meiling920的個人專頁

係中上環好細間的居酒屋，夜晚19:00 去到見到細細間但比想像中多人，要等位～ 佢分開兩層，主要因為樓底高所以可以分上下兩層，坐的位置係有點逼。等咗30分鐘後入座，用QR CODE 落單有中英文菜單👍🏻👍🏻👍🏻 因為溝通上都有限，目測大部分職員都係日本人。$98 有七串雞肉串，性價比高，味道不過不失。叫咗幾款壽司試吓，唔記得幾錢但都ok ge, 又係性價比高啦～ 都幾新鮮好食過元氣嘅 🤣🤣嚟到重頭戲！ 我最誠心推薦係呢個菜式，由於本人十分喜愛吞拿魚蓉，佢呢個組合真係Perfect!! 好好味又可以自己DIY幾多份量放係卷上面擺入口 😂😂 最重要個卷入面有青瓜！令到口感唔會肥膩，私心推薦一定要試食呢個～三文魚籽 + 蟹肉 + 吞拿魚蓉之後見到隔離枱叫咗呢個炸蝦天婦羅，一於自己都試吓，又真係幾好食，炸得好脆 加上呢個醬升華咗口感，不過小鳥胃的我已經好飽啦～炸蝦 🍤 + 炸帶子飲酒係幾平，我叫咗兩杯 $38 Lemon sour ，叫咗一杯 普通highball 但好淡味，另外再試咗一杯Yamazaki highball 就濃味啲啦～～ 總體驗都不錯，值得推薦一試！ 但就唔會想坐低再慢慢飲酒，因為位置實在坐得唔舒服，不過呢個係佢嘅技巧嚟，想返多幾轉客又可以賺多啲。埋單 Total HK$800 幾蚊，性價比高嘅～有得食又有得飲酒，我食過香港其他居酒屋都起碼過千埋單。…查看更多

已經數吾到第幾次嚟呢到食壽喜燒，始終都係我最愛餐廳之一 💛今次叫左個A5 和牛二人set 大約 $1400，因為上次食過飛彈牛二人set，所以今次試下A5和牛，睇下兩者口感有咩分別 😊前菜有9款，見到果一刻已經覺得好精緻，以為得個樣靚未必好睇，點知每一道菜都十分開胃而且好入味😝 最後係食晒😙灼燒和牛 🐮口感幾特別，吾係好敢食生牛肉的我 都接受到，而且覺得幾好味😋 尤其點左酸汁，提升了口感！仲有一份串燒，但太肚餓食晒先記得無影相🤣有一串菇，一串雞翼，一串豬腩肉，一串雞軟骨肉 (好味🤣)之後就到重頭戲了 😍😍😍大約240g 的A5和牛 (入口即溶🤤🤤)職員首先將牛肉脂肪融化於壽喜燒專用的鐵鍋，再將蔥放進鍋烤。佢會係我哋枱邊幫我哋倒汁煮，所以大家坐定定等食就可以了，職員會始乎客人嘅進食速度而調整每塊肉嘅烹調時間，所以任何時候都可以品嚐到剛做好最美味的和牛 🥰🥰 呢一點真係要大讚 ✨✨✨我係食到好飽，食吾晒配菜同烏冬～最後仲有一道甜品 - 牛乳布甸超級滿足😌 捧住個肚離開餐廳☺️☺️☺️努力工作就是為了吃到更加多美食❤️…查看更多

見觀塘區新開左呢一間cafe, 就上門拜訪一下👀細細間的cafe, 環境好舒服以木色傢俬和乾淨的感覺做主題～叫左一杯熱情果沙冰，酸酸甜甜 男朋友好中意飲😋而我叫左香蕉奶昔，感覺好新鮮又好飲🌿香辣雞翼，炸得好香口 熱辣辣～ 水牛城雞翼都好食，之前係第二間分店食過😋軟殼蟹意粉🍝 啲軟殼蟹堆滿成個意粉上面，份量十足，而且個意粉吾乾 多汁 好好味😋肉眼扒🍽 叫左五成熟 岩岩好～ （吾記得影相🤣)觀塘區新開的黃店，請大家一齊支持下！希望佢生意興隆🙏🏻…查看更多

本人非第一次食, 但每一次食都感到越來越差, 終於忍無可忍 所以今次一定要寫食評.19:45  入座 兩個人食然後點緊野食就比個呀姐''催''我落單, 我就拿拿聲交紙啦~  因為我都好肚餓.到20:00  就聽隔離枱係到投訴, 話等左成半個鐘 壽司都仲未有? 我見佢地好激動, 但我只係等左15分鐘, 所以唔好意思催~ 而且成個場差唔多坐滿既. 然後到20:15, 我真係忍唔住要問下人, 係咪漏左order? 我點左串燒, 壽司, 刺身, 點都有一樣野可以黎左先既之後話幫我睇睇, 然後就比左碗蝦頭既湯我地, 話係我地點個套餐有既, 蝦頭用黎做湯好啦又要再等, 到20:30 終於上d壽司同串燒啦, 點左d海膽壽司 同一個套餐, 放低之後個呀姐就不斷問我有無點錯啊 係咪你地ga, 我地已經不斷話係啊係啊, 我心諗: 你地無check 單我地點咩野食咩, 仲可以不斷反問我地... 好笑之後食完又等啦 因為d野完全未齊, 而我自己都有觀察下係咪太多人 所以做唔切, 但唔係 遲過我入座果d已經上曬菜, 姐係漏單啦, 我又要再問 個呀姐已經唔耐煩 話比張單我自己對下, 好啦 我發現仲有牡丹蝦未到, 鵝肝壽司未到... 果陣已經21:00  我都忍無可忍企起身走人去埋單, 因為食餐飯食到成肚氣 仲要催先黎野食 已經令自己好唔開心.我比錢出黎食野, 無非都係大家開開心心食餐飯, 而唔係要自己三催四請先有野食. 奉勸大家, 你比呢個價錢去食飯, 千其唔好食呢間!! 因為呢個價錢你去其他日本餐廳食, 有服務, 好態度, 仲要唔洗你催單,做生意都係想客人消費多d, 但我個人唔會再去呢間超級壽司食! 根本就係垃圾餐廳, 比錢買難受~ …查看更多