lovanessalo的個人專頁

好耐之前已經想去呢間餐廳，所以已經bookmark咗好耐. 我去到嘅時間係大概下晝一點，全場full 曬，我哋叫咗一個lunch set 就係泰式蝦球炒金邊粉（$118）包一杯飲品泰式奶茶，另外一個佢哋好出名嘅虎蝦海鮮混亂杯麵 （$128），最後叫埋佢個甜品芒果乳酪疊疊冰 （$118）。價錢方面，尤其餐廳喺中環，我覺得所有菜式都算合理。味道方面，兩個主食味道都好足，偏向重口味份量正常。泰式奶茶都好好飲，唔會話好甜或者好重奶味，推介👍甜品方面，個冰質感係綿綿冰，中間包着糯米飯，味道唔算特別甜，可以一試！整體來講，係一間幾啱打卡，味道幾好嘅泰國餐廳，大家經過都可以一試！…查看更多

呢間刈包由元朗開分店到中環，中環分店位於商業大廈嘅地下foodcourt, 座位都算闊落，可以用QR code 落單。我今次叫咗佢哋嘅自選套餐，包一個刈包，一份小食同嘢飲. 我叫咗韓式泡菜炸雞刈包，炸番薯條同一罐無糖可樂，total $101 . 呢個價錢喺中環嚟講都算幾抵食，份量方面都正正常常。味道方面，個包好鬆軟，個炸雞面頭有芝士，炸得好脆同好惹味👍唯一就係泡菜份量比較少啲🥺炸番薯條面頭有梅粉，正常發揮！大家經過都可以一試…查看更多

呢間cafe 已經出咗名好耐，一直都係排隊cafe, 所以我book mark咗好耐一直都未試到🥺嗰日咁啱落雨，我哋大概下晝四點左右到就唔使等位🙌🏻我哋叫咗佢最出名嘅竹炭糯米窩夫 $112份量方面，佢真係好大份，有四舊窩夫，又有一條雪條，乳酪cream同埋好多berries🍒價錢又唔係特別貴，所以真係算幾抵食！味道方面，佢嘅窩夫真係幾好食！外脆內軟，又唔算好甜，配埋佢嘅乳酪cream真係好好食👍推介俾大家！如果佢冇咁多人嘅話，大家真係可以一試！…查看更多

呢個芝士夾餅喺韓國已經紅咗好耐，終於有過江龍喺香港開賣芝士夾餅嘅專門店！呢間店位於葵涌廣場，老闆都係韓國人，店舖位置都好闊落，可以俾人企喺度食👍呢個芝士夾餅價錢係$40，價錢偏貴，但係賣相真係好適合打卡📸味道方面，新鮮熱辣辣食真係幾好食，芝士都好流心，有意外驚喜🥳成個夾餅唔會話好甜或者好鹹，值得試一次！…查看更多

呢間Cafe都出晒名適合打卡，而我都bookmark咗好耐！我哋大概下晝1:30到餐廳，好彩唔使等，但係全場都fullhouse! 我哋叫咗佢草莓芝士蛋糕冰 $118 同埋一杯熱焙茶鮮奶 $44價錢方面，我覺得同普通香港嘅打卡Cafe差唔多價，還可以接受。味道方面，我覺得佢個冰都算幾足料同夠士多啤梨味，份量唔算特別大，兩個人share食啱啱好👍但係缺點就係佢會比較快溶，大家要盡快食🙌🏻佢嘅焙茶鮮奶真係幾好飲，完全唔甜，味道啱啱好！推介👍大家有興趣都可以嚟呢度打卡，試吓佢嘅甜品，但係距離地鐵站出口都要行大概15分鐘，大家喺附近經過都可以一試！…查看更多

呢間shari shari 喺香港有幾出名我諗大家都知，所以終於喺尖沙咀開咗分店！呢間分店距離尖沙咀地鐵站都有啲遠，大概由P3出口出都要行15分鐘。嗰日我哋大概三點左右到，出面已經有好多人等，我哋最後排咗20分鐘左右先入到去🥵入到去就可以掃QR code落單，我哋今次叫咗抹茶忌廉焦糖冰 $100味道方面，入邊嗰層焦糖冰就偏甜，出面嘅抹茶冰味道都好濃，正常抹茶味🍵 中間會有啲餅乾碎，所以口感都幾豐富！但係怕甜嘅朋友可能就會覺得呢一個冰比較甜。整體來講，大家可以嚟試吓呢間冰，我下次都會試吓其他口味…查看更多

相信呢間大家都一定知道，甚至已經飲過好多好多次😂我今次係第二次飲，仲要兩次我都係飲同一款嘢飲，就係佢地嘅王牌🤩我第一次飲都已經覺得非常唔錯，不過就唔記得影底😅今次就記得影底，同大家分享～➡️伯爵朱古力堅果奶蓋茶 $47呢杯都唔使我多講，就係佢地嘅王牌，而且係每日限定100杯🙈呢個奶蓋比較厚同實身，個朱古力奶蓋超香朱古力味🍫偏甜🙆🏼‍♀️個伯爵茶就咁飲我就覺得一般般，不過撈埋個奶蓋一齊飲就真係好唔錯👍🏻不過$47一杯就較貴，大家可以自己決定試唔試🙌🏻味道👅：7.5/10➡️宇治抹茶堅果奶蓋茶 $39個奶蓋都係比較厚同實身，幾香👅不過可能我哋就嗌咗微甜，杯抹茶就真係比較苦，呢杯就比較一般🙆🏼‍♀️唔太推介～…查看更多

今次就去咗食位於位於二樓嘅梳乎厘😋呢間都係我睇到好多其他人介紹過之後所以就有興趣去試吓😍🙈而家就講吓佢嘅味道先～➡️C-港朱噢工程（朱古力奶蓋格格脆）$28（一層）佢總共可以嗌三層，二層就係$38，三層就係$48🙆🏼‍♀️而且佢仲有包埋牛奶雪糕😙所以性價比都真係幾高🙌🏻味道方面，個梳乎厘真係夠曬梳乎厘，一入口好似食緊空氣一樣，再加埋牛奶雪糕一齊食落口真係jeng😋🤩不過個牛奶雪糕就唔係太重牛奶味🥲朱古力奶蓋偏流質，加埋個朱古力脆脆都真係幾重朱古力味🍫作為甜品，呢個都真係幾唔錯👍🏻…查看更多

唔知大家平時食米線會嗌啲咩餸呢？雞肉、腩肉定係炸醬🥳呢間米線就係專門剩係食雞肉，除此之外，湯底亦都有好多唔同嘅選擇😻而家就講吓嗰度嘅米線質素🙌🏻➡️酸辣雞湯米線 $49份量方面，米線真係好大份😱雞亦都有成五、六嚿，所以以呢個價錢黎講都真係好抵食👍🏻味道方面，先講講個湯底，呢個湯底以酸為主，辣度就係譚仔十少辣😻米線方面，都算彈牙，不過耐咗就有啲淋😿最後講下啲雞，講真大部份雞都係骨，肉真係好少🥲不過都算嫩😚整體黎講，一般般🙌🏻…查看更多

今次就帶大家去到位於太子嘅呢間新cafe😍佢嘅位置雖然唔太起眼，但係只要由太子地鐵站D出口一出，轉右一直行太約兩、三分鐘左右就會到😝所以位置亦都相當方便👍🏻事不宜遲，即刻介紹下呢間靚靚cafe先🥳 ➡️蕃茄牛肉醬扁意粉 $98份量方面，都算正正常常，以呢間環境靚嘅cafe黎講$98都係合理範圍內🙆🏼‍♀️味道方面，個蕃茄醬就係偏苦少少，唔係平時酸酸甜甜嗰種🍅肉醬份量就真係好多，而且唔會太碎😋不過個意粉就比較硬身，要咬多幾下先吞得落口😂整體味道都算幾好🙌🏻➡️卡邦尼煙肉煎薯糰 $98份量方面，就比較細碟，但係因為佢始終係薯仔，所以細細碟就已經幾飽肚🤰🏻味道方面，個薯糰食落嘅質感就係似年糕，好煙韌😜味道其實都係正正常常，食到卡邦尼味🤪不過食到最後會有少少膩😅➡️芒芒角酪 $40呢間cafe應該係長洲角酪嘅姊妹店，所以大家係cafe入面都會見到佢地嘅乳酪飲品同卷蛋🤩我其實係乳酪嘅fans😋呢杯就啱曬我口味，酸酸甜甜，又唔會死甜😚而且個芒果味又唔假，真係值得一試👍🏻➡️玫瑰四季春 $36一入口就有啲蜂蜜味，再飲落去飲真啲又會飲到一陣玫瑰味🌹有層次感，整體都唔錯🙆🏼‍♀️…查看更多

呢間我都係見到有foodie推介🤩，所以就去試吓！大家都已經年幾冇去過旅行，泰國亦都係一個港人旅遊熱門嘅國家之一🇹🇭所以我相信大家可能都好掛住泰國嘅野食👅呢個水門雞飯就可以比大家食到泰國地道嘅味道🙈事不宜遲，而家即刻介紹吓～➡️水門炸雞飯 （包飲品）$60以$60黎講，性價比都真係頗高👍🏻因為炸雞都有成六嚿，飯都唔少，仲要配埋一杯嘢飲，而且嘢飯係指嗰啲泰式奶茶、泰式鴛鴦，仲要都幾大杯下🤩所以都真係幾抵食😋味道方面，佢個飯應該係撈咗啲豬油，所以都好香😙炸雞都做得唔錯，炸得好香脆😜不過入面嘅肉就唔係太juicy🙆🏼‍♀️餐廳會另外比兩碟醬汁 ，記得炸雞就要點辣個汁👍🏻➡️美祿（凍）講真呢杯真係好好飲😍大家平時去餐廳包餐嘅餐飲可能都會比較淡，但係呢個真係好濃味，超級足料，不過就會比較甜🙌🏻…查看更多

係而家嘅天氣，真係熱到🥵🥵唔食雪糕、冰簡直就對唔住自己😂但係呢間餐廳可能位置有啲難搵，因為始終佢唔係大街，佢嘅位置其實就係出名多野食嘅百樂中心隔離🙌🏻 而家介紹下野食先😻➡️初心（草莓乳酪）刨冰 $98呢款冰係佢地嘅人氣No3🥳而且賣相又咁吸引，我哋就揀咗呢個黎試😚份量方面，佢都真係好大碗，而且又高🙈通常一碗冰可以2,3人share一齊食，所以$98呢個都係合理範圍內🙆🏼‍♀️味道方面，佢嘅冰唔係韓國嗰啲雪冰❄️而質感係似綿綿冰🙌🏻佢個冰係幾濃嘅草莓乳酪，上面好得意地有啲豆腐花醬🤣中間有一層類似莓乾嘅物體😂食落去酸酸甜甜，最底層就有一啲椰果，包括有荔枝同抹茶味🤪所以整體食落味道又唔錯、賣相又睇得而且又有層次感，推介👍🏻…查看更多

相信大家對呢間cafe都唔會陌生，呢間cafe入面係有超多打卡位😍，係行波希米亞風🥳而且餐廳有兩層樓高，空間亦都好大，餐具同餐廳擺設全部都好靚🥳，環境非常舒服👍🏻鐘意打卡影相嘅朋友仔一定唔可以miss呢間cafe🙌🏻而家就嚟講下佢地嘅食物質素～➡️假日四式多士 $118首先講真，性價比真係唔高🥲因為得四小塊麵包😅講返味道方面，麵包就係用咗竹炭麵包，亦都有微微烘過🙆🏼‍♀️四式包括有烤牛肉、火腿、大蝦同煙三文魚👅我個人排名就係烤牛肉>三文魚>大蝦>火腿🙆🏼‍♀️牛肉同火腿因為落咗沙律醬所以的確好惹味，不過火腿因為太乾，所以我就覺得麻麻地🥲三文魚同大蝦就配咗牛油果醬，大蝦仲襯咗芒果，芒果好甜不過大蝦就比較乾😔一般般➡️芝士奶蓋半熟梳乎厘厚班戟配新鮮藍苺醬 $108呢個份量真係大到誇張🙈🤩佢嘅size大概有半隻手臂咁長，上面有藍苺醬同芝士奶蓋仲有啲cream😋味道方面，梳乎厘就有啲太熟，中間有啲燶😅個芝士奶蓋酸酸同鹹鹹地，比較流質🙌🏻而個梳乎厘都幾重蛋味，都有空氣感👍🏻不過整體來講，我就覺得個藍苺醬個味有啲假，唔太好食🤣但係冇藍苺醬嗰到就真係幾好食🥳…查看更多

終於終於都介紹到呢間😍😍我其實之前都已經飲過幾次，但係一直都冇影底落黎同大家分享😅今次終於有影底，事不宜遲，即刻介紹吓la🙈➡️茶芝味宇治抹茶 $32去到茶芝味點可以唔試吓佢哋嘅奶蓋呢😚而且佢哋嘅宇治抹茶都係佢哋好出名，所以我就嗌咗呢個🤩有啲可惜嘅就係冇晒佢平時跟住佢哋印名嘅杯😿講返味道方面，奶蓋比較厚身，係鹹鹹地嘅奶蓋😋而且都非常香滑🙌🏻由於我冇嗌少甜，個宇治抹茶認真好甜😅好似飲緊糖水咁😂大家之後去都記得要嗌少甜呀🙆🏼‍♀️…查看更多

呢間我嗰日去就係星期四，完全唔使排隊之外，間鋪入面仲要淨係得三、四枱客😖可能因為店鋪位置唔太起眼😅其實只要係旺角D2出口行大約兩至三分鐘左右就到🤪所以其實真係唔太遠🙆🏼‍♀️而家即刻講吓我食咗啲咩先！➡️元洲招牌牛肉麵 $53去到就梗係嗌佢地嘅招牌la😝首先講吓份量方面，牛肉就只有兩大嚿🙌🏻麵就有粗麵同幼麵，我就揀咗粗麵🙈我亦都推介大家嗌粗麵，因為可以掛到多啲湯，而且有咬口🤩麵嘅份量亦都算幾多👌🏻味道方面，先講下佢嘅湯底，都算幾重牛肉味🐮牛肉亦都相當唔錯👍🏻好淋同埋冇乜筋同肥肉😋不過我覺得相比起上一次食嗰間，我就覺得上一間嘅湯底更加濃味😍但係以價錢、性價比黎講，呢一間就真係完勝😚…查看更多