qqcar的個人專頁

下午茶時間 諗住食個輕食 就黎左呢間cafe 入到去 環境好寧靜 店主播住少少雀仔聲感覺好relax 一d都唔似香港既cafe …好似去左台灣旅行咁 檸檬接骨木梳打 …清新感覺 檸檬味比較出 但唔係好飲到接骨木味 荔枝玫瑰raw cake好正 荔枝味好香 又有少少玫瑰花味 但唯獨真係細𡚒左d 唔係好夠喉簡單面 係冷面黎的 面質感好好 爽彈配上新鮮雜菜 好食的豆腐刈包 呢個有驚喜 佢個豆腐魯得好好味 有少少薑味咁 口感係彈牙的 入面仲夾左花生碎同酸菜碎 好夾 如果再多d芫茜就好喇整體食物質素好好 感覺係用心制作 值得回頭再支持…查看更多

椰青 38蚊 大大個 👍🏻kok kok 炒飯 加左新豬肉同㰖菜 幾惹味 咸咸香香的 如果可以加少少堤子乾 應該仲正香菇生菜包 呢個好impressed 香菇炒得好乾身 酸酸辣辣 好有泰式既感覺 好好味 🤤😋 生菜都好新鮮爽脆燒豆卜 燒到好脆好脆 但略嫌唔夠多汁 整體感覺有驚喜 素食都可以食到咁好味 Menu入面仲有好多選擇 會回頭想試下其他菜式😄另外 店員服務都細心 見我地要用手食野 主動比濕紙巾我地抺手值得一讚 👍🏻餐廳位唔係太多 建議book定位比較穩陣…查看更多

經過買左個抺茶紅豆屰餅crepe 抺茶味比想像中濃郁 如果鍾意少少澀味既茶控 會好啱口味 屰餅qq 口感好好 仲有三粒咁多 唯一覺得就係個餅皮偏薄 唔夠煙un 如果唔好太甜又中意抺茶既你 一定要試…查看更多

係yoho行街 見到呢間餐廳有set dinner 價錢都ok咁就去試下啦 叫左兩個餐 黑松露醬雞排喬麥麵 推介❤️個醬既黑松露味好濃 令個雞排食落特別好味 餐包一個麻醬沙律 🥗都唔錯 菜爽口新鮮 有唔同色既菜 一d都唔hea既 個喬麥面就淡左少少 跟餐叫左杯冰果茶 唔太甜幾好 面鼔湯 味道都可以 唔會係死咸 有少少甜味既另一份餐叫左鰻魚飯 茶碗蒸都好滑鰻魚就正常發揮啦 結論整體味道不錯 健康之選 有五色蔬菜 有生果 調味唔會好甜或好咸 不過男士就可能會略嫌份量唔夠 要叫多少少野女士就絕對無問題喇…查看更多

平時都好鍾意食抺茶野 經過就黎試下啦第一次食雲朵旦 口感都幾特別 有d似梳呼里 甜甜地 但個旦黃係流心的 幾得意 野食份量都多 抺茶醬croffle 熱辣辣 好脆口 抺茶醬味都濃 但甜左d 好味 推介👍🏻抺茶latte軟雪糕 （左）雪糕好重茶味 唔甜 茶底飲到茶既澀味 喜歡抺茶味濃既人 會好鍾意 抺茶lemonade (右）呢杯就一般 茶味唔濃 同普通lemonade差唔多 整體黎講 無令我失望 不過性價比略嫌低少少Croffle同抺茶軟雪糕係會再想食既…查看更多

天氣炎熱 同朋友想找個地方坐下 嘆下冷氣 於是黎左bath cafe 入到店 感覺得舒服 當日係平日下午 人不多 環境寧靜舒適最重要係冷氣好夠matcha latte with oat milk ❤️❤️❤️泡泡打得好綿密 抺茶味好夠濃 份量亦好夠 推介 煙三文魚牛油果拖鞋包 包鬆軟度幾好 薯格都脆口 熱辣辣的 貓山王芝士涷餅 榴連味唔算好濃 口感都滑 但係甜左d 同朋友兩個人都食唔曬 有d滯 店員服務態度好好 屯門人唔想去市中心咁人多的話 呢度係一個唔錯既選擇整體用餐體驗不錯👍🏻…查看更多

上網睇介紹好似唔錯 於是同朋友一行四人去試下點知一坐低已經唔對路 張枱細到爆 放左個爐同自己野食碟都無曬位 個爐係廢既 野食燒勁耐 都無乜反應最後四百蚊都食唔飽 貴唔緊要 但海鮮又唔新鮮 成晚唯一食得過既係鮑魚熟食又無乜 唯一正常既只有乳鴿個甜品櫃既甜品見到都無食慾 唯有食返杯雪糕算真心嬲 至於流水蝦應該新鮮喇掛 點知細隻不在話 仲無乜甜味 🚁🚁🚁🚁🚁🚁🚁真係伏到呢 …查看更多

好耐無帶主子入天空之城 今晚入去 見到有新餐廳 就試下啦 又幾好味喎 😋室外位寬敞 坐得幾舒服matcha latte 茶味濃 不錯炸大啡菇 juicy 個牛油果醬 酸酸地 可以解到炸嘢既油膩感fish and chips 個素魚好味 一d都唔似素有d樂樂雞feel 芝士牛肝菌什菇旦面呢個係今晚最正的 好香菇味 必叫最後叫左個芝麻卷 好濃味 用料好足老闆話係用日本直送既牛奶做的食甜品最緊要唔太甜 佢呢個就係唔太甜個種 啱曬我胃口 😋整體都好滿意 連同行平時唔食素既朋友仔 都覺得唔錯 …查看更多

之前從未食過越南包 所以專登過黎試一試 叫左個豬肉法包 感覺好fresh 個人唔太鍾意食法包 因為好怕石頭咁硬 但呢個係完全無硬挖挖 脆口 熱辣辣 大家都記住襯熱食喇 😌包入面配菜都多 有青瓜 酸蘿白絲 有塊扎肉 加埋辣汁 呢個配搭又幾好味喎 豬肉分量大概係一串串燒既分量 女士食都ok 但身邊既食肉獸朋友表現唔夠喉 建議比個加底版滿足下食肉獸朋友仲有一個位想讚讚老闆 老闆衞生意識好好 收錢都係直接放枱 唔會掂錢整污糟隻手 見到食都食得安心d :)…查看更多

今晚一行四人試下呢間新放題 十分有驚喜刺身 ： 紅蝦大隻 鮮甜 墨魚同馬刀貝 都好新鮮 爽口 仲有泰式生蝦 個汁都調得好好串燒： 呢個又係讚 牛舌同 燒羊架都好正 羊架肉質好淋 燒到剛剛好 芝麻雞翼 都係好食 香脆有肉汁飲品 ： 呢度飲品選擇多 有特飲 啤酒 清酒 梅酒 任飲 呢杯冰梅酒 剛好中和炸物同串燒既油膩 朋友亦有叫特飲 都不錯炸物： 脆亦唔油 榴連炸彈亦無令我地失望 好味 雪糕打包： 其實都食到好飽 食唔落雪糕 店員主動幫我地打包雪糕 返去食 好貼心 總結 ： 店員人數唔多 成晚都無停手 但服務態度十分好 感受到好有heaRt 👍🏻 相信好快我又會再去食過😋…查看更多

想試好耐既餐廳 終於有時間黎試下生蠔有兩款 叫左每款反二試下 一款黎自加拿大 一款法國$5x 一隻 唔平 但兩款都好好食 新鮮 好甜 質素好好sangria red 略甜 大大杯 酒精濃度不少 都合格啦:)香梨蜜糖麒麟啤 有驚喜 好好飲 甜甜地 喜歡cocktails 既女士 會好中意 但面頭既泡 其實係沙冰質地 幾苦下 個人就麻麻地龍蝦湯好濃 真材實料 鵝肝大大塊 好味 乳豬外脆內軟 好juicy 廚師功力有返咁上下但略嫌有少少豬徐味海鮮墨魚麵海鮮都新鮮 魚麵係自製的喜歡Al dente有咬口嘅朋友會鍾意但我地中意食林 中意食林既可能要特別叫煮林 墨汁味好濃跟餐加$20就會有甜品冇乜特別期待結果出乎意料好食 好有試意 即整的 餅底 好好味成餐飯感受到餐廳嘅服務誠意食物好用心製作有質素 侍應態度亦很好而且係冇味精嘅餐廳值得支持一定會再黎試下其他野食…查看更多

Yoho mall既餐廳一向都係同主子一同用餐既好選擇，但係真係有得一齊坐既就只有呢度 Sofa位 二人一狗是可以比主子坐梳化的 今日一行三人 就只可以比主子坐車仔 都好啦 可以一齊嘆下冷氣 食物好健康 整體味道不會太咸或太甜 絕對係健康飲食既好選擇😋…查看更多

同狗狗一同坐室外 環境尚可 同朋友傾計飲下野 是個不錯選擇 但食物質素一般 一共叫了兩杯飲品 味道可以龍蝦湯 只有雪蝦 沒有說好的龍蝦沒有蟹肉的蟹肉長通粉白酒青口 只幾幾隻 成為$550 整體而言 無下次…查看更多