raysheh的個人專頁

呢間東南亞餐廳新裝修又好似好靚咁，見到佢個龍蝦喇沙好抵食又好大碗，今晚一於決定同朋友嚟試吓。蘋果芝芝冰茶：冇叫少甜，不過味道偏淡，但飲得出入面有打碎左嘅蘋果肉，抵讚！原隻龍蝦喇沙：龍蝦夠大隻，啲肉夠實又彈牙，杉杉面底油面米粉好均勻亦好彈牙(最貼心係餐廳有提供手套同埋龍蝦鉗，仲有濕紙巾，照顧周到）蠔仔蛋：好大隻又多蠔，蛋滑，但美中不足有小小鹹，即叫即整好熱辣辣半隻無骨海南雞：無骨非常方便，又嫩又滑又多肉Mee 脆香雞翼沙律：雞翼剛剛炸完上枱非常香脆，亦冇多餘油份，唔會食完成口油淋淋…查看更多

行完鹿頸過嚟食嘢，朋友話呢間雞翼薯條紅豆冰好食。。我就試吓佢個秘製豬扒米粉。。豬扒調味好味，唔算落得太多鬆肉粉，不過塊豬扒一塊過啲難食，如果切開一片片會比較好另外叫咗招牌鹽焗雞米粉，鹽焗雞整得唔算太鹹，雞件都啖啖肉，呢個價錢來講非常抵食最欣賞係兩個湯底都好清，淡淡地唔會太油膩…查看更多

見係新開張，同埋個餐牌幾靚，諗住啲嘢食都唔會差。。。點知。。平日lunch排隊比較人多，等位等左10分鐘，入到去坐低個位，冷氣風口對住個頭射到正一正，員工話個冷氣係商場中央嘅，所以冇得調教冷氣。。叫左白胡椒湯米線，魚腐，牛肉: 米線好少(係我一生人食過咁多間米線最少嘅一次) ，魚腐竟然得<<一粒>>,牛肉都係得四五小片...碗米線要成$48，我同我同事食完覺得冇嘢食過落肚咁，搞到我哋食完仲要去買蛋糕返公司食另外以飲加$8，埋單每人$56，但食完一啲都無飽肚嘅感覺…查看更多

飲過珍珠烏龍奶茶，奶味蓋過烏龍味，落order時侍應唔記得珍珠要大定細定混珠，結果俾咗細珠我。。如果佢地會提點顧客比較好之前試過熱仙草芋圓，唔知係咪攞到返屋企等左半個鐘先食，啲仙草已經一pat pat。。芋圓亦唔夠Q 彈…查看更多

今日難得老遠走入嚟上水，試吓呢間台菜。。一行三人叫左三個lunch set :鹽酥雞扒肉燥飯: 雞扒整得夠脆口唔太油，肉燥偏濕，乾身少少應該會好食d 和風秋刀魚雞扒飯: 原條炸秋刀魚，好抵食，雞扒亦都好大塊，配上日式燒汁同木魚，好果半根半肉燒牛肉麵：牛肉同牛筋炆得好淋，亦好入味，揀咗粗麵，面底煮得剛剛好口煙韌彈牙，湯底有少少微辣，但湯底唔算太好味凍焦糖珍珠奶茶：焦糖味過濃，蓋過奶茶味，珍珠亦唔算彈牙，唔算太好飲聽到有啲顧客不滿侍應座位安排，侍應安排入座佢哋坐低左，一而再，再而三咁同佢哋轉位…查看更多

早放工嚟食下午茶，叫咗個台南擔仔米粉，個人覺得食材一般，配料比較少，不過肉燥加米粉配搭出色，只係稍嫌碗米粉太細碗，食個下午茶都算飽即，加$10有一杯鳳梨青茶，叫咗少甜小冰，但都係比較甜之前食過《啊元來了》嘅芋圓，有好多不同種類嘅豆，例如紅豆。。。 芋頭同地瓜圓做得煙un 同入味，呢碗可再在encore順帶一提，餐廳環境比較暗，亦比較嘈，坐喺度食嘢真係覺得頭都痛埋。。午飯時間要注意～時時刻刻都大排長龍，仲要經後門出入…查看更多

聽講話呢間食雞煲好出名，不過嚟咗幾次都係食佢不同配搭嘅雞湯米線。牛腩飯。車仔麵。。。清雞湯米線：視乎雞肉嘅部位，有時會係雞髀就啖啖肉，亦都試過係骨位，就成碗麵好似冇乜雞肉咁，清雞湯味道普通貨色，不過米線好大碗蟲草花/姬茸菇雞湯米線：菇味道好甜，好似浸過糖水咁，但配搭雞湯米線味道好夾👍🏼蕃茄雞湯米線：番茄當底咸到不得了，食過一次怕怕車仔麵：可選擇清湯底，蕃茄湯。。。係正常一般車仔麵貨色清湯牛腩飯：牛腩炆得夠林夠入味，牛腩湯味濃郁…查看更多

經常黎食飯，食到熟曬，收銀個幾姊妹幾好人同幾靚女架。。。今日發現佢有中式早餐：有腸粉/餈飯揀再配另外二樣點心，eg: 蘿蔔糕/ 燒賣/馬拉糕。仲有豆漿/轉餐茶腸粉幾滑同好食，燒賣就蒸得過左少少火位，蘿蔔糕粉太多，餐熱奶茶好正常…查看更多

過來灣仔整嘢順便食埋早餐$38 早餐set 都ok la, 唔叫貴，又坐得舒服。。沙嗲牛肉麵都幾好食，面夠硬身，沙嗲牛肉都足料同入味。。。炒滑蛋就一般般，唔算太滑。。。。…查看更多

第一次食時，諗住熱熱地食個冷湯拉麵，揀左 ：「禁果之鹽。冷湯」魚子配拉麵，好奇怪，冷湯拉麵令個拉麵食起來更油， 一pat pat 咁，豚肉食落更感肥膩。。。今次食左 「海體醬油湯拉麵」，熱湯果然正常好多，豚肉大舊入味，亦好軟熟，不過湯底好咸，硬拉麵好煙硬另外叫咗糖心蛋，不過隻蛋比較乾，唔算好食我哋都叫咗煎餃子，不過不失值得一題係，如果怕熱嘅朋友，可能唔會選擇嚟呢度食，因為要響後巷排隊，而有吧枱座位，比較窄，店內亦好嘈…查看更多

Lunch 黎食過幾次，環境比較嘈吵，可能樓底矮，枱和枱之間距離太近，講嘢要好大聲先聽到。。今日叫左雞蛋吞拿魚沙律，沙律醋太多太酸有d clock 喉。。。主菜: 7成熟牛扒焗薯，牛扒煎得香口，不過overcook 左，好似9成熟咁，太硬其實之前幾次黎食水準都唔差，可能今日太多人overcook 左…查看更多

今日叫咗個《幻彩千虹》，因為小朋友鍾意食啫喱，所以揀咗呢個糖水，佢入面有迷你小丸子，芒果爆珠，芒果，西瓜，哈密瓜，火龍果，仲加咗煉奶，總括來講唔算甜，小丸子整得好有咬口。另一款叫左《賞糖》，原來佢同《幻彩千虹》分別不大，都係西瓜，哈密瓜，火龍果，不過佢另外有黑涼粉同白涼粉，番薯丸子，我覺得白涼粉太粉，總括嚟講都幾好食。另外仲叫咗椒鹽炸燒賣，佢應該係即炸，又熱又脆口，好食總括來講食物質素幾好，只不過係座位有啲狹窄，同埋唔夠侍應，要等落單都需要一段時間…查看更多

雖然呢度食lunch 永遠都要排隊，但食物質素真係唔差再加上free凍橙味特飲好味（1/4 橙肉響裡面）頭盤沙律配面包，面包熱辣辣又夠脆，不過好大個，食完已半飽。。叫左All Day Breakfast , 蛋炒得好滑，煙肉脆口得來唔太乾，德國腸大條抵食，味道唔算太咸，番茄grill 過熱熱地幾好食，多士都夠脆口。總括嚟講啲食物質素幾好，之不過個張枱有啲窄，放滿食物後，張枱幾乎冇位，同埋唔夠侍應，想搵人落單或者埋單，都要等好耐！…查看更多

來食過好多次lunch，今次係第一次寫食評。。今日叫咗香酥排骨滷肉飯餐，排骨味道唔算咸，排骨炸得脆口，皮薄，滷肉份量配飯剛剛好，唔會太多滷肉整到啲飯濕立立，凍珍珠奶茶就比較遜色，珍珠頗硬。。朋友叫咗香辣雞扒面，香辣有一些麻的感覺，佢叫左黑糖薑蜜，薑味好濃，食完簡直熱到流晒汗…查看更多

Lunch過嚟成日見到好長龍，因為全間鋪頭都係上咗年紀嘅阿叔阿姐做，排隊買嘢食要等10至15分鐘，自助式～自己拎完嘢飲返埋位，等嘢食部機一響，就再出去攞你要嘅食物。。。整個過程大概需要20至25分鐘。。。今日食咗阿坤蝦喇沙配粗米粉$52，蝦肉唔係好新鮮，粗米粉口感彈牙滑溜，不過碗麵比較少，其他配料都係一般好食朋友叫咗牛肉喇沙粗米粉，牛肉好硬飲品要另加錢。。。…查看更多