wsc_vincent的個人專頁

前幾日中午想食素，行咗去紅磡foodcourt，買左飛就行去d間素食鋪，當時有個呀嬸(應該係老闆）洗緊野，我只係企係櫃面等同睇下有咩餸揀，冇出聲冇吹佢，佢突然用極差既語氣叫我排隊，大佬呀，除左我之外跟本就冇其他人，排咩隊啫？仲同我講‘係咁架啦，呢度d文化係咁架啦！！！’ 跟住繼續洗野，然後慢慢入返去廚房，完全冇理我，同之後排隊既客，直至另一個員工返埋位先出餐俾我哋，如果我做d野得罪你，你串我我冇野好講，但問題係我根本乜都冇做過，只係企係度等都要俾人話，有冇攪錯，仲有d餸少得可憐，一個咁既人煑d齋菜都食得出個種仇恨感！要唔要去試吓食你自己諗下……查看更多

今日第一次同老婆去D間冰廳食嘢，我張飛係58號，已經叫到57下一張到我地，當時有張4人枱坐左3個人，有2個人食完埋單走，跟住個職員叫58號飛，我俾飛佢時佢見我得兩個人而入面有3個位，佢問另一個男人‘你地係唔係3個人’，對方話係然後個職員叫個男人俾飛佢，個職員讀55號飛，我問佢我58號點解冇得入，佢話人地先，咁我話我見到佢俾你果張寫住59號，個職員支吾从對仲話下一張枱好快就行開咗，最後我哋走咗唔食佢間垃圾。間垃圾冰廳為左填滿d位，可以對住張59飛讀55號，睜開眼睛講大話，d野唔食都知有幾好！…查看更多