sosojo的個人專頁

下午茶算多選擇！平日經過見唔多人，唔想食快餐店，所以入去。麻辣撈面唔太辣，面條都滑。臭豆腐及麻辣鴨血一般，糖心蛋入味。性价比算高。衞生都ok。桂圓紅棗茶都OK 。…查看更多

冇乜食評，初時訂心驚驚⋯⋯訂購小小試吓！原隻海膽唔係度度有，仲送埋壽司飯及紫菜，紫菜好新鮮，好彩冇失望！刺身都好新鮮，性價比高！下次開party,可以試吓壽司拼盤😊…查看更多

朋友見開咗好耐，於是去試下呢間餐廳。星期六午餐12:30左右到，仲有少少位，職員阿姐都叫有禮貌叫入坐，坐喺角落頭位。開始點餐，叫咖喱巨人雞扒飯，各位阿姐就話用Number落單，於是叫了7007 咖喱巨人雞扒飯，朋友叫了瑞士雞翼撈丁及凍奶茶。落單不久咖喱雞扒飯就上了，見到好大塊，賣相不錯，但係見到係豬扒，於是同阿姐講我哋係叫雞扒，阿姐拎碟飯上手望咗兩眼，就話呢個咪吉列雞扒囉⋯⋯點知切開之後，根本就係豬扒，再同阿姐講呢塊係豬扒喎，佢就望咗兩眼走開，完全唔理你，之後完全唔敢行埋嚟！其實佢比錯咗道歉，我係冇乜所謂！但係堅持客人點錯，之後冇事你投訴，就好唔掂！吉列豬扒其實都好食，雞翼撈丁雞翼都ok, 但個面就好唔掂。凍奶茶都好味！結論係果個職員好唔掂！…查看更多

三個人叫咗三杯嘢飲，大家都唔食得太多野，叫了一個芝士Carbonara長通, 牛肉粒薯仔，一個窩夫已經好飽！牛肉粒薯仔好好食，推薦👍⋯⋯另外一定要試呢度的窩夫🥰…查看更多

午餐時間朋友訂咗1:30枱，發現好多人，好彩等咗一陣就有位。自助形式：購票，自取食物、餐具！款式種類甚多，以西式為主，實有一款啱你！我點了紫薯湯，味道幾好，比較「結」身，以女性來講，食完已經可能有啲飽😅安格斯漢堡扒，煎得幾香身👍，叫了少飯，不過仍然比較多😂凍Latte也不錯，不過已經太飽，飲唔晒😂…查看更多

係深水埗附近買完野，周圍兜下，最終選擇幫襯小店。下午茶餐選擇咗星洲炒米加一杯凍檸茶成就炒米，賣相唔錯，味道比較濃味，配料都足夠。檸檬茶一般味道。整體幾好，不過衛生程度就麻麻哋。…查看更多

同朋友定位專程去試食。午餐時段去，正價大餐牌食物很吸引不過價錢超出預算，最後只係選擇午餐比較抵食。地方較為偏僻，平時經過未必會為意。平日下午二時店內人流比較少，店內人比較少，所以雖然店舖細細，坐得亦算鬆動比較舒服。食物出乎意料好食叫了黑墨魚筒海鮮飯及大蝦意粉，兩者賣相非常不錯，味道亦不錯。份量不算大，如果大食的人，可能未必夠餐飲只有0茶,0水,奶茶可以選擇,如果另叫咖啡或其他不飲就需要加錢。最後我同朋友要檸檬茶及檸檬水，茶底相當不錯，唔係一般茶餐廳水準，幾好味👍…查看更多

再次光臨瑞士咖啡室，今次點了瑞士雞髀薯條再加杯凍奶茶。瑞士雞髀依然入味好食，但炸薯條非常一般。凍奶茶冇奶味，好「希」咁，身為老字號茶餐廳奶茶如此水準，真係有啲失望⋯⋯…查看更多

嚟呢間火鍋店幾次，食物幾好，味道唔錯....但服務真係好唔得。今次食麻辣雞煲火鍋，小辣都好夠辣，都足料，還有生蠔很好味，反而手打牛丸就不多鮮，同女職員反映，佢即刻話今朝運來，冇可能味道有問題，不停説冇問題，我同朋友即是O嘴... 反映下，又唔係叫你唔收錢，點解堅持冇問題？D牛丸唔食其實都聞得出有變味，佢都唔肯望下，就話冇問題😡！如果有得揀，下次未必會再來…查看更多

今日同FRIEND食完飯口痕痕，經過一間銅記糖水鋪，見個鋪面乾乾淨淨咪入去LOOK下。見個餐牌D燕窩唔貴喎，心諗有兩口食到都算有良心，點知黎到大大碗滿既。我叫左個冰糖燉燕窩，個FRIEND叫桂圓杞子燉燕窩，入口好爽口，燕窩既蛋白味充斥味雷。以呢個價錢食到咁既質量簡直超值，呢間野好鬼足料+抵食LIKE爆！…查看更多