花生mama的個人專頁

甘棠燒鵝 ~ 私房菜,  餐廳位於銅鑼灣南華體育會內.   是間公眾食肆不單招呼南華會員,   座位不太多, 建議先要訂位.    中式裝修比較保守,  部份座位面對高爾夫球場, 可以觀看會員練習球技.   菜牌食物款式多.    我們點了 古法金錢雞:  賣相擺設簡單 ,  夾上燒雞肝, 味道一般.腐皮蛋卷  冷盤凍食, 層層疊, 有蝦籽味.招牌燒鵝,   鵝皮脆 鵝肉厚 , 少脂肪,  肉質稔香, 鵝肉厚而不肥,   配有秘制燒鵝酸梅醬. 雙拼叉燒/燒肉, 叉燒 , 燒得香, 吾肥有蜜汁.  燒肉, 皮脆用了五花腩肉, 不油膩. 西洋菜陳腎牛鰍魚豬竫湯這個手工燉湯價錢頗高, 湯渣一大碟送上,  湯好足料,   有牛鰍魚, 豬竫, 陳腎, 紅蘿蔔.西洋菜打碎再煲湯,   湯的顏色變成菜綠色,  夠火喉, 入口甘甜有益又無油膩.  順德煎釀鯪魚    淡水鯪魚已拆骨,  鯪魚肚內釀了飽滿的 鯪魚肉,  煎得香口, 伴上香蔥, 調味正常. 切件上檯.蒜蓉薑汁芥蘭, 嫩綠少油,  爽口有益, 好健康的一道菜.甘棠薑蔥鵝油撈麵:   鵝油撈麵, 麵並不油膩,  爽口好味.餐廳手工食品算特別,  調味一般, 座位較迫,  價錢略高.…查看更多

今晚放工約了朋友在尖沙咀食晚飯,  預祝中秋, 特別揀了一間近地鐵站的酒家. 港滙軒, 酒家門面闊,  裝潢亮麗.  裝潢甚有氣派, 燈飾設計靚,  面積大,  樓底高,重有 270 度維港海景, 食飯看美景, 賞心樂事.大廳設有四人圓枱, 亦有十多人的大圓枱, 氣氛好好.廳堂高雅大方,  適合朋友, 家庭飯局聚會, 喜宴聯歡. 部長送來餐牌, 大家看看, 有魚翅, 鮑魚, 燒味, 海鮮, 小菜, 選擇無難度.   晚飯有散叫, 亦都有套餐, 豐儉由人.招呼親切, 先開茶及送上花生小食, 我們點了鐵觀音茶, 水滾茶香.今日有晚飯呈獻:  御廚組合 $488, 有龍蝦半隻, 燒鵝或潮式滷水鵝, 好岩食啊.先送上  金銀蒜開邊蒸本龍蝦, 一隻, 每位半隻. 龍蝦新鮮,  厚肉香甜,   龍蝦肉質爽口彈牙, 蒜香好味.  真不錯.潮式滷水鵝,  伴有 滷水豆腐.  滷水鵝色澤鮮明,  肥瘦適中, 油潤軟滑. 用上正宗潮式古法鹵水汁烹煮, 鵝肉好入味, 肉質油脂感都豐富, 嫩滑可口.  鹵水香料咸度適中, 調味好好.鵝肉去骨好入味.  又稔又好食.碟底有鹵豆腐, 同樣鹵得入味, 又滑又有豆香.  清蒸東升斑一條,   熱騰騰上, 好鮮呀. 時間蒸得岩岩好,  魚肉嫩滑有彈性.  肉質鮮美, 充滿魚味但又不會腥,  配以豉油熟油綻的蔥花, 更香, 更美味.絲苗白飯, 用上鍋仔蒸飯,  粒粒分明, 更有飯香, 伴上東升斑一起吃, 好滋味.餐後送甜品,  蓮子紅豆沙, 每人一碗.  紅豆味香濃,  不太甜, 好滿意.酒家環境舒適,  食物價錢公道,  烹調很好!    店員服務態度認真, 值得再來.…查看更多

今日太極師傅生日, 我們一群同學中午練功完畢, 便去屯門三聖邨吃個海鮮餐, 大眾同樂.先去三聖市場海鮮檔買多款海鮮,  好生猛夠新鮮.   價錢也不便宜.  再去 [廣東名門]  加工.  烹煮方式是自選.   這裡訂了個貴賓房, 座位舒適.  今日多道海鮮, 烹調不錯,  : 白灼赤米蝦:  蝦肉很鮮嫩,    十分美味.花甲勝瓜湯:  夏日炎炎,  無沙花甲配上爽口勝瓜, 無得輸.椒鹽瀨尿蝦:    瀨尿蝦勁大隻, 蝦殼炸得紅卜卜, 炸得透蝦肉輕易剝離,  蝦肉非常鮮甜帶椒鹽味更可口.  豉椒炒蟶子皇配炒米粉:    蟶子皇炒的時間剛剛好, 蟶子好厚肉,  口感爽脆,  豉味香濃醬汁亦不會蓋過主角的鮮甜味,  炒米粉底好脆又不油膩.   蒜蓉粉絲蒸元貝: 元貝好厚肉,  蒸得岩岩好不會韌,  蒜蓉夠香,  伴上蒜蓉粉絲, 粉絲也極柔軟, 真唔錯.芝士焗開邊龍蝦:   每人半隻.  芝士落得滿滿焗得焦香. 龍蝦肉 新鮮彈牙.  越食越愛.蒜蓉粉絲蒸元貝, 芝士焗開邊龍蝦半隻.  慢慢食.西芹炒龍躉球, 龍躉班很新鮮, 肉質鮮美.   炒的時間控制得很好, 保持滑魚肉, 吾油膩, 配上翠綠西芹,  有鑊氣.炸生蠔:  炸漿好脆, 生蠔肥美入口嫩滑.  吃了口炸生蠔, 再吃口青菜, 平衡了油膩感. 鹽水浸蜆肉菜芯:  菜芯好嫩綠, 味道清甜,  蜆肉飽滿無沙又大粒, 入口鮮甜,  吃得滿意.薑蔥炒蟹:  惹味的菜式, 有大量薑蔥, 炒蟹好新鮮, 蟹肉食到鮮味,   又相當惹味. 這次海鮮餐, 食物水準不錯,  烹調手工也優質. …查看更多

壹號漁船  位於旺角荷李活商業中心, 人氣地點, 交通極方便.   此店在 2  樓, 很有規模.   面積大,  漁船形的大魚缸, 海鮮生猛活躍.  餐廳設計明亮整潔,  通道闊,  有窗邊梳化卡座, 大圓檯.   空調好好, 無油煙味.   店員 招呼好有禮貌.我們訂了位, 準備食個放題火鍋 120分鐘套餐.     星期六日 成人全日任食不限時段,  $138/p.  (午市加 $30, 晚市加 $60  無限時飲食優惠)   星期一至四, 只係$98/位.放題鍋有兩種選擇, 我們揀了A餐:  山野無花果滋潤湯鍋  滿山跑脆皮雞.侍應有效率為我們安排座位.   湯鍋及五盆雞件立即送上.逛逛自助飲品物區, 大型雪櫃多個, 飲品任飲, 有啤酒, 氣水, 果汁, 竹蔗水, 健康茶...., 我們取了冰凍啤酒, 氣水.熟食區有燒鵝, 牛腩, 花生炆豬手, 炸蝦.   自助醬料區, 擺設整潔衛生, 有辣有吾辣, 自由添加.   火鍋配料可以到冰櫃自取.   有魚蛋, 魷魚,  魚/牛/豬肉丸, 菇, 菌........時蔬, 雲耳, 淮山, 腐皮, 生根, 生菜, 南瓜片........ 蔬菜新鮮擺放得好整齊.另有3 個涼食:  涼伴雲耳, 蕃茄.泡菜.電磁爐很快熱,   湯鍋好足料, 有山野無花果, 滿山跑脆皮雞, 雞件啖啖肉. 雞肉嫩滑, 肉質不錯, 油脂不多,  滋潤火鍋湯底, 先飲碗湯, 無花果湯好清甜滋潤.大家用 QR Code  點了肉類, 餃子:   肥牛,  豚肉片, 爽豚肉,  食物很快便由專車送到, 用膠盒子盛載.鮮滑牛肉, 魔鬼辣牛肉,  手工餃子,  可以無限添加.我們樣樣點齊,  一一擺滿台, 勁豐富.  顏色鮮嫩, 脂肪分佈平均,  滾兩滾就食得, 牛脂香味濃,   肉質鬆軟,  魚皮, 生根,  滾滾就食得,  可口.海鮮:   鮮海蝦 (自費）$24-   4隻, 上檯仍然生猛,  巨型又新鮮,  蝦肉彈牙爽口.海斑片（自費）$20-   3塊, 好大塊, 魚肉新鮮, 味道鮮甜, 十分可口. 鮮鮑魚（自費）$36 兩隻.  大件鮮甜無比.熟食取了牛腩, 花生炆豬手, 炸蝦 熱辣辣, 好香囗. 熟食烹調好味, 有質素, 食得滋味.牛丸, 蝦丸, 墨魚丸, 豬肉丸,  彈牙爽口. 手工餃子,  餡料滿滿, 入口好滑. 新鮮好味,  粉, 面, 也吃不落了.  清清味蕾, 吃些翠綠 蔬菜, 有唐生菜, 油麥菜, 娃娃菜, 西洋菜, 菠菜, 菜心, 南瓜片, 芋頭片....食完火鍋, 還有時間食雪糕. 吃了雪糕,   精神哂!!壹號漁船 食物新鮮, 款式多至吃不完, 座位環境好, 招呼好, 是間超值火鍋店.…查看更多

朋友約食飯,  去了鰂魚湧的 幸圓,  餐廳近地鐵站, 交通好方便, 沒有銅鑼灣般擠迫. 裝修時尚悠閒,  座位舒適,燈飾別致, 和諧悅目, 玻璃大窗對著英皇道.店員高效率, 我們坐下便快速送來餐牌, 食品包括中法菜式, 點餐無難度, 價錢適中.  點完餐後, 不忘叫飲品.  看看彩圖介紹.  Americano Orange  咖啡+ 橙,  像凍咖啡加橙汁,賣相幾特式.RoyalSunrise 士多啤厘加橙味梳打,  上面有蘋果花,口味香甜, 冰涼透心, 好滿意!唔系寶雲酥伊比利亞羊肋排 ~  菜名好特別, 其實系法國菜, 擺碟賣相好專業. 寶雲酥伊比利亞羊肋排焗得好香. 伴有冬菇和露筍.  羊肋排鋪 滿蒜蓉和麵包糠, 焗得外層酥脆金黃, 羊排七成熟剛好, 羊脂香濃一啲都唔騷, 內裡既羊肉軟嫩多汁, 少有食到的口感. 有冬菇和露筍配搭.  好好味!鮮油甘魚頭, 魚鮫 ~ 真系有驚喜.  那個油甘魚頭超級巨型.  我真以為吃不完 !! 上臺已經聞到那魚油的香氣, 那煎到脆卜卜的魚皮味！ 火喉剛好 !!  先把大 魚頭切開, 皮夠脆, 魚面肉好鮮甜.  慢慢品嘗,魚頭給我們兩人吃得清光了.  魚頭下麵有鹽燒油甘魚鮫, 燒得外皮很香脆, 魚肉多, 嫩滑鮮美, 搭配少許醬油及檸檬汁, 勁好食.  真想不到, 一吃愛上.餐後甜品,  草苺疏乎厘班戟 ~  店員送來了, 這個法式甜品做得別致漂亮, 設計顏色均美. 草苺大大粒放在頂, 另碎草苺及棉花糖圍碟, 紅白交織, 好靚.疏乎厘班戟 即叫即制, 焗得香甜鬆軟, 配草苺及朱古力醬 一起食, 好美味. 食材有質素, 法式羊排, 甜品水準高, 價錢合理, 值得再來.…查看更多

清清腸胃食粥最好 !    行經北角找到  大師傅粥品, 下午茶時間, 人流仍多.  大家立即內進搵位.  粥店面稹大, 裝修光猛, 座位整齊舒適, 牆上有食物照片, 容易點餐. 熱柜內的油炸鬼, 牛利蘇, 煎堆, 大大件, 剛剛炸起, 好香脆.  餐牌印制非常清晰,  食物選擇多,  粥分:  即熟粥, 生滾粥.   傳統小食有油器, 炒麵, 粽, 腸粉.   重有飲品.    經濟實惠,  適合街坊. 檯上醬汁, 芝麻, 齊備.  抽櫃有筷子, 紙巾.  好衛生.我們叫齊自己喜好.    一息間熱辣辣便送到.  擺滿檯.牛利蘇    炸得香脆,  外酥內軟.  送粥,  一流好食. 凍豆漿,  豆味香濃,  好滿意.   配上 鹹肉粽, 吾錯.鹹肉粽  飽肚之選.   糯米煙韌, 蛋黃鹹香, 加上優質豬肉, 食得回味.蝦米炸兩腸:   好大碟, 腸粉皮薄薄粉質細滑, 柔軟,  加上蝦米及香蔥, 非常可口.   腸粉內包裹著脆脆油條,  淋上豉油, 甜醬, 辣醬和麻醬, 再灑上芝麻.  吃得有層次. 生滾粥:   手打肉丸粥 + 黃沙豬膶  只加 $5.   粥底軟綿綿又鮮甜,  黃沙豬膶 夠肥美, 口感爽脆.  手打肉丸彈牙, 配上香蔥一起吃,  好味.朋友也叫了生滾粥:   窩蛋鮮牛粥 + 鮮鯪魚球,  只加 $5,  內藏有一隻生蛋.先找出雞蛋,  好金黃色.把蛋刺穿拌勻,  粥立即變得更醒神,  粥底又綿又滑, 滿滿蛋味牛味, 加上鮮鯪魚球的魚香, 配搭得非常好. 粥靚料多, 配上香港傳統小食, 食得開心.  服務理想, 坐位 舒適, 吾錯啊!…查看更多

稻香 位於銅鑼灣皇室堡, 交通方便, 集團連鎖式食店,  食物品質有保證又抵食. 酒家面積大座位多, 有卡座, 方桌, 大圓枱.  侍應服務好.現正做優惠推廣, 晚市宵夜火鍋  8:30分後  3.8折   (假日也適用).    自助醬汁免費.     鍋底有多款選擇,  5 折收費, 我們點了 芫荽皮蛋鍋, 好足料, 不單有芫荽皮蛋, 重有馬蹄,   電磁爐火力夠, 每檯還設有 自動煲水機.  真週到.    [晚晚食住獎],  市民街坊都受惠.  安格斯牛盤, 每份 $68-,  真係驚喜價, 必食之選. 鮮活龍蝦原價 $138 一隻,  如果參加 推廣 藍妹啤酒   [一手任擸]  遊戲節目, 更有特價.   我們都幸運,   一手擸上  5 支啤酒, 換得 鮮活龍蝦減至 $78 一隻, 輕鬆好玩又抵食, 鮮活龍蝦, 立即開邊送上.啤酒伴龍蝦,  一樂也 !湯滾蝦龍靚, 大滿足.龍蝦有大鉗係波士頓龍蝦, 肉質清甜, 好鮮味啊. 接著火鍋食品, 一 一送到, 好豐富.   安格斯牛盤,    擺設整齊,  新鮮吸引:    有肥牛, 牛仔粒, 滑牛肉, 牛腩, 牛筋, 牛肚,  牛丸.叫一份兩人分嚐已足夠.   肥牛,  顏色鮮嫩, 脂肪分佈平均,  滾兩滾就食得, 牛脂香味濃,   肉質 鬆軟. 沾些醬汁,   辣/蒜/鹹/甜, 自己決定.鮮蟶子, 口感爽彈,  味鮮甜.  鮮鮑魚,  彈牙鮮嫩道, 十分可口. 豬肉丸, 潮州牛丸, 魚皮餃, 火鍋必食, 平靚正 !粒粒 新鮮.   爽口彈牙, 鮮味十足.  炸魚皮:   卜卜脆好大件, 一灼即食.  五福蔬菜籃:  有齊生菜, 娃娃菜, 蕃茄, 金針, 菰菌, 粟米, 南瓜片.蔬菜新鮮爽脆, 顏色鮮美, 夠健康.食材新鲜,  大家吃得津津有味.  伴上  5 枝藍妹啤酒, 大家慢慢食慢慢飲 !!  真開心.…查看更多

鳥華亭, 位於灣仔交加里,  店子不大, 感覺好像去了日本新宿的居酒屋,門外掛滿日式燈籠,  帶著日本濃情. 師傅勤力地工作, 食堂內氣氛熱鬧.店員安排給我們的座位頗好, 臺上有冰壺,  抹手紙, 調味粉, 好方便.看看彩色照片,  點品清晰無難度. 小食以雞為主,  款式不少,  配拉麵至夾. 店員提供落單紙,  大家填上喜好便可, 簡單快捷. 我們一起點麵.   麵條, 可選擇種類及軟硬度.  另外辛辣麵, 可分少辣, 中辣, 大辣.我 點了 至極雞白湯拉麵 $99熱熱的送上,    先吃片 低溫慢煮的雞胸肉, 入口綿滑.伴有炸蓮藕片,  香口爽脆. BB 蘆筍, 鮮嫩 .     最開心有溏心蛋, 蛋黃半熟成膏狀.  麵條揀了捲麵, 較粗身, 口感爽滑.   奶白色高湯用雞骨熬成,  呷一口湯,  湯味濃 , 超正 !   朋友叫了 魚介白湯拉麵 $93  湯頭以豚骨及鰹魚熬成, 濃 陏綿密,  帶海鮮風味, 配上幼身直條麵, 慢煮雞胸肉及蘆筍, 相當可口.追加小食, 叫了 明太子雞翼,   及每月推廣:  任何拉麵 +$28 有 Uni Cream 流心忌廉餅明太子雞翼, 雞翼的皮烤得香噴噴,  肉質滑嫩鮮甜,  裏面更是裝滿了明太子,   味道濃郁香口 又帶些小微辣, 人見人愛Uni Cream 海膽流心忌廉餅, 即叫即制, 上檯熱騰騰.  入囗 酥香又不油膩.師傅專業有水準, 煮出正宗日本濃湯拉麵, 值得推介.下次有時間來嘆 Sake  食串燒也好. …查看更多

今日放工, 約了朋友去旺角家樂商場購物, 到了晚餐時間, 看看 OpenRice  附近餐廳介紹, 找到  CoffeeBreak通菜街近登打士街.  門面吾錯. 入門有打卡位, 有創意,  旁邊書架有旅遊書籍可以借看, 好暖心.食堂內裝修有花草點綴, 燈飾優雅.  感覺有時尚文青氣息.座位設計分方桌, 高座, 吧枱位, 好別致. 今晚餐廳客人很多,幸好有兩個位, 店員服務很好, 我們坐下來便迅速送上白開水, 天氣熱先飲一口透心涼.店員介紹抵食 法式香草烤雞套餐,  二人$338,   看看,  好抵食.  有沙律, 餐湯, 主菜 法式香草烤雞,  意粉或薄餅 ,甜品, 餐茶, 好豐富. 好岩口味啊.法式香草烤雞套餐,  精選餐湯： 南瓜蓉忌廉湯, 南瓜湯濃郁香甜. 南瓜口感順滑, 非常美味.經典凱撒沙律配煙鮭魚,  爽脆沙律菜, 鮮車厘茄, 鋪滿芝士粉, 配上麵包粒, 芝士, 食得健康又開胃. 煙鮭魚襯托新鮮蔬菜, 份外鮮美又可口.法式香草烤雞全只, 烤得香, 又有份量. 烤雞 已切開, 伴有香草, 車厘茄, 調味正. 每人半隻, 烤雞 肉質嫩滑, 有雞味, 煙鮭魚蕃茄忌廉水管粉 水管粉軟硬適中, 十分煙韌, 吃起來相當彈牙, 啖啖意粉都拌上 煙鮭魚, 蕃茄忌廉醬料, 口感一流.精選甜品 熱檸檬茶.  芝士蛋糕, 芝士味香濃, 口感細滑,  加上滑忌廉淡淡牛奶味.  正.熱檸檬茶,  檸檬味清新,  味道清爽怡人.餐廳食材新鮮, 水準確實不俗, 份量多, 吃得豐富. 價錢合理 侍應們招呼好. 這個晚餐, 令我們好回味啊 !! …查看更多

今日去銅鑼灣中央圖書館睇展覽,  中午時到大坑吃午飯.   這裡有中西食店多個選擇,  看見京街 [潮樂園尚品軒] 正有app在等候取外賣.玻璃櫃掛著的鹵水鵝,  非常亮麗. 原來此店由  2018 至 2025年 獲得米芝蓮推介. 我們鎖定腳步在此開餐.   看店內圖片介紹, 除了馳名鹵水鵝, 打冷, 也巧手製作特色潮汕美食.   店內座位不多, 裝修整潔.  牆上有手繪漫畫圖介紹鹵料及製作工序, 長了我們的知識. 餐牌介紹, 精品鹵水鵝, 鹵水食物有金錢肚, 五花腩肉,  豬頸肉, 大腸, 鵝腸, 紅腸, 蛋.....特色潮汕美食, 餐前小食, 精品鹵水客飯......好吸引.我們開始點菜,  鹵水鵝三拼:   選擇鹵水鵝頭頸,  鵝掌, 豆腐 .  及鹹菜胡椒豬肚湯和時菜.  鹹菜胡椒豬肚湯, 先熱熱的送上. 鹹菜胡椒豬肚湯, 系古法營養湯水.  胡椒有助散寒溫脾,  鹹酸菜,  能提升胃口, 增加食欲. 豬肚富蛋白質, 營養價值高.  配合清甜爽口鹹酸菜, 湯好飲, 湯料又好食 .鹵水鵝三拼,  鹵水鵝頭頸,  鵝掌, 豆腐.   配埋秘制醋汁, 有蒜茸辣椒味. 送到. 鹵水鵝色澤鮮明,  肥瘦適中, 油潤軟滑.  用上正宗潮式古法鹵水汁烹煮, 鵝肉好入味, 肉質油脂感都豐富, 嫩滑可口.  鵝掌好咬口,   鹵水味香濃,  含豐富膠質. 鵝肉去骨好入味.  又稔又好食.  鹵水香料咸度適中, 調味好好, 伴口珍珠米飯也不錯.墊底用了  鹵水豆腐,  口感滑, 富豆香.    這個拼盤, 食材組合得宜.白灼時菜,  今日系菜心,   鮮嫩,  清甜.   好好食！鹵水做得不錯, 廚師老闆富經驗, 選材優質,  我們品嘗潮汕風味菜, 感覺優質.  此店獲得多年米芝蓮推介, 當之無愧.…查看更多

近日天氣不穩定, 時雨時晴, 大家不想周圍去, 提議找個地方歎個 美味午茶 !!尖沙咀  [ 一點心],  乘地鐵去好方便. 鄰近有多間酒店, 客人包括中外人仕,  餐牌及牆上食品, 有註上中英文.座位多,  適合 [飲杯茶  食點心].   牆畫畫得好美.茗茶每位$8,   我們叫了傳統 普洱茶及多款點心.   水滾茶香, 點心快速送到.蟹黃蒸燒賣:  是大家的心水選擇, 大大顆新鮮蒸起的燒賣相當飽滿,   有新鮮大蝦貼頂, 加上點點蟹黃作點綴. 燒賣肉香四溢, 豬肉打得彈牙, 混上爽口蝦粒,  沒有臊味和味精涸喉.   品質優越.鼓汁蒸鳳爪:   鳳爪好大隻,  炆得稔,  伴上鼓汁, 紅綠椒,   蒸得好入味,   一流好食.  牛肉腸粉:   腸粉皮薄, 牛肉饀料豐富,  配上甜豉油.  蒸得相當滑溜.   炸鮮蝦腐皮卷:   一客三件炸得金黃色, 外皮鮮竹卷好香脆, 不油膩,  內餡有原隻鮮蝦, 真材實料.  沾上喼汁更惹味. 雪山叉燒包:   上檯 熱騰騰,  焗得香口,  入口鬆軟.叉燒餡料足, 肉質優,  汁醬唔太稠, 又唔甜, 味道好好.香煎蘿蔔糕:  煎得剛剛好, 好香口, 一碟三件, 蘿蔔糕不很厚, 糕身不會太粉太削, 煎的香而不焦, 有臘肉粒和蝦米, 味道很好.   配上甜醬和辣醬, 有助提升味道的層次感. 點心上得快,  食物真材又實料,  制作認真, 款式多大件扺食,   再來個點心派對真吾錯  !! …查看更多

柯士甸路有兩間時裝店係我喜歡到的, 今日放工又去買新衫.   之後行經   Sake Bar MURA, 被那貓兒吸引,  大家停下腳步, Sake  岩我們啊!推門內進,  酒櫃 Sake 品種多,  酒品有很多選擇, 好吸引.吧檯好氣氛,  幸好我們剛找到兩個位.Bartender 正忙於介紹, 我們坐下,  Bartender 悉心問我們喜好,  隨即介紹給我 陸奧八仙,  黑 Label 純米吟釀.  $98/glass-,   精美前菜也一同送上, 系螺肉青瓜, 美味可口.Bartender 又介紹我朋友   寒紅梅 Natsu Sake 夏之企鵝純米吟釀, $88-/glass, 夏季最岩飲,   果香濃鬱清新爽口.輕輕鬆鬆齊碰杯 !有 炸薯條, 牛蒡漬  配合, 可以開心嚐酒香.陸奧八仙,  黑 Label 純米吟釀.  香氣馥郁, 清爽回甘,  伴上 鱈魚乾, 非常脆口, 沾上沙律醬,  真美味.一杯過後, 今次自選  寒北斗純米吟釀生酒 $88.  配串燒.酒味清新, 口感輕快清涼, 配燒物最合. 厚燒牛舌,  大蔥雞肉.   即叫即燒熱辣辣, 香氣十足.厚燒牛舌,  口感軟脆有彈性.大蔥雞肉,   雞肉肉質嫩滑,  大蔥很嫩, 剛好接收外面的油,  很滋味.朋友再來一杯   鳳凰美田, $98-/glass.   含果香, 木香, 柑橘香, 風味和諧, 我都試一口,  口感極佳.  伴 牛小排   Bartender 話  江戶開城純米吟釀,   $98-/glass, 最好.   帶些甘酸味, 及涼意.  牛小排,   肉質軟稔, 濃郁牛肉味, 佐酒好正 ! 大家想試杯生啤配雞翼, 叫了  Yebisu Beer,   麥味濃,  有質感,  伴上熟成阿波尾雞翼, 燒得金黃香口, 外皮夠脆, 肉質又嫩又多汁, 口感味道豐富. 最後來個熱食,  牛肉大根煮,  牛肉肉質軟糯稔甜,  調味正, 加上白蘿蔔,  好有熱能的一道菜. Batender  好友善, 今次飲得開心, 更明白日式清酒配合食物的講解.清酒, 食物, 店內環境及招呼也好, 得閒會再來.  …查看更多

今晚朋友訂了位於銅鑼灣  [如意] 齊齊享受一道日式 廚師發辦,  餐廳位於時代廣場側, 交通極方便.設於商廈 The Sharp 18樓,  環境舒適, 大家圍坐吧檯可以欣賞廚師們的精湛手藝.適逢餐廳正慶祝六週年紀念, 晚市 Omakase - 優惠有 66 折 (原價$1480) 現正 $980/P.套餐包括:  前菜, 刺身, 和食, 壽司, 手卷, 食事和甜品.  好豐富. 廚師們正忙著準備食品, 我們有時間欣賞柜內擺設的 金如意, 國際金價不斷上漲, 持有這金飾真令人羨慕. 回到座位, 前菜三點  剛送上.  擺碟靚, 我們開始食指大動.南蠻漬魚:  魚肉炸得香滑, 伴上酸甜涼菜, 口感清新開胃.核桃魚肝:  核桃炒得好香脆, 貼上芝麻配搭魚肝, 美味有嚼口. 胡麻醬菠菜: 翠綠菠菜吃得健康伴了胡麻醬, 更開胃. 廚師準備好:  蘿蔔絲, 海帶, Wasabi, 及薑.    接著送上  刺身四款:  白身魚薄切:   選用  北海道 鰈魚.賣相很美.   薄切鰈魚伴上  金黃色 三文魚籽,  迷你 紅玫瑰,  綠色 蓮芋莖  + 日本葱苗.   超級悅目.吃口薄切鰈魚卷內藏了海膽, 口感鮮甜豐富, 沾些柚子皮汁, 非常可口.   另有薄切鰈魚燒了魚邊, 又卷著芽蔥, 品嚐了多種口味.  一吃愛上. 火炙時令魚:    選用  鯥魚伴有炸蔥絲. 鯥魚 經火炙帶出魚鮮味, 表皮帶點焦香,  油脂分佈均勻, 魚肉細緻嫰滑. 生蠔配赤貝:   生蠔來自日本四國德島,  蠔味濃, 營養豐富高蛋白質, 口感順滑.    配上爽脆 的赤貝, 有鮮味.大拖羅中拖羅三文治：有齊我喜歡的大拖羅中拖羅.   廚師把大拖羅火炙, 魚油極香.中間夾上紫蘇葉, 外面包上香脆紫菜, 手到口到,  拖羅脂香四溢, 入口即化. 好滿足.和食, 北海道帆立貝配松葉蟹羹:   巨型帆立貝, 肉質滑而柔韌,  浸在松葉蟹羹中,  滋潤油滑, 松葉蟹羹入口帶有濃濃蟹香.準備吃壽司,  先清清味蕾,  店員送上多種輕食: 北海道白玉粟米,  薑片, 拍上芝麻的牛蒡 及 漬大蒜,  這餐廳真細心.   我們最喜歡  白玉粟米, 超甜多汁, 好鮮嫩.   壽司四款, 先來   深海池魚 :  魚肉厚, 肉質鮮嫩肥美,  魚油甘香細膩.北海道牡丹海老壽司蝦醬煆乾:  鋪上金箔 ,北海道牡丹蝦肉質肥碩, 超重蝦味, 口感充實, 鮮甜膠口.  加了蝦醬更甘甜濃郁, 煆乾好香脆, 一稔一脆嚼入口,  好有層次感. 燒北海銀雪魚紫菜醬,  魚肉口感細膩柔潤, 魚脂的甘香充滿在口腔每一角落. 海膽三文魚籽這個壽司非常有份量, 廚師即造即送上.北海道海膽色澤金黃,  系我們最愛, 入口即溶,   濃濃 鮮甜的海膽味,  確實令人回味無窮.  加上巨型三文魚籽, 爆汁的感覺, 吃得極之陶醉啊!手卷:   吞拿魚蓉手卷:  油脂好香, 用紫菜包著吞拿魚,  入口有層次, 吞拿魚脂肪分佈好平均.  鮮味出 眾.食事:  野菜烏冬,  食完刺身加壽司,  來一碗  野菜手打烏冬, 暖胃暖心, 增加熱量. 甜品:   水信玄餅     圓碌碌的水晶球甜品, 底部是黑糖漿和蒟蒻粉, 清涼爽滑. 廚師發辦, 由廚師挑選優質, 及用上最時令的食材, 感覺好理想.   我們 對今晚的 [如意 Omakase] 食物安排十分滿意.  會再來.…查看更多

燒肉實驗室, 這個店名好特別, 吸引到我同朋友停下腳步, 入去吃個晚餐.體驗一下.餐廳面積不大, 座位排列整齊, 大約可容納 20位客人.餐廳主打牛燒, 服務員送上餐牌細心介紹, 有鐵板系列, 咖喱系列, 同單點.餐單可以自行選擇: 主食有牛, 豬, 雞 配不同醬汁,飯或意粉. 轉套餐 +$28 有湯, 汽水, 炸薯條.升級加 $38  白飯轉為溫泉蛋丼加滿溢牛舌筋. 首先我叫了個 [鐵板牛舌芯系列 + 套餐升級]. 朋友叫咖喱系列 [伊比利亞梅頭配牛舌尖 + 轉套餐]兩個套餐先送來冰涼汽水: 可樂. 雪碧套餐食物大家分嚐, 我的鐵板牛舌芯  送到,  牛舌芯 熱辣辣上枱, 個鐵板好重, 內容好有份量. 牛舌芯大大件, 入口豐厚有嚼勁, 外層香脆惹味, 內裡牛味醇香, 肉味濃郁, 軟嫩多汁. 醬汁配上黑椒汁.非常惹味.炸薯條夠香脆, 配茄汁。打開蓋, 飲啖暖暖的湯, 內有牛粒豆腐粒, 湯頭極甜.白飯配溫泉蛋同滿溢牛舌筋粒, 丼飯滿滿的, 有牛舌筋粒及溫泉蛋, 材料鋪至滿滿, 完全遮蓋了白飯, 米飯粒粒香軟糯滑, 好食.咖喱系列的伊比利亞梅頭配牛舌尖, 伊比利亞梅頭已去骨, 好稔有肉味,燒牛舌尖, 口感爽彈, 又滑又嫩, 保留肉汁. 送香濃咖喱汁撈白飯真係一 流.燒肉即燒即送上檯, 夠熱 份量足, 調味好.  餐廳重冇收加一服務費, 真係抵食. 今晚食得勁飽.…查看更多

有些朋友不吃牛, 有些不吃豬.  今日放工同波友一起吃晚餐,    Wingman    雞翼專門店, 大家歡喜, 因為人人岩食.   入門看見好多食客留下記念照片. 吧檯放滿各式酒品, 又掛著兩隻雞,  相當攪笑. 店內播著流行曲, 方桌及梳化座位坐滿了, 幸好我們有訂位.光管霓虹燈亮著 [一齊叫鷄] 好棒啊 !裝修獨特, 我們檯旁的牆標貼細緻, 用了懷舊的唱帶殼砌成, 好有心思.  檯上擺設好: 抹手紙, 濕紙巾,  及小型棄置桶.  好窩心.看餐單主角是雞........ 歐盟認證的走地雞, 無激素, 不含抗生素,  食得安心 .  配菜小食種類也不少. 我們喜歡 90 分鐘全雞餐放題,   10  款不同調味雞翼 $188/位.   價錢包括罐裝飲品: 可樂, 雪碧, 無糖可樂. 任飲!QR  Code 落單,  雞翼 即叫即做,  每款每次 4隻先 叫了 5  款:  加州風情, 泰式甜酸醬, 黑椒檸檬, 咖啡燒烤醬,  中式海鮮醬.  熱騰騰一盤送上.我們先吃  加州風情 (Cali Style) ,  鋪了滿滿蒜蓉, 雞翼 食落香蒜味濃,  正加州風味, 好醒神.泰式甜酸醬 (Thai Sweet Chill),   似東南亞美食 酸甜美味,  開胃又唔油膩 .中式海鮮醬 (Hoisin Glazed),   這款雞肉入口頂滑,  配上中式海鮮醬,  係熟識的廣東風味 .   咖啡燒烤醬  ( Expresso BBQ)  咖啡味香濃, 加上燒烤醬, 好有創意. 黒椒檸檬  (Lemon Pepper) 黑椒檸檬 夠酸辣開胃,   加沾檸檬汁, 更加速消化可多食兩隻.再來外族的 4  款:   水牛城醬, 田園風味, 蒙古燒烤, 紐奧良香粉 .  水牛城醬 (Buffalo) ,  經典流行美式口味, 辣辣的特式更添開胃感. 田園風味 (Ranch) ,   混合洋蔥 細蔥調味, 味道清新可口. 蒙古燒烤 Mongolian BBQ , 紐奧良香粉 (Cajun Spice) :  有外族的風味, 雞翼含少辣, 含孜然香氣, 吃得興奮. 最後加了  死神醬 (Carolina Reaper)  本來好怕辣, 但食過 紐奧良香粉 雞翼之後, 也得要挑戰 3 辣的 死神醬, 因為吾想錯過勁辣的滋味.   死神醬雞翼鋪滿火紅的辣椒, 嘩 嘩 !  舌尖辣得跳動,  好火啊 !辣過之後,  Encore 了 加州風情 同 田園風味,  以 和諧味道完結.Wingman 出品好專業,  雞翼選料好, 肉質嫩滑.  不像韓式用厚炸粉.   這個 放題超值抵食,  一齊食到吾停口.   90 分鐘大家已經吃了 10 種品味, 超飽又回味 !!…查看更多