雞亦的個人專頁

真係好耐無寫食評，但今日真係忍唔住要岀個post. 好耐未試過有咁嘅service.今日專程到西營盤去試吓阿正開嘅咖啡店，之前一直都想試，今日終於有機會。因為之前睇咗一個節目講佢開咖啡店嘅經過，佢花咗好多心血去研究嗰兩杯signature drink 分別係咸濕同dirty gone nuts就諗住去支持下. 但係一入到去櫃位落order, 有個四眼，矮瘦嘅男仔，招呼都無打個都算，仲要態度勁串甘問你要咩呀，全程係黑晒面同好唔耐煩(另外有個女仔同一個高高地小肥嘅男仔態度就好好)。我心諗，我地剛入去都未坐暖就咁嘅態度。然後我睇返以前啲comments 原來唔係第一次…老闆真係要正視一下呢個問題❗️❗️❗️，見佢對呢客嘅態度都係咁，好似同啲客講緊食就算唔食就x就咁嘅態度。講返個野飲咸濕個味係ok 嘅，柑桔同咖啡都夾，面gone nuts 個味可以但略嫌唔夠凍。以上都係本人親身經歷，真係覺得好差先寫岀來。講真，本身都想幫助香港嘅經濟，但有時咁嘅態度真係好難搞…唔係話唔想幫，但有啲真係幫唔落…查看更多

今日去九龍灣睇戲之前就去咗食呢一間，之前已經喺北角食過佢哋，發覺佢哋嘅出品好用心，而且價錢一啲都唔貴，應該佢哋搬咗嚟牛頭角，就專登過嚟幫襯佢哋，雖然而家好多人返大陸消費，貪佢哋平，但係呢一間價錢都好抵，係良心小店。我哋叫咗個壽喜燒鍋，牛肉一啲都唔少，而且唔係啲好普通嘅貨色，個壽喜燒汁都好好食，仲要唔使$70有一個套餐，如果食烏冬就要加多$10 ，個烏冬係彈牙嘅烏冬。雖然自己都有返大陸玩，但係都不忘支持香港本土嘅小店，如果唔係香港嘅經濟真係搞唔掂。呢間真心好食👍🏻…查看更多

前幾日放工同女朋友去到觀塘買完嘢，就諗住喺附近搵一間食小菜嘅，順便飲下啤，點知就俾我哋發現咗呢一間隱世小菜。本人好鍾意食黑椒同蝦，所以二話不說就點咗呢一個胡椒粉絲蝦煲。黑椒味好濃郁，而大蝦都好大隻好新鮮彈牙，仲有膏添。粉絲完全朔晒黑椒同蝦嘅味道。😋😋之後重點咗個欖角骨配呢個椒鹽魷魚。舐過骨有好香嘅蜜糖味，並唔係太鹹，排骨都好新鮮好入味，又唔會好油膩，香口得來味道啱啱好。呢個椒鹽魷魚就好香嘅蒜頭同辣椒味，炸到好乾身，魷魚都好新鮮爽口。最後我哋重點多咗一個肉鬆四季豆，四季豆炒到剛剛好唔會好老，肉鬆調味剛剛好，用嚟送飯一流。最後老細都好識做，送咗個椰汁馬豆糕俾我哋食，咁樣回頭客一定多。…查看更多

收工約左朋友係大埔見面,好耐無見嘅我地決定食好d🥰🥰我地特登揀左呢間隱世英式扒房，餐廳以navy blue 💙為主， 牆上嘅金色牛頭裝飾好吸睛🌟 我地叫左餐湯同英式蕃茄紅酒牛尾湯。 牛尾湯味道濃郁，滿滿嘅牛尾肉，太好味啦所以好快就飲完😆餐包配搭牛骨髓牛油👀，算我大鄉里第一次食呢種牛油，有少少似鵝肝嘅質感，好特別亦都唔錯👌🏼泥到餐廳見到有signature cocktail，梗係唔會執輸😆 ，我揀咗一杯叫Well Done嘅Cocktail。Martini 做base配上橙汁同Triple sec，橘香味突出，真係無揀錯😝朋友唔飲酒就叫左杯叫Forever 嘅mocktail ，即係紅石榴小紅莓梳打⋯佢話有一種清新嘅感覺🥰主食我地叫左黑松露威靈頓鵝肝牛柳，切開酥皮，牛柳大概五成熟。牛味濃郁，仲有鵝肝襯托，十分滿足🥰🥰我地另外叫左香烤蜜糖甘筍同埋酸忌廉焗千層薯片，中和一下牛嘅味道。最後揀左朱古力心太軟做甜品。靚靚嘅擺盤， 仲有餐廳個名喺上面😌😌流心朱古力配紅豆雪糕，為今次美食之旅畫上完美嘅句號。下次泥會想食佢其他牛嘅main course ， 應該同樣出色！😋…查看更多

前幾日同舊同事聚一聚舊就揀咗銅鑼灣呢一間專食牛嘅居酒屋。門面都好日式，順便飲少少酒。事不宜遲睇吓啲串燒先上面嗰隻係牛柏葉，比較有咬口，本身冇乜味，係靠佢本身個牛柏葉嘅味同埋上面嘅蔥帶出佢原本嘅味道，我就點咗少少柚子醋食都幾清甜。下面嗰碟係牛骨髓，上面加咗大量嘅蔥花，本身個骨髓好軟林林幾滑流，呢個一定要點醬如果唔係本身冇乜味。燒生蠔，本身是好新鮮同有少少鹽味，再點少少柚子醋，帶出到個鮮味。燒多春魚，好似比平時食開嘅味道濃郁啲，裏面好多魚春同埋一啲都唔苦。燒牛肝，好Juice好林，上面有蜜糖芥茉漿，非常之嘢味燒豬腩肉，上面有少少嘅調味鹽同埋黑椒，本身豬肉味都好濃郁😋燒雞中亦，四個字，外脆內軟，個皮脆卜卜夠乾身，就咁擠啲檸檬汁食已經好好味燒雞肝，有啲甜酸醬喺外面，燒到剛剛好唔會太乾啱啱夠熟燒牛肋條，上面有啲姜戎同蔥花，牛肉味好重同埋好有咬口燒牛沙瓜，係牛嘅其中一個位，出邊好少食得到，但係今日就叫咗黎試吓，口感好得意，有啲似豬肚，但係同牛柏葉係完全唔同嘅質感同味道…查看更多

前幾日同朋友敘吓舊，於是去咗呢間私房菜度食下野飲下啤酒。裏面嘅格局就好似一間酒樓一樣，地方唔大但幾乾淨頭盤先來一個 冰鎮鮑魚 ，好新鮮好鮮甜，配一個加咗蒜蓉辣椒仲有少少檸檬汁嘅汁好鮮甜，可能加咗魚露添薑蔥炒魚頭，個魚頭好乾身，個皮仲好脆，啲魚肉都好滑，調味適中唔係好鹹，好有水準黃金蝦多士，用蝦膠同埋新鮮嘅蝦滑整成，唔係用咗好多粉，好彈牙，好香口。跟住到呢個主角污糟雞，我係第一次食，佢個調味好得意，竟然係甜甜地，從咪用咗蜜棗去蒸，但個味又唔會搶咗個雞嘅味，同埋另一樣嘢佢加咗好多糊椒，個味好複雜，好新奇，亦都好豐富，讚!!!!釀海螺，裏面用咗好多嘅洋蔥，火腿，同埋螺肉去釀，上面加芝士焗，但係食完唔會覺得好漏最後嚟到甜品嘅環節，就係呢個薑汁燉番薯，夠甜同辣，冬天食就更正…查看更多

餐廳喺將軍澳Popcorn入面，好近地鐵站好方便。佢哋個環境都好開陽好舒服，一啲都唔會迫我同朋友就叫咗一個龍蝦嘅套餐，我的亦都叫咗一杯fresh fruit fizz 係芒果汁橙汁加檸檬汁嘅蘇打。首先佢哋會有一個龍蝦湯，份量認真唔少，仲喺上面放咗一件多士上面有少少龍蝦肉，可以用來點龍蝦湯飲，你個湯唔會好鹹龍蝦味亦都好夠，碗湯大碗到飲唔晒之後就來有一個龍蝦紅菜頭沙律，呢個好開胃，佢上面仲要放咗一個蟹鉗嘅肉同埋龍蝦味嘅肉，初頭我以為佢會比啲雪藏貨我哋會吾新鮮，但係食落真係有驚喜，好彈呀，一啲都吾梅，個沙律下面就係一大片嘅紅菜頭，上面有啲洋蔥同埋酸酸甜甜嘅汁非常之開胃正餐有一個Pizza同埋一個焗通粉，龍蝦pizza侍應會加啲酒上去然後點火，令到個Pizza燒得香一啲，Pizza上面好多芝士同埋有啲龍蝦肉喺上面，每一件都能夠食到，啲芝士都焗到好香脆，連個Pizza邊都好鬆脆嘅，而佢哋更加將磨菇釀入個龍蝦頭同埋龍蝦尾裏面，個Pizza有拉絲好好食另外仲有一個龍蝦芝士焗通粉，芝士埋一定會鍾意，又係勁多芝士，佢又唔會焗到好乾，下面就好多忌廉，同啲通粉融入一齊甜品我哋就叫咗brownie in pan,裏面有香蕉，合桃， brownie同vanill 雪糕，佢啲合桃焗到好香脆，食完之後又唔會覺得肥膩，大家叫個set嗰陣時真係可以加返一個。總體成餐飯都好好食，好有心機去煮…查看更多

見好耐冇食過打邊爐，前幾日就去咗佐敦呢一間度大擦一餐。室內裝修都係以深紅色同黑色為主，有一種傳統又高級嘅感覺。頭先我哋叫咗呢個檸檬薏米水同埋竹蔗貓跟水飲。我哋點左冬陰功湯底，裏面有好多蟹同埋鮮蝦喺裏面，非常之足料，同埋個湯底好濃郁一啲都冇欺場我哋叫咗呢個廣島號，蟹子墨魚蓮藕夾，西洋菜帶子餃子，蜂巢豆腐。呢個呢個蟹子墨魚蓮藕夾蓮藕好爽脆而中間嘅墨魚就好煙銀，好彈牙西洋菜帶子餃裏面好多西洋菜同帶子，好新鮮，一咬落去就充滿咗西洋菜嘅香味。另外個廣島號雖然係急凍嘅但係都好似新鮮嘅一樣好鮮甜。另外就叫咗打邊爐一定要食嘅安格斯肥牛，好唔好食大家都睇到㗎啦。總括嚟講呢間真係非一般嘅打邊爐湯底同用了都係比一般嘅更加高級更加新鮮…查看更多

前幾日去開中環，又想食得清清地，又想食西餐，於是就揀咗呢一間素食餐廳試一試。環境都算闊落雖然店舖唔係好大，入到去有一種好似去咗日本西式餐廳嘅感覺，餐廳經理個樣都好日本人😆。首先我哋叫咗個檸檬草花茶，提一提神，檸檬草嘅味道好濃郁，仲有啲薄荷味好友提神嘅效果。叫咗一個我最鍾意嘅洋蔥湯，牛肉嘅湯底味道好濃郁，裏面有好多嘅洋蔥，唔會非常之鹹，食得出係自家製頭盤就叫咗過燒蘑菇沙律，裏面嘅材料好充足，有牛肝菌，蘑菇，提子乾，沙律菜，燕麥，同埋意大利蕃茄，啲材料好新鮮同埋唔係一般嘅材料，如果個意大利黑醋亦都好好味成個沙律嘅配搭多好夾，亦都好醒神開胃之後叫咗個牛肝菌意大利飯，牛肝菌好爽脆，我係第一次食，味道好特別，但唔會話太重味，個意大利飯就係好正宗嘅意大利煮法，裏面有少少硬硬地，同埋佢比出邊嘅意大利飯係冇咁鹹同埋冇咁肥膩，健康啲嘅最後點左呢個青醬堅果長通粉，個青醬味道真係好突出，係我暫時食過咁多間餐廳最好食嘅一個，好清新應該係用新鮮材料自己整出嚟唔係罐頭嘢，呢個長通粉真心推介，而佢亦都煮到啲長通粉啱啱好好煙韌。整體上呢一間餐廳食嘅西餐質素都好唔錯，但係比一般嘅西餐冇咁肥膩同埋冇咁多鹽同糖，想食西餐又唔想咁肥膩咁唔健康可以揀呢間…查看更多

前幾日見天氣幾好就去咗灣仔行吓同飲咖啡，順便就搵咗呢一間評價都唔錯嘅食店食飯，見到佢有幾樣推介嘅食物都想試吓。裏面裝修都幾簡單同埋幾闊落同埋乾淨， 感覺都幾舒服。首先點咗呢一個或流流香芋鮮奶，都幾多人推介而且評分都好高，佢有少少芋泥喺杯底，而且唔會好甜，上面嘅鮮奶應該用攪拌機同冰打過吓，好凍同埋有啲泡沫好好飲， 而且芋頭嘅味道都好充足。，本身想叫多一杯但係冇quota，完全唔覺得漏。另外就叫咗呢個野生松茸鮮雞湯，又係好多人推介，個湯好濃郁好鮮甜，冇乜味精，而且隻雞係黃油雞，大家都見到啲相啲黃油流晒出嚟，真材實料 主菜當然要叫佢嗰個蟹黃拌麵，佢俾咗一碗蟹黃，一碗醋，同埋一碗麵俾你撈泥食，海皇嘅味道都好夠，但係建議大家食嗰陣時一定要加少少醋，咁先可以釣到嗰個蟹黃嘅鮮味出嚟。另外我哋叫咗個10粒小雲吞，其實都唔係好細粒，裏面嘅材料都好充足，有豬肉同埋雲耳仲有其他嘅嘢，同埋個湯都一樣咁好飲。我對對呢餐真係好滿意，同佢嘅評價好一致，推介嘅食物都好好食…查看更多

前幾日佢食咗一個早嘅晚餐，去左呢間試下佢啲西餐。 環境都算闊落，同埋入邊環境係比較陰暗，你適合傾偈。首先我哋叫咗一個黑松露野菌湯，好creamy好濃郁，裏面有好多打碎左嘅蘑菇蓉，同埋好濃烈嘅黑松露味，真心推介，一啲都唔係罐頭貨。跟住就叫咗一個托托蜆天使麵，配上呢一個青醬，我本身就唔係太鍾意食青醬嘅，但係佢呢一個意粉個青醬味道剛剛好唔會太過重手， 因為我覺得太濃一浸草青味，但係佢呢一個味道就啱啱好，亦唔會遮蓋左本身個蜆或者意粉嘅味道。當然個蜆亦都好新鮮同鮮甜， 好大隻。而另外我哋亦都叫咗一個鵝肝惹菌意大利飯，個鵝肝好厚身，火候剛剛好，唔會煎到個鵝肝溶晒， 個意大利飯睇落個樣好似好普通咁樣，但係就好香牛油味，同埋佢唔會煮到個飯好林，有返傳統意大利飯嗰種嘅口感，同埋識落唔會感覺好肥膩。最後就叫咗呢一個心太軟， 有啲餐廳裏面都焗到熟曬， 呢個當然冇啦， 裏面仲係好流心，換埋個雲呢拿雪糕一冷一熱， 就完結嗰一餐飯。整體來講一餐飯真係冇乜可以挑剔，可能賣相就簡單啲，但係可以睇得出廚師係好用心機去煮，完全係未到反映晒出嚟， 下一餐高水準嘅西餐。…查看更多

前幾日去食晚飯，之前因為食得太多肉所以想食啲素食。於是揀咗呢一間素菜店。佢裏面嘅裝修以白色為主，好少餐廳係咁樣， 但一啲都唔會覺得奇怪同吾舒服，同埋感覺似係一間Cafe。首先叫咗個不可能TM肉醬意粉,佢哋用咗一隻係植物中嘅肉叫做不可能肉，如果佢唔講嘅話我真係以為自己食緊肉醬， 同埋本身佢個意粉都整得好好食，個意粉好煙銀，醬汁亦都好好味甜甜地酸酸地少少鹹味，非常好食另外我哋叫咗個墨西哥脆片配秘製辣沙沙醬，個醬汁都好墨西哥，酸酸辣辣再加埋啲蕃茄粒，中和返個沙律醬同埋墨西哥脆片嘅膩感覺，好開胃，睇波飲啤酒食一流。素材就食得多之前，但係呢一間真係比到你好似食緊普通餐嘅感覺， 因為食開嘅蔬菜都係比一般菜式冇咁好食，而呢一間就完全冇呢個問題，相反佢就煮得好好食…查看更多

之前見疫情稍有好轉就來食下海鮮蒸。不過之後又反彈返...我哋叫咗一個尊貴餐每位$400左右。當中最吸引嘅有奄仔蟹同龍蝦。龍躉片十分結實冇腥味，好鮮甜鮑魚肉質飽滿，又係好新鮮，好甜美美國蠔好大隻，蒸完之後能夠保持佢嘅鮮味，入面仲好Juice， 有啲好似食緊生蠔咁重頭戲你啦就係新鮮龍蝦，雖然唔係好大隻，但係就好多膏同埋條尾都幾多肉，肉質十分之彈牙最後當然唔少得餐廳嘅主題蟹，呢一隻就軟膏眼膏都有，好鮮味，一次俾你試晒兩種嘅口感，超正食完所有蒸海鮮就當然唔少得係攞佢哋嘅精華去煮粥食，個粥好甜仲有套餐會送一個椰汁燉官燕，足料好濃椰汁味…查看更多

上星期放工想鬆一鬆就同朋友去咗尖沙咀一間餐廳食下野。呢間餐廳有啲似酒吧，亦都有買酒精飲品環境都好chill.食得墨西哥菜一定要食佢呢個墨西哥玉米脆片，味道都好正宗，裏面有芝士，墨西哥辣椒，當然唔少得脆片，再加埋傳統嘅酸忌廉同埋牛油果醬，酸酸哋鹹鹹地辣辣地咁樣如果飲埋啤酒就一流。之後就叫咗呢一個三文魚吞拿魚蝦伴厄瓜多爾醬，有少少辣同少少酸識落都幾嘢味幾清新，仲有粒粒嘅三文魚同吞拿魚啖啖肉之後就叫咗呢一個玉米芝士炸丸子，一望開就見到中間嘅芝士醬係幾咁豐富，裏面仲非常之熱，個球炸到好鬆脆，如果鍾意食芝士嘅你一定會鍾意❤️🐑🐑最後我哋就叫咗一個好特別嘅沙律，就係牛油果西瓜羊乳酪沙律，不過佢個味道都幾得意，最初以為係會好似西瓜咁甜甜地，點知原來個沙律係辣嘅， 仲幾辣下， 不過口感都幾得意配埋西瓜嘅甜味甜甜辣辣咁樣好得意好清新，如果唔係泰勒都可以食得晒。…查看更多

前幾日行開荃灣，想去吓Cafe，知道呢一間Cafe嘅裝修都幾文青咁就過嚟食嘢。環境佈置都的確係唔錯，啲佈置都幾有味道同簡約，位置都幾闊落。扮文清梗係要試吓啲咖啡同埋叫咗杯水果茶水果茶幾好飲，裏面啲水果好足料，首先叫咗個龍蝦湯，俾我喺其他飲開嘅味道冇咁龍同埋冇咁杰，都幾light ,如果唔鍾意平時龍蝦湯重口味嘅你可以試吓另外叫咗個三色薯條，佢有三種醬汁俾你，有蜜糖芥茉，茄汁，同埋黑松露醬。蜜糖芥茉有淡淡的芥末味甜味比較重，而黑松露醬就真係有好香濃嘅黑松露味道，薯條亦都夠粗炸得好香口，我本人就最鍾意食黑松露醬。之後個主菜就係問你墨魚汁意大利飯配香煎北海道帶子刺身配三文魚，真係落咗好多墨魚汁，食到個咀都黑晒，帶子都夠新鮮墨魚汁嘅味好香濃，就亦到加左好多芝士，因為我食唔到啲太Heavy嘅嘢所以我就冇食好多。地方係會有少少遠但係都值得一試嘅…查看更多