Lavacoy的個人專頁

又難得走入嚟西貢，緊係要食好西啦！🤣Lunch time就搵間平平地嘅，見呢間海南雞都幾多人介紹就去試下啦平時我唔係好好海南雞飯，但呢間賣相吸引！價錢唔算好貴包埋湯再嚟佢係去骨嘅，岩哂我呢啲懶人！😂• 先講雞：真係好滑好滑！仲要好入味，重點冇骨真係一咬就啖啖肉，口感太豐富了！🤤• 再嚟飯：粒粒分明！仲要加咗乾蔥落去，成件事昇華咗！！好味+99999• 湯就正正常常啦～整體係入得西貢一定要嚟食！！性價比極高！…查看更多

係西貢船P玩完 超攰就係白沙灣碼頭附近搵間餐廳食晚飯到西貢成日會見到呢間外觀好靚嘅打卡餐廳🤣但我哋冇Book位只能坐地下Outdoor•Blue Mussels with Wheat Beer $238只能夠講 個外觀好靚但味道非常普通反而配送嘅粗薯條就炸得幾好！•Spinach Fettuccine all’Arrabbiata $148都係正常發揮 蕃茄味道算出 菠菜都煮得岩岩好•St Mungo Battered Fish & Chips $198最期待的最失望 呢個簡直係過份🥲冇味都算 啲魚鞋到好似食緊石班咁…又係得薯條見得人🥲好明顯呢間餐廳真係只係for Chill & 打卡整體好失望！…查看更多

其實成日都係呢間買麵包食好多款都好有特色同幾好味•有一次無意中見佢岩岩出爐咗蒜蓉包都仲未放出去Show就買咗個嚟食 點知一試便愛上好食到係真係想每朝都買嚟做早餐😂先講佢係用法包烤 岩岩出爐食唔會好硬 仲有少少脆嘅感覺重點 蒜蓉同油真係好唔吝嗇地落！🤣每一啖都食到真正蒜茸粒嘅味再加埋啲油 簡直係舌尖上的享受LOL熱愛蒜嘅人真係絕對要食！！！真心 暫時嘅世一蒜茸包✨•佢仲要係定時出爐 好快就俾人夾哂好多時我去到都會問定幾時出爐準時過去買完即刻食🤣…查看更多

又嚟食西式好西🤣一早已經Bookmark咗好想嚟試佢個明太子意粉！•明太子忌廉汁煙肉意粉嚟呢到嘅目的就係食呢個大有名氣嘅明太子果然啖啖都食到明太子忌廉汁 意粉口感煙韌正😋•海膽醬龍蝦肉Pizza個醬都幾夠味！估唔到將海膽整落Pizza到又幾夾🤤再加埋少少龍蝦肉 滿足咗啲海鮮癮•澳洲草飼牛肉眼、炸薯角、烤蕃茄嚟呢到都係食意粉好….🤭肉眼唔夠林 仲要唔入味 失望除咗有好西食 呢到仲係打卡好地方有好多女仔夾埋一齊嚟呢間木系餐廳影靚相添㗎✨…查看更多

終於等到係市區開鋪啦！！之前仲係荔枝角Workshop個陣已經想試好耐絕對係網紅超火網上蛋糕店😍終於等到個朋友生日可以私心訂嚟試試超愛芋泥的我緊係訂返佢個signature香芋麻糬忌廉蛋糕😋 首先人手製作全天然手工芋泥 絕無添加劑真係一啲都唔會好假！又唔會太甜仲每一啖都充滿住芋泥口感🤤仲有同樣係手工製作嘅煙韌手工麻糬煙韌度控制得岩岩好！大小適中再嚟北海道進口的Nakazawa 鮮忌廉一啲都唔流！！平時食蛋糕我一定會挑走哂啲Cream 但呢一個我食埋啲Cream都冇問題☺️呢個蛋糕真係世一….由其對於芋泥控 真心推介一定要食！難怪可以由一間IG shop細細間嘅workshop搬到出市區大鋪🤩👍🏻…查看更多

自從運動同疫情後 好耐都冇食過酸菜魚了🙈今次去咗紅磡分店嘅太漁見佢都出名雞煲 見到隔離食都好香好吸引！不過今日嘅目的係 酸 菜 魚🤤• 前菜 爺爺糖心蛋2隻 $24一嚟就好失望😂口感好硬 酒味太濃 冇乜甜味• 南乳脆雞翼 $48啱啱炸好 夠熱夠脆！南乳味有少少唔算特別出色• 干鍋香辣雙拼 - 肥腸+安格斯牛肉 $168我哋叫咗小辣 醃料同辣好夠味肥腸牛肉蓮藕萵筍都超入味！簡直就真係好味道食唔停😋😋• 老壇酸菜魚 4人 $468 外加每款配料$28都係叫咗小辣 反而呢個真係好唔夠酸辣成鍋嘢食落都唔係好夠味 食得唔係好過癮😂魚質就夠林身嘅 配菜都正常但期待已久嘅呢個酸菜魚真係有啲失望或者可能期望過高🥲…查看更多

自問係芋圓超級粉絲，食過好多間芋圓，長洲呢間真係數一數二好食！！！！嚟親長洲都必食！！首先芋圓/芋泥可以配搭嘅種類非常多，可想而知有幾多人專程去食佢個芋圓😋呢碗嘢集合哂所有我鐘意食嘅材料～先講三色芋圓，真係三隻味都食得出，口感煙韌，唔會有唔熟嘅芋頭/芋粉。大細適中，每一口都可以食到芋圓！😋芋泥唔會假甜，又唔會似泥膠，每一啖豆腐花+芋泥真係100% matched!豆腐花夠滑夠豆味！加埋椰香更出色！好想買十碗返出香港慢慢食😂…查看更多

其實入親長洲食嚟食去都係個幾間嘢但早排已經留意到呢間由一班90後自己創業嘅小店-玖拾雖是小店，但食物絕對唔小！🤣香港人鐘意食嘅嘢，佢基本上都有！最特別嘅係佢嘅會每月轉餐牌，大家唔洗食到悶，仲不停有新嘢試食添！係長洲玩到差不多仲可以WhatsApp佢哋落定單，玩完就岩岩好去到有得食！睇個樣已經覺得極度吸引！醬汁芝士好夠！唔會好咸，扇貝size適中🤤超juicy~~雞槌叫咗兩份，但呢個價錢嚟講都真係好大份！同埋即叫即炸，襯熱食實在太正！拼蜜糖芥末醬總是無敵～餡料都算多，亦係即叫即炸，熱氣嘅總係最好食🤣仲有再叫咗薯條，但相比下冇咩特式所以都冇影到～但份量係好多！最後食唔哂..好欣賞佢地門面嘅設計，好有港式風格，絕對可以用嚟打卡，加埋90後嘅大家仲岩！🙊水因為去食個陣係禁咗6點後堂食，只好叫外賣去碼頭附近食了～…查看更多

入西貢一定要食Sai Kung!!!!冇食過真係唔好話你入過西貢🤣因為菠蘿包好出名嘅關係，一去到就有幾個人排緊隊等出爐。等左大概7分鐘出爐啦！！菠蘿包每個都好大個好漲卜卜😍叫左2個菠蘿油+2個葡撻，因為我哋堂食，原來最低消費要一杯嘢飲，咁就叫左杯凍阿華田。首先菠蘿油真係要襯熱食，因為漲卜卜好好口感！最正係層皮好鬆脆！！啲牛油溶得到幾快，食到成手都係有啲狼狽😂但真係好邪惡好正！比起太子某間茶記菠蘿包更好食！再嚟葡撻，中間蛋位味道正常發揮，但個酥皮邊係超酥脆，食到啲酥皮係有好多層，真係想再食多一個！😂杯阿華田就冇特別，反而覺得有啲貴唔係好抵🥲但迫住要叫就唯有是但叫一杯。下次再入西貢都依然會嚟食！🤣…查看更多

同友人去咗西貢行山，行完日落見冇乜人就快啲早小小食晚餐行哂成條海鮮街，最後決定入呢間全記海鮮菜館，因為門面較新淨，感覺衛生整潔啲，重點係對住海邊個位更近，實在係好Chill!😍行左咁多間，每間都係主打自選Set，價錢都係相差幾十蚊。二人餐任選四款每人$258我哋就揀咗：特濃芝士焗龍蝦（伊面底）蒜蓉粉絲蒸海元貝薑蔥炒蟹豉椒炒蜆可以每位+$40要龍蝦邊，即係會多肉食啲為咗有啖好食，唔洗諗即加🤣隻龍蝦都算幾大隻！肉唔算好韌，冇後悔加$40！重點芝士汁好濃好多汁，呢個真係又邪惡又超正！🤤元貝得兩隻仲要都幾細隻係有少少失望嘅，不過啲蒜蓉汁整得好入味哂係啲粉絲到！滿足～薑蔥炒蟹就正常發揮，蟹肉唔係特別多，但舊膏都好大舊下！😋😋豉椒炒蜆份量算係咁，味道夠！肉質岩岩好！整體嚟講係滿意滿足嘅！呢個價錢真係要求唔到好高級/大份嘅海鮮，每人先三百幾蚊食到四道海鮮。下次再去都會食多一次😋…查看更多

我係一個 芋頭 芋泥 芋圓 嘅狂熱愛好者🤣所有食品有加呢三種嘢嘅 我都一定會叫一定會食咁岩同友人想食糖水 諗起旺角新開咗呢間初芋一聽到個名已經覺得好吸引！因為一定係成間鋪都出名芋製食品🤤初芋係由一位香港甜品控老闆係台灣學師，親自挑選台灣原材料再經歷過多次製作而最後製造出心目中嘅芋圓！台式芋圓 x 港式糖水（初芋ABC）第一碗A+B4椰汁初芋露+C1白桃果凍+芋泥+紅豆+仙草第二碗A+B1黑糖+C4白桃果凍+荔枝+椰果+仙草C嘅果凍係可以轉換嘅，所以第二碗將檸檬茶味改咗白桃味之後等咗十五分鐘，其實都唔係好明點解要等咁耐…呢啲材料應該係就咁裝就係…賣相吸引但重點來了～同友人二口同聲講：唔好味🥲🥲首先最重點嘅湯底！無論係黑糖定椰汁初芋露都係乜味都冇😂飲糖水咁呢個椰汁初芋露得3粒小芋頭仲要好似未熟咁 好硬又痴埋哂一齊再嚟芋圓係好大粒但冇乜芋頭味亦唔夠煙韌芋泥好似泥膠咁…痴到好實😅味道假甜白桃果凍 加埋落去超奇怪 味道根本唔夾只可以講，得紅豆椰果仙草係正常發揮🥲我食唔哂就走了..因為真係好失望！估唔到連普通一間台式飲品嘅芋泥/芋圓都不如不過佩服老闆疫情下創業嘅心…查看更多

火鍋撚也者，即火鍋之狂熱者也。高質靚料火鍋店✨✨•湯底一品酸菜白肉鍋 $129好夠味亦好夠料😋齋飲湯都好正！•極品安格斯肥牛 $249/$168/$99•加拿大野生象拔蚌 $738/$298•美國桶蠔 $169•法式龍蝦湯爆漿牛丸 $92/$55食時要小心 爆漿好熱😛唔覺係龍蝦湯味 自己唔太喜歡•黑松露墨魚滑 $96/$58其實有得黑松露就冇得輸😋墨魚滑都好彈牙！•火鍋撚御用手切肥牛 $239/$155•即炸三秒響鈴卷(配甜酸醬) $58/$35即炸係唔同啲！金黃色 食落仲好脆卜卜•香蒜粒炸魚皮 $58蒜粒唔算好多都食唔出個味 但個魚皮炸得好正！浸落湯一陣都仲好脆好入味•鮮雞件 $88全部都係雞！🤣全部都好滑！•順德魚腐可以即食嘅炸魚腐再加埋甜酸醬炸得岩岩好 外脆內軟🤤呢個正•至尊水餃王 $68/$41餃子都好出色 涵料好足！蝦都落一隻皮薄涵靚！•腐竹雞蛋糖水沙冰(送) $33/$79見到係沙冰本身已經好想試 竟然仲送一杯仔🤩好鐘意呢個做法 好夠味亦好過癮！完全好似飲緊甜品咁 下次真係要叫一渣🤤地下轉角位嘅 獨•火鍋撚 其實都係同一間…查看更多

Dazzling Cafe 2010年係台北開幕時因為「名媛下午茶」而紅極一時，長期排哂隊，就連香港人去台灣都要排隊潮聖～過江龍係香港屹立咗都好多年，其實都食過幾次了，雖然係台灣菜但啲嘢食都唔算係好傳統嘅台式💗明太子意大利麵 $98呢個真係一絕！！每次去食都必嗌！我身為女仔都可以自己食哂一碟😂因為實在太！好！味！明太子唔吝嗇，明顯地見到好多粒粒，再加上非常充足嘅忌廉汁撈均嚟食，啖啖充滿住明太子風味🤤🤤麵嘅質地都係好fit，不過要襯熱食！💗黑松露意大利麵 $118雖然呢個都係Dazzling有打星星，但相對明太子就遜色咗少少黑松露味係有但唔夠濃，成個汁亦偏淡味，唔係好夠咸，亦只有菇做配菜有啲Dry💗松露薯條 $58薯條幼身，炸得岩岩好！亦嬸咗啲黑松露粉最正最精粹嘅絕對係佢個黑松露汁，味道出眾，沾滿哂薯條都唔覺得誇張茄汁其實都唔需要用了😂💗水牛城辣雞翅佐藍紋起司醬 $75將4隻雞翼拆開為8隻單骨，食落有啲困難，因為用叉好難吉得一邊😂汁包滿哂每一隻，不過就咸咗少少💗100%現榨奇異果汁 $48因為一定要每人最低消費一杯嘢飲，又想飲得健康啲，都係揀果汁穩陣第一啖有小小酸，但飲落好開胃，飲到最後仲有好多果肉食過銅鑼灣分店幾次，尖沙咀係第一次食，感覺銅鑼灣煮出嚟比較出色！但尖沙咀門面同裝修就靚好多！係靚女們打卡好地方😝…查看更多

最近終於開返夜市即刻上OpenRice訂位仲有主餐牌7折🤩首先嚟咗個前菜，係日本牛筋睇個樣好似平平無奇，但食咗第一啖已經超驚喜！！啲肉炆到好林好入味🤤煙煙韌韌咁好味到我飲埋啲汁…..差啲想叫多幾碟，但要留肚第一個上場嘅就係我期待已久嘅火焰和牛雞蛋拌飯！店員好有禮貌會先問你洗唔洗影相/拍片令我有時間即刻拎起部手機開始錄影完相，火熄咗，加埋啲蔥同紫菜條一齊撈啲和牛實在太正！好軟身飯同汁就相對下冇咩特別不過整體都係好好味😋因為有和牛嘅作伴再嚟係炸泡菜豬肉芝士卷果然…嚟呢到只可以叫牛食！😂呢個卷相比之下十分遜色首先個粉太厚，重點係一啲芝士味都食唔到，豬肉都冇味呢個卷係失望嘅！大家都係叫返牛啦😂最後係 日本產黑毛和牛他他食落亦冇咩特別，汁做得唔夠出色而且牛肉片太細塊，食落冇口感因為同友人好怕燒肉個陣味所以選擇叫主餐牌食物下次有機會會試下燒肉見周邊啲人都燒到好香，好吸引！大家記得除左牛之外，其他肉類就唔好試了🤣…查看更多

經過見到冇人即刻衝過去買雖然新出咗cappuccino同caramel twist味道但Nutella愛好者嘅我諗都唔洗諗😋因為人手即叫即整 等咗十分鐘左右睇住佢炸好個冬甩再痴糖霜好治癒🤤糖霜可以揀白糖或者肉桂糖拎到手係新鮮滾熱辣✨一撕開啲Nutella漿爆哂出嚟 OMG咬落去好鬆軟煙韌 加埋外面啲白糖 口感一流！其實就好似港式沙翁咁再加埋冇得輸嘅Nutella真係oishi🫶🏻佢啲pizza都係即叫即整下次有機會都要試下！😋…查看更多