lemonoli的個人專頁

放假去左灣仔扒房食晚餐～餐廳冇限時，唔趕人走，可以慢慢食，岩哂gathering /慶生/約會💖🫕蘑菇湯一上枱已經聞到濃郁菇香，而且飲到粒粒蘑菇碎，真材實料～🥗凱撒沙律羅馬生菜新鮮爽脆，煙肉碎同麵包粒增加口感，最緊要係醬汁調得恰到好處，唔會太鹹或者太漏。🍞自家製百里香蒜蓉牛油餐包鋪頭自己搓既餐包，熱辣辣，口感鬆軟，最緊要新鮮👏🏻🤩🥩美國平鐵牛扒好大塊～油花均勻，表面煎得焦香～就咁海鹽同黑椒都已經可以帶出肉嘅鮮味，加埋黑椒汁更加香🥩安格斯封門柳封門柳肉味比較濃郁，五成熟火候完美，切開勁粉嫩，肉質軟淋得嚟帶咬口，配左阿根廷青醬更fresh，好好jap🤤…查看更多

讀書果陣都間唔時食dan ryans, 今次同friend去咗太古果間食晚飯～叫左個2人set，好滿足！3個餐包都好夠熱，勁加分😆! 配埋特制牛油好香甜🤤頭盤個周打蜆肉湯一上枱就聞到濃濃奶香，湯底creamy得嚟仲食到粒粒蜆肉～🫕🥗木瓜沙律好清新～d木瓜好甜，配埋沙律菜同酸酸甜甜嘅芒果醬汁，勁開胃🥩主菜叫左炭烤封門牛柳五成熟，切開粉嫩，外層炭烤焦香鎖住肉汁，而且牛味好重！配埋炸到金黃脆身嘅薯條同甜粟米，好豐富！最後甜品既布朗尼好好食🥹👍🏻！個布朗尼係熱嘅，朱古力味超食！配埋個士多啤梨，唔會膩；紐約芝士蛋糕質感綿密，唔會太甜🚂 幾中意dan ryans 既位都幾好坐，夠晒闊落，而且啲裝修都幾精緻，天花位置甚至有個火車玩具一直旋轉，小朋友一定好中意！…查看更多

奧運附近米線不嬲唔多選擇，呢間係紅磡開過嚟嘅小店，商場舖但街坊價錢，仲有米線關注組推薦！元祖金酸魚片濃湯底上枱第一時間驚訝魚片之多，足足鋪滿咗成碗！金酸魚片濃湯味道濃郁，酸菜嘅酸味滲入魚片中，湯底以酸味為主，開胃又唔會太重口味青花椒麻濃湯米線青花椒麻濃湯係呢度嘅招牌之一，湯頭好特別，每一啖湯都食到陣青花椒香！呢個湯頭出面比較少見！炸魚皮：大推！佢係成碗另上抵食到癲，但只係一個餸價錢～秘製腩肉（微辣）：好出色，腩肉肥瘦均勻，辣味夠出色，切得較碎但煮得好入味　螺旋藻：份量好多，吸哂啲湯，口感爽口蘿蔔：清甜冇渣，煮得軟腍入味貴緣雞絲火山啲雞絲堆到成座小山咁，份量多到震撼！d雞絲撕得好幼細👍🏻仲有大量嘅榨菜，增加咗口感層次。我哋叫咗呢個2個人share，可以做埋米線嘅餸巴蜀狂惹雞翼（三重芝士）有5隻，味道惹味，同埋肉質幾嫩滑…查看更多

去咗尖沙咀Ruen Thai醫肚，星期四都坐爆哂，目測好多人黎慶生/飲酒嘆世界😀酸辣椰奶雞湯一上枱已經聞到好香濃嘅椰奶味，入口先係微微嘅酸，跟住辣味慢慢滲出！雞肉吸晒湯嘅精華，飲完成個人暖笠笠，好開胃。青檸香茅蒸鱸魚賣相已經贏晒！條魚好新鮮，魚鱗好有光澤。魚肉蒸得啱啱好，一啲都唔老，仲好鮮甜。香茅同青檸嘅清新帶出鱸魚嘅鮮味，酸酸地好醒胃，連埋啲汁一齊食，真係好正。泰式乾炒河粉係我中意既寬版河粉！寬版河粉比較Q彈，有少少似豬腸粉～個河粉鑊氣十足，河粉炒得乾彈牙，配料既蔬菜又多，每條河粉都上晒色同味好惹味！雞肉串燒雞肉燒到外皮微脆，入面依然juicy，點埋佢哋秘製嘅醬汁，勁好食～同碟仲有3大塊米粉，可以用黎包生菜+雞肉食，感覺清爽d~Rainbow float幾款水果汁加椰漿，口味比較甜～Hot chocolate 熱飲唔多選擇，呢個正常發揮…查看更多

上環明軒小館幾有驚喜！餐廳好新淨，而且啲座位好闊落，坐得舒服～蟹粉正宗河蝦仁撈麵 （配手工拉闊麵）開放式廚房，可以見到師傅親手拉個麵團同煮麵～🤩 麵團由日本麵粉製造，口感彈牙。蟹粉亦好足料，除左多蟹黃，仲有勁多蟹肉係入面，味道濃郁，撈面食好正好邪惡😋 另外，d蝦仁細細粒但幾鮮甜～至尊蟹粉撈麵 （配萊茵衣藻麵）個蟹粉同上面一樣～萊茵衣藻麵第一次食，好創新，食落有些少甜味，而且比較健康，除左有助降低膽固醇，熱量仲低d😍古法糟鉢斗入面有北寄貝，鴨舌，雞腎，枝豆，花雕酒香味好正！d內臟處理得乾淨冇腥味，凍食配酒一流古法墨魚紅燒肉墨魚彈牙，紅燒肉肥而不膩，醬汁濃郁，真係好想用黎撈飯～…查看更多

同fd睇完電影去左食阿木台灣麵，大滿足！搬左鋪之後地方大左好坐左👍🏻紅燒牛肉牛筋麵🍜湯底濃郁，角切牛肉有好多舊，勁抵食！角切筋位比較多，口感較軟淋，夠入味，牛筋膠質滿滿好正！😋 滷牛腱🥩勁厚切！足足有5塊鋪滿個碟好癲！滷得夠透，比起角切，肉既比例高d，食落淡淡肉，加埋辣椒醬食更加惹味～韭菜蚵仔煎蛋🍳韭菜味好香，蚵仔鮮甜冇沙，煎蛋金黃香口，加埋孜然粉食好正！飲品方面，熱粒粒白桃汁幾有驚喜🍑，清甜又潤喉，金鑽鳳梨汁🍍，酸甜解膩，仙草滑溜…查看更多

前排食過一次the grill room 覺得唔錯，星期六過黎食多次，壽司郎果邊部lift易等d😂 今次都係食semi buffet +主菜，見到唔少人share海鮮拼盤，望落都唔錯🥗semi buffet d野食同上次食有些少分別，今次有水果沙律同曲奇食，d提子好甜好大粒👍🏻🫕甘筍湯今次個湯係甘筍湯，甜甜地好開胃～🍝Chorizo & Pancetto Arrabbiato Línguine 個意粉幾好食，辣度適中，辣肉腸同煙肉嘅鹹香配搭得幾好，意粉質地彈牙有咬口。蕃茄醬汁調得酸甜平衡，唔會過膩。🍚Beef Cheek Mushroom Risotto 牛面肉整得幾腍同入味，唔會韌。意大利飯吸滿忌廉汁，食落好creamy…查看更多

星期六lunch時間去左海之戀，見到Odelice既set menu轉左，所以想試下！排左一陣隊就入到～炸辣蟹肉球外皮脆卜卜，咬落去外脆內軟，蟹肉鮮甜又帶微微辣～煙三文魚拼盤煙三文魚有三大塊～配埋烤脆左既酸種麵包同酸奶油，清新得嚟又開胃烤龍蝦燴飯呢個真係不得了！龍蝦烤到啱啱好，肉質彈牙，上面有大量芝士同香草，勁香！燴飯都出色，吸晒龍蝦嘅精華，creamy得嚟唔會膩阿根廷安格斯肉眼牛扒要咗五成熟，切開粉嫩冇血水，肉味濃郁，仲有啲炭燒香，配埋粗薯條，邪惡但滿足！ 抹茶青蘋果特飲夏日必點～抹茶甘香同青蘋果嘅酸甜撞出清新感，解膩一流…查看更多

之前同fd一齊試左新開左既至尊雲吞雞煲～間鋪做緊新開優惠，見到好多街坊帶埋小朋友黎試我地一開波選好雞煲，再一邊食雞一邊揀食咩打邊爐配菜。選左至尊惹味雞煲BB辣，雞件份量好足，覺得唔夠竟然可以再落單加雞😳！個雞煲上菜時放滿芫荽同蔥，雞肉已經炒香咗，加埋爆香左既洋蔥同蒜粒，可以直接夾黎食，好惹味！食完雞煲就可以打邊爐，放題有齊基本配料，包括肥牛、丸仔同蔬菜，不過最抵食都係雞件野飲方面，除左氣水，可以用QR code 選其他野飲，不過我地都係覺得汽水同雞煲最match🤣…查看更多

平時返工都間唔時食悅川，佢地方大坐得舒服～今次同屋企人試咗二人套餐，真係好抵！🤩（平時太多人冇留意，原來有8人位，同同事/屋企人食都方便😉）佢地既老壇酸菜魚係招牌，魚片嫩滑冇骨，酸菜夠晒入味，湯底酸辣開胃，撈飯一流，而且夠大份，入面仲有薯粉😍嵩荀炒肉絲鑊氣十足，荀絲爽脆，肉絲醃得啱啱好，唔會太鹹，夏天食岩哂～青瓜拌雲耳清新爽口，酸辣汁醒胃，食完油膩嘢再嚟一啖，即刻解膩！紅糖糍粑外脆內軟，紅糖香甜唔膩，最緊要唔會太甜同埋個皮唔會硬到痴牙！成個套餐份量十足，價錢合理，冇令人失望，下次一定會再encore！我地仲加左半隻72度慢烤樟茶鴨，鴨皮脆口，肉質嫩滑得嚟又唔柴，慢烤鎖住肉汁，樟茶香氣滲透每啖肉😋…查看更多

近排好想食韓國野，餐廳裝飾有我推既名，好有緣😍一坐底即刻有豐富既小菜，足足有9格咁多，每一格份量都唔少，而且係好食既！魚片同南瓜都有驚喜～泡菜炒飯粒乾身又彈牙，泡菜酸甜微辣，仲帶少少爽脆，加埋流心太陽蛋同大量紫菜，撈勻一齊食，好正！ 😋煙燻五花肉肉質肥瘦分明，外層微微焦脆，入口即化，油脂香濃但完全唔會覺得油膩。可以跟傳統韓式食法，用生菜包住，再加蒜片同韓式辣醬，口感層次豐富，真係食到停唔到口！ 餐廳門口仲有個布景，Follow佢哋社交平台，就可以拎到一個匙扣，寫完野可以鎖掛喺果度，好有儀式感～…查看更多

今個母親節，同左媽媽黎食buffet~🤩呢個buffet有好多款新奇食物，可以比啊媽試下前菜有好多款，中東醬尤其特別～Hummus ：幼滑綿密，豆香十足，夾餅食無得輸 Mutable ：啊媽最中意呢款，茄子同芝麻醬完美融合，口感豐盈Pita Bread外皮微脆，內裏軟熟，熱辣辣撕開仲會冒煙，點中東醬、夾餸或者就咁食都咁正。而且麥香十足，口感煙韌😋主菜都有好多選擇Chargrilled chicken kabsa：雞肉炭香十足，嫩滑多汁，香料好惹味，飯底吸晒精華Fish Kofta Tagine魚肉香滑，香料惹味，燉到入味又唔腥lamb mandi羊肉好嫩，而且唔會有羊臊味，香料味Traditional Lebanese Mix Grill Meat傳統黎巴嫩雜錦烤肉好正～見到好多人點跟住點。羊肉嫩滑多汁，牛肉炭香濃郁，雞肉醃得入味，配埋蒜蓉醬同烤餅，風味十足Rice Pudding： 呢個好好食！我自己一個食左差唔多半盤🤪 個奶香好濃郁，飯粒軟糯，甜度岩岩好，有d似日本濃郁版既牛奶布甸…查看更多

平日放工去都好多人～😀香烤加拿大豬鞍配烤蔬菜及覆盆子醬好難得咁厚既豬鞍都可以煮到嫩滑口感，火喉控制得好！👍🏻而且覆盆子醬酸甜既味道同豬鞍好夾，勁開胃😍白酒半殼紐西蘭新鮮青口（配多士）個汁係重點🤩！青口新鮮嫩口，配埋個汁同辣椒食，好惹味！😋多士夠脆，點汁食都好正澳洲 M3和牛肉眼扒好大塊既牛扒🥩牛味好濃有肉汁，加小小鹽或者牛扒醬都好味🤤ONE THOUSAND &ONE NIGHT呢杯野飲真係好有儀式感🥹🫶🏻 而且重點係杯野飲係好味既，熱情果味好香～BACK TO SCHOOL店員拎住支魔杖黎點火🧙🏻 呢杯cocktail都係偏甜，好易入口，而且果味清新…查看更多

同朋友試左間靚靚餐廳🍴✨酸種麵包配黑松露牛油麵包鬆軟，加埋黑松露牛油好香✨洋蔥湯清甜既洋蔥湯好暖胃✨塔斯亞尼亞海膽多士多士脆口，塔斯亞尼亞海膽飽滿，加埋魚子醬，鮮味十足✨蝶豆花木魚清湯日式鯛魚片鯛魚片好爽口，加上木魚湯同檸檬汁，味道清新✨威靈頓牛柳酥皮金黃香脆，牛柳充滿肉汁，醬汁都好好食😋😋✨法式龍蝦汁海鮮薏米飯龍蝦汁味道濃郁，薏米飯口感Q彈掛汁，蝦肉彈牙夠大隻✨Rainbow🌈味道香甜，酒味唔會好重，而且彩虹顏色超吸睛！菠蘿汁同石榴糖漿味道幾突出🫶🏻✨Sangria 清爽既味道，果味同薄荷味較重～…查看更多

驚喜二重奏二重奏除左有紐西蘭熱石牛扒，仲有炸雞，好豐富～份牛扒幾juicy，點埋個靈魂醬汁食更好食～炸雞都好出色，外層炸到好脆，d肉好嫩滑，而且醃到好入味！另外仲有個沙律，可以中和一下油膩感，平衡得唔錯👍🏻紫菜手抓飯只要將飯，紫菜，蟹籽同芝麻撈好再手握成飯團，就可以開動！可以叫店員幫手或者自己整，我們當然自己玩～d材料好香，而且口感好正，好岩幾個fd一齊整魚介湯鍋好大份既湯鍋～湯鍋有好多款魚介同配料，包括魚蛋、魚片、魚餅、白蘿蔔、金菇、鮮冬菇、雞蛋等，而且成個鍋上，幾有韓國街頭小食feel～農家鮮泡菜酸酸辣辣嘅農家鮮泡菜，可以用黎減低解油膩感～而且份量好多蜂蜜米酒加左蜂蜜嘅米酒，酒味唔會好勁，容易入口，幾啱女仔飲…查看更多