si_wen的個人專頁

平日行過lunch時間好多人，係好多尖東附近打工仔嘅飯堂，通常排隊都會排到出門外。適逢長假期，避開了人潮，終於試到招牌豬手面。湯面同撈面都係南乳汁底，味夠濃，豬手炆得夠入味。同朋友另點了招牌鴨絲豬潤腸粉，個配搭好新鮮，食落唔油膩，口感一流。…查看更多

先講一入餐廳，唔好太大期望有好濃嘅緬甸色彩裝潢，比較係家庭式經營感覺，樸實而選擇多嘅緬甸茶記。餐牌款式除左飯面，都有中式小菜，感覺好住家。呢碗緬甸椰香雞麵，汁底夠濃偏甜，但入口唔膩，雞肉份量大概一隻雞脾。個人覺得如果個麵再溫熱少少會更好味。家人叫嘅咖喱雞飯未食已經有好清香嘅香茅味，香茅襯咖喱汁好開胃，啱晒唔太食辣又想食咖喱嘅朋友。最後呢碗濃魚湯緬甸米線係終極推介，湯底混左椰汁同少酸辣，配菜有炸過嘅面筋，米線食落唔似出面食到嘅，比較幼身易入口。 由於個湯底好夠味，現場見不少客人叫呢碗米線再加餸，有豬皮豬耳豬肚等等，似乎熟客都好識食!…查看更多

同朋友一行5人係附近做完運動，本來想食西餐，見到呢間泰菜裝修環境好西式，就入去試下。首先我地一次過落晒小食同主菜差唔多10樣野，上菜速度其快。春卷炸得好香脆，再黎串燒同炸蝦丸，蝦丸超彈牙配酸甜汁一流，串燒個汁好濃味有啲似新加坡食到嘅satay。主食嗌左呢碗蕃茄蟹肉河一啲都唔後悔，湯底鮮甜蟹肉一啲都唔少! 另外金邊粉就相對普通偏辣但都係十分足料。兩樣甜品-芒果黑糯米同芒果糯米飯都out of expectations 咁好食，黑糯米甜品嘅焦糖面好回味。總括而言，餐廳環境唔錯，食物水準又好，CP值高，值得一推! …查看更多

星期日同友人一行4大+1B, 最好搵啲小朋友又食到嘅中菜。呢間樂天皇朝location 正，地方寬敞，坐落枱與枱之間距離充足，好岩家庭聚會。先黎一籠8色小籠，賣相一流，除左川味其餘都唔係辣。 前菜仲有醬味鴨同呢碟蒜泥白肉，新奇食法竟然用白肉包返住啲青瓜絲，入口反而幾清新，唔太食辣嘅朋友可以走少少上面嘅肉醬。食左一輪燴面同點心，由於唔會好油膩，黎到甜品依然有空間。驢打滚皮同紅豆陷比例岩岩好，下次再黎都會再點。…查看更多

公司係附近，但一直冇留意呢條街有間土耳其餐廳，直到有次陪朋友去餐廳對面的大廈試妝先留意到轉角位嘅餐廳入口。午餐walkin同同事食，因為撞正Muslim 的齋戒月，完全唔洗訂枱就有位。大家不約而同揀左燒雞肉飯，可能比較大路，味道都很易接受。lunch除左可以揀餐有野飲仲可以 A La Carte, 見到Pizza都幾吸引。可能文化唔同，見到隔離枱的外國人都吃得比較安靜，呢間餐廳都會係約朋友傾計嘅好地方。…查看更多