Sasa 0104的個人專頁

位於北角匯的「Steak ART 」是一家主打熟成牛牛扒餐廳，是我近期食過最好的牛扒，熟成牛處理非常專業，餐廳自設專用熟成櫃，恆溫2°C + 86%濕度，自然風乾邀發酵素，牛肉更嫩更濃味，而且大廚大廚擁有30年餐廳經驗，牛扒質素和火候控制精準👍👍餐廳套餐超抵食，頭盤包括餐湯、沙律和薯條都可以無限增加，而且質素超高，另外仲有頭盤、主食和飲品，同區餐廳當中實屬性價比超高🫰⭐️頭盤✨蟹肉蕃茄湯｜湯頭超濃蕃茄味道，口感Creamy而且仲食到滿滿鮮味蟹肉✨蛋沙律、紫椰菜紅蘿蔔、蕃茄｜簡單材料，味道新鮮，好開胃的頭盤✨即炸香脆薯條｜熱辣辣香口酥脆，配上松露醬和茄汁，食唔停口⭐️前菜✨焦糖鵝肝布丁｜面層充滿焦糖的甜香，鵝肝布丁味道甘香，質感超級滑溜✨蟹肉牛油果多士配魚子醬｜整件多士都是蟹鮮味配上魚子醬的鹹香，美味✨美國頂級荷斯坦350日榖飼牛｜封門柳超級驚喜的美味，好少食到「封門柳」可以做到肉味如此濃郁，入口外層焦香，肉質軟嫩充滿肉汁，唔需要任何醬汁可以食到肉的原汁原味，亦可沾上牛肉燒汁或海鹽增添風味✨澳洲保濕豬𩣑扒配蜜糖蘋果醬豬𩣑扒一樣高質素，豬扒厚切邊位帶一點點脂肪，肉質充滿彈性，而且滿滿肉汁，沾上自家製的蜜糖蘋果醬，帶點點天然的甜香，能夠中和豬扒的油脂，非常美味🍷Quarisa Johnny Q $ 682018 Shiraz South Australia 紅酒是牛扒的最佳拍檔，這款紅酒由店家推介，入口甘甜容易入口🍺852 Pacific Ale $ 38得獎手工啤酒，852 添加了熱帶風味十足的 Galaxy 酒花，口味清新，果香四溢，滿載着熱情果、桃子、番石榴和柑橘味道，百份百香港釀製，新鮮度不容置疑👍…查看更多

位於沙田新城市廣場的「八合里牛肉火鍋」開業以來一直非常人氣，潮汕牛肉火鍋特色，新鮮就是王道，店內設有開放式鮮切牛肉檔，廚師會即場根據牛肉不同部位的特點，切割成薄片或厚切牛肉，手打牛筋丸與牛肉丸都係店舖名物，牛肉控絕對不能錯過👍👍▪️原味牛骨湯底 $ 78超抵食嘅湯底，大大鍋由牛骨熬製，牛味超香濃味道鮮甜，淥完牛肉再飲湯更加濃郁，隱藏食法牛骨湯可以配搭芫荽、青蔥和芹菜鮮味滿瀉👍▪️至尊鮮肉四寶拼盤 $ 188一次過可以品嚐四種不同口感，鮮切匙柄、匙肉、吊龍肉、花趾肉，牛隻在雲貴川內蒙等天然養殖中心，得天獨厚的氣候採用放養式黃牛，肉質纖維豐富、緊致鮮嫩，真係每一款都有驚喜▪️鮮切肥牛 $ 78肥牛是牛腹部的夾層肉，肥瘦適中口感肥而不膩，充滿牛油脂香，必食推介▪️手打牛丸雙拼 $ 56手打牛筋丸和牛丸的組合，超級彈牙帶有濃濃味，而且一口咬下去仲會爆汁▪️特色菌菇拼盤 $ 68拼盤食材豐盛，有蔬菜、鮮冬菇、蕃茄、白木耳和不同菇菌類，用牛骨湯滾完特別鮮味▪️潮汕四色水晶裸 $48有鹹味和甜味，外皮煙靭餡料豐富，口感超豐富，滿滿潮式甜品風味▪️果蔬三色麵 $ 32主食可以點呢一個果蔬三色麵，口感煙韌彈牙，而且味道好清新▪️爆打鴨屎香檸檬茶 $ 38鴨屎香原來是一種特別茶葉的品種，得天獨厚有一種濃郁的香氣，配上檸檬茶風味一絕，清甜好飲解膩又解渴…查看更多

「樓下火鍋飯店」在銅鑼灣已經相當人氣，而且晚晚爆場，最近更加在尖沙咀金巴利道插旗，新店繼續向老香港設計致敬，霓虹燈飾懷舊裝飾，播放住香港老歌，氣氛超正🫰🫰打邊爐食材，一向高質毋庸置疑，而且好多特色食材坊間少有，超多款手切靚牛、海鮮刺身、潮州生醃類、手打丸類、自家製火鍋餃子、刁鑽食材，例如新鮮豬腳筋、新鮮魚標、新鮮雞腸、花雕獅頭鵝肝、花雕豬腦，其他火鍋店真係食唔到🫰▪️石橄欖椰子湯配走地鬍鬚雞半隻 $ 188最新推出嘅湯底，用上石橄欖做火鍋湯底，配上椰子湯味道清甜甘香，而且更有潤肺化痰、清熱解毒等功效，打邊爐咁熱氣就最啱，配上走地鬍鬚雞，雞肉有彈性好有雞味，雞熟咗之後飲返碗湯就最正😋😋▪️手切本地肥牛 $ 398店員推介這款牛肉，牛肉雪花均勻，只需要滾5至6秒就可以食，入口滿滿牛油脂香氣，口感軟腍牛肉味夠晒濃郁，超推薦非常好食▪️生醃甜蝦 $ 148最驚喜呢度連生醃海鮮都有得食，生醃汁超好味，味道是開胃的酸辣帶甜香，而且滿滿的辣椒、蒜頭和芫荽等夠晒惹味，主角甜蝦夠晒大隻，新鮮鮮味好彈牙，呢個生醃超好食▪️三拼餃 $ 138三大王牌餃子，每日新鮮，黑松露蟹肉餃、雙籽鮮蝦雲吞、韭菜餃，餡料豐富足料鮮味，必食推介▪️招牌五寶丸 $ 108全部手打製作，梅菜豬肉丸、鮮牛筋丸、鮮墨魚丸、鮮蝦丸、鯪魚丸，細細粒口感恰到好處，食得出超級新鮮，特別喜歡梅菜豬肉丸，好似食緊蒸肉餅咁，肉味香濃質感軟腍，超級正▪️鬼馬蝦膠 $ 80香脆油炸鬼包住彈牙蝦餃和蟹籽，滾完之後吸收晒湯汁，更香口好味▪️油麥菜 $ 42連菜都擺得咁靚，石橄欖椰子湯令蔬菜更加清甜▪️手打檸檬茶 $ 76用上大熱鴨屎香茶底，配上新鮮青檸，獨特味道清甜解渴…查看更多

位於銅鑼灣Sugar+ 26樓的「瀧宴日本料理」，餐廳落地玻璃窗設計，可以飽覽維港和維園景觀，號稱最靚夜景的鐵板燒餐廳，而且套餐高質抵食，而家仲做緊推廣，晚市特選和牛套餐做緊大約六五折優惠，八百幾蚊就可以南非鮑魚、刺身、即撈野生猛龍蝦、鵝肝、日本宮崎和牛等等貴價食材，真係相當抵食👍👍🌟特選和牛套餐超值優惠價 $880｜ 原價 $1380✨自家製醬汁煮南非鮑魚鮑魚軟腍入味，自家製醬汁帶出鮮味，配合清甜的蘿蔔，味道出色✨季節刺身3款三款刺身赤蝦、鰹魚、深海池魚，新鮮又鮮味，特別係赤蝦彈牙美味✨吞拿魚一口酥用最中餅放上赤醋飯和吞拿魚腩蓉，再灑上淡雪鹽，入口口感豐富，吞拿魚蓉滿滿油香，仲有靚靚小蝴蝶，原來係米紙可以食落肚✨海鮮茶碗蒸蒸蛋超級香滑，滿滿海鮮湯的鮮味✨大蜆清湯蜆肉大大隻新鮮厚肉，湯頭非常清甜✨野生生猛龍蝦龍蝦在魚缸即撈即劏，非常生猛和新鮮，師傅將龍蝦燒熟後配上蝦頭膏汁，蝦肉夠晒彈牙味道甘香✨香煎鵝肝伴自家制醬汁鵝肝煎得外脆內軟，配上最佳拍檔黑醋醬汁，配上香脆多士超好食✨日本宮崎和牛和牛肉質高質油脂豐富，厚切五成熟，入口軟腍充滿牛香，簡單配上海鹽和蒜片已經好好食✨煙肉香蒜炒飯｜炒什菜必食呢度嘅炒飯，師傅炒得粒粒分明好香口，配上一隻燶邊太陽蛋，人間美味幾飽都可以食到，炒飯再配上什菜，豐盛美味✨是日精選甜品甜品巨峰啫喱，味道清甜清新，食到咁飽食呢一款啫喱就啱晒✨追加櫻花蝦 $ 120想食香口嘢，呢一個就係櫻花蝦就啱晒，香口鬆脆充滿蝦香📣📣另以優惠價追加 📣📣生蠔1隻 $100海膽刺身一份$280新鮮象拔蚌刺身 $430清酒300ml優惠價 $180…查看更多

「Daap」位於中環永吉街，這家餐廳近兩年有多人氣，相信都不用多介紹，由曾任多間米芝蓮餐廳，有多年豐富的入廚經驗大廚主理，無論在食材挑選和菜式方面，都非常有創意，保證你用平民價錢，就可以食到驚喜創意料理🫰今日同朋友星期日嘅午市嚟到朝聖，都一樣係座無虛席，每位客人都期待Chef 的一人表演，他號稱啦全香港最忙碌的廚師，一個人同時招呼咁多位客人，都可以準確無誤，而且好快出餐，現場所見所有食材都係即點即整，真係好有水準👍✨烤栗子湯配香煎羊肚菌整晚MVP，烤過既栗子打溶之後，味道特別香甜，入口有濃郁奶香，再配上煎過的羊肚菌及松露油，我只能說一句「好·有·驚·喜」✨冰菜皮蛋咸檸檬甜酸汁爽脆嘅冰菜好有口感，配上港式風味的溏心皮蛋和醬汁非常特色，有點像飲緊鹹檸檬蜂蜜咁，整個組合酸甜清爽，令人好開胃✨脆皮三黄雞卷配芝麻人参汁現場睇住件三黃雞卷入焗爐，焗完Chef切開嘅時候見到流晒雞汁，已經流口水，雞卷雞皮香脆肉質鮮嫩，而且有濃濃嘅雞味，而且仲有煎過嘅蔬菜，配上濃郁嘅芝麻醬汁，意想不到咁夾，味道超出色✨慢煮黑毛豬黑松露印度長米焗飯好有誠意，個飯都係睇住印度米由生米煮成熟，厚厚嘅黑毛豬扒喺我面前煎香，再加上芝士和乳酪，放入焗爐焗香，再加上我最愛嘅燶邊太陽蛋和細香蔥，上枱嘅時候香到黐線，食嘅時候首先要篤穿個太陽蛋黃，撈勻落啲飯度，連埋豬扒一啖食入口，肉質軟腍彈牙，印度米飯特別煙靭，醬汁難以形容咁好食，都係嗰句一定可以驚艷到你🫰✨自家製酸種菠蘿包配奶茶雪糕冰火交融嘅甜品，菠蘿包焗到熱辣辣，菠蘿皮酥脆麵包鬆軟，包住冰凍嘅奶茶雪糕，港式情懷好味道…查看更多

荔枝角D2 Place 2 門口有一個小小店舖位置，長期排滿人龍，為的就是品嚐「Mangiapane」傳統意大利麵包和美食的風味，這家小店由來自居港17年的意大利老闆和港人太太主理！路過他們的店都會被店主的熱情溶化，路過嘅客人佢見到都會打招呼報以微笑，真係唔幫襯都不自覺會停下來睇吓有啲咩好嘢，他生於意大利威尼斯，太太有極高造詣的烘焙經驗，所以就將意大利最傳統的風味和太太的精湛麵包技術結合，誕生了這家家庭式意大利麵包店「Mangiapane」，為港人提供最傳統的意式麵包美味！店舖面積雖然細小，但美食選擇種類非常多，有最受歡迎的「Focaccia」、「Ciabatta」有不同口味可以選擇，更可以自選餡料製作美味的三文治，而且更是即叫即焗，熱辣辣超好食，另外最新推出「Focaccia Pizza 」煙靭鬆軟程度超乎你想像，仲有「Cheese Bagel 」、「Lasagna Ragu」都可以喺度搵到🫰意大利甜點更不能錯過，最傳統的Tiramisu超多人鍾意食，有多款口味「原味」、「薄荷」、「意大利甜酒」和「西西里開心果」，想食要每日早啲去買，好多時晏晝已經冇晒，現場所見好多人幾盒幾盒咁買走，仲有「Cantucci意式脆餅」、「Brutti ma Buoni 醜陋但好吃」、「Bombolone意式冬甩」口味超多，做得非常傳統，都係超多人鍾意嘅意式甜點👍👍有食物梗係要有飲品配合才算完美，這裏更有多款咖啡可供選擇，「Espresso」、「Americano」、「Cappuccino」、「Latte 」、「Flat White」 &「Mocha」，仲有一款超特別嘅飲品「Oak Wood Tonic Espresso 」，帶有淡淡的煙燻香氣，咖啡和青檸味道突出，炎炎夏日嘆番杯，好飲又解渴🫰🫰…查看更多

啟德食中菜，位於啟德零售館的中菜館「名苑酒家 」近期好多朋友推介，質素高好抵食，而且定期推出不同優惠，超級鍾意食中菜嘅我，今日咁啱去嗰邊行街，梗係要試吓👍不得不讚吓呢度服務極好，例如會主動幫你斟茶，冇水即刻幫你加水，我哋飲湯嘅時候，會提醒我哋小心熱，觀察我哋飲晒之後即時幫我哋加湯，特別深刻係燉湯有好多可以食得嘅湯料，例如成隻雞髀、瘦肉，我哋食唔晒冇諗住帶走，店員鼓勵我哋唔好嘥咗佢，放喺雪櫃呢兩日加熱就可以食，令我都覺得唔可以浪費，真係好用心對待客人👍👍▪️紅燒脆皮乳鴿 $ 68乳鴿炸得金黃，皮脆肉嫩超級Juicy，鹹香惹味，沾上淮鹽和喼汁，更有風味▪️必點孖寶｜淮杞饗螺湯拼咕嚕肉 $ 268✨菠蘿咕嚕肉咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，酸甜味道非常開胃，伴上菠蘿、新鮮青紅椒，送一口白飯超滿足✨淮杞響螺燉雞湯燉湯非常足料，足夠四五個人分享，用上鮮雞、響螺、瘦肉清燉再加上杞子，味道鮮甜到不得了，湯料沾上醬油都非常好食！▪️XO醬金蝦啫唐生菜 $ 88超有鑊氣用瓦煲上枱熱辣辣，用XO爆炒生菜夠晒惹味，而且仲有大大隻蝦乾，味道恰到好處▪️椒鹽魷魚鬚 $ 72小食價錢主菜份量，真係超抵食，魷魚條條肥美飽滿，最喜歡炸槳好脆口，但一啲都唔油膩，口感彈牙，酥脆可口▪️最後店家奉上番薯糖水作為甜品，糖水超香薑味，番薯溏心甜味…查看更多

位於灣仔的意大利餐廳Landau's Trattoria 以威尼斯小盤美食文化，以意大利地方菜為核心，融合傳統精髓與當代風格，將「分享美味、分享溫情」的理念注入Cicchetti威尼斯小盤美食文化，帶來一場穿越意大利的味覺之旅。環境裝修設計滿滿意式風情，而且設有Outdoor Area 感覺悠閒輕鬆，正正就是意大利朋友享受悠然自得，工作了一整天的辛勞就在這裏可以放輕鬆，而且更有數之不盡的意式美食，非常適合約會、三五知己共聚的好地方！▪️Bruschettine $ 28香脆的酸種麵包，配上蒜蓉醃意大利櫻桃番茄，清新好味，開胃的頭盤▪️Burrata $ 148意大利人最愛的布拉塔芝士，配上用蒜泥、紅蔥頭、松子、細香蔥、檸檬和特級初榨橄欖造成的風味醬，味道帶點酸香和芝士味道非常夾▪️Chicken Liver Parfait $ 108雞肝醬非常惹味，配合用波特酒特濃醬汁、烤過的玉米片和覆盆子，在塗上牛油多士上，味道濃香，而且口感豐富▪️Crostini Di Manzo $ 128牛肉他他的手切牛肉，口感細緻肉味香濃，牛肉肉混合芥末、日式高湯蛋黃醬、細香蔥和醃製蛋黃，配合香脆多士，非常美麗▪️Fettuccine Cheese Wheel $ 318每枱必點的芝士輪寬條麵，餐廳職員會用芝士輪現場表演，將熱辣辣的寬麵沾滿芝士，再放上新鮮松黑松露，入口超Creamy及滿滿芝士松露香▪️Porchetta $ 228烤西班牙豬腩肉，豬皮烤得超香脆，肉質厚身軟腍夠晒入味，而且肥瘦適中，配上烤西西里卡波納塔蔬菜，能夠平衡豬腩肉的油脂感▪️All Day Shandy $ 108好適合男士飲的一杯Cocktail，用上金酒、檸檬、榅桲、蜂蜜、啤酒和白艾爾，味道酸甜中充滿麥香，而且酒味頗濃郁，入口甘香▪️Mockingbird $ 78賣相一流，用上小鴨子杯，可愛之餘打卡一流，用奇異果、檸檬、檸檬糖漿和tonic組合而成，味道充滿果香甜味清新▪️Tiramisu經典原味的tiramisu，用上最傳統的食材，手指餅乾、馬斯卡彭起司、濃縮咖啡、瑪薩拉酒，面層鋪上大量可可粉，口感綿滑濕潤，濃濃的忌廉芝士和咖啡洒香，非常正宗意大利口味…查看更多

「PINTXOS by barbar 」是香港首間正宗西班牙Pintxos 酒吧將巴斯克風情帶入灣仔，推出全新午市套餐，讓您在忙碌工作之餘，也能在午餐舒適地好好體驗西班牙美食！坐落於灣仔船街的繁華地段，裝潢洋溢歡樂氣氛，而且門口是open area設計，望住街景讓人完全放鬆，主廚 Xavier Pla 的巧手演繹中，將傳統巴斯克烹飪技藝與本地風味巧妙融合，每一款Pintxos，都非常有創意，而且味道一流，食完整個午餐飽足豐盛！⭐️Set Lunch Menu Premium $ 238一共有七款廚師推薦的Pintxos和餐湯或是日沙律⭐️StartGazpacho or Daily salad可選擇西班牙凍湯或精選沙律，濃湯味道濃郁，滿滿西班牙特色，尤其炎炎夏日飲酒最啱，新鮮蔬菜沙律，喜歡添加了很多脆麵包及合桃，好有口感⭐️Pintxos每款注入創意元素，味道好有驚喜，尤其是生牛肉他他，入口牛肉鮮美，蕃茄多士配伊比利亞火腿，是最傳統的西班牙美味，特別推介牛柳配佩里戈爾醬，牛柳軟腍腍Juicy非常高質！✨Steak tartare生牛肉他他✨Tomato bread, Ibérico ham "paleta"番茄多士配伊比利亞火腿✨Traditional rusa potato salad with shrimp傳統俄羅斯薯仔沙律配蝦✨Chicken rillette, crispy quinoa雞肉醬配脆藜麥✨Squid croquette with all-i-oli魷魚可樂餅配蒜香蛋黃醬✨Potato and beef rib "bomba"薯仔牛肋肉炸丸子✨Beef tenderloin with perigord牛柳配佩里戈爾醬此外店舖更提供多款西班牙特飲、果汁、咖啡等等…查看更多

一直都好想食呢一間位於深水埗黃竹街的美式漢堡店「Power Burger 」，今日緣份到了特登嚟朝聖，店舖小小裝潢甚有工業風格，主打使用CAB認證安格斯牛肉，採用美式smash style烤扒法，坊間少有，不同款式的漢堡都能品嚐到豐富肉汁和焦香味道！店舖人氣三大漢堡，至尊焦脆漢堡、黃金鰈魚堡和焦脆雞堡，配以新鮮本地有機蔬菜和秘製醬汁，另外呢度嘅黃金炸魚條絕不能錯過，每枱必點嘅小食，款款高質美味，是深水埗區內優質漢堡店🫰🍔至尊焦脆漢堡 4 x安格斯漢堡扒、3 x芝士、小黃瓜、洋蔥、本地有機菜、自家秘製醬汁安格斯牛混和牛肩胛及牛腩，每日新鮮搓成免治漢堡扒，Smash Burger則是美國流行的漢堡，把一般4安士的漢堡扒，一分為二，把一小球的免治牛肉放在鑊面壓薄，煎至表層略焦，芝士隔在中間，多重口感肉汁滿滿😋🍔黃金鰈魚堡每日限量供應，用上超厚身的比目魚扒，炸至外層香脆肉質嫩滑，配上本地有機菜、自家秘製他他醬汁，超級好味必食推介🍔焦脆雞堡兩塊無激素雞扒肉質細滑味道清新，配上芝士、洋蔥、本地有機菜、自家秘製醬汁，啱晒唔食牛和每日需要大量蛋白質嘅朋友，健康好食✨金黄炸魚條人氣小食，炸魚條外脆肉質鮮嫩啖啖肉，沾上他他醬，實在太好食，我哋都忍唔食咗兩份✨酥脆炸薯條食漢堡包最佳拍檔就係炸薯條，香口酥脆一條一條食唔停口✨日式玄米茶 ｜可樂長期氣管敏感唔可以飲凍嘢嘅我，呢度竟然有熱嘅日式玄米茶，真係太好，而且大大杯十分足料…查看更多

剛榮獲2025年米芝蓮推介的「希鳥 Kicho」是來自東京鳥割烹專家，從鹿兒島的合作農場直接引入當地的著名鬥雞品種黑薩摩雞，此品種雞隻的油脂分佈均勻雞味濃郁，口感結實又不失柔嫰由日籍主廚主理，餐廳以吧枱設計圍住炭火燒爐，能近距離欣賞師傅主理燒鳥串燒，體驗正宗日式鳥割烹文化，今日和朋友前來品嚐午市Omakase 套餐，體驗最高水準的炭火燒鳥料理⭐️希鳥おまかせ ランチKicho Omakase Lunch $ 550 + 10%套餐非常豐盛，包括雞湯、沙律、一品料理、五款燒鳥、是日廚師精選、季節野菜、雞白湯拉麵和甜品，午市來說價錢實在性價比高✨雞白湯｜經過多個小時的熬製，雞湯充滿骨膠原，入口膠質滿滿，鮮味滿瀉✨雞肉沙律｜新鮮沙律菜，配上嫩滑雞胸肉和用雞湯煮成的啫喱，非常開胃✨一品料理四款師傅精心炮製的小點，滿滿日式家庭風味，味道口感，各有千秋🫰雞大髀肉牛蒡配燒汁，日本西洋菜柚子醋漬雞皮、酒盜甜蝦六款串燒都是用上雞的不同部位，席前睇住師傅每一款到即燒，保證送到你面前係完全新鮮熱辣辣，而且火候掌握得好好，每一款都是外層焦香，肉質多汁嫩滑 ，雞味道非常濃郁，水準高德無可挑剔✨雞皮包雞胸肉配日本青椒✨雞心 ✨雞心管 ✨雞頸肉✨雞鎚✨手打雞肉棒配日本蛋黃、燒汁✨迷你卷心菜✨慢煮雞肉雞白湯拉麵最精彩的拉麵，雞白湯經過多個小時的熬製，入口充滿膠質，慢煮雞肉口感軟腍，配上彈牙得來帶點煙靭嘅拉麵，非常美味✨自家製雞蛋布甸布甸入口就是濃郁的蛋香，口感又滑細緻，配上蜜餞黑豆入口即化，非常完美…查看更多

身為周星馳電影發燒友，一定有睇過《行運一條龍》，其中主要拍攝場景「鴻運冰廳餅店」去年年尾結業後再度重開，當然一定要朝聖，店舖保留原有招牌並新增舊海報等懷舊裝飾，最重要嘅閣樓仍然保存，餐廳仲有大電視一邊播住行運一條龍，真係好有氣氛！大家不妨黎懷緬一番，品嘗一下最傳統的港式風味，例如乾炒牛河、咖喱牛肉飯、香蔥滑蛋三文治、蛋撻、紅豆冰和奶茶等等⋯⋯▪️香蔥滑蛋三文治必食推介，炒滑蛋加埋香蔥夠晒惹味，而且非常厚身，大啖大啖咬充滿口感▪️港人最愛常餐生炸豬扒麵配火腿炒蛋、牛油方包豬扒超正軟腍入味，配上港人最愛公仔麵味道一流，仲有常餐必備火腿炒蛋和牛油多士，夠晒飽肚▪️咖喱牛肉飯咖喱味道甚有馬來風味，香辣得來帶甜香，牛肉份量超多，軟腍腍又入味，當然仲有咖喱必備的薯仔，配上白飯好食到停唔到口▪️蛋撻店舖名物長期出爐，無論堂食或者外賣都好受歡迎，曲奇撻皮酥脆，餡料充滿蛋香油香滑，超正▪️紅豆冰傳統港式紅豆冰，紅豆軟腍綿密，充滿奶香，而且唔太甜好味道…查看更多

尖沙咀棉登徑的「木户」日本料理，是我最喜歡的串燒店之一，特別鍾意食從機日本奈良引進被當地視為頂級美味而受到追捧的「大和妃子雞」做的美食，而且可以近距離欣賞日籍總廚「木村潤一郎」製作炭火美食，適逢最近推出咗推出咗「夏の感謝祭」菜單，當然要嚟朝聖🫰▪️福岡水果蕃茄清甜飽滿，師傅用上日本海鹽調味，味道鹹甜交織，新鮮美味▪️長崎章魚醬油炭火燒章魚好肥美，炭火燒過之後，外焦內煙靭，口感非常好，配上師傅特調味芝麻、海苔碎和芥辣豉油，鮮味滿瀉▪️蟹肉奶油可樂餅可樂餅外層酥脆包住滿滿奶油蟹肉餡料，香口美味，就咁食已經好好食，重點係要沾上師傅特調蟹膏醬，入口濃郁又甘香▪️博多明太子烤餅 見住師傅由麵粉糰在炭火中慢慢烤，再加上芝士、明太子、海苔等等食材，新鮮出爐熱辣辣，鹹香惹味，有點像日式pizza的風味▪️韭菜芝士豚肉卷每枱必點，豚肉燒得焦香Juicy ，包住爽口的韭菜，再加上熱溶芝士和燒汁，好惹味▪️宮崎郷土料理味噌冷泡飯 好有特色，米飯淋上用魚肉和味噌做成的醬汁拌勻，再放上紫蘇葉、紫洋蔥、青瓜和芝麻等配料，味道鮮美又清新，真係好啱夏天▪️炸宮前丸子即是炸糯米丸子，外層超級香脆內層軟糯，沾上美味的黑糖和彩色脆米，超級美味，大滿足的飯後甜品▪️蜜瓜梳打雪糕特飲 ｜鰻魚可樂雪糕特飲 令人期待的飲品，鰻魚可樂原來係可樂可以將鰻魚的腥味消除，名字因此而，兩款飲品加咗雪糕，夏天飲特別爽…查看更多

超級推介8 度海逸酒店 • 8 度餐廳的自助餐，真係香港數一數二性價比超高，而家仲做緊超級推廣「半價優惠」2位成人同行，1位小童免費 (5歲以下)🤩🤩，成人就算係禮拜五嚟食都只係三百幾蚊，鍾意飲酒嘅仲可以用超抵價錢 $98無限暢飲紅白酒🫰🫰最近新主題蟹逅宮崎牛・海鮮自助晚餐，必食回本菜式「香煎 A4 宮崎和牛伴黑松露薯蓉」、「香煎鴨肝伴黑松露汁」、「即開新鮮生蠔」、「即燒鰻魚」、「多款新鮮時令刺身」、「脆皮有米豬」、「鱈場蟹腳」、「麵包蟹」等等，都係每晚人氣排隊美食另外好欣賞呢度嘅海鮮炸物，「避風塘軟殼蟹」、「酥炸三文魚腩」、「椒鹽鮮鮑魚」、「酥炸生蠔」都係超級出色，仲有多餘天上繁星嘅「冷盤」、「沙律」、「凍海鮮」、「湯品」、「熱盤」，連正宗印度咖喱都做得好好👍👍絕不能錯過甜品時間，這裏的「芒果拿破崙」有多出名，每次出場都被客人瞬間清光，就知道有多出名，我都忍唔住食咗三件，仲有「燕窩梳乎厘」、「杏仁露加豆腐花」、「tiramisu」、「熱情果雪梅娘」、「香橙慕絲蛋糕」、「綠茶麻糬」、「開心果芝士蛋糕」，仲有「Mivenpick 雪糕」超多口味無限任食….真心推薦好多精彩美食，而且價錢真係抵到離譜，怪不得每晚都差不多滿座，唔講唔知原來好多客人係為咗呢度嘅甜品而來，未試過㗎你真係要快啲嚟試吓🫰…查看更多

位於中環的拉麵店「立体派拉麵」，其招牌湯底「雞白湯」，混合日本米鴨、有機飼養京都丹波地雞、日本各地近四十種味噌等熬製而成，香濃而不油膩。濃郁得黏口味道充滿雞的鮮香，就是很多朋友為了這碗湯慕名而來👍最近仲推出咗下午茶，泡沫雞白湯拉麵，造型賣相一流，未食以為叫咗杯Cappuccino 好盞鬼，而且份量適中，真係任何時候都可以食拉麵😋🍜泡沫雞白湯拉麵餐 $ 98必食推介，一杯咖啡嘅造型真係打卡一流，泡沫全部用蛋白打成，雞湯配低温慢煮叉燒，湯頭濃郁鮮味得無話可說，拉麵爽口彈牙又掛湯，慢煮叉燒軟腍肥瘦相隔，再配合埋泡沫蛋白，令拉麵更香滑味道更有層次，而且加 $ 5 就可以飲到大大支嘅日本烏龍茶 ，非常抵飲🍜灸燒北海道帶子拉麵 $ 158用上刺身級北海道帶子，足足有六大粒，灸燒後外焦鮮，配料有洋蔥 、木之牙、明太子粉，湯底是塩醬油湯底，味道清新帶鹽香，夏日炎炎食非常清爽🥟日式煎餃子 $ 48傳統日式做法，皮薄煎得香脆，餃子餡料充滿菜和豬肉，入口多汁又爽口，沾上特製餃子汁好美味🐔唐揚脆炸雞 $ 52必食小食推介，炸雞外層香脆，肉質Juicy得很，不需添加任何醬汁亦很夠味，亦可沾上沙律醬增添風味🥤木村完熟白桃汽水 $ 28店內有很多日式飲品，例如各種果味梳打、烏龍茶、汽水和啤酒等等…查看更多