Fiona nana Chan的個人專頁

天氣熱得咁緊要，真係冇乜胃口～越男仔呢個海南雞撈金邊粉真係提升咗我嘅食慾👍🏻金邊粉雖然要加錢，我就覺得可接受嘅，口感煙煙韌韌我非常鍾意，粉入面仲有幾種酸菜絲再混埋酸酸甜甜嘅越式撈檬汁越食越想食；至於海南雞，啖啖肉唔駛嘍骨肉質又滑溜，真係超滿足～💯…查看更多

宜家好多食肆唔係限時就早收，同學喺外國返嚟一定好多計傾，搵到依間完全無限制非常之開心～至於食物出品都好唔錯喎～特色菜式唔單止打卡咁簡單，可以係食得又睇得😆同食店講大概人均消費就幫我安排好菜式，唔駛煩🥰餐前小食兩味 👌🏻似街頭小食風味泰汁涼拌尿蝦 剝埋殼非常好🫶🏻燉湯 👍🏻👍🏻荔枝蝦球 👍🏻👍🏻👍🏻香芒雞多士 幾得意炒米粉 我覺得好好食楊枝甘露，除芒果肉同柚肉仲加入菠蘿肉價錢算公道嘅～一班人飯局可以考慮～但係食店暫時無有酒牌要自備酒精🤪…查看更多

我本身勁鍾意食燒烤，男友見有promo就訂咗位試下～ 餐廳環境都幾寬敞嘅，繞場睇下嘢食，好似好多款式～鐵板上放牛油紙好貼心，燒至愛燒牛仔骨，好在我唔係戴假牙咋，韌到根本咬唔開，試埋其他，比較正常係雞腎、雞軟骨、雞翼、魷魚鬚～至於火鍋方面: 就揀咗個麻辣湯底，但好求其下。包裝湯底仲好過佢🫣配料都多選擇嘅，但質素真係難以形容😮‍💨刺身我都只係食咗一片三文魚再無食～哩間真係超伏唔係講笑，令平時瘋狂食燒肉嘅我無晒戰鬥力～ 不過要讚服務員會主動不停換牛油紙～差到咁我嘅食物質素都係第一次～希望餐廳好好改善下😔…查看更多

之前都有去開佢哋舖頭食嘢特別鍾意招牌手撕雞椰汁酸湯粉，今日路過見到佢地新開就揀咗佢醫肚😬見餐牌有新款式噃～我就以大無畏精神試咗個扎肉冬陰功湯粉，湯底酸中帶點辣同香料味，一樣夠醒胃；加埋杯我至愛嘅自家煲香茅薑蜜，滿足😌掛住食都無影到相，搞都無圖無真相添～🤪…查看更多

某星期六去食早餐，食物ok價錢合理自此就多咗幫襯，但近排真係好唔掂，唔掂唔係講食物係講個出餐……weekday打工仔個個都想食個快早，但就好耐都出唔到餐唔知係咪換咗廚房人手….試過幾次都等成15分鐘或以上先有嘢到……今日真係等無可等…..直情取消走…..坐我前面比我早到嘅都係嚟咗份唔多有烘嘅多士，多士仲係要加錢….後面個男人鬼x咁話半個鐘都無嘢食…..睇到食評真係要好好正視吓囉！…查看更多

食物質素唔係好，價錢又唔係平，坐低已經落單叫個燒飯團，等咗成個半鐘人地遲落單都上咗枱都我果都未有。決定取消走人。😡個豚肉荔枝串燒啲豚肉無味牛舌雖然係芯位但非常之有咬口，要用幾部牙力嚼鮟鱇魚肝就好食嘅帆立貝壽司真係完全唔值果價錢絕對絕對絕對唔會再去！…查看更多

晚餐時段叫個燒味雙拼飯跟例湯，可能例湯送就唔太著緊去裝，等咗良久隔離枱叫3個炒小菜都到晒我果啲都未到，就先問個湯, 阿姐應咗就去包外賣包完再叫另一個阿姐去裝。碟飯同樣係做好晒啲外賣先。食物質素平平。但附近無咩得揀真係局食佢。…查看更多

行完太古城周圍搵地方醫肚但無間啱心水，就行過康怡果邊誤打誤撞見tea set有意粉就入去試試。點咗蟹子蟹肉扁意粉，不過我轉咗意粉，個口感做得好好; 味道都好正同落咗幾多雜菌，不過就唔係幾食到蟹肉😅，整體係ok嘅～…查看更多

好耐無見嘅朋友話約食飯，哩到正好適合坐低邊飲邊食邊吹水。雖然比原正訂枱時間遲咗20分鐘到，不過都有留枱俾我點咗頭盤香蒜魷魚圈，BBQ rib, 西班牙海鮮飯，吹水梗要啤下嘅就每人一杯1664。頭盤無蒜味之餘魷魚圈淡而無味BBQ rib就醬有醬味，肉得肉味海鮮飯算不錯，看似細碟但禾稈冚珍珠，確實係好多海鮮；味道都ok因為送酒關係，再加多個德國腸拼薯條，份量都幾多架！因為經OpenRice 訂枱所以有5% 折扣，三個人連飲連食收費算係咁啦～…查看更多