or#tm66646833的個人專頁

呢間一直都有幫襯開，覺得芒果甜品好好食，甜度適中，芒果十分甜也十分多，40蚊有找嚟講，性價比真係唔錯。平時我叫開多芒小丸子，小丸子好煙靭，加埋下面嘅西米一齊食非常有口感。今次嘗試新嘢，試埋芋泥桃膠水晶粉，本身我唔係特別喜歡食芋頭，但呢個好有驚喜，芋泥非常香滑，好好味，有芋頭味之餘，亦都有少少椰奶味，份量都係俾咗超級多，配埋椰汁桃膠非常夾。水晶粉就不過不失，類似啫喱咁。冇記錯呢個好似係$38，同樣係非常扺。…查看更多

星期六晚上九點左右入去，坐低就即刻叫嘢食，落單個姐姐聽嘢好似有少少問題，落一次單要重複幾次，佢先完成到。我一食完放低筷子，姐姐就收嘢，到10點就吹我埋單，因為我係俾支付寶，即係係要特登行出去埋單，咁樣算唔算係趕我走？總之成個體驗就好差，唔會再食。然後講埋味道，個麻辣湯係完全冇麻辣味，一味得死咸，咸到好誇張，食完超級口渴，飲咗成杯凍檸水都唔夠，出到去再買多咗一支500 mL嘅水，飲完都仲係好口渴。巨伏。…查看更多

食左兩次，兩次都係叫D24榴櫣，第一次食左個D24榴櫣小丸子紫米露，紫米露好香好好食，有椰香味同奶味，唔會好水，加埋榴簡直絕配。食完都幾飽下，可以當飯食。今次就叫左個D24榴櫣椰汁鮮奶燉雪燕，好正好好食，榴櫣個味道加埋椰汁個味道好match。雪燕個質感好似燕窩，應該係幾健康嘅糖水，加埋啲榴櫣絲勁正。同埋不得不提係個碗，好硬身，我再重用放左啲湯落去，再放入微波爐都ok👍🏻呢間可以再encore👏🏻…查看更多

係社交平台見到有Foodie post呢間嘢 就諗住同朋友黎試下 入去嘅時候話可以食兩個鐘 但個半鐘未到 我哋一埋左單就趕我哋走😓食物方面唔岀色(可以話係難食)牛舌係超薄切牛舌 冇乜口感可言 基本上擺低放係枱影張就涷哂😢然後到豬頸肉 呢個都係薄切 好似冇乜點燒過 純粹係個爐燒兩燒咁😵再落係雞肉串 老實講都真係幾難食下 口感唔鞋 但就好似食湯煮雞肉咁🫠嘢食應該唔係即叫即燒 應該係燒定 有單嘅時候再整返熱佢🫥價錢嚟講係平 不過質素真係有待改善!!!…查看更多

經過新城市，見到有間好特別哪舖頭，裝修好靚好型，吸引左我行過去睇，俾椰子涷個玻璃樽吸引住，買左個牛仔很芒翻屋企食🤣一打開覺得幾足料，芒果係切小粒，唔係芒果容。牛油果乳酪酸酸甜甜，又有一奶味，加埋底下嘅椰子涷一齊食，口感好豐富，椰味同奶味好香！正！…查看更多

見網上咁多食評 星期六下午2點諗住過去試下 去到見到有位就坐低 叫左抹枱幾次冇人理 最後唯有自己抹 諗好左食咩想落單 點知完全冇人理 全部姐姐都直行直過 明明聽到都扮聽唔到 最後忍唔住行去水吧落單 企咗喺度起碼10分鐘先有人理我 落完單之後等左大半個鐘 嘢飲都冇支 (明明淨係喺雪櫃拎，又唔洗沖) 最後等到有啲唔耐煩 諗住去雪櫃自己拎 又俾人鬧 見到水吧終於有嘢食出 點知俾左隔離枱仲遲過我哋嚟嘅人 嘢食到左 完全唔值得咁遠水路過嚟食 啲餡小得可憐 咬落去口感完全唔豐富 鹹牛肉唔夠鹹 樽仔奶茶有啲甜同普通 係平時沖嗰隻Lipton奶茶 總之成個體驗極差 服務極混亂 心情好都等到心情差 …查看更多

網上Foodie見到呢間糖水舖，咁啱去開石硤尾就順便買黎試下，楊枝甘露好足料好多芒果，唔水，好重芒果同奶味，呢個價錢黎講性價比都幾高，可惜冇堂食👍🏻👍🏻…查看更多