nielist的個人專頁

旺角雅蘭中心有間新開張嘅川菜餐館，叫做 祥仔辣辣，顧名思義，係一間主打惹味香辣元素嘅餐館。餐廳內嘅環境相當唔錯，寬敞之餘座位亦非常舒適，茶壺及各種餐具嘅款式都頗為精緻。小編今次點嘅係現時做緊推廣優惠嘅 辣到噴火精選套餐。雖然睇個名好嚇人，但其實係可以因應自己口味要求返辣度上嘅調整。套餐包括2款前菜、1款招牌菜、3款特色菜品、以及1款甜品。除了招牌菜有得2選1外，其他都係固定菜色。前菜包括 惹火山木耳 及 川味口水雞。木耳略帶辣味及酸味，食落清爽脆口，係一款非常開胃嘅前菜。口水雞嫩滑惹味，但亦唔算特別辣，正好為呢個噴火套餐帶來一個漸進式嘅辣味變化。招牌菜有 水煮牛肉 或 祥仔招牌酸菜魚 二選一。在店員推介下小編今次揀左酸菜魚。呢款酸菜魚不愧為餐館招牌菜，不但魚肉嫩滑無骨，酸菜魚湯亦惹味可口又無油膩感，加上大量芽菜及蓮藕，食完已覺飽肚滿足。其他特色菜品仲有 噴火小籠包、乾煸四季豆、香芹豬肉水餃。小編覺得小籠包頗令人驚喜，因為小編真係有一段時間無食過辣嘅小籠包，而且佢嘅辣係麻辣，好有川菜風味，肉汁及湯汁亦非常豐富。最後嘅甜品係 黃金南瓜露，係一款非常適合為大家最後解解辣嘅甜品，配上幾粒清甜嘅水晶球，正好為呢個辣到噴火嘅套餐完滿作結。祥仔辣辣旺角彌敦道639號雅蘭中心2樓201號舖…查看更多

今日又嚟到火炭駿景園必食首選嘅一葉小廚。呢度嘅台式肉燥飯非常美味，一直都係我響火炭附近嘅至愛餐廳之一。最重要係價錢非常相宜，肉燥飯連野飲大約只需$50，駿景園附近嚟計性價比相當之高。今日食嘅係腐皮蝦卷糖醋魚塊肉燥飯加杯蜂蜜紅茶。腐皮蝦卷外脆內彈牙，咬落彷彿有陣鮮味令人驚喜，糖醋魚塊嘅甜度合適，兩者作為肉燥飯嘅配菜都極為出色，實在令人回味無窮。加埋杯蜂蜜紅茶滋味解渴，完成左一餐非常令人感到滿足嘅午餐。…查看更多

春水堂既珍珠奶茶就飲左幾次喇，今日決定試試這特色小吃—台灣香腸，幾有特式的小吃，一咬落去肉質肥瘦適中，口感嫩滑微甜，台灣香腸果然係非常好吃😋我最喜歡有點甜的香腸，味道剛剛好，不概為台湾一大著名美食會繼續光顧…查看更多

今天同事飯局走到中環吃👭發現環境設計、食物和服務都挺好牛肉Hanger Steak 份量適合女仔Medium肉質很嫩滑，份量夠多，加上旁邊的醬很香很好吃😋選了pizza 三色芝士脆薄餅濃厚三重芝士加上番茄酸酸甜甜蕃茄汁、火箭菜，加埋食很refreshing，份量也很足夠 4個人share 剛剛好～^_^卡邦尼意粉味道好，sauce是比較濃郁的，很creamy會吃膩的那種整體來說覺得挺好 可以再來📍…查看更多

麻辣控 可能會一試愛上既螺絲粉螺絲粉香港人比較少食，亦冇乜地方有得食，佢既一大特色在於佢較爽夠彈呀加埋酸味～你一定要試🌶🌶😋40蚊😱大大兜麻辣雜錦🍢有螺肉粒、脆腐皮、花生🥜、木耳絲全部都係吸湯汁配料呀😂🔥樣樣都煲到入晒味超正，麻辣超香唔會苦👍仲可以大中小、BB辣任你揀👏佢地仲有其他麻辣小食都好多款架～💦💦不過大大碗既螺絲粉已經完全食到十成飽，冇機會試，唯有下次再試過啦麻辣皇后在深水埗福榮街地點幾方便…查看更多

慢活·悠然自在的感覺、書卷氣濃厚的一個地方明太子鮮蝦義大利粉🍝明太子義大利粉配大大粒脆口新鮮三文魚籽，口感很濃郁的而且新鮮食材，用料上乘，一試愛上既義大利粉-小食方面～有小食拼盤包括（八爪魚丸🐙、士林腸、春蝦）賣相好靚，未食都加哂分，且即叫即製，薯條十分香脆可口值得一讚既係員工有禮貌、食物整體唔錯、環境舒適！…查看更多

大大個鮮奶味極重既牛奶🥛包都係$18/個 食完夠飽既日式麵包。日式北海道麵包味道豐富、鬆軟好吃北海道麵包外形和做法類似飛碟麵包，吃起來有濃濃奶香，口感濕潤又柔軟，食得出白麵團好高質而且夾層抹了濃香牛奶好香甜啊！今時今日算好抵食了，而且麵包店位於佐敦街好方便…查看更多

卡邦尼忌廉計蘑菇煙肉意粉意粉麵質軟硬兼施，屬高質意粉，忌廉汁好均勻夠多亦唔乾，非常的滋味，而且煙肉粉量多又有陣陣pizza香，上碟簡直色香味俱全，推薦另外有羅宋湯附送，羅宋湯也做得好好飲…查看更多

今晚出鑽石山荷里活睇戲 入戲院之前當然例牌要醫左肚先 原本想去food court食 點知醒起原來荷里活food court已經執左 但原來的位置繼續都係開食肆 原本想試新野 但諗諗下又好耐無食過pizza hut的芝心批 在店外望著餐牌回味的同時女朋友已經一支箭衝左入去 一於食pizza喇坐低睇餐牌時發現pizza hut做緊期間限定的新年menu 睇相已經覺得呢個芝心芝脆批相當之邪惡 呢d咁邪惡的美食我地又點會放過呢 今晚食硬你喇哈哈相當邪惡的金玉滿堂 滿滿的芝心重口味到令人欲罷不能 濃郁的芝味滲入每一個味蕾 簡直係芝士界的極品 芝味十足 價錢雖貴不過仍然覺得物超所值…查看更多

響深水埗行完街經過呢間吉豚屋 門口睇餐牌見到價錢唔貴 好有日本快餐feel 今日一於試佢喇 門面大大隻日文字吸引到我眼球 令我想起在日本時的日子呢吉豚屋主打似乎都係日式定食居多 但今晚唔想食炸物 於是我決定食⋯⋯就係呢個豚肉壽喜燒鍋烏冬喇 嘩豚肉堆疊得好高好滿呀 真係好抵食呀 呢個份量一個人點食得哂呀 價錢仲要唔貴 配料又咁多 真係無揀錯 超級抵食呀飲品就跟餐加錢叫左杯熱的椰果荔枝茶 不過味道就好普通 似乎呢間吉豚屋都係食物好過飲品少少囉…查看更多

今日Lunch去小廚港作食 唔算等左好耐就有位 趕時間於是果斷叫左一個Lunch Set的淡咖哩肥牛焗飯上枱一刻滿滿的焗咖哩汁會勾起人的食慾 以茶餐廳來說香味不俗 但感覺太多汁應該會好肥吧 味道方面既然叫得做淡咖哩 真係好淡 不過就勝在唔辣 唔洗驚食到流鼻水 對午餐趕時間的人來說是不錯的選擇 可惜肥牛肉好多根 肉質真係麻麻 $45我個人就覺得略貴了 跟餐飲品隨意叫左杯茶走 反而有少少驚喜 甜度適中 茶香奶滑 雖然講唔上係頂級但就足以令人充足電下午繼續博殺 …查看更多

今晚同女朋友響西九龍中心行街 於是順便食埋飯 發現呢間加藤屋 嚇左一跳 這當飯加咖哩飯加鐵板飯的餐單根本就係吉野家x銀咖哩xPepperLunch 一次滿足你3個願望 一於試一試先 我地點左個壽喜燒鍋 同吉野家其實差不多 加湯都一樣係自助形式 壽喜燒湯底味道唔錯 另外紅薯粉口感好好 放落壽喜燒湯煮一流 配上雞肉係唔錯的選擇 可惜白飯米唔靚 我地最終一併放落壽喜燒鍋煮當湯飯食 總算唔錯 餐廳座位坐得比吉野家舒服得多 下次會再來試埋當飯同咖哩飯同鐵板飯 …查看更多

今日響尖沙咀食完飯之後經過半熟工房，在門外已被果陣芝士香味吸引左，於是同女朋友買左幾個來食。嘩！簡直好食到離曬大譜，雙重芝士所配合出來的層次感令人回味無窮，外層烘得脆脆的芝士所散發出來的香氣令到原本已經食飽的我都仲有胃口想繼續食埋個芝士撻。再加上內裡的流心芝士入口即溶，簡直係我食過最好食的流心芝士。更難得的是連個撻皮竟然都處理得特別鬆脆，結果我地食完一個又一個，明明已經食到好飽卻又好想繼續食落去，正！！…查看更多

作為一名荃灣友, 自問平時都好少走過來沙咀道呢邊, 所以都無試過呢間滿粥, 今晚經過附近一於入去試下首先叫左一個皮蛋鹹蛋肉片粥, 問心, 價錢偏貴, 但好足料, 食落好入味, 粥底亦都好綿, 用餐果陣更聽到隔離枱話好食過德發好多, 的確係事實, 但客觀少少講句, 始終價錢差左一截, 唔應該咁比較另外叫多一碟蛋花腸粉, 抱著一試的心態, 因為響外面好似未食過, 食落都唔錯, 不過如果畀我揀, 我都係鍾意傳統腸粉多d, 下次再試喇最後有加點一條油炸鬼, 但忘記左影相, 油炸鬼賣$8印象中同其他地方比偏貴, 而且唔脆, 不過可能因為係夜晚臨近收鋪所以先會唔脆掛 …查看更多

同女朋友去食薩莉亞, 雖然價錢平, 但其實我地兩個都好鍾意食首先點左一個墨魚汁意大利粉, 女朋友表示超好味, 不過就食到我地兩個嘴都黑哂, 哈哈 呢碟意式菠菜伴煙肉純粹係為左我地想食少少菜再叫一個蘑菇pizza, 女朋友指定要加雙重芝士($6), 加左真係好食d, 加呢6蚊超值另外再叫一個女朋友至愛的甜蝦多利亞飯, 每次食都會覺得太多汁太肥, 但又會覺得真係幾好食最後叫左一個女朋友最愛的Dreyer's芒果雪糕, Menu寫住今期做緊特價($16->$10), 不過其實咁細杯, 賣$10會唔會都仍然貴過出邊7仔? 算了, 望住女朋友一雙期待的眼神, 為搏紅顏一笑, 難道你夠膽唔叫? …查看更多