cheukyvette的個人專頁

呢間小店嘅裝修好有feel有一刻真係覺得自己去咗泰國旅行😭😭😭😭（點解大家咁慘只可以睹物思旅行）坐係度真係好似搭緊TUK TUK好chill 我地2個大胃王嗌咗5道菜，當中當然有我最愛嘅海鮮冬陰功湯，啲料好足，除咗好大隻嘅蝦之外仲有魷魚青口等等，每一啖都係肉每次(but)都好期待同埋好奇會係邊種豐富嘅海鮮，同埋平時自己屋企都會煮下冬陰功嘅，所以留意到呢間啲椰漿味道好濃郁，令到我留下深刻嘅印象因為好香口，我一個人已經飲咗三大碗，好滿足～然後係菠蘿炒飯，諗起友人一見到配料有三色豆就好恐慌嘅樣就覺得好搞笑😂😂 而我一個唔驚三色豆嘅人依然就覺得呢個飯會香口亂雖然有人好驚食三色豆但係佢都不得不對呢度色香味俱全嘅菠蘿炒飯作出正評然後我第一次食軟殼蟹麵包咖喱好特別，軟殼蟹啖啖肉好正，如果多啲汁就好啦因為啲咖喱汁蘸麵包好襯呢…查看更多

呢間嘅fusion 菜真係好好味！食fusion菜真係好容易中伏，難得呢間冇，仲要好好味。我食咗3次，每次試新菜式都有驚喜，第一次最印象深刻嘅係西瓜吞拿魚他他，有趣嘅組合，但好開胃，好得意。不過第二次再叫就略嫌醬汁太鹹，蓋過咗西瓜嘅爽甜。然後個豬腩肉漢堡都好好味，不過真係好邪惡😂😂😂好juicy 好肥美，雖然每個漢堡都細細地，但食完都覺得罪惡感深重🤣🤣不過真係好香，大家食完記得做運動😂😂仲有牛肉串燒，好好好香😭😭仲要有孜然粉，我會蘸埋啲蕃薯醬…查看更多

食過新泰灣仔舊店同新店，今次試下尖沙咀分店，位置就腳，地鐵站隔離街就係，係炎炎夏天，咁嘅地址同埋避暑泰菜簡直係怕熱嘅我嘅福音😂豬頸沙律好好味！豬頸肉好香好juicy，同埋酸「微微」，好開胃。一開始以為係一堆菜上面幾塊肉果種，但原來係好似生菜包咁包黎食，啲肉嘅份量好夠，之後試埋用印度薄餅包都幾好味🤣啲印度薄餅都好奶香甜，一開始脆脆嘅熱食，之後擺凍咗食又係煙煙韌韌另一種味道。所以呢兩道菜都幾多唔同嘅變化幾特別。泰式炒花蛤我第一次食，同平時啊媽果種中式辣熱炒唔同，呢度嘅係甜嘅味覺為主。可能會介紹俾平時怕辣嘅人可以試下。冬陰公都適合港式口味，所以唔洗怕辣都食得我嗌咗椰青沙冰，係成個椰子上好癲😂😂好滿足，仲要入面有椰肉，我飲咗勁耐都未飲完，最後一邊冰火兩重天咁牙震住飲完因為好好飲唔飲完又唔捨得好浪費🤣夏天去必飲！多到爆咗😍😍😍…查看更多

本身對呢個茶飲牌子印象好好，無論係泰國，定啱啱開業嘅時候。因為上次係尖沙咀店買過覺得好飲，今次特登同埋男朋友去多次。點知，今次真係火都黎⋯⋯雖然menu話唔可以少冰姐，你都唔洗多冰到咁呀？仲要2杯都係咁。飲咗陣，完全啜唔到啲珍珠，要特登搵個位將啲冰倒去第二杯之餘（仲要啲冰一杯裝唔晒），2杯飲品飲咗幾啖，就已經得返啲冰同飲唔到嘅珍珠。你地自己睇下⋯⋯香港咁多茶飲，奉勸大家真係唔需要用40蚊買杯冰。對比圖如下，啱開業時：今次：…查看更多

係平日黎呢度食lunch.一入黎就話d set 得買剩2個choices（原本有4個），我地見都未去到full house，不過唔緊要可能較早前好多人。專頭落單嘅時候，個侍應同我地講，4個choice得返一個？呢下已經覺得下？咁都得？咁唯有單點，唔要set去到嗌嘢飲，又呢樣冇果個冇去到呢個地步，會唔會太過分根本係20分鐘前就唔應該再接新客啦，要人等仲要幾乎咩都冇！！！你keep住俾啲客入，但又提供唔到適量嘅選項（我都唔講應有嘅選項喇），問個侍應，四色拼盤有啲咩，都答我唔到⋯⋯真係建議老闆好好咁檢討改善下服務同埋入貨量。…查看更多

好抵食的生日飯吉壽啲位好闊落坐得好舒服 一啲都唔逼侍應態度都十分良好有求必應可能因為我地去個個時間係5點半 所以啲order好快黎齊曬今次呢個晚巿放題就係有自助吧嘅自助吧度有啲甜品同雀巢雪糕 好多口味都有佢地嘅飲品選擇真係值得一讚 乜都有 道地，果汁，汽水等等 再講番野食壽司同手卷都係細細舊的唔驚叫太多 浪費 因為一定食得曬海膽手卷上面嘅海膽超鮮甜 推薦!仲有赤貝都好好食 好新鮮冷烏冬調味都好好份量唔會太多食滯人比目魚燒得好好食皮脆卜卜 口感油而不膩又係必叫至於刺身 啲蝦好新鮮 冇腥味帶子都係鮮甜又大隻 好抵食牛肉鍋都唔錯 係壽喜燒湯底味道好濃郁炸物黎講 一定要食芝士丸呢啲唔使講架啦😉最後 十分重要嘅係呢度放題只需200蚊有找真係抵到爛…查看更多

今日心血來潮去搵有all day breakfast嘅餐廳，行開太子呢一間又近地鐵站，所以就睇睇佢好唔好食啦！蘑菇湯就係第一道菜，加埋沙律打咗個底先。我就叫咗個荔枝沙冰，真係好啱夏天飲，但係如果你驚太甜可以叫員工加多d冰少d糖漿，但對我來講就啱啱好。呢個我哋all day breakfast真係乜都有，除咗個粟米格仔餅，其實佢有其他嘢揀嘅，所以可以因應自己嘅口味揀。漢堡扒、炒蛋同菇係我的最愛！其他嘢佢都好快手咁樣上到嚟唔會搞到個早餐凍凍的。佢加埋嗰個士多啤梨果醬陪個個同埋玉米格仔餅度，夜晚食都真係好有早餐嘅感覺xd另一道餸就係豬肋骨，開始好驚剩係得肉唔飽，但如之後證明只係我多慮啦xd 入面一大排好誇張，睇相嘅時候唔覺，但黎到的時候先知真係好多😂一個人都未必食得曬最後當然要有個心太軟做結束！入面有朱古力流心，而佢個雪糕相信係有雲呢拿籽㗎🤤🤤加埋一齊食，又凍又熱咁，好好味…查看更多

呢間嘢真係朋友聚會一個不錯嘅選擇，今次我帶咗中同黎食！我地730到，雖然係平日，但都已經幾乎坐滿晒客人，好彩仲有2，3張檯剩。我地坐咗近窗邊。經過上次恐怖朋友的燒肉，今次我醒咗！食咗熟食打個底，再慢慢炮製我嘅韓燒大餐！我最愛嘅都係柚子炸雞同埋韓國粉絲。好感動食物質素冇下降到，我的柚子炸雞依舊都係香噴噴又內嫩外脆😭然後一邊食沙律嘅同時，祈求中同俾啲良心燒（然後都係呃9我話熟但其實未熟）今次我覺得豬肉同雞肉都好味！我發現豬頸肉適合燒耐啲，脆口啲！不過辣嘅豬頸肉對於我呢啲唔食得辣嘅黎講，真係有啲辣！原味適合我多啲，但係兩種都好香口，真係快樂並痛苦著，包咗生菜食味道好好，唔會太膩。加埋嘢飲正正（我見到飲品選擇又多咗，仲要係茶類無糖，加分！）發現果然係慢工出細活，大家如果俾啲心機燒，會好好味㗎！（我覺得我多春魚燒得好靚，好俾心機咁燒所以冇癡底又冇爛到哈哈！）Ps：爭少少食唔晒，但我地已經係每樣嗌人頭份量，建議大家唔好一次過嗌好多，費時食唔晒浪費。…查看更多

係呢頭返工，成日嚟食中午飯，已經寫過一篇大贊呢度抵食，同埋個卡電視真係神來之筆，令你有種個空間係你嘅，你想坐幾耐就幾耐的感覺今次嚟到呢度食晚飯，我感到係有質素嘅飛躍，當然價錢就唔同啦，但打邊爐本來就係睇佢d料夠唔夠多同埋夠唔夠新鮮好味，只能夠說一分錢一分貨。蔬菜全部都好新鮮，尤其係竹笙配上呢個麻辣湯底，作為食辣之人，感覺好滿足呢碟肥牛一睇就係上乘之選，煮完都唔會摺埋一舊， 薄厚適中，口感真心不錯最鍾意佢個響鈴，非常鬆脆，就咁食都好好味，雖然我都係鍾意淥一淥先大大嚿豬骨做湯底，驚曬咗仲要特登舀出嚟俾你食，絕對唔會浪費好料。差d漏左個侍應哥哥，介紹幾種食法，服務好好，會主動問你需要咩，真係見少賣少。最後個甜品，兩款都好好食，我自己鍾意椰絲糕點多d，好清新好啱打完邊爐食，其他地方好少食到。…查看更多

返咗6日工，終於有假放，決定逃離一下節奏急促嘅市中心，但又懶得去郊區⋯⋯所以決定黎工廠大廈搵下啲大啲嘅餐廳食個唔會有趕住埋單壓力嘅private corner. 之前聽朋友講呢度可以留好耐，有好多棋玩，係荃灣呢個鬧市嘅一個休閒好選擇。可能因為係工業大廈，所以係入口果度都搵咗一陣哈哈！我哋到步嘅時候已經係下午四點幾，但餐廳都仲有幾多人，仲有一台係貴婦與狗的聚會🤣🤣菜單上都有唔同嘅選擇，睇上去好吸引，不過今日好可惜冇我地想食嘅漢堡💔，不過我地都嗌咗其他嘢食，帶子同埋慢煮黑毛豬同埋蜜糖雞鎚。雞鎚係即叫即炸嘅，好香口。呢度除咗文青裝飾外，仲提供咗唔同嘅書籍，同埋board games。我地都玩咗好耐。呢度都不失為同朋友hea時間嘅一個好地方。…查看更多

好耐冇食過台灣嘢食喇，今次同我台灣之旅嘅朋友仔去重溫台灣之旅嘅感覺。兩位大小姐話就話接我放工，但依舊不改遲到本色！我地黎咗呢間炊豕店，店舖面積頗大，很寬敞。店內嘅裝修好有復古懷舊風格！用嘅係木檯同埋以前中學嘅書檯。連牆上都掛滿八九十年代嘅報紙同埋海報，細看之下，內容竟是舊時香港報導。這令顧客彷彿置身於過去，回到那時的台灣和香港。我地3個人嗌咗2個主食同埋幾個小食。辣味海蜇呢一道菜係我好鍾意食嘅一道菜，佢嘅辣味適中而且好爽口。係豬扒飯呀！我地加咗炒滑蛋，覺得即刻香口咗好多！肉燥飯嘅醬汁好多！唔會覺得好乾，因為2個飯，分享完撈埋一齊好香肉燥味。雞翼即叫即炸，好香口，外脆內暖。仲有微微焦嘅芝麻味。正。…查看更多

第二次黎呢間嘢食沾麵，今次係食過返尋味！第一次黎係見到呢間係新開嘅餐廳，小店得黎又乾淨企lee，仲要教人點食。食完之後就鍾意咗食沾麵。之後係尖沙咀都食過其他舖頭嘅沾麵⋯⋯果間鹹到GG。我先知道原來呢一間真係好食加上⋯⋯上次同男朋友黎食留下咗特別嘅回憶⋯⋯😂😂😂於是今次我地又黎食過依舊都係咁好味。第一步，邊浸邊食～救命啲麵好彈呀（事先員工會問你洗唔洗煮lum d 但我鍾意食煙韌啲嘅所以冇要求到）雖然我唔食蔥，但係啲沾麵汁湯真係好香⋯⋯夠味之餘重點係唔會好鹹！！！！（怨念），加上提供冰檸檬水，又掃咗層濃味，唔會覺得好膩。因為加咗底，我食極都食唔晒，最後我浸晒啲麵，男朋友問我咁同食拉麵有咩分別😂😂😂食晒啲麵我就叫員工幫我加湯好飲🤤🤤🤤🤤遲啲再帶屋企人黎食哈哈（題外話，老闆好聰明，將落單紙過膠，可以重複使用，雖然唔係環保手然，我都覺得要加一分🤣）…查看更多

呢排天氣唔穩定，食咩都冇胃口咁所以諗住食酸菜魚開開胃！因為係hall附近，個名又幾特別（唔知佢同chef lemon 有咩關係？）所以就同朋友黎試下店內裝修都幾有傳統風味，牆上有好多魚魚鏡，好搞笑。啲位又夠寬落，坐得幾舒服。雖然見到隔離檯啲人食果啲一大兜嘅鍋物？但係都無阻我地衝住食烤魚嘅心情！咁多種魚我淨係識鯇魚，其他魚上網話同鯰魚有相似之處，如果好味嘅下次先試～餐廳姐姐好好人咁暖水我地潤喉，我地嗌咗酸菜味嘅，又會問我地想就咁酸菜味定加辣，可惜我同朋友都唔識得辣，無得試😭可能今朝空肚食午餐，好肚餓，等咗5分鐘我問到若有若無嘅香味時，已經好迫不及待⋯⋯終於上菜啦！！魚皮好脆，加上孜然粉，好香。啲配菜都好新鮮，無苦澀味。加上我嘅最愛——響鈴。今餐好滿足⋯⋯…查看更多

辣之挑戰作為一個湖南出世既人黎講食得辣係必須嘅聽聞四川菜同湖南菜嘅辣度係差不多特登約埋啲朋友黎試下呢間私房菜一開始就緊係要開下胃先由小辣開始食起辣酒煮田螺雖然啲湯望落好多辣椒好似好辣咁但其實當你撩入面啲肉出黎嘅時候入面係一啲都唔辣而且充滿田螺鮮味不過有一樣野要注意就係比酒煮過後嘅田螺會有啲苦味係正常嘅然後就去到四川回鍋菜係肥膏層嘅調和下中和左紅綠辣椒帶黎辣味嘅不適個浸肥香陣陣 真係好吸引而家諗番起都好想再食!重慶野菌雞煲一上枱就知係堅料個陣豆豉嘅香味同四川辣椒醬嘅味道交融下 再加埋野菌嘅加乘令呢個雞煲嘅主角 姐係啲雞 更加出眾最後炒豬肝係最辣嘅佢啲辣椒籽出曬黎 啖啖都辣在心頭但係老闆娘話呢個程度已經唔係最辣😭老闆可能擔心我地食得唔夠菜仲特登炒多左碟蒜蓉菜心苗過我地嘆私房菜嘅好處就係咁!可以依你喜好去調較份量同調味料…查看更多

好耐冇見過班中同，今日特登約佢地係灣仔食，見呢間幾多好評就揀咗呢間東南亞餐廳（都算係我地嘅回憶黎嘅！）餐廳係2樓，一上黎就好似去咗傳統泰國地方咁，好有泰國特色！啲侍應都著晒泰國服飾，（仲有靚仔小鮮肉睇🤤🤤）好多客人，好熱鬧。 有啲位仲係類似「帳篷」嘅設計，好有feel!我地就坐咗係靠窗嘅位，有得睇路景Menu上有好多選擇，我地都搞咗一大輪，先決定到嗌啲咩⋯⋯東南亞餐廳，我一定會嗌椰青水我覺得好fresh，而且都幾大個，唔洗就住就住飲。木瓜沙律好新鮮，又唔會太辣，啱我口味，我好鍾意食木瓜沙律，所以可以大兜啲就好啦蜜汁肋骨好香，又夠熱，好入味得黎又有肉汁，唔會好乾。個汁除咗辣，加咗檸檬汁葉，所以酸酸地之餘仲有陣陣檸檬香。整體味道溫和（少數偏甜），如果唔鍾意太辣嘅人都係一個好好嘅選擇。…查看更多