Eicheesett的個人專頁

真係好耐冇食錦麗，總覺得餐牌變化不大...今次經過APM 突然想再食﹐發現餐牌多左新款有點驚喜！:)一行二人點左兩個餐：香茅豬扒雞湯河粉 $66，加$8 配熱龍眼蜜，再加$26配越式蒜蓉牛油雞翼(2件)。第一次叫河粉配雞湯，覺得個湯好好飲，滿滿雞湯味，好滋補，我差點飲晒成碗湯！蒜蓉牛油雞翼跟之前一樣，外層炸到好鬆脆，而肉質仍嫩滑及保留雞汁，讚！👍再點左越式風味牛肉鍋配疏菜拼盤及特級肉眼河粉，再以$29追加安格斯牛肉(80g)，及配凍清甜談蔗汁，好觸渴！估唔到錦麗會推出一人邊爐餐，入秋天氣開始涼涼地，點個一人邊爐都唔錯！而且安格斯牛肉片都好有牛味！雖然坐位有少少迫，但唔想食麵時，食下河粉都係一個唔錯既選擇！😌一人份量啱啱好，呢個價錢性價比相當高！下次可以再食！👍…查看更多

偶然都會食下炙.宴，印象中3年前第一次食，係俾餐廳嘅米飯吸引，今次再食，見佢多左鐵板燒，都唔錯！一行二人點左兩個餐：鐵板美國牛板腱 $128 + 零糖可樂 $8，雖然望落細塊少少，但味道又唔錯，唔會太熟，又唔會韌，都夠牛味！😋薯菜如果多少少更好！👍再點左套餐：月見豬腩肉丼配炸雞芝士黑咖哩飯 + 凍檸檬水 $128，相比下呢個餐明顯抵食好多，有兩碗飯，仲有麵鼓湯、餃子、少量沙律菜及厥餅 。米飯仍然係喜歡嘅煙韌口感😋，炸雞外層鬆脆，豬腩肉入味！👍但個人覺得黑咖哩唔夠平時嘅黃咖哩好味，如果有黃咖哩揀更好！😌唯一奇怪係我地二人同時掃app, 其中一方揀完冇確認，而我自己手機嘅app 冇出現對方所揀食物，我唯有幫佢再揀並送出，但估唔到送餐時變左3個餐....🙄..好彩送飲品時發現多左一罐可樂先知，侍應話如果已預備食物就取消唔到....我地都唔冇確認另一個餐，但竟然由另一部手機確認左，真係奇怪，如果取消唔到就冤枉，大家要留意！…查看更多

約左朋友聚餐，諗住韓式feel 可以同朋友打卡，就試呢間Terrace in Seaside。餐廳喺啟德站的Airside 商場6樓空中花園果層，地點好方便！一行3人唔想諗咁多食咩，於是叫左二人餐，發覺餐廳的餐牌菜名都幾有趣，相信幾啱年青人心水，我地點左以下食物！「全日不用思考二人餐」，共$446，包括：「讓你一試傾心的秋葵八爪魚沙律」，呢個味道唔錯，好怕食沙律既汁會好好酸，呢個OK 易入口！小食拼盤，包括炸餃子、年糕、薯條，薯條炸得幾脆唔錯！「完勝！卡邦尼意粉」，呢份主食我地都覺得唔錯，意粉汁好creamy，因為係幼麵，所以望落份量好似少DD，好快食完！…「開唔開心試左先知的開心果蜜糖窩夫」，需要加$32，最近開心果hit，呢個大家都鍾意，窩夫夠鬆軟！圓碌碌蜜瓜沙冰 x 2，每杯加$28，呢杯朋友覺得好甜，但我覺得唔錯，蜜瓜味夠清新！另外再加左醬燒牛肉飯卷 $88，飯唔會好凍，都夠較身，味道OK！另加朝露玫瑰花茶 $42，餐牌幅圖好吸引係紫紅色，但實物係沉色好多，有玫瑰花茶，即使話加左蜜糖，但我飲落都冇咩甜味，最後同朋友交換左蜜瓜沙冰黎飲！整體味道不過不失，甜品應該比較優勝！但座位比想像中迫，而且唔似網上介紹咁多打卡位，主要飲品colorful 可以打卡！…查看更多

路過淘大商場見開左唔少新食肆，呢間前身都係做泰菜，唔知係咪同一間改左名，但見價錢OK 就試下！店內掛左多張泰國風景大相，都有泰國feel! 一行二人點左以下主食、小食及飲品：泰式青咖喱雞 $78，配白飯及優惠價飲品$22，再點班蘭紅豆冰 $18。青咖喱個汁幾開胃，唔會話好辣，又有好香椰漿味，撈飯一流！雞肉都算嫩滑，肉質及味道幾好！👍本人好鍾意飲紅豆冰，但好少飲到班蘭紅豆冰，好香班蘭及椰子味，杯飲品反而最吸引到我！😋小食拼盤 $108，一共有10件蝦餅唔錯，彈牙及會咬到原隻蝦肉粒，材料新鮮:)，其他小食味道都好正路，但略為細件，感覺呢碟只值$70-80，價錢平返少少會更抵食！母親節優惠，$1一隻煎餃子，點左兩隻，都煎得幾香，唔錯！最開心係唔使加一，即刻覺得抵左！👍😌…查看更多

經過荷里活廣場，聽人講新開左間台灣菜好旺場，一於試下！:)今日早收工6點左右就到荷里活，見呢間餐廳入面已坐滿，條龍已經開始排左8-9個人，本來有諗過唔排，但屋企人話一場黎到照排，排左20-25mins 左右入得！本身都好鍾意去台灣玩及食台灣菜式，今次冇話抱好大期望，兩個人點左3個菜，但其實都唔錯！睇返係2024及2025米芝蓮指南餐廳！仲要唔使加一好抵食！呢個價錢有咁嘅質素，其實性價比相當高！🤭👍花雕麻油雞湯套餐，包埋滷肉飯，及點左百香果茉莉綠茶加仙草（加 $15）, 共$93。屋企人好鍾意食麻油雞，香港食過唔同食店，都食唔返台灣旅行時嘅味道！雖然呢間都未係台灣食嘅咪，但有酒香，飲得材料味，唔會太鹹，雞肉都ok 唔會好乾！👍而滷肉飯嘅肉唔係碎上，唔會好鹹，但本人比較喜歡碎上多d... 😅另外九層塔鹽酥雞$42 都算幾多件，炸得好脆，雞肉夠嫩及有肉汁，幾好！👍😋再來肉鬆起司蛋餅 $40，本人非常喜歡吃蛋餅，今次呢件算大件，煎到外皮幾脆，其實好足料，唯獨餅皮有點厚，食落要咬耐d 及好飽肚！如果薄返少少會比較好！😌到食完走時大約7點，條龍已經排左成30人，相比隔離冇咩人嘅餐廳，真係好旺場！👍…查看更多

經過荃灣廣場，清明前一晚商場出奇地少人，第一次呢間牛角次男坊，見餐牌賣相吸引，見唔使等位，又可以用商場食肆優惠券，就試下！一行二人唔想諗點左個二人餐 $248，其實都幾多野食幾豐富！揀左盬燒牛舌丼、牛角燒牛肉丼（草詞牛腹腩）、溫野菜、溏心蛋、雞腿肉串燒、炸忌廉蟹肉薯餅、唐揚雞肉、味噌湯及罐裝雪梨茶。其中一個丼揀左少飯，但最後都覺得冇咩分別😅。個人覺得草詞牛腹腩比較重牛味，好食過牛舌，而且有咁多款小食，好啱我呢d 樣樣想試少少嘅為食一族！😌個人喜歡日本米夠咬口，而且加左牛角紫菜，好快兩份丼清晒...:)埋單仲要唔使加一，及可以減商場$40 優惠券，抵食！👍…查看更多

約左好耐冇見嘅朋友食飯，見呢間可以openrice 訂座，仲有9折，環境唔錯，就試下呢間主打泰式fushion 菜嘅餐廳！餐廳佈置特別舒適，讓人有種暫時離開香港去左泰國嘅感覺！星期三晚唔算多人，坐得舒服！😌👍一行四人點左7個菜，上菜速度夠快唔使點等，正符合香港人乜都要快嘅要求！泰式生蝦刺身 $98，夠新鮮夠爽口！南薑椰子雞湯$78， 四人飲每人有大半碗，飲過唔少間，呢間算最唔辣，但個人反而喜歡，較易入口！👍冬陰功大頭蝦意粉 $158，個人非常喜歡這口味，唔算辣，但夠creamy 及有濃郁冬陰功味，好想再食多次！和牛金不換炒飯 $178，炒飯乾身不錯，但炒得不夠香口，個人覺得比意粉遜色！蒜香班蘭烤羊架$248，羊架烤得夠嫩及唔會好羶，而伴碟嘅薯蓉吸味十足，特別好味！豆醬炒什菜$78， 蔬菜新鮮爽口！芒果糯米飯甜筒$68 x2, 見冇咩甜品好揀，呢個打卡唔錯，個人係非常喜歡吃芒果糯米飯，可惜呢碟芒果較少，但可以食埋甜筒，當雙重享受！😌🤭…查看更多

年初五跟朋友生日聚會，朋友們想食中式餐廳，我就提議大家試下莆田，話晒新加坡創始店係米芝蓮推介餐廳！雖然我已經食過唔少次，但朋友們未試過就一於再食多次！😌一行三人，我地點左三個主菜加甜品。一埋位就上茶芥，個人覺得杯茶幾純飲得好舒服。再送上福建四果小食，個人比較喜歡碟甜酸菜，唔會太酸易入口！👍點左主食包菜飯 $118，有少少濕潤唔會太乾身，而且好足料，有菜、肉、冬菇及乾瑤柱，加上整個飯都有陣陣荷葉香味！再點左芋香鴨 $98，呢個菜每次黎都會點，因為實在太好味！芋香炸到外層金黃脆口，芋蓉嫩滑，而鴨肉夠香口，肉質又嫩，每次食完都會齒頰留香！再來黃金荷葉包三件 $114，個包炸到外脆內軟，而豬肉餡料肉質夠嫩，好味！甜品有薄荷枇杷凍$38、桂花陳皮燉雪梨$48及建蓮雪耳湯$38，三款都好滋補，個人比較喜歡薄荷枇杷凍，清爽潤喉。:)由於我地食午餐1:30後，客人較少，服務周到有笑容！:)…查看更多

經過荃灣廣場停車場B層想揾食肆，見呢間來自日本的既天婦羅丼賣相好吸引，一於就試下！😌我地一行兩人，點左兩個餐、沙律及小食 (迎新會員送的)。半之助沙律 $48，見好耐冇食過海葡萄就點左，賣相好開胃，蔬菜十分新鮮，價錢合理！👍月見雞肉漢堡及天婦羅御膳 $128，揀左海老迷你天婦羅。雞肉漢堡嫩滑有肉汁，而天婦羅亦炸得外脆內嫩，食材新鮮。值得一讚係天婦羅炸得脆而唔油膩，而入面亦保留蝦及蔬菜水份，增加食慾！半生熟烤牛肉及天婦羅御膳 $158，揀左海老迷你天婦羅及鮮果飲品放題，半生熟牛肉不錯，但本身較喜歡熟食牛肉肉味會較濃，而鮮果飲品放題揀左芒果汁，可以多次添飲，抵！😌新登記App 會員仲有迎新優惠 - 免費帆立貝天婦羅，帆立貝夠嫩滑，不錯，可惜只得一口，不夠喉！😅…查看更多

情人節諗住食好少少, 又唔想去尖沙咀或銅鑼灣迫，去左附近Airside！之前同朋友食過一次呢間炸雞唔錯，後來先知原來係來自韓國的品牌，網上資料話韓國有超多分店，而且烘烤方式不需用油比較健康，係正宗韓式炸雞，所以今次再食多次！😌今次兩個人點左個UFO 芝士炸雞 $288，可以揀兩款口味，我地揀左甜辣炸雞 (無骨少辣) 及蜜糖蒜香炸雞 (無骨)。等左15分鐘左右終於上枱，好似芝士火煱咁，見到多款唔同的芝士慢慢溶化，店員示範快速攪拌再包上雞件來食！👍韓式芝士有香味，但沒有奶酥味，而且不會太膩又不會太鹹，身為芝士控的我十分喜歡！再點左個韓式蛋卷 $148，今次冇上次咁熱上，覺得蛋皮有點厚實不夠滑，如果可以熱上就更好！:)再點左杯士多啤梨特飲 $50，有士多啤梨香味及甜味，但又不會太酸，食炸雞配埋好解渴！👍唯一美中不足係間店人手不足，好多時舉手都冇人得閒理…😅…查看更多

今次約左朋友聚會，旺角東商場夠方便，想坐得舒服d, 見相有卡位， 就訂左呢間！一行四人，點左個壽司塔可二人餐 $448，有前菜及湯, 但發覺原來好難分，而且比較細份，可能每人得一啖，唔係好試得真...二人餐黎講算貴，除開一啖塔可都要$50... 😅！個餐包埋個Tiramisu 配日式蕨餅，就咁上問侍應係咪上漏左蕨餅，原來喺入面，但份糧真係好少，每人一啖...😅另點左一份單骨雞，炸得比較乾身，感覺冇咩肉，個人不太喜歡...見唔多夠食，再點多兩個飯及一份肉，份量多d，但價錢比較貴...可能當天胃口麻麻，整體上感覺不太對味，人均$250，下次少d 人要試真d... …查看更多

回家途中經德福，平安夜唔想同人迫但又想食好少少，見呢間Tamago 多左個聯乘品牌 GOGO Teppan，竟然有鐵板餐，平安夜有氣氛，一於是就試下！😌一行二人我地各自點左個套餐，再叫左個甜品share！先點左鐵板美國一口牛扒+美國雞脾，包是日西湯(南瓜湯)、白飯及叫左凍檸茶，套餐價$138。牛扒都算嫩比較易咬，雞脾就熟左少少有點老，但熱辣辣上枱其實感覺唔錯！白飯係日本米，如果可以選意粉就更夾！反而覺得個南瓜湯好濃好好味！👍再點左鐵板日本A4 和牛西冷 (200g)，包是日西湯(南瓜湯)、白飯及叫左熱烏龍茶，套餐價$288。日本A4和牛西冷油脂分佈算多, 所以食落好易咬算嫩，因為肉的部份唔係咁實。男士可能覺得OK，但我本人覺得比較油，一口牛扒會啱我多D！😌士多啤梨自家製芭菲 $58：雪糕比例少，主要係忌廉及果jam，如果雪糕部份多點會較好！:)我地join 左佢餐廳會員計劃，新會員有迎新優惠送$50及$100 飲食禮券，需要食滿指定金額。今次夠$500 可以用$100 禮券，即時減$100感覺更優惠！😌…查看更多

今次路過將軍澳新都城，見到開左金鳯大餐廳，之前聽聞係開業超過50年的平民扒房，油尖旺區經常客滿要排隊，今次路過將軍澳呢間門口已經有十多人圍住，一於試下！😌我們一行三人，每人叫一個餐再share。我地分別點左：晚餐A $178，包括沙律、帶子西冷牛扒、沙律及餐包、湯及飲品，我地揀左牛扒七成熟及蒜蓉汁，仲可以加$25 轉海皇酥皮湯！晚餐B $188，包括沙律、芝士焗大蝦西冷牛扒、沙律及餐包、湯及飲品，屋企人都係揀左牛扒七成熟及蒜蓉汁，再加25 轉海皇酥皮湯！再點左個金鳳皇牌焗豬扒飯 $82！整體黎講，牛扒係鐵板上，個presentation 充滿老香港風味，而且西冷牛扒又鬆軟，好易咬開，熱辣辣食最好味！而酥皮湯都真係好耐冇試過咁熱上枱的食法，酥皮好酥脆，個湯好creamy！好味！個焗飯大大碟，炒飯底唔乾，豬扒又軟又易咬，酸甜度適中！而帶子大大粒又軟綿，大頭蝦肉質就略為不夠爽脆…😅侍應普遍都有禮貌，整體體驗令人滿意！👍…查看更多

路過日出康城商場買左票睇戲，得返45分鐘唔上唔落又想食少少野！戲院同一層行出黎竟然見到天后站清湯腩！之前聽台灣朋友講想試，但身在香港就一直都冇機會試下，見今次有少少時間一於試下！😌我地睇戲前的時間係大約5:15pm 左右，仲有下午茶餐可以選擇。一行二人我地點左菜肉雲吞擔擔麵加熱檸茶$42，及清湯牛腩河粉拼牛丸加熱鴛鴦$50！👍點左餐一陣好快就上枱，仲要同正餐一樣大大碗份量冇少過！仲要原來唔使加一，非常抵食！本身好鍾意食餃子、雲吞類，今次的雲吞擔擔麵有點喜出望外，平時食的擔擔麵的湯底都係花生香加少少辣，但今次呢碗係微酸加花生香及少辣，好開胃，而且麵質本人非常喜歡，質感似日本拉麵的煙韌口感，越食越想食！而清湯牛腩河粉拼牛丸，都係大大碗，牛腩炆得好嫩好易咬，而且湯底都好足料好好飲！唯獨覺得杯檸茶酸左d，但整體都覺得好味，有機會下次會再食過！:)…查看更多

好耐冇去日出康城商場，同屋企人去行下，一行4大1小，見西餐好多都要等位，但見陶源中菜有位及晚飯優惠精選就試下！😌見個晚飯優惠精選有六個餸，都只係優惠價$498 (原價$708) 都幾抵食，大家唔想諗就揀四人餐，雖然唔知大唔大碟，打算唔夠先再加餸。平時去食中餐都怕點普洱茶，因為飲親都比較苦澀，但估唔到今次家人叫普洱，飲落好香醇及有少少回甘，一點都唔苦，下次可以再叫！:)上菜見四人餐其實都幾大碟，仲越上越有，食極都未食完…四人餐包括鮮人參燉水鴨湯、蘚茄粒粒泡菜苗、香煎一夜情馬友、柚子蜜蝦球、秘製樟茶鴨(半隻)及菠蘿雞粒炒飯六個餸。個人比較喜歡柚子蜜蝦球、秘製樟茶 鴨(半隻) 及菠蘿雞粒炒飯。蝦球層皮雖然唔脆，但上枱時入面仲係熱及彈牙，感覺新鮮，加上柚子蜜酸酸甜甜好開胃！秘製樟茶鴨覺得幾特別，個人比較少食到呢種味道，層皮估唔到有少少脆，而肉質係算幾嫩，下次可以再食！而水鴨湯、香煎馬友本人覺得比較鹹，但馬友可以煎到咁香脆都值得一讚！而蘚茄粒粒泡菜苗都鮮甜，食得出材料新鮮！而菠蘿雞粒炒飯其實都幾開胃，小朋友都好鍾意食！由於唔係本人叫餐，而且侍應落左餐後就攞埋張餐紙走左，一路上菜一路食都冇為意其實四人餐係包咩餸，奇怪的是越食越有，為何四人餐會有咁多碟？食到尾侍應攞張單黎先知原來夾錯左某枱點的孖寶餐落我地張單到，有海南雞半隻及肉絲炆米粉….最後同經理講，佢地鞠晒躬道歉話同事出錯左，話唔好意思及送返糖水及糕點俾我地，但我地既然都差唔多食晒，而且味道又唔錯，小朋友又啱食，付費其實都應該！加上經理態度親切，感覺良好！但部分個別員工態度有待改善...😌…查看更多