響openrice呢度買咗佢嘅$988珍味海鮮宴(六位用)，真係超級抵，份量十足，遠照預期！一上菜就即刻急不及待開餐，醒起嘅時候有啲都食咗大半，冇乜點影到相🙈醬燒琵琶鴨皮熱辣辣 皮脆肉嫩灼蝦新鮮爽口大大隻🦐 童叟無欺雖然冇聖子王但係轉咗蒜蓉粉絲蒸帶子同樣出色有份量回味欖角骨唔會太鹹啲薯仔外脆內軟好食清蒸龍躉斑一上枱即刻嘩出嚟，直情係12人一圍飲宴size，大家即刻爭住食！大大條真係好驚喜，仲要蒸得火喉啱啱好，魚肉嫩滑又有鮮味，魚香四溢令人回味無窮！淨係食呢條魚都抵返曬呀🐟酥炸鮮石蠔真係冇誇張幾乎拳頭咁大一隻，唔係用炸粉充大頭鬼㗎，啖啖蠔肉大滿足！有機野米炒飯都炒得幾香，飯米粒粒分明，有切碎咗嘅菇同埋菜心片，混有少許紅米蛋黃蓮蓉大桃包真係名副其實，🍑水蜜桃咁大，每一隻除咗蓮蓉仲有半隻蛋黃，不得之了個六人餐真係絕對超值，自己買材料自己煮都唔會係呢個價，食到好飽，食唔曬要打包😆 屋企長輩都好滿意，話好似去咗飲宴咁，仲以為好貴要我哋破費，實情係勁抵食😎 忍唔住要上嚟大讚，希望多啲人支持！！街坊酒樓嚟講服務都唔錯，會主動幫你換碟，舉手就即刻搵到人，可能有D人會覺得環境嘈咗少少但係熱鬧有氣氛好歡樂~ 今次因為食呢個餐發掘咗呢個地方，會再嚟幫襯！…查看更多
