貓仔與大小姐的個人專頁

今日去左迪士尼玩行到攰玩到攰嘅時間就想搵間餐廳坐下食下野休息下我地就揀左樂園入面最新嘅餐廳 - 大冒險家餐廳試試:)呢間係一間快餐形式經營嘅餐廳揀完攞埋野食先俾錢嘅菜式選擇都有四個國家菜可以揀：印尼、南亞、韓國同日本今次我地揀左印尼同日本嘅套餐印尼炒飯配雞腿大蝦三角形嘅擺盤對快餐黎講都幾靚但係炒飯方面我覺得無咩鑊氣 味道上無平時食開印尼炒飯咁濃味雞腿同大蝦就正正常常咁另外我地叫左個蔬菜炒飯炸魚柳雞腿配咖哩汁炒飯我地食落就覺得同印象炒飯個個飯底係一樣嘅😂炸魚柳都係中規中矩咁汽水如果覺得會唔夠解喝攞餐個陣可以加$6加大杯汽水我地覺得樂園黎計加$6都算係咁整體黎講兩個餐都無咩特別之處食落就係快餐嘅水準個炒飯就有啲失望:(不過值得一提嘅係佢地嘅速度攞餐同俾錢嘅過程都唔需要等好耐餐廳員工做野手腳真係好快…查看更多

今日日頭去迪士尼🐭🎠🎢一早plan好左夜晚喺酒店食埋晚餐🍽喺迪士尼巴士站個陣有穿梭巴士來往酒店好方便我地六點幾就去左食 所以餐廳入面都係得兩三枱客我地叫左兩個set dinner頭盤可以揀餐湯或者自己去沙律吧揀沙律餐湯方面係龍蝦湯龍蝦味好重 仲有淡淡海水味 係偏稠嘅沙律吧就好多款可以任揀唔嬲主菜方面我地叫左龍蝦同羊架兩樣我地都好滿意龍蝦好鮮甜 羊架肉好嫩汁醬都有六款可以揀配菜有四款可以揀：薯條 薯蓉 忌廉焗薯 原隻焗薯揀薯條嘅話 茄汁會特登整個米奇樣（女客人就整米妮）好可愛整體黎講食物質素好好另外值得一提嘅係服務質素無論係介紹餐牌 餐包 汁醬上餐時候嘅服務都好細緻 好貼心…查看更多

呢排喺中環返開工 聽同事講呢間常餐新開因為佢係藍帶廚師開嘅 所以有好多OL都慕名去朝聖平時Lunchtime經過都見到四季常餐門口永遠都見到門口有密麻麻嘅人頭就算我地食完lunch返office 四季常餐門口都仲係咁多人咁我同我同事都唔執輸 決定去排隊試下我地12:35-40已經衝到過去但係都係唔夠其他人腳長 唔夠人快門口已經堆滿一圈人喺到等緊位佢攞位嘅方式都幾特別叫位會寫個number喺黑板上面每次叫完都係擦過再寫新嘅上去我地等左半個鐘左右 13:10先入到去坐雖然四季常餐唔係淨係得常餐出名但係第一次試 而成間餐廳差唔多九成人都係食緊常餐所以我地都叫左常餐 凍檸茶凍奶茶/檸茶我見都係一早整好晒放喺雪櫃入面嘅所以都好快上到野飲而個多士我就覺得焦左少少 其中一面菌晒黑邊炒蛋方面都幾有蛋香 幾滑嘅 上碟嘅時候都仲有蛋汁留左喺炒蛋上面個湯底味道雖然出面好少食到 但係我本來以為係會糊啲嘅 但原來係水水的:(火腿食得出唔係普通茶餐廳常餐嘅火腿黎但係整體黎講我就對個常餐無咩特別感受全個餐都無令我有「咦」雙眼發光嗰下無咩太大驚喜 只係一個水準之上嘅常餐…查看更多

呢日咁啱去新蒲崗工廠區攞野 肚餓就順便搵下附近有咩好食啦Search下Search下就發現左個久違嘅名字 仙足岩明明記得好耐以前呢間台式餐廳都有唔少分店但係原來不知不覺間分店數量已經淨返唔多:(所以就決定食下 重溫下舊時回憶我地去嘅時間已經係下午茶時段叫下午茶餐都會送一杯紅/綠茶想飲其他特式野飲就要補返同紅/綠茶之間嘅差價我地叫左鹽酥雞排米線同「花枝招展」鹽酥雞排有驚喜份量多之餘 味道算係數一數二個脆皮雖然上嘅時候已經有少少淋但係個味真係無得輸唔係淨係得個死咸味 另外仲有少少甜味食得出有用心調較過唔會一味死落鹽而「花枝招展」原來就係炸花枝丸米線雖然湯底都ok 但係花枝丸得兩粒就略微少左啲咁 唔係好夠食整體黎講食物味道係ok嘅服務亦唔錯 其中戴眼鏡嘅男服務員好有禮貌…查看更多

我地入梅窩渡假 一落船就搵野食醫左肚先沿著碼頭隔離麥當勞個條一路行經過呢間餐廳嘅時候入面嘅店員好熱情咁同我地打招呼我地又見到佢喺烤爐入面嘅雞好似好吸引咁所以就入左去試下我地叫左半隻雞三文魚忌廉焗薯兩粒水果沙冰 - 奇異果薄荷葉沙冰同香蕉沙冰所以野食都好新鮮 隻雞好嫩滑 啲香草味整得恰到好處沙冰係成餐飯最有驚喜嘅地方一飲落去除左會有一般沙冰透心涼嘅感覺之餘仲有有好清爽好Fresh嘅感覺飲得出無加多餘糖份 係水果自己本身整出黎嘅好飲到臨離開梅窩之前都買多杯飲 同埋不得不提係老闆同講英文嘅姐姐嘅服務真係好好本來我地去食嘅時間樓上嘅位無開但係都專登幫我地開冷氣 又建議我地坐邊張枱會涼啲本來一食完都想再叫買多杯沙冰拎走飲但係老闆話見啲香蕉唔多靚都唔想整啲唔好嘅嘢飲俾我地 好老實 無話想賺多幾個錢就是但求其接單…查看更多

爸爸唔知點解成日都話好鍾意呢間冰室今日終於帶埋貓仔同佢地去試下的確裝潢十分之懷舊 不論牆身定係座位都好有味道而菜式都好有特式幾個常餐用左啲幾搞笑嘅名去改型男餐索女餐 好好好易記我地全家都叫左型男同索女餐:)多士好重牛油芝士味偏重口味少少而個麵就正正常常 但我就幾欣賞佢個伊面底筆竟依家好少餐廳會做伊面野飲方面其實有得叫啲懷舊飲品嘅好似唂咕咁 但係我個下仲係好想飲凍檸茶 所以就放棄左 下次再食就會試下下次會想試下賓墟扒餐見到隔離有人嗌好大碟好似好抵食咁用鐵板上 傳出嚟嘅味好香 好吸引…查看更多

今日去左又一城行街 喺溜冰場隔離睇睇下人溜冰果陣有啲肚餓 見隔離有間細細地 裝修幾靚 成間都係白色嘅餐廳 就行左去攞位試下今日係lunchtime時間去食 都幾多人嘅 但唔洗等位 即刻就入得啦我叫左個$59嘅卡邦尼煙三文魚意大利粉 喺又一城黎講 除左food court 五十幾至六十幾蚊嘅lunch set算係幾平 仲會跟set送一杯柚子蜜紅茶 揀凍或者熱都得 係同價嘅卡邦尼煙三文魚意大利粉：份量適合女仔食 如果係男仔食嘅話就可能要話就追加少少野食會飽肚啲 味道方面就普普通通 無話特別出色 三文魚有三至四小塊 略為鹹左少少 平均黎講呢個價錢都可以接受:)柚子蜜紅茶：紅茶唔會太甜 但係對重口味少少嘅人 可能會覺得淡左啲…查看更多

因為上次試過味道唔錯 所以今次我地兩個一齊再去試下食Lunch Set未講野食之前一定要講嘅係服務SERVICE 呢間餐廳嘅服務勁勁勁勁勁勁差差差差差！！！！！ 入到去問下有無menu個waitress就黑面答我：無架喎 一係就喺到睇 一係你自己搵部電話影低囉 呢下已經覺得服務態度差 之後見間餐廳話兩點半會轉Tea 咁啱我地去到個陣就係兩點半 入去問問：我想問係咪轉左Tea？我見門口塊Menu牌未轉 我想問有無Tea set嘅Menu? 個Waitress答我：其實如果你想睇可以自己去門口轉塊牌黎睇 服務態度真係好差 我黎食野想知有咩食 攞個餐牌都唔得 唔通客人見啲地方污漕 就自己去抹枱拖地 服務差到不可理喻！！！！最後我同埋我地分別叫左兩個午餐鮮蝦叻沙湯麵同忌廉汁芝士栗米魚柳焗飯鮮蝦叻湯湯麵：叻沙味好濃 少少辣 對於我呢啲唔係好食得辣嘅人黎講就啱啱好 過下辣癮之餘 又唔會折磨親自己 蝦好爽 其他餸都幾好味 尢其個大大嚿嘅豆卜 吸晒啲叻沙湯汁 一咬落去全部都係濃郁嘅叻沙味 鍾意食叻沙嘅人一定鍾意忌廉汁芝士栗米魚柳焗飯：忌廉汁好香 加埋焗芝士嘅燒焦程度啱啱好 個飯栗米嘅數量都唔少 啱晒我呢啲鍾意栗米嘅人 而魚柳係用新鮮魚塊整嘅 並非機製嘅手指魚柳或炸魚柳 仲有少少魚皮連住嘅 只係略微唔鍾意魚柳嘅味道有點淡 但魚柳係大塊厚嘅 整體份量對女仔黎講可能會略大雖然食物質素唔差 價錢算係偏高嘅快餐店價錢 但係因為服務態度極為惡劣 所以唔會再幫襯 都唔建議大家去食…查看更多

大小姐呢排聽同事講香港大會堂入面有間cafe 價錢唔低 但係勝在少人去 唔洗等位唔洗同人迫 所以去左試下佢個tea 原來呢間都係美心集團旗下嘅餐廳 要自己行去cashier買左飛 攞個number牌再坐低 等佢送黎嘅今次叫左個魚柳漢堡同薯條 魚柳漢堡：份量正常 對女仔黎講唔會太大 值得一提嘅係魚柳係幾厚嘅 配埋佢嘅漢堡醬係唔錯嘅 :)薯條：薯條唔係平時茶餐廳賣個隻急凍薯條 而係粗切薯條 唔係落得好多鹽 唔會好鹹 幾好食 食Tea Set飲野係會相對Lunch set黎講抵好多 Tea Set叫埋飲品加$4 但係Lunch Set要加$13 唔係好抵飲…查看更多

啱啱去左好出名嘅南山邨影完相 知道品香樓喺石峽尾已經出晒名 所以就黎左試下係咪真係好似其他人口中咁好食:)我地今日係午餐時間黎到 因為附近有好多學校 好多師生都會黎呢到食飯 所以都幾滿座 要搭枱嘅今日叫左一個常餐 一個午餐常餐有牛油麵包 火腿/腸仔奄列 沙爹牛肉出前一丁/米粉 呢幾樣野食就同平常茶餐廳無咩大分別 中規中矩午餐就叫左京醬茄子班腩飯 份量都幾大 仲要係多汁嘅 啱晒要撈汁食飯嘅人 班腩味道都同普通茶餐廳差唔多 唔係太驚喜飲品就叫左最出名 一定要試嘅朱古力 唔使加cream 朱古力味已經超超超超超濃大家可以試埋有cream嘅版本 係好出名嘅…查看更多

今日貓仔本人又到觀塘搵呀大小姐食一個靚早餐(其實本身想搵午餐食 因為果時已應11點20分)因為其實大小姐本身作為一名港女 all day breakfast 係必食架啦 咁岩岩好又見到 APM入面有 super sandwich 而且啲早餐又似似地港女食用既 all day breakfast 所以就入左去:)我地分別叫左 番茄炒蛋 早餐腸 煎薯塊 熱香餅 三文魚粟米炒蛋 火腿 煎番茄 clabatta多士我地兩個人同樣覺得兩個炒蛋真係炒得幾好 同埋個薯仔整到係我中意果類型 跟手我就偷左一下大小姐既火腿 火腿有小小甜 應該用左小小蜜糖煎 真係幾好 最重要份量適中 我同大小姐食量本身唔多 真係岩岩好 適合OL 女士食用餐廳本身比較細 但位置舒適空間移動位置不錯目舒服…查看更多

我地入左去餐廳食左個午餐， 本人同大小姐都都比較中意食雞翼同台式野 所以就去試試佢。叫左個瑞士汁雞翼加蛋 同 鹽酥雞翼肉燥飯我就覺得兩味味道太咸 食落去真係要送飯 但係個量就真係幾大下 岩哂啲大胃王樓面環境比較細 位置唔多 但尚算舒適 感覺吳錯 比起一般既茶餐廳就舒服既 因為我同大小姐坐卡位另外餐廳位置都幾遠市區 唔算就腳 但最正既係好靜 岀面小車 再者 隔離就已經係屯門泳池 大家不妨可游完水再食翻個飽飯 真係吳錯整體黎講都可以試下 因為真係好飽肚。:)…查看更多