sasaeat101的個人專頁

收工約埋班同事去食飯吹水，今次揀左灣仔居酒屋！地點方便就腳👍🏻好驚喜係餐廳有超多選擇！由前菜到到主食都唔會失望！🍣刺身5點盛 $320刺身分別有三文魚、吞拿魚、油甘魚、帶子同甜蝦。每款都好鮮甜，肉質鮮嫩。🍤天婦羅海鮮拼盤 $248天婦羅炸得好脆，唔會過份油，配埋個天婦羅汁同埋小小調味粉，味道岩岩好！個拼盤有海老、鱈魚、池魚、扇貝、海膽同埋蔬菜等。🍢燒物 $64-76去居酒屋當然唔小得叫啲串燒啦！叫左雞中翼，免治雞肉棒，燒牛肉車厘茄，燒牛肉本菇等。每款都好出色，即叫即燒，熱辣辣又香口。特別推薦燒牛肉車厘茄，鮮甜又解膩！🍚牛肉泡菜炒飯 $98今次試左佢兩款石頭鍋飯，大推牛肉泡菜呢款！泡菜味唔算好濃，酸酸甜甜！石頭鍋飯好香，有小小飯焦！每啖都好香口！個個都話要添飯呀！🍹飲品方面，我地叫左幾款燒酌梳打試下！每款都大受好評！我自己就試左荔枝西柚燒酌梳子同梅子燒酌梳子，兩款都甜甜地，好香好清新！推薦！…查看更多

今日約咗朋友去荃灣食晏，經過見到Ufufu，感覺都幾舒適闊落，就入左去食啦！餐廳環境好靚，日系Cafe嘅感覺。而且坐得都幾舒服，好啱同朋友傾偈。🍝明太子帆立貝忌廉意粉 $156意粉個忌廉汁味道都幾濃，沖既份量好多，唔會乾，有啖淡嘅明太子味，唔會太咸。上面兩粒帆立貝，咸香鮮甜！套餐仲可以配一杯咖啡，揀咗凍嘅Mocha，又靚又好飲。🍔UFUFU芝士牛肉漢堡$126漢堡個份量一啲都唔細，執牛肉漢堡扒好多汁，肉味香，芝士係半融嘅狀態，配既蔬菜亦好清甜。朋友點咗杯甜橙梳打，好清涼嘅感覺，可以消滯。🍕蜂蜜四色芝士薄餅$138其實叫兩個餐都飽㗎啦，但見到隔籬枱個Pizza覺得好吸引吸，見佢細細地一個唔算好大，都叫咗個嚟試吓！蜂蜜加芝士又甜又鹹真係一個絕配嘅組合，佢嘅蜂蜜係自己倒落去嘅，芝士有小小融融地，個餅皮又脆，襯熱食好滋味。推薦！…查看更多

📍捌加廿陸天婦羅居酒屋 - 油麻地今日經過佢門口，見佢裝修咁得意，決定一試！佢鋪面真係好有日本既感覺，入面係bar檯，仲痴滿曬poster！非常有特色！而且價錢都好相宜啊！🍜🍚自選定食 $30起我食冷烏冬，朋友食蕎麥麵，兩款麵超級大碗啊，份量好夠！一個set仲有埋沙律同麵豉湯。🍤入正題啦！推薦幾款好正既天婦羅比大家穴子：魚肉超厚，炸粉剛剛好，可以保持到魚既鮮味，魚肉唔乾唔鞋！超推本菇/杏鮑菇：菇類都好好食，好juicy南瓜：食天婦羅必點啦！個南瓜唔硬，甜甜的，好味！🍨甜品方面，竟然見到佢有款叫炸菠蘿雪糕，即刻想試一試，我揀左海鹽味！咸咸甜甜既雪糕，配埋個炸左個菠蘿！又凍又熱咁！口感好正！推薦一試💰人均消費HKD150（食到超級飽呀！）…查看更多

今日中午同朋友揀咗嚟食劉興記，睇佢鋪面平平無奇，估唔到啲嘢食真係幾好味！而且價錢唔貴！食lunch嘅一個好選擇！我哋叫咗兩個餐，朋友食炸雞扒菜飯，我就食炸豬扒拌麵！兩款都炸得好香脆，但又唔會覺得好油膩！每個餐都會配一個生煎包，唔使嗌多一碟食唔晒！生煎包好Juicy，個底煎得好香脆！好食！另外餐飲方面，竟然係豆漿任飲，姐姐不斷幫我哋加豆漿，差唔多飲晒就自動波過嚟加滿一杯！見生煎包不錯，仲叫多咗龍小籠包試下！個皮唔厚，夠juicy！推薦！…查看更多

今日天氣熱，食完晏想同同事去買杯野飲！經過見到夏茶，係元朗黎左葵廣！門口已有幾個人排緊隊，決定試下。我同同事一齊一共叫咗兩杯飲品。🌸楊梅大滿足 $40呢杯個味驚喜，甜甜酸酸咁，入面仲有啲楊梅肉、茶凍同埋蒟蒻，飲落口感好豐富，仲有野咬下。夏天解熱解口渴一流！而且品係周圍都有！🍑芝士蜜桃雪沙 $38個芝士奶蓋鹹鹹地好濃厚好香芝士味，奶嘅蓋控可試下！沙冰好清涼，有一陣淡淡既桃香，唔會好甜！飲晒成杯都唔會覺得好漏。…查看更多

放工去咗元朗新開嘅燒肉店，店員安排咗個卡位俾我哋，兩個人坐非常闊落，張枱都夠大。餐牌肉類嘅選擇非常之多，仲有少量海鮮同蔬菜。今次就試咗佢四款肉。🥩大判燒！黑毛和牛西冷 $178呢款肉上菜嘅時候會連埋一隻生雞蛋，店員仲會問我哋想食幾成熟，然後幫我哋燒埋！成個過程都幾適合打卡。塊肉加埋蛋漿一齊食，非常香滑！🥩黑毛和牛上嫩肩里肉 $178呢款肉油脂好豐富，所以入口即溶，超級滑！呢款夾菜式就啱啱好！可以中和咗佢個油脂感。🥩黑毛和牛腹前小扒 $248呢款肉比上面嗰款口感會豐富啲，食落會冇咁油膩！🥩鹽味上牛舌 $128牛舌好彈牙，唔係好薄個種。口感好嫩，冇渣！推薦！🍚🥗配菜方面叫咗一個生菜夾肉食。仲叫咗一個紫菜飯同埋一個冷麵。紫菜飯入面有隻溫泉蛋，記得要拌勻先食！冷面嘅份量都幾多，估唔到冷麵同燒肉都幾夾，可以中和到啲燒肉嘅油膩感。🍦埋單之前仲送咗一人一份甜品，個泡芙入邊係包雪糕餡！超級驚喜。另外個杏仁奶凍，杏仁味好重，好香！亦都唔係好甜！記得一定要食埋個甜品先走啊！💰人均消費HKD500…查看更多

📍Sake Hub終於又到long weekend，放工想同朋友去飲番杯chill下傾吓偈，經朋友介紹，發現咗呢間係擺花街樓上嘅Sake酒吧。我地址有少少難搵，因為佢喺大廈上層。入邊裝修好舒服，有日式嘅感覺，每張枱都有自己嘅空間可以同朋友傾偈。🍶先介紹吓佢啲SakeSake選擇非常之多，但今次第一次黎，就試咗佢哋既House Sake先。店家話佢哋呢個House Mune時不時都會轉，都係推介一啲佢哋覺得易入口好飲嘅Sake。- 大嶺 三粒酒：呢杯係偏甜既Sake，酒味唔會好濃，幾適合女仔飲。- 天之戶45純米大吟釀：呢杯就比較乾淨嘅感覺，好易入口。相對地冇咁甜，但都唔會苦。鍾意飲酒嘅人應該都會鍾意呢杯。🍖除咗酒之外，佢哋都有唔少佐酒既小食，今次就試咗佢哋嘅雞肉串燒同埋蟹肉忌廉餅。串燒全部都係雞肉，但有好幾款唔同嘅口味揀，雞肉超級嫩滑。今次試咗三個調味，冬陰功、沙嗲同土匪。土匪味係有啲辣嘅、冬陰功就酸酸甜甜好特別，沙嗲味都幾出，個人最鍾意沙嗲。另外，個蟹肉忌廉餅炸得幾香脆，入面啲忌廉甜甜地，同Sake好夾。💰人均消費HKD170…查看更多

打卡餐廳推薦！兩個女仔想搵打卡餐廳，搵到呢間宮廷公主主題成間餐廳都係花花，超啱打卡啊！餐廳喺尖沙咀The ONE，連位置都超方便！啱晒約埋班姊妹嚟打卡！今次叫咗個火焰牛扒二人餐 $688🥗前菜有個凱撒沙律同羅宋湯，沙津份量兩個人剛剛好，味道清新，加埋啲芝士片，鹹鹹甜甜。羅宋湯味道唔辣，酸酸地，好開胃。🥩干邑火焰牛扒 - 平鐵牛扒8安士主菜係個火焰牛扒，侍應會加啲酒，再點火燒，都燒足成分鐘㗎，有得食又有得睇，仲好好影添！牛扒既牛味好香，唔洗落燒汁都好夠味。我地叫左7成熟，但都一啲都唔韌。8安士既份量2個女仔好足夠啦！🍝意大利煙豬面頰肉卡邦尼意粉卡邦尼意粉既蛋味好濃，口感偏重，意粉嘅軟硬度適中。豬面頰肉煎得好香，比一般落煙肉厚身，更加有口感，好食！…查看更多

為咗慶祝呢個long weekend，收工即刻約咗朋友去食飯！今次揀咗一間喺荔枝角嘅西餐廳，上到去非常有驚喜。餐廳行復古風，唔算好大，但入面好有氛圍感。🦀牛油香煎蟹餅伴芒果莎莎 $138前菜首先叫咗一個蟹餅，外皮炸得好香好脆，入面係好有口感嘅蟹肉絲。加埋上邊有啲酸酸甜甜嘅芒果同埋三色椒，個味道非常夾。推薦！🐟香煎盲鰽魚柳拌帶子拼刁草忌廉汁 $208主菜方面就揀咗一份魚柳，份量都幾多，兩個人share食啱啱好。魚柳係無骨嘅個皮都煎得好香，唔會腥。帶子好彈牙。伴菜嗰個薯蓉都做得很不錯。👍🏻🐙燒八爪魚墨汁意大利飯另外仲叫咗一個意大利飯，上面有幾隻八爪魚腳，椒鹽調味，味道好香口，燒得好好食。意大利飯就鹹鹹地，唔會太濕。💰人均消費HKD300…查看更多

今日OT完同同事食飯，諗起想食串燒，就搵咗呢間舖。由坐低到落單到上菜個速度都快，我哋三個人叫咗好多嘢食。食到超級飽，食物味道不過不失不。推薦個蒜蓉茄子，大大條好惹味！同埋個花甲粉，花甲粉絲份量好多，好入味。其他串燒肉類就普普通通，可以接受，價錢都唔算好貴。我哋埋單$660，三個人食，但其實份量叫得有啲多，可以少啲！佢整少咗一個娃娃菜，所以埋單記得對單。但想反映間鋪內嘅環境，地下同凳上面都有啲污糟，感覺唔算好企理。而且座位唔多，不過我哋好夜去，得我哋一台客。所以唔算迫。最差係班夥計喺餐廳入邊係咁煲煙，間鋪唔大，食晒佢啲二手煙，食完飯成件褸都係煙味。不會再去…查看更多

星期日中午，難得見到百芳便當唔洗排隊！就入左去食啦！叫左一個麻辣牛筋腩麵，同一個炸雞髀便當。牛筋腩麵轉麻辣湯要加$5，可以揀粗麵幼麵或者米粉。牛筋腩麵上菜都好快，落單後5分鐘左右就有啦。麻辣湯唔算超級辣，但食落好過癮，牛筋腩都夠腍。不錯。炸雞髀便當落單就講咗要等20分鐘，真係啱啱好20分鐘就有。雞髀唔算好大隻，但炸得好香。個便當又配咗啲飯粟米半隻蛋同埋啲粉絲，啲粉絲好入味。幾鍾意。另外飲品兩杯都升級咗做珍珠奶茶，不過佢唔係用鮮奶，揀咗微甜 味道都有啲太甜，唔推薦！…查看更多

今日晚上唔算好餓，就諗住去試吓堅信號！兩個人食，首先嗌咗兩個招牌生煎包，入邊好多汁個皮亦脆，呢個招牌的確唔錯！然後，點咗四個小籠包，個皮比較厚，唔算好好食，下次未必會再叫！雞絲粉皮，用普通麻醬撈，冇咩特色，但都要38，細細份亦唔算好平。至於個上湯娃娃菜，就不過不失啦，想食吓菜都算可以。最後仲有個酸辣湯白菜餃，呢個都唔錯既，酸辣湯個味道可以，再配埋個餃都幾好食！如果鍾意酸辣湯嘅話，可以試下。飲品方面就叫咗杯紅豆奶茶，個奶茶茶底係港式奶茶，加啲紅豆甜甜地，都算唔錯，會再叫！總括嚟講，佢嘅生煎包係出色嘅，紅豆奶茶都值得試吓。其他嘢食，可以不試！…查看更多

想食麻辣米線首選會揀三哥！今次去咗GOGO Mall呢間分店，呢邊人流比較少一般都會坐得比較舒服！好多三哥分店都要求嘅搭檯，但呢間分店就冇呢個問題！不過我去到都比較夜啦，八點幾，上菜都算快。兩個人叫咗兩碗米線，一個細土匪雞翼，同一個布甸。米線唔會太淋啱啱好好，呢間嘅麻辣都冇特別辣，算係適中！第一次試食芒果布丁，入面仲有啲椰果，可以揀配提子汁或者柑橘汁，我哋揀咗提子汁，甜甜地嘅提子味唔會太假！食辣嘢配個凍布甸都幾適合！土匪雞翼係用三哥積分換嘅，800分可以換三隻雞蛋！埋單2個人共110！…查看更多

今日朋友問起我想唔想試吓食素食，就去咗試呢間入素。全店都係買素食嘅，但餐牌上面每一個食物都好吸引！我揀咗一個葡式乳豬飯！仿乳豬皮好脆好香！啲肉咬落去口感幾好，但乳豬味就冇乜啦！估計係用豆皮整出嚟嘅！個飯都幾香，似係薑黃飯，配菜就有啲沙律菜！朋友就揀咗個海鮮菇炒福花菜，配一碗白飯。但係佢呢個上菜感覺份量有啲少，就係椰菜花炒菇，呢個就冇咁吸引啦！餐牌上面全部都係套餐配咗一杯嘢飲，我哋兩個都係揀咗杯冰茶，飲品就不過不失啦。埋單每位$82，都比較貴！呢個價錢嚟講，素菜賣相就有啦，但味道未去到好出色！…查看更多

天氣凍凍地，想飲番杯朱古力鮮奶。經過天仁茗茶見到又有鐵觀音朱古力鮮奶啦！好似唔係間間分店都有！叫咗走冰微糖，味道唔會太甜。另外仲加咗仙草，平時飲開都係珍珠，第一次加仙草，發現都幾好味！雖然冇珍珠咁好咬，但仙草個口感更加豐富。而且同鐵觀音朱古力鮮奶都幾夾。呢杯係朱古力鮮奶嚟嘅，唔係奶精！埋單37，都有啲貴！但同大家分享個優惠，買天仁茗茶之前，記得先係OpenRice買天仁茗茶優惠券，一買可以即用！每次都可以平到幾蚊㗎！下次記得試吓！…查看更多