琴日同班朋友食完晚餐，諗住係太子附近是但揀間糖水舖到食糖水，入到去舖頭竟然一個人都無，無唔唔緊可能糖水好食呢，我哋4個人分別嗌咗蓮子百合紅豆沙、楊枝甘露、合桃露、芒汁芒果豆腐花。楊枝甘露一嚟到已經開始覺得伏伏地，40幾價錢細碗到好似屋企啲食飯碗咁，我fd食完一啖諗住再食第二果下，發現到蚊嘅屍體，即刻叫職員換過碗，第二碗嚟到一樣咁難食！從未試過食楊枝甘露係冇味，失敗到一個點。合桃露落單嗰時係熱嘅，點知嚟到俾碗凍嘅我，我叫職員換過碗，以為佢會添一碗熱嘅俾我，點知佢拎去微波爐叮翻熱！犀利！合桃露唔濃味，完全唔覺得好食。蓮子百合紅豆沙，碗糖水稀到爆，淡而無味不特止，好似溝咗水嘅感覺，完全唔覺得有濃郁嘅紅豆味，唔會煲到起沙，濃稠嘅感覺。芒汁芒果豆腐花，正正常常冇乜特別。其實如果冇心做甜品，不如唔好做啦，難食到咁樣其實餐廳要好好改善吓，唔係俾啲咁嘅質素客人食囉！未試過食糖水食到咁嬲，我哋4個食淨晒啲糖水，完全唔想繼續放入口。…查看更多
