呢個大廚先煮到，甘多辣椒都可以唔辣無味，魚老甘就600，錢事少，浪費左我個胃既位置，同享受一晚晚餐既光陰總括，請我都唔再食🙃…查看更多

朋友介紹大埔開左間新拉麵，一於過去試試🤤🤤🤤去到都幾多人，好在我一個人去，搵個位試試應該唔係好難😅😅拿拿聲坐底叫野食先，湯底有幾款，我叫左碗高崎達摩 豚肉拉麵菜單有得選擇唔同配菜，面既軟硬度，果然好專業👍🏻👍🏻👍🏻拿拿聲試下先，湯底味道濃郁，口感唔錯，好似有以前係日本食到既味道，甘正既湯底，肯定要連湯清！最後補上好可愛既達摩汽水❤️大埔其實我唔係好熟路，不過對面好似有個救護站，下次應該唔難搵，拉面迷既我，一定要試曬佢地全部湯底😅😅😅…查看更多

呢排突然想食火鍋粥，諗起上次係網上見到小肥牛有個叫飽李鼎級滿粥既廣告，由於個名好好笑，印象深刻，一於約朋友一齊收工試試book左枱8點鐘，一收工就沖過黎尖沙咀呢間分店好彩今日人流唔算多，起碼唔駛等位先，lucky叫左野食未到，一於睇下兩隻蟹打交先，見佢甘生猛，肯定生鮮有唔同既醬汁同配料，有唔同口味既選擇主角終於登場啦，有傳說中既黑翡翠飽魚，花蟹，鮮蝦，斑片，同時令貝類，淨係睇個賣相已經好吸引，我唔客氣啦呢個set裡面，除左頭先靚靚既海鮮盤外，仲已經包括左6個餸比大家自己點，中意食肉既我選擇左西班牙黑毛豬，羊肉卷，鴕鳥肉等等已經急不及待放曬佢地落去，食物鮮味新鮮，連隻花蟹都好好肉好夠糕翡翠黑飽魚，肉質好淋，而且非常鮮味，我同朋友都食到停唔到～～最後上埋個粥底，仲有甘多配菜加入去本來已經煮左甘多海鮮已經好野味，加埋呢d特別配料，我食完直情想打包返屋企宵夜可惜我已經好飽，早知下次留定肚過黎食，食完埋單收費每位198，兩舊水都唔駛已經有海鮮粥煱食，仲有黑鮑食，真係不得了，食完有d怕熱氣，下個星期再黎食過…查看更多

好耐無一家人岀去食飯，今日選擇旺角區既旺角瓊華中心食烤肉，本來係諗住去6樓既牛x，但係因為2xx蚊位，我2兩位，小朋友仲要收錢，算啦食第2間，最後去左5樓既炑八韓烤，本來以為散叫會好貴，不過唔想再搵，聽朋友講都好似幾好食，就試一試因爲我第一次所以都唔知叫咩好，就直接同侍應講唔知叫咩好，靚女既侍應就問我想食牛/豬，最後佢介紹左一個豬一個牛，我點多份蝦同芝士溶岩飯，個芝士溶岩飯係我面前整，睇住d芝士一路溶撈落d飯度真係好正，果份牛肉同五花腩都好靚好好食，d蝦已經去左殼非常貼心，總算靚女侍應姐姐無介紹錯，非常滿足既一餐最後埋單6百幾蚊，仲平過樓上，以呢度既食物質素，單點既食物點都正過任食既質素，價錢仲平左，滿足既一餐晚餐，保證會再去…查看更多

上星期同朋友食la postre，今次呢間係銅鑼百樂中心，times square後面，識食既應該都唔難搵🤣😂🤣上到去環境裝修好精緻，適合我地坐底慢慢傾計食下野，雖然今次無點好多野食，不過餐廳推介既食物都好岩我地，而且非常好食😍，少有既正宗西班牙菜，菜色款色多而且特別，每一碟份量都好多，好扺食👍🏻👍🏻👍🏻可惜今次無機會食到佢地d甜品同手工啤酒，下次一定再幫襯試一試💪🏻💪🏻💪🏻…查看更多

放假帶女朋友去gold coast pizzia，發現左呢間新開既一浩kazuhiro，重本裝修，坐位舒服就入去試下坐底先發現原來佢地分別有壽司吧，鐵板房，同酒吧，今次就試左佢地壽司同刺身先waiter既service非常好，介紹左幾個壽司比我，最後因為我太為食忍唔住叫多個刺身，刺身相當新鮮，壽司配合特別，味道相當唔錯，以食物質素，環境場地比較，價錢相當合理食完大概5點幾仲可以睇埋日落，女朋友十分滿意，保證會再去…查看更多

訂枱訂8位，準時去到都竟然比6個位，如果無位係咪要提前通知客人得6個位，搞到迫埋一堆甘食，2邊既人得半張枱食野，叫個經理黎，問佢食飯會唔會坐半張枱食，佢同我講星期六將就下，咩叫將就下？可唔可以將就下做少2個人生意咪唔駛無枱，埋單你可唔可以將就下唔收錢？可唔可以將就下收6個人錢唔係收足8個錢？劣評，永不錄用…查看更多