高比7985的個人專頁

而家出名又好食嘅小炒已經越來越少，今次呢間小炒就連我外國返嚟嘅表弟都覺得好好味😋先至聲明🤭我係一個由細到大都唔食豬大腸嘅人，喺我印象之中豬大腸=屎腸（可能自細比電影影響🤭）但係呢間小炒出名嘅辣爆豬大腸係我唯一會食豬大腸嘅地方🤭其他餐廳絕對唔會試！如果你都係唔食豬大腸嘅話，即管嚟呢度試一試，包你一試愛上🤣佢哋炸得好乾身，食落去嘅口感非常惹味鬆脆唔似出邊一般嘅炸豬大腸💪🏼最近突然愛上了酸菜魚嘅，我第一次喺呢間小炒是酸菜魚，超大盤魚肉勁多，而且好大兜湯👍🏻小小嘅胡椒味完全唔會有魚嘅腥味，酸道啱啱好😋今次我哋兩個人只係叫咗兩碟小炒已經食到捧住個肚🤣呢間小炒除咗嘢食好味之外，碟頭夠大亦都係一個吸引我嘅地方👍🏻…查看更多

泰國菜，中菜，日本菜就食得多，印度菜真係未試過！本來抱住好奇嘅心態去試吓，但居然喜出望外有驚喜😱兩個人去食，膽粗粗唔敢叫咁多嘢，所以每樣都叫少少試吓🤭睇YouTube介紹有個前菜印度小食好有特色，一個個好似個波咁，要倒啲醬料入去食，脆脆地好香口，唔係好食得出入邊有啲乜嘢🤔好似有蝦有薯仔仲有啲脆卜卜嘅嘢，味道好特別，又有啲香草嘅味道值得一試👍🏻咖喱角$12/1粒，我哋叫咗一粒試吓🤭味道好好👍🏻如果兩個人最好叫一粒，（因為都幾大粒）入邊都係薯蓉，如果一人一粒就有啲飽了🤭但係味道有獨特嘅印度香料味，值得一試👍🏻我哋仲叫咗一個雞肉濃湯，但係味道好似牛肉羹🤭係好飲嘅，仲有少少微辣👍🏻正另外仲好穩陣叫咗個咖喱雞，仲叫咗個芝士脆燒餅（印度芝士完全唔係我哋食開嘅芝士味道，所以芝士控就不要抱太大期望）不過味道唔錯👍🏻點咖喱汁食一流！最後我哋仲叫咗個印度牛奶雪糕甜品，不過就真係有少少……………..😅首先個質地食落去唔係太似雪糕，有一個好獨特嘅味道唔識形容，入面韞咗開心果粒有啲咬口，不過最重要係實在太甜😅不喜歡食太甜嘅我實在好難食第二啖🤷🏼‍♀️ 如果鍾意食好甜就可能會喜歡😅總括嚟講除咗雪糕之外，其他都不錯，我下次一定會再嚟試吓其他菜式😋值得推介！…查看更多

大圍其實有好多甜品店，不過本人食甜品一向鍾情椰皇燉鮮品😍 知道呢一間出名食椰皇燉蛋白，再加上有兩隻貓店長🥰超喜愛動物嘅我當然要去朝聖啦❤️食過好多間甜品店嘅椰皇燉品，其實味道都好千篇一律，好多時都係不過不失！今次去試食之前，本來都沒有抱太大期望😅純粹諗住食甜品又可以玩吓貓！點知居然喜出望外😍燉蛋白用上了椰皇水令椰香充斥整個蛋白，而且椰皇水本身嘅清甜剛剛好，好適合不喜歡太甜嘅香港人味道😋椰皇肉亦燉到好腍，可以輕易刮出嚟食😋真心值得推介👍🏻本人強烈建議熱食👍🏻👍🏻才可以將椰子的清甜和蛋白嘅香滑表達得淋漓盡致😍🔴🔴愛護動物嘅我有少少意見😅希望店主可以小心照顧貓貓，因為我食緊甜品期間見到貓貓走出馬路，甚至捐喺車底😱甜品店對開嘅馬路車來車往非常牙煙！搞到我一路食一路擔心睇住貓貓😭 …查看更多

🤭今次去了一間堪稱《平民法國餐廳》今次唔使捐窿捐罅去搵，正正喺尖沙咀The One就有了👻非常方便我哋嗌咗個二人餐，食物質數吾差，感覺有啲似fusion菜，最欣賞係個甜品😋值得encore！⭐️是日二人套餐⭐️🧡 法國田螺配辣肉腸💙法國油封鴨腿💚阿根廷安格斯肉眼牛扒🧡杏仁榛子焦糖布蕾…查看更多

如果你勁鍾意食牛，呢間一定啱你🤭所有嘅燒牛肉串都做得非常出色👍🏻本人特別推介芝士牛肉串和橫膈肌Set🤤配上不同腌料，即使同樣係牛肉串味道亦非常有層次感！本人勁愛芝士，估唔到芝士牛肉串將芝士濃厚嘅味道和牛肉的肉香完全配合得天衣無縫👍🏻另外仲有個燒蟹蓋😍真係好食到癲！超級推介呢間居酒屋👍🏻👍🏻👍🏻⭐️是日食物⭐️🧡 手揸餅海膽蝦卷💙味醂魚乾💚芝士牛肉卷（必定要食👍🏻)💜橫膈肌Set (必定要食👍🏻）💛燒鵝肝🩵三色甲羅燒 （必定要食👍🏻）❤️清酒煮蜆🩷燒芝士年糕🤎燒飯團(必定要食👍🏻)🧡燒雞皮，燒雞心，燒雞橫膈膜💚燒牛舌，燒牛脂，燒和牛🍹青檸檬梳打🍸颶風乳酸梳打配燒酌…查看更多

我真係非常鍾意食雪糕同牛角包🥐當初網上一見到呢間餐廳有雪糕牛角包嘅時候真係心心眼架😍前兩日一心專登去試仲以為可以堂食，可惜呢個雪糕牛角包只限外賣😑其實出邊氣溫30幾度個雪糕溶得勁快，加上要滴住汗咁要勁快食……..真係完全享受唔到! 幾好味都死啦🥵建議等天氣涼返啲先好去食😅…查看更多

觀塘出名多美食😋今次揀咗間新開嘅餐廳試一試佢！呢間餐廳以露營為主題，最特別就係餐廳內的一架露營車🚕可以坐入去食嘢㗎🥰最重要呢間餐廳仲係一間🐶pet friendly 餐廳可以帶同寵物坐於室外座位❤️夏日炎炎又怕天氣熱，但又想體驗一下露營感覺🤭都係吾錯嘅選擇⭐️是日食物⭐️🧡 All day breakfast💚西班牙橄欖油蒜片墨魚配酸種包 (必定要食👍🏻)🥤紅都面晒 (特飲)🍹戀愛預告(特飲)…查看更多

喜歡食Omakase 的原因除咗食物擺盤非常精緻之外，最大嘅好處就係唔使從花多眼亂嘅Menu上揀選食物😂只需要坐定定等食！今次揀選呢間餐廳地方唔算大，所以不會有太多枱食客，食物出品貴精不貴多而且每一道菜都會配上一款專屬嘅清酒以襯托每一道菜嘅味道，增加和提升食物嘅鮮味😋⭐️是日menu ⭐️🧡魚子醬伴潮味豆腐💚煎酒平目醉心赤貝💜蟹肉飛龍頭💙藁草燻鰹魚❤️里芋牛筋煮💛和牛香味燒💗鮑魚素麵，鯛糯米飯，豚角煮鰲清湯💚水信玄甘味杯…查看更多

每次去觀塘都覺得好多餐廳選擇，不過要我即時推介一間而且值得encore再encore的我會首選呢間👍🏻除咗食物質素好，份量又夠多之外，最重要lunch時段唔會好多人而且座位闊落坐得舒服🥰如果淨係想飲嘢，仲可以選擇坐室外位置！晚上佢仲會變身成為一間酒吧，有得食有得飲仲有得玩😂仲好多人會上嚟睇波添！⭐️是日午餐食物⭐️🧡安格斯牛肉漢堡💚香燒辣蝦闊條麵…查看更多

呢間餐廳屬於深水埗隱世小店👍🏻一直都在我打卡餐廳名單之內，可惜一直都冇機會去，因為實在好難搵到人肯陪我屈膝而坐😅今次反而即興去食，好姊妹又鐘意試新嘢咁就啱晒啦👍🏻❤️一去到見到個打卡位居然有得坐😍(全間餐廳得三張呢隻坐位咋)冇得預訂，只能夠睇你好唔好運坐到😅簡直天時地利人和配合得啱啱好🤣我對土耳其民族風的飾物或者衣着一直都好喜歡，不過土耳其食物有咩食就真係冇乜研究過🤔不過大家絕對可以放心😂 相信食物都會按香港人口味調配過，沒有太多或太濃烈嘅香料！⭐️是日食物⭐️🧡土耳其早餐配土耳其茶 (最啱芝士控😍)💚土耳其烤雞肉卷…查看更多

去完北海道返嚟，最遺憾今次沒有時間係北海道食燒肉，返到香港一於搵返間日本燒肉食返夠本先😋今次呢間日本燒肉店一定要推介比大家👍🏻除咗食物質素高之外，店員服務都一流👍🏻細心講解如何燒蟹蓋和肉類而且提供了locker 擺放外套和手袋，唔使搞到一陣燒肉味！最正最正係佢哋仲有個”清酒”放題有18款不同口味清酒😍完全滿足喜愛飲酒人士🍶⭐️是日食物⭐️💚牛肉盛合🦀甲羅燒💚燒日式魚乾❤️炭火雞🧡日式蒜蓉大虎蝦🧡日本和牛牛頸脊💙日本味噌五花腩2串💜伊比利亞夾心肉💗青蘋果沙律💛燒白鱔…查看更多

本人都唔係一個對食物高要求嘅人真的極少會對一間餐廳負評😫好彩今次只係一個下午茶份量，如果食晚餐就浪費quota了😅我同朋友點左一個lunch set(三文治)和一個墨西哥脆片!三文治味道和質素只係剛剛合格👌🏻！墨西哥脆片賣相可以，但居然完全冇味😅就連附上的沙律醬料和所有醬料都完全冇味！相信能夠完全冇味比整得好味，還要高難度吧🤔希望該餐廳能夠好好改善食物味道，畢竟食物才是留住客人的主要因素！…查看更多

火鍋放題雖然有好多選擇，不過可以食足120分鐘嘅就好少了😋最啱我可以慢慢嘆又唔使急！最緊要食物又夠新鮮，選擇種類夠多，除咗有自助食物吧外，仲要有海鮮😍D蜆嚟到仲識郁㗎！海蝦又夠大大隻🦐搞到我不停encore😋不得不推介佢有個兩個自家製飲品🍹薰衣草迷迭香茶和洛神花茶！薰衣草迷迭香茶吾太甜又好香薰衣草味❤️最後再食埋個芒果雪葩😋大滿足！⭐️是日食物⭐️120分鐘放題- B餐(特選安格斯牛)薰衣草迷迭香茶🍹…查看更多

天氣轉涼又係打邊爐最佳季節😋如果人少少又想打邊爐，最好就係揀一人一鍋了！今日去咗時代冰室試咗佢哋嘅秋季限定: 台式麻辣牛三盛火鍋😋辣味有唔同程度選擇，如果怕食辣亦都可以揀選其他湯底👍🏻再配埋佢哋大大杯特飲🍺一人份量夠晒飽🤤再試埋佢哋嘅秋冬煲仔飯，估吾到味道拍得住廟街，仲有我最愛的飯蕉😍 絕對有驚喜👍🏻⭐️是日食物⭐️🧡秋季限定: 台式麻辣牛三盛火鍋💚 窩蛋牛肉煲仔飯🍺特盛綜合水果茶…查看更多

老實講，我唔係一個鍾意食拉麵嘅人😅就算去到日本都唔會去食拉麵！今次因為唔好意思推卻朋友，所以硬着頭皮食一次！平日下午去到人比較少，地方都好闊落坐得好舒服！攞住本Menu，本來仲諗住睇吓有冇飯或者烏冬，點知真係剩係得拉麵😅今次唯有焗食！我點咗一個”二刀流拉麵” 揀選了黑蒜豬骨湯底！除咗有叉燒之外仲有一舊五花腩肉，出奇地非常非常非常之好味😱尤其呢舊五花腩又淋又入味，未試過既一定要試吓👍🏻完全唔覺得肥膩！湯底亦非常適合香港人口味，味道濃郁！拉麵亦好有口感非常彈牙！可能我從此就會喜歡食拉麵😂另外仲見到Menu有牛肝菌雞白湯泡飯，因為職員話份量非常之細碗所以我都叫咗一碗試吓😋不過可能之前食完個拉麵湯底非常濃味，變相泡飯味道淡咗少少！不過味道亦都唔錯👌🏻…查看更多