yimei yeung的個人專頁

點都要打埋篇食評先瞓囉唸住同男友食好啲,點知尼間嘢差到咁:(首先叫左個芝士焗青口,有海水味和青口邊仲有鬚鬚的,唔知尼啲係米新鮮既標準呢.......之後叫左個八成熟既牛扒,點知比左個六成熟既牛扒,仲要係有一大舊筯位,於是叫人番熟啲牛扒,點知UN到咩咁囉,幾乎十成熟....我唔係好雕鑽既客,所以算數照食,好彩有男友既牛柳食下,唔係既話尼餐真係食得好慘.....但男友食到最後一件牛柳係血淋淋的,煮嘢好求其咯坐落冷氣滴水仲有啲類似蚊滋既野飛來飛去,令我有點身痕....:(之後叫野飲,我叫左凍OT,仲要加$3,貴左啲囉,之前都只係加$2,杯嘢送到黎我一望支飲管污糟到令人無法相信,so dirty 食完好似無食過野咁,同埋杯凍OT唔好飲,以後唔會再黎…查看更多

本人從未係openrice開過食評,但因為尼間舖的關係,真係唔寫唔得.....話說本人生日想開開心心同友人一起在休閒的環境下,玩下board games,傾下計咁渡過,因為本人勁中意熊仔,所以揀左尼間以熊仔為題的樓上CAFE.....本已沒抱太大期望,但也令我失望而回....我地一行六人大約下午三點幾到間CAFE,一步出11樓life口已經心知不妙,成個環境都好舊好污糟,我地走入舖頭時有位小姐在掃地(這也不怪她,因為剛開舖).....這個時候全店只有一個員工......有幾隻特大的熊仔在舖內,但都很多塵很污糟,放在架上的更不用說有多污糟,周圍既環境都很污糟又多塵,窗台,廁所等等.....我地都只是應酬了一下,拍下照就把它放到遠遠的地方,全舖啲熊仔不多不少,但沒什麼特色.......我地揀左近窗位置,我坐的位置感覺到一陣熱氣,但友人的位置正在冷氣風口位,吹到頭都痛....又大打折扣....總算有一個令我們開心的是飲品方面是有特色的:)...食物方面沒有驚喜......個藍莓chesse cake味道ok,可惜放冷箱太耐,雪到硬晒,無左軟綿綿既口感....黎到尼度梗係主要玩BOARD GAMES啦,點知得果幾款遊戲揀....大富翁,生命之旅,層層疊,波子棋,砌字遊戲............真係少得可憐....最令人憤怒的是啲棋都好污糟,痴立立,我地用濕紙巾一抺,成張紙巾黑晒......仲比我地係副大富翁入面見到隻"炮".係入面,真係好無呢頭.....由於無得選擇下,我地都忍住污糟咁玩........不過尼間cafe都有好既地方,有播碟睇...咁岩當日播"72家租客":),攪到我地玩玩下都停了下來唔玩.....全店有兩部電視,但其中一部竟然蒙查查有鬼影:(我地足足坐左3個幾鐘都無人趕我地走,我地咁早走既原因都係太悶+頂唔順啲煙味+友人坐正風口位吹到頭痛先走...........如果唔係會坐耐啲.....其間仲有人問我地會唔會join做會員,心唸邊會有下次再黎呀,間舖咁差......原本plan係度食埋drinner架,但最後寧願冒住下雨既情況下出外揾嘢食,都唔會再想花錢係尼間cafe上..................總括黎講,對尼間日cafe好失望,唔會再黎.....…查看更多