kakakaa的個人專頁

食物質素先唔講，質素平平，唔算難食。呢間餐廳最大問題係侍應態度！外場有位侍應嘅態度同對答語氣由帶位至埋單都極差，黎到等左10分鐘都無人俾水俾餐牌，如果忙，我哋可以理解會慢同照顧唔到最多客人，但當時晚餐時間都只係坐左三分一個場，大家都無催促個侍應，而個位侍應又會主動俾隔離台俾水俾餐牌，我哋預期佢會遞水，但直到我哋埋單，都係無水㗎！我哋都無特別多要求，只叫左佢落單同埋單，難道要自己落單，去廚房拎野食，自己抹台同埋單？侍應落單同上菜態度同樣差，我哋夾緊其他野食，明明張台有好多位俾佢放低啲野食，但佢死都要黑曬面企係到，專登做俾我哋睇，想要人難堪一樣，如果要我哋自己搬開個位俾你放野食，可以出聲，但係黑曬面企係到想點？食物質素平平無特別，態度又咁差，仲要收服務費？完全無服務可言喎！我哋唔需要帝王級服務，只係個態度同語氣聽到人好嬲！麻煩餐廳改善一下服務態度同專業！…查看更多