紀滋味的個人專頁

每次經過熊小館都俾佢嘅佈置吸引住😍餐廳門外已經見到好多啤啤熊公仔🧸今日終於同朋友去😆連餐枱上都有啤啤熊裝飾😍餐廳佈置好有心思～朋友叫左鐵板肉眼扒配黑椒汁，而我就叫左深海帶子拼醬汁牛柳😋肉眼扒同牛柳肉質唔錯岩岩好👍🏻而兩個餐都有栗米餐湯+牛油法包。兩款扒餐嘅擺盤都好靚～深海帶子拼醬油牛柳係用薯蓉同蘆筍做伴碟✨仲加左個白酒忌廉藍青口，好香酒味而份量都大，夠晒2個人食👍🏻職員仲好細心準備兩隻碗俾我哋放殻～仲有啤啤熊公仔買～岩晒帶小朋友去品嚐嘅好地方…查看更多

想試牛角Lunch好耐今日係九龍灣諗起有牛角即刻去試試。一行二人點左美國和牛三品&牛角二品燒肉盛合揀左原味😝另外再嗌左個燒肉定食B餐（雞腿肉同牛肋肉）～追加必點嘅牛角飯😜牛角飯仲要係任添ga!再加多一碟牛舌，每次食牛角都必嗌嘅牛舌，薄得黎好入味。兩個餐都包飲品同前菜沙律。肉質對比就牛三品係最好食😝環境每張枱都隔得好開👍🏻店員都細心講解每份肉同態度好好。lunch set真係幾抵食，有時食飯食到悶可以食下燒肉啊！…查看更多

早排星期五係旺角想搵間唔使等位嘅餐廳，搵左好耐終於搵到樂天皇朝，咁岩好耐無食上海菜👍🏻餐廳座枱幾闊落，好岩同朋友或一家大細聚一聚。叫左龍華素鵝～雪菜咸肉炒年糕～蒜香排骨拉麵～咕嚕肉同豆沙鍋餅龍華素鵝份量都唔少，前菜小食推介。主菜唔想食咁濃味可以試下雪菜咸肉炒年糕😝味道適中唔會太咸不錯。蒜香排骨拉麵勁香勁多炸蒜，一啖蒜香排骨一啖拉麵😋豆沙鍋餅係每次食上海菜必點嘅甜品😛個皮唔厚好好味。旺角嘅推介舒適好坐野食唔錯嘅地方👍🏻…查看更多

週末黎到中環，搵左呢間Doubleshot by Cupping Room同朋友傾下計食下tea😋一上樓梯轉彎就覺得佢果個窗邊位設計好靚😍好彩我哋今次唔使排隊，一去到就有位。我哋點左個Avocado on Toast, Burnt Cheesecake,一杯Flat White同一杯Latte☕️個Toast超脆口，再配埋avocado同toppings(芒果粒，chorizo，水波蛋），個配搭好夾尤其個Chorizo有微微辣度好好味👍🏻好多人推介個Burnt chessecake係必試嘅😆個size大返少少同甜度低返D會更好😂2杯Drinks就普普通通～但環境就好岩同朋友假日黎嘆下午茶同傾計relax下☺️…查看更多

九龍城好多間泰國菜，呢間朋友介紹一定要試。因為地方闊落舒適，仲要每日有指定$1菜式優惠👍🏻試過一次之後，成日再去幫襯😆每次必點嘅豬肉生菜包，但真係幾辣😋食唔到咁辣嘅可以試試叫佢少辣😉個日去嘅優惠係$1飛天通菜😝跟住仲叫左個咖哩海鮮農夫包同泰式炒金邊粉。野食方面真係唔錯，農夫包仲跟多一碗咖哩入面同樣都有蝦、魷魚、青口等海鮮，份量十足😆下次大家去九龍城諗唔到食邊間可以試試Orange Elephant😋…查看更多

近排好掛住日式火鍋，咁岩係海港城行完街一直都想試下塚田農場因為佢係日本有自家農場，食材都係產地新鮮運送到港～一開始就決定要試試個美人鍋😍有原味同壽喜燒揀，我哋揀左壽喜燒，美人鍋半邊放左和牛、另外半邊放左豬腩肉。初初睇落好多，點知食落份量真係得好少😅之後就追加左個辛辣麵同雞肉。仲叫左個饅魚炒飯😆覺得最好食反而係個雞肉😋肉質係彈牙同鮮嫩👍🏻最後點少得甜品時間😍叫左甜紅薯泥糰子冰淇淋同抹茶紅豆泥糰子🍡點知都係抹茶紅豆更勝一籌😂…查看更多

星期六嘅下午茶時間，係K11行完街，想搵個地方食野坐下，好多間都排晒隊，突然諗起早前朋友介紹「頑固壽司」🍣，日本開過黎嘅過江龍壽司，一於試一試佢😉服務質素好👍🏻職員會主動幫大家加水，上菜時會介紹壽司款式😋因為我同朋友都唔太肚餓，就叫左個三文魚三貫、吞拿魚三貫、饅魚壽司同八爪魚吸盤壽司真係好新鮮，吞拿魚入口即溶。我哋都覺得下次可以再encore😍環境又舒適乾淨😆…查看更多

久唔久就會想食羅麥記嘅雞翼撈通😋當日同朋友一人一碟羅麥記雞翼撈通佢就要撈麵，再加左個椒鹽魷魚鬚🦑但魷魚鬚無咩味唔會再encore😐瑞士雞翼真係好入味、瑞士汁再配埋撈麵/撈通心粉簡直無得頂👏🏻之後再黎一杯黑牛（可樂+朱古力雪糕）食七即刻覺得好滿足環境乾淨舒適，如果係荃灣想平平地又好坐嘅地方 同朋友傾下計 可以試試啊…查看更多

早排突然好想食串燒😝搵左銅鑼灣呢間「不串不散」來個串燒放題😍因為當晚朋友晏左收工，我哋去到個陣已經差唔多9點。我哋叫左「磯燒6款精選海鮮及磯燒流水蝦+串燒放題」～一開始店員送上精選海鮮🦞我哋即刻放上去燒，之後就開始點串燒😋但個爐個火唔太大加上可能附近開左把風扇吹住，D海鮮燒左好耐先食得😫初初以為串燒都係自己燒，原來落單後廚房會燒好晒拎出黎🤩所以一邊食住串燒一邊等D海鮮熟。每枱都有調味料（孜然粉、七味粉等）可以自己加👍🏻但可能我哋太晏去嘅關係，好多串燒或小食都無晒😟而且海鮮都係...連流水蝦都只食到一轉...感覺當日以呢個價錢食唔到好多款式嘅串燒同海鮮，有少少失色...…查看更多

要提提大家最好Book定位😂有日經過附近諗住去walk in,都真係等得比較耐。好鍾意佢個酥皮湯😍個金黃色酥皮做得好好又無益味👍🏻叫左一份西冷同招牌英國威靈頓牛柳（2份都叫7成熟），西冷塊扒超大而且D肉質唔靭一直想試個招牌牛柳，終於試到😝係酥皮包住牛柳，多重口感，不過如果自己飲完酥皮湯再食呢招牌牛柳會有d漏，如果同朋友一齊試就岩岩好👍🏻…查看更多

今日想食燒肉，點知搵到呢間係openrice即日訂6:30pm前入座都有85折,就去試一試👍🏻環境乾淨，仲見到每枱客人埋單後職員都細心抹乾淨張枱同個抽風口。我哋叫左份牛舌（跟埋蔥上超讚、夾住牛舌食一流）、黑毛和牛西冷、牛小腸、雞軟骨、五花腩同甲羅燒😋個黑毛和牛推介😍花紋均勻好好味。仲有個甲羅燒好足料，不過牛小腸就有D韌。雞軟骨都好特別值得一試😆整體不錯👍🏻服務態度都好好，鍾意食燒肉嘅可以去試試呀…查看更多

同朋友一邊shabu shabu一邊傾下計👍今次揀左極上黑毛和牛，湯底就一人一鍋，我地2人行都揀左壽喜燒。幾鍾意打邊爐揀壽喜燒湯底甜甜地唔太漏。仲送一份海鮮併盤（魷魚、蠔、青口同扇貝）。今次揀左黑毛和牛，更係食盡佢啦😝但D肉切得有點薄，好難一塊塊咁夾起。雞就麻麻，黑毛和牛味道比平價個隻好，自助bar有得拎蔬菜類、丸類、麵、烏冬等食材。飲品同雪糕都有得任添👍總括黎講整體一般，不過呢間分店環境幾好，唔太迫又唔多人😉同朋友傾下計打下邊爐唔錯…查看更多

每次係旺角想飲茶，都會諗起鴻星。地點方便點心質素唔錯，環境乾淨闊落。可以同家人慢慢享茶食點心。是日叫左蜜汁叉燒包、鳳爪排骨盅頭飯、海蜇燻蹄、瑤柱肉絲炒麵同埋蛋散。個叉燒包唔同平時食開，呢個好軟熟海蜇燻蹄就普普通通。一直覺得呢間嗌粉麵飯類都唔差，今次叫左類瑤柱肉絲炒麵份量都大，岩晒一家大細一齊share👍個蛋散一黎到我哋都嘩左一聲😂砌到一個金字塔咁好大份，好鬆脆不過如果再多少少蜜糖就會更好啦😝不過人手不足，如果想搵職員就要耐心等候一下啦。…查看更多

朋友一直想試下呢間任食泰國流水蝦嘅餐廳，但之前得元朗店太遠，近排知佢係尖沙咀新開，上網Book仲有折，不過都幾full，大家要預早訂啊～去到等入座時，店員會先幫大家量體溫同埋用蒸氣熨斗噴身消毒👍不過入座後，枱與枱之間太近，空間太迫，隔離枱仲要講野好大聲首先店員會送上宮崎和牛，刺身拼盤。和牛唔使燒太耐，而且油脂分佈好均勻，入口好香刺身拼盤有帶子、蝦、三文魚、赤貝。之後可以去夾蝦啦😍隻隻都好生蜢要追住佢哋黎夾😂D蝦隻隻都超多蝦膏👍真係新鮮靚蝦。出面仲有熟食任食（泰式鳳爪、蝦片、泰式春卷等）不過當晚熟食選擇不多。大家可以一邊燒蝦一邊食住熟食等~仲有牛扒、豬扒、雞翼、丸類等可以夾返埋位燒😉最後仲可以試埋甜品（泰式椰汁糕同大福餅），仲有點小得雪糕呢😝地點方便，放工約朋友食餐飯有得玩有得食，而且有足夠時間2.5小時任食。…查看更多

係K11 Musea黎講，呢間係有質素又價錢中等嘅餐廳👍好耐無食過有質素嘅越南菜啦～每次食越南野都會必叫嘅河內三併湯粉（生牛肉、牛腩同牛丸）。可惜想河粉轉其他粉，但呢間無得轉。不過想講嘅係每次我都會另外加辣椒落去，呢間嘅辣椒係堅辣一落碗湯粉到，個湯底已經即刻唔同晒👍唔同平時越南餐廳辣椒無咩辣味。牛丸彈牙好好味必試😍之後仲叫左炒牛肉撈檬，份量好大😝炒牛肉比較惹味，加埋落D魚露同撈檬一齊食配搭不錯👍環境闊落舒適，不過光線比較暗😂下次去K11Musea可以試一試啊…查看更多