squaremeowmeow的個人專頁

朋友訂咗呢間餐廳 啱啱去到見到餐廳都幾大 而且夜晚燈光暗啲 好適合同朋友小聚 而且餐廳設計網絡去比較簡潔 感覺好舒服 香辣炸雞 $88佢嘅炸雞非常好食！咬落去又係鎖住咗汁喺雞入面 咬第一啖嘅時候入邊仲有煙飄出嚟😂 唔太記得佢呢個係咩醬汁 但係點落去食又係酸酸甜甜再加埋檸檬汁好好食 千祈唔好俾佢外表呃咗好似一塊普通嘅雞塊 但食落真係好多汁好嫩滑🤤🤤海鮮香草茄醬薄餅 $228因為個人鍾意食三文魚 所以就同朋友叫咗呢個pizza 比我想像中大塊 食完雞塊再加pizza其實都飽飽濟濟🤤 佢Pizza個底有蕃茄又有芝士食落去酸酸鹹鹹 已經夠好飽 仲要再加埋佢嘅魷魚唔係好韌 係腍啲咬得開 所以都好好食 不過佢嘅三文魚就有少少偏鹹🤔🤔橙汁 $38🤔普普通通嘅燈汁 但一定唔係酸燈汁 係甜嘅…查看更多

食物味道感覺不過不失冇社交平台講到特別好食 但就好似置身於韓國咁 如果係一班朋友想熱熱鬧鬧聚會嘅話 呢間餐廳都係唔錯嘅選擇👍🏼呢間餐廳都算係幾隱蔽😂 要穿過個巷仔先見到佢 感覺上侍應都應該係韓國人 佢哋唔太識聽中文舖頭入到去牆上有唔同嘅畫 但就有種置身韓國燒肉舖嘅感覺 比較嘈雜 熱鬧啲聚會但係外面睇餐廳嘅裝修都幾靚！上主食前一定有啲前菜呢個蝦卷好好食 食落去冇落好多香精味道 所以其實味道唔太重口味 個人係比較鍾意呢種蝦卷！呢個炸醬麵撈勻咗 唔會話太過乾身 味道都係不過不失！佢炸串嘅下面仲有炸雞 上面嘅年糕幾好食 但腸仔我覺得燶咗少少 炸雞都覺得普普通通🤔叫咗一份醬油蟹拌飯 本身對佢期望都好高 但食落感覺上蟹嘅味唔太出 唔太食到蟹黃嘅味道 反而醬油嘅味道比較出 所以有啲鹹佢個士多啤梨奶昔好好飲！ 又甜又夠味！呢個橙汁外表好特別 冇諗到真係比成個橙 同朋友最後仲將個橙食埋之餘個橙仲係甜😂…查看更多

餐廳裝修好趣緻 有唔同得意嘅元素 而且枱面係玻璃階磚 好靚好啱打卡✨/餐牌內容好口語化 好有香港味道/好惹味避風塘魷魚圈比薩＄134✨意外魷魚圈有炸過 外脆內韌 魷魚味道香 避風塘味道濃郁 同名一樣好惹味！有蔬菜配搭 冇咁膩口 Pizza外皮薄而脆 個人嚟講非常欣賞/忌廉松露野菌飯 $118✨口感軟綿 黑松露份量足 味道濃郁 野菌軟軟韌韌 配搭忌廉黑松露 味道可口！/餐廳裝潢風格同埋嘢食味道都非常之唔錯👍🏼個人嚟講非常鍾意呢類型餐廳 都好啱同朋友小聚/不過想同朋友長聚就唔太建議啦 餐廳有1.5小時用餐時間…查看更多

同朋友行街攰 肚餓open rice 搵到呢間餐廳係附近 一於試下呢間餐廳 叫嘅食物都唔係佢熱門嘅食物同埋冇試佢出名嘅咖啡餐廳裝修好雅致 好似入咗森林小餐廳同朋友對住窗口坐 一直估緊對面舖頭係咩嚟😂/而且呢間餐廳喺銅鑼灣嚟講都算有啲偏僻/羅勒鮮蕃茄醬|大蝦|扁意粉 $148✨口味蕃茄醬偏酸啲 非常可接受 羅勒香味喺口中擴散 大蝦沾茄醬 味道鮮甜/香煎法國鵝肝｜牛油南瓜｜意大利飯 $168✨口感非常軟綿 南瓜味唔濃 淡淡咁出現 整體味道溫和 容易飽飽濟濟 鵝肝油好香 以168價錢嚟講鵝肝份量唔孤寒…查看更多

唔知係咪個人嚟講食唔慣正宗印度嘢 其實我覺得唔太好食 我見到好多人推薦呢杯芒果乳酪 我都嗌咗一杯 芒果唔甜飲落去都係比較偏酸同朋友一人叫咗一個奶油烤餅同蒜香烤餅奶油烤餅食落去得奶香味唔會話有啲甜嘅感覺🫤 而蒜香烤餅餅皮相對有啲硬🫤咖喱底一下係類似蕃茄肉醬呢個食落去反而非常好食 因為感覺上烤餅唔好食 唯有點住隔離嘅咖喱入口仲叫咗一個炸乳酪波 呢個我真係食唔慣食落口好似泥膠口感 而且又冇乜味見到OpenRice咁多好評 都唔知係咪我個人口味唔啱食印度嘢….…查看更多

同朋友過咗嚟食下午茶 餐廳環境都幾好 望落去幾闊落 燈光唔會十分之光猛 所以氣氛幾好意式鮮茄肉醬焗扁意粉 $39果然焗嘅意粉都係比較香 但因為佢係扁意粉 所以比較難夾起 肉醬汁都做得不過不失🤪👍🏼但如果再多少少汁就更加好啦！整體嚟講味道都幾好奶油厚多士 $28同朋友怕食一個下午茶差唔夠飽 另外再叫咗個奶油厚多士 以性價比嚟講嘅話一定及上叫意粉或者叫飯食咁飽 而且佢呢個厚多士比我想像中薄咗啲🤔 咁我寧願佢下午茶價錢貴少少食個厚少少嘅多士…查看更多

餐廳氣氛好好食dinner嘅時候枱面有盞小燈 燈光都比較昏暗 對住溜冰場 環境比較大又唔會好嘈雜 整體感覺都幾休閒大蝦茴香濃汁有機糙米飯 $158糙米飯本身質地都會比較硬 但係佢落咗汁之後食落去有啲似燴飯 每一粒飯都係包住香濃嘅汁味 唔會覺得啲飯好難吞口就算一個餐入邊都有唔同嘅食物唔會話食得好滯或者好口寡 有洋蔥有菇仲有啲蜆燒美國安格斯肉眼扒（10安士）•鼠尾草炸薯條•燒蘆筍•伯納西醬汁 $218朋友話想食牛扒 所以就叫咗呢一個 佢嘅牛扒都係好腍好嫩口 配搭埋佢嘅醬汁 幾唔錯！我仲以為蔬菜類會冇乜味 值得一讚嘅係蘆筍超好食 ！佢前菜又比包同埋芝士 但個包對我嚟講實在太硬啦😂 食到個口損損地😂🙏🏻…查看更多

叫咗三個餸 蘿蔔 豬紅 大腸 米線 唔辣同埋腩汁呢間嘅車仔麵係食過咁多間嚟講算係最好食嘅一間 佢嘅所有餸都唔係80食落去好有味！ 佢蘿蔔食落去一啲都唔老 唔會食到一條條 而且仲非常之鮮甜👍🏼 不過豬紅食落去嘅味道就有少少鹹🤔但勝在都係有味道唔係白烚 大腸食落去都唔係乾爭爭明顯感覺到入邊係有大腸嘅油脂食落去都比較滑口而有嗰種內臟味道🤤佢腩汁嘅湯底配埋麵一齊食 唔係死鹹嘅味道 算係比較鮮甜啲🤔 如果可以香啲嘅話一定再好食啲🤪🤪…查看更多

呢間餐廳都係掃code 網上落單 同朋友都係叫咗一樣嘅焗豬扒飯餐廳環境幾好幾簡潔 但又不失港式風味 雖然好似得幾盞射燈 咁但都算幾光猛 地方望落去都好乾淨 見到大家食嘅都係中式熱門嘅食物 我就叫咗佢其他食物😂焗豬扒飯 $58睇落去份量適中 但食落去非常之飽 佢嘅炒飯粒粒分明 而且醬汁同豬扒嘅份量可以食曬成個飯！ 味道嚟講 感覺上豬扒可以再腍多少少！醬汁都夠味道 蕃茄都好夠腍 再加上芝士焗燶咗可以食到有少少拉絲 以下午茶嚟講都算係一個又平又飽嘅選擇！！…查看更多

餐廳整體嘅食物都好好食 個碟生蠔唔記得咗價錢 所以冇寫出嚟俾大家睇🥲另外餐廳嘅氣氛都好好 環境裝修得好睇 感覺上係比較復古 而且見到有梳化同黃燈 都比較溫馨 碟嘅擺盤都好好睇 好適合大家影下相同埋情侶拍拖約會🤪法式龍蝦湯 $108望落去好似好足料有龍蝦肉放咗喺中間度 仲有香草吊一吊味道 呢個龍蝦湯比我想像中有啲水 味道有啲淡 但係個龍蝦肉食落去又有啲鹹 但係嗰種鹹味唔似係龍蝦肉嘅味道🤔🤔香煎鴨肝配下腰隻牛扒 $308佢呢個擺盤好靚 有啲脆脆包住咗鴨肝 好有趣 仲有小蕃茄點綴 食落去味道都好好食光有鴨嘅油脂食落去成個口都好香 加上佢一邊係脆脆 一邊係腍鴨肝散發着香氣 成個口感都好正好豐富！佢牛扒都好正 叫咗三分熟就真係三分熟上枱 唔會話太過熟 牛扒放落口啲汁水出咗嚟 而且牛扒非常嫩口蟹膏蟹肉燉飯$198佢呢個飯就俾佢個龍蝦湯有味好多！ 表面望落去都已經見到蟹膏蟹肉 撈勻咗嚟食，佢每一粒飯都比呢個蟹味包住味道非常之鮮！生蠔叫咗兩款一款係辣味一款係芝士味 值得一讚嘅係佢生蠔真係好鮮甜！！ 感覺上辣味嘅生蠔比芝士味生蠔更加好食 芝士嗰款芝士嗰款比較鹹咗啲 但辣味就係啱啱好！…查看更多

美國牛胸腹+美國牛板腱+南美洲牛舌套餐 $120食過幾間一人燒肉嘅餐廳 呢間餐廳好難控制啲火候時大時細 唔知係咪我坐個位先係咁 我見我朋友又個火喉冇咩問題 所以都唔知啲牛肉太窿又或者唔熟要系咁返嚟睇好麻煩大家都見到佢都系算比較薄 不過以平價嘅一人燒肉嚟講 其實都算系幾抵🤔一個set嚟講包埋雪糕 嘢飲同麵豉湯 另外佢醬料嘅選擇都好多款 牛肉再配埋佢啲醬汁加一啖飯食落去覺得好滿足 牛肉燒完之後都有汁喺面 感覺上牛都係比較新鮮 平價之選嘅餐廳嚟！👍🏼…查看更多

第三次嚟食呢間餐廳依然會俾佢嘅裝修吸引 因為無論係天花板 櫥櫃定還是牆身 佢都好多元素嘅裝飾同設計 甚至係Menu 都好有趣 都係好鍾意呢一種風格今次同朋友晏晝食得比較飽飽濟濟 所以夜晚就叫咗呢三樣嘢食75.3%朱古力 $48朋友叫咗呢杯朱古力有問店員可唔可以以朱古力少甜嘅時候 店員話佢哋係真係將朱古力溶咗佢🤤 所以甜到已經係固定而且表明佢哋店舖唔係用朱古力粉溝水！如果係真嘅話覺得真係幾抵讚👍🏼👍🏼朱古力上到嚟表面上有棉花滿到佢覺得好暖 佢飲落口係真係好濃嘅朱古力味 👍🏼✨佢唔係黑朱古力但又唔係好甜好漏口嘅朱古力 ✨但係如果佢表面上嘅棉花糖再溶多少少就好 因為飲落口之後個棉花糖係要咀嚼🤔美利堅合眾國草飼牛扒$168今次我哋叫咗呢個牛扒 唔知係咪因為之前出過事定係其他原因見到佢嘅牛扒淨係可以揀七成熟同十成熟 而我同朋友原本係想叫牛扒嘅三成熟🤔🤔佢牛扒側邊有好多嘢配搭 所以就咁單食佢牛扒嘅話感覺上就普普通通冇咩特別🤔 但芥末醬基本上冇咩芥末味就得一個字 鹹！😣 但又搭配上面啲菜嚟食就變咗多層次啲嘅口感食落去都幾好食🤔👍🏼佢嘅藍莓紅莓芒果呢啲水果每一粒都好甜✨🤤而蔬菜上面嘅芝麻醬會俾佢烏冬嘅芝麻醬更加濃郁但佢兩個都好好食三文魚牛油果莎莎 $88另外呢一個佢嘅擺盤音望落去就覺得好吸引又係好啱打卡！但係佢中間食落去比想像中有啲酸 所以可能用潷起佢半個匙羹嘅分 其實已經可以配晒成塊嘅皮🤔可能食唔慣咁酸 所以對佢三文魚同牛油果嘅評價都冇乜🤔🫣我同朋友今次食都覺得呢兩個還好 唔及餐廳其他食物更好食🤔🤔🤔…查看更多

C1 金莎鹹蛋飯團 $36中午唔太餓 見到呢間份量好似唔多 一個大飯團應該會啱啱好見到佢有紫米飯 又有啲菜 睇落去幾健康咁 一於就叫咗一個試吓 再加上個人鍾意食鹹蛋嘅製品！咁呢個冇得唔試啦！👍🏼✨紫米飯食落去都係覺得有少少硬 要咬多幾下 但勝在佢有少少汁 唔知係沙律醬定係菜嘅醬 食落去就唔會好寡🤔而且佢用紫菜包住呢個設計都非常之好 食到底唔會散開晒一舊 可以一啖過✨雖然佢望落去唔大嚿 但係食完之後其實都幾飽飽濟濟🤔不過午市比較多人 等嘅時間都比較耐而且駱駝漆附近夏天嚟講真係超級超級熱 🥵🥵 所以下次食會揀啲小人排隊又或者係凍啲嘅天氣再去！…查看更多

再次嚟食 都係好鍾意呢間嘢嘅裝修 今次 都有叫佢嘅pizza同意粉 仲有雞翼同埋蟹黃飯好邪惡哪咸蛋牛油果蟹肉比薩咩叫減肥 $145有蟹Go又有蟹肉的蟹蟹蟹意大利扁麵 $145真係好推薦呢個Pizza 第二次嚟食都係覺得咁好食 而且味道口感都冇咩差異！佢嘅意粉今次擺盤同上次有啲唔同但味道都係差唔多蟹gogo甲羅燒龍蝦汁燉飯 $125唔知係咪煮過嘅汁係更加濃稠 所以食落去嘅蟹黃味都更加香濃 仲要佢零零些些上面再放多個蟹膏喺度！撈埋飯一齊食好正 鍾意食蟹同蟹膏嘅人一定會好鍾意佢呢個蟹嘅海鮮味佢嘅飯仲要落咗少少蕃茄同埋肉眼可見落咗一啲香草落去 令到成個口感嘅層次豐富咗好多好鍾意佢呢個飯除咗味道之外 口感都係非常好味記住，期望愈大，失望愈大⋯雞翼 $69佢個名唔俾人地有咁大期望 但係係好好食嘅單骨雞翼嚟 佢啲雞翼一定係啱啱炸完出嚟 新鮮炸出嚟 因為我放落個口咬咗一啖 差啲辣熟咗條脷😂而且佢嘅雞翼肉汁非常之多 喺外表根本完全睇唔出佢就咁 單食佢啲已經好好食 再加埋佢啲蛋黃醬好開胃好 又係炸而不膩 但如果佢份量再多少少就好啦😋…查看更多

同朋友好耐冇見 佢又話想食好西 見到呢間好多人推薦 而且餐廳氣氛又幾好Grilled octopus 見餐牌寫八爪魚咁得意 又好少見餐廳有烤八爪魚 一於叫個嚟試吓 八爪魚食落去口感煙煙韌韌而且佢烤過有一浸香烤味喺度 加試佢八爪魚有揸啲醬 口感味道都非常好 除咗八爪魚仲有配上甜甜地嘅麵包糠 酸豆之類 果然香烤嘅食物係配嘅酸酸甜甜嘅醬同小食 一碟八爪魚已經做到口感好豐富 Grilled Chicken Skewer $198呢個烤雞真係超級推薦 無論係單食唔點醬 還是說配埋佢嘅醬汁 都係超級無敵好食 但係我食過咁多個雞塊嚟講 我覺得呢間烤雞 真係好好食 佢個雞咬落去 外脆內嫩 只係咬一啖 雞肉嘅肉汁湧曬出嚟 佢雞肉應該都係有醃味 係真係少數炸得好食 多汁又鮮嫩 外皮介係脆口 而且味道出眾嘅炸雞醬又係酸酸甜甜 配食炸雞一流 chocolate temptation cake $88呢個蛋糕 睇落去好似好甜膩 但味道偏向苦朱古力啲 食落口唔太膩 作為飯後甜品啱啱好 口感係比較黏 下面紅色應該係紅莓醬 又係酸酸甜甜咁 中和比較黏嘅口感 但價錢嚟講就覺得有少少貴…查看更多