Basara的個人專頁

怕左人多好耐冇出銅鑼灣，路過FashionWalk見新開左間，就試試先外層豆卜炸得好脆，配甜醬唔會太乾同太膩，好好食第二個小食，雲吞皮相當脆，單食就會有啲乾，上面酸甜汁好醒胃店員上菜，見我地放一陣都細心提醒，小心個雲吞皮會吸太多汁變軟，抵讚見幾枱人都點就試下主菜必食之選，雞頸肉有咬口而保持到嫩滑，比雞脾肉更好食用磨豉醬醃得夠香，配飯一流雖然好似叫菠蘿包，但其實係puff焗得好鬆脆，內面cream好香滑，帶少少橙香，同菠蘿好夾甜品結尾，由於大部分甜品睇名都唔太明，都係要麻煩店員講解下上面好似係Raspberry玫魂雪葩，湯圓同紫米底，另外再淋桂花酒釀雪葩偏酸，女仔應該會好鍾意可以將酒釀湯圓重組到咁，都真係好有創意聽店員介紹，呢度有幾種咖啡豆都係精心揀過，有特別香味同口感…查看更多

見佢新開冇耐,又有露天同室內坐環境好似幾好咁,就諗住試下佢野食同咖啡點知...先黎肉丸意粉個醬都唔錯,起碼有真茄食到但係意粉好乾身,乾到有少少硬,少少缺點我接受到...一咬肉丸,我錯咁,成粒都係凍;算,應該都係個別CASE,第二粒少少暖,一咬,哇~~由芯凍出黎想點先~~襯意粉同醬仲有溫度,埋左佢先結果清左意粉,最後兩粒都係外暖內凍...再黎焦糖咖啡其實真係唔錯,有焦糖香味,溫度亦易入口,不過...個紙杯底穿左個好細嘅小孔慢慢咁漏,所以成枱都係白色咖啡圈自問就冇勇氣再試…查看更多

2年前食過一次,2年後再黎其實無論環境(有戶外同室內),裝修(白色為主,簡約大方),服務同食物幾好以佢價格都合理,SetLunch平均每人百四五,再加一問題發生喺SetLunch(一般)最貴嗰款,牛扒兩次都唔係我點,係同事點左,但問題一樣2年前,點左兩個,1個5成,1個7成等左好耐,其他人差唔多食完先到結果,2塊都overcook左,5成變7成,7成變9成到今次,4個人點都係7成,有2個都覺得"口感太豐富"咬到個口攰,結果都食剩三分一塊除左牛扒之外,其他食物都煮得真係幾好希望下次再去,牛扒有改善啦…查看更多

之前路過睇見有雞蛋仔賣,又唔係貴,應該話平先啱,幾蚊就買黎試下由於新鮮出爐,到口都仲係熱辣辣(我以前都以為雞蛋仔新鮮係必然,可惜...)第一粒,冇咩味,因為真係太熱;涼返少少再黎,吾~咸味?!咩事,食多粒,都係甜中帶咸,應該係牛油咸味食落亦有雞蛋仔香味,唔係麵粉,甚至化學香精味(深水埗某檔)口感方面,連接位好脆,但唔硬雞蛋仔本身部分外層有少少脆,而內層比較有涵,但唔係死實,唔似某d得個殼講真,作為雞蛋仔,未必算好好,始終唔係外脆內軟但當一口牛油雞蛋糕,反而算高分之作…查看更多

雖然我唔係成日食日本菜,冇特別喜好/厭惡,亦唔算得上好識食但有返基本食嘅要求都好合理根據同枱某人指,呢間厚燒玉子好得;但係,服務員話當晚有樣野幾冇,玉子係其中一樣等佢行開左,某人話佢黎過超過10次,無論中午定夜晚,好多時都話冇玉子,佢都只係有幸食過1次難怪,原來上左神枱級,ok,被逼放棄由於一行數人,所以叫數量都唔少,不過據有食開元氣同板長人士指,大部分水準連元氣都不及而我多數係食"吉之島"外賣流,比較之下,"吉之島"有d仲好食~~跟住就精彩喇,特大帆立貝,$36/件,同時叫左1碟2件火炙帆立貝食完之後大家都覺得特大帆立貝又貴又唔好食,有d唔新鮮咁八爪魚刺身,我第一次食野係咁怪口感,咬落似擦膠+香口膠,咬多兩下仲有潺,要咬好耐先吞到一致後悔叫左幾片擦膠食~~全晚最好食果個叫天婦羅等炸物之類,不過都仲有敗筆位,炸雞軟骨好油,仲多油過大排檔出品好,以上都當佢係來貨唔新鮮/一時失手,我俾你過最有問題係碗烏冬,有隻小蠅浮下浮下,咁搞法真係冇符我唔要求你好食,衛生都算,都唔好俾我睇到呱~一句"要我再去,no way"…查看更多

試過幾次,都係午餐/下午茶時段因為學校附近,午餐時段人流好多,可能要等下先有位而下午茶基本上都唔係好多人,一入去就有午餐多數都係3X,而下午茶廿尾左右,其實菜式/份量都差唔多最有印象係兩樣食物,咖哩牛肉+牛脷 同 芝士焗肉醬意"咖哩牛肉+牛脷",千奇唔好俾個名水到,完全食唔出係咖哩一般茶餐廳果種螢光綠已經唔多掂啦,呢個仲勁,比果重再開稀然後打芡變濃D,味道欠奉而且怪味"芝士焗肉醬意",上枱時睇落都OK對版,仲睇見有芝士有肉醬,肉醬份量都幾多但係搞勻之後食,芝士味係0,如果唔係上枱時見到都唔知有不過肉醬OK好味,起碼夠重味,如果改名直接叫焗肉醬意會好D,反正都食唔出芝士試呢間睇黎都幾講彩數(所謂食運)…查看更多

聽完老闆上電台介紹之後,專登走去試左幾次由於舖面唔大,佢麵包種類比一般連鎖店少,但都有10幾種包老闆o係電台力推金莎奶皇包,其實係中式奶皇+西式麵包雖然係原創係幾有特式,不過唔算非常特別其他仲食過意式牛肉包,吞拿魚火腿,大約十種包雖然唔係出爐時間食到,基本上都仲食得出係俾足夠料做而且真係好平,最貴都好似唔洗7 蚊,一般都係4.5-6蚊到(有涵包)外加重新開張,好似係3:00後買2送1,平到有D誇~~另外門口有西餅賣,8蚊/細件(就係一般size),不過大約只有6種,而且每種件數唔多(以我見到個櫃計),前幾日一下買左十幾件,就清左幾款我都幾推薦,因為以美心同樣價黎講,佢有過之而無不及,個個食完都問邊度買我試左黑松露朱古力同tiramisu(冇睇清左,應該係)黑松露朱古力真係好濃郁朱古力味,亦都好綿,好好食,不過比較漿口,食完唔太食到其他野(飽+好重味)tiramisu就咖啡味比較淡,但仲係好香,幾唔錯,食完唔會太'漏',可以再食多件當然唔好將呢間出品同五星級酒店比但以屋村式黎計,絕對係水準以上之作,算係超值唯一缺點就係唔係好就腳如果有機會都仲會再去,希望佢keep得住質素,當然前提係做得住啦…查看更多

自從上年去買過之後次次去老深都特登行過去買返十幾蚊先白糖糕買左好多次都冇酸味,亦唔係太死甜,偏淡嘅清甜味,一個人可以食到好多大眼糕之前買過,似係用黃糖做白糖糕,同白糖果甜味有D唔同紅豆糕,次次都要買俾人食,偏甜,但係係紅豆果種甜,所以甜而不膩芝麻糕,好有芝麻味,食完一陣先會散,又有咬口鬆糕質地有D似馬拉糕,但乾身,雖然不至於會食到口乾,但唔好單食迷你缽仔糕,一口一個,多都唔得,偏淡,但有紅豆加持重點係買完唔好等太耐(一日以上,幾個鐘唔係問題)最緊要唔好放雪櫃會乾水比起名氣好大果間,我比較鍾意尼間,平得黎水準穩定果間又貴又細件,水準時高時低,食到好算你好彩,中招就抵你如果兩間都係地鐵站口,平分秋色唔係問題…查看更多

第一次去,睇門口係傳統粉麵舖,幾驚入錯一個人入去坐低,4圍望下就知,冇行錯個個枱面一係蛋牛治,一係西多,唔係就打孖上我當然一樣蛋牛治,唔記得叫烘底+凍啡凍啡水準只係合格水平不過主角唔係佢就原諒佢啦冇烘底反而食到方飽都唔錯,夠鬆軟蛋牛當然有返咁上下水準啦,如果煎少10秒仲好而且份量十足,女士們當午餐足夠有餘,咁先$13始終即叫即做係好食好多新香園都算得上深水埗必食之一(單計食黎講)…查看更多

睇完之前食評滿心期待走入去坐低叫左細腸粉同燒賣腸粉比較幼身同實,滑就一般還可以但真係食唔到米香,比起愛民邨真係差D燒賣蒸太耐,魚肉淋到幾乎散,好在本身用料足先冇分體不過有D過腥,但又冇味,所以有D奇,勝在大粒加埋先$12,食完應該有2,3分飽口飽肚唔飽,出去行返陣又可以食過第二樣…查看更多