huiyantung的個人專頁

#20240518 📝📍 皇后冰室 @queensgardenkt 觀塘巧明街114號迅達工業大廈2樓B室➖➖➖➖➖➖➖➖➖➖➖➖➖➖➖➖➖🥢 #餐湯 💭 見樓下有姐姐派緊傳單，話拎住上去食有折🤑本身星期六有lunch set就抵讚，仲有價錢親民好加分😬set包湯包野飲，湯係足料紅湯，飲到好多蔬菜係入面，有落茄膏夠味已經好好飲🥬.#香煎自家漢堡扒配黑椒汁 #意粉 $59💭 唔好睇塊漢堡扒細細塊，其實都幾厚身而且有三塊咁多，煎得好軟熟，佢個淋係好似食緊啲高級漢堡扒咁，有驚喜，加上入面充滿洋蔥所以食落甜甜地，好容易就一啖接一啖食晒🧅.#香煎魚柳伴磨菇忌廉汁 #薯菜 $63💭 臨落單有問過姐姐薯菜係咩，幾驚會比什菜，姐姐話係薯角即刻唔使諗就扑鎚左🤪薯角夠脆點茄汁食基本上無得輸，塊魚柳好長大大塊，欣賞佢個磨菇汁有埋蘑菇可以食，唔會淨係得汁咁dry🍄‍🟫.#即磨薯蓉焗法國田螺 +$18💭 嗌lunch set仲有得加錢要啲小食，不過每個set只可以加一次🤫咁平有得食田螺梗係要加啦，口感彈牙，心急既朋友要小心上枱果陣真係超熱辣辣，差啲比啲薯蓉辣親條脷呀👅.#招牌自家製芒果布甸 +$6💭 依家做緊特價，半價就有得食埋甜品，唔叫真係對唔住自己啦😎自家製的確高質，幾乎每羹不起入面都有芒果肉，非常揼本🥭overall呢餐食得出老闆係有誠意既，希望佢做得長啦😅. 🥢 #熱檸水 🥢 #熱檸茶 .#觀塘美食 #🐷在觀塘 #🐷_食 …查看更多

#20240407 📝📍 簡.聚 @granjero.2023 元朗元朗安寧路172-190號安寧樓地下A號舖➖➖➖➖➖➖➖➖➖➖➖➖➖➖➖➖➖#銀堡壘 $68/隻#日之雪花 $68/隻💭 有3款生蠔揀，3款都一樣價錢，於是揀左兩款肥厚既，兩款都大大啖肉口感帶少少creamy，更多既係爽口，海水味豐富但有程度之分，食完一款飲啖水清清喉嚨再食就知分別🦪. 🥢 #西班牙火腿田園沙律配意式黑醋 🥢 #黑糖餐包 💭 沙律正常，面頭塊西班牙火腿唔會好咸抵讚🥗黑糖味幾香，個包上枱果陣仲係暖笠笠好貼心，連牛油都唔使搽已經好好味🧈. 🥢 #煙三文魚蟹肉他他配凱撒沙律汁 +$78💭 平時食啲他他都係用吞拿魚整居多，呢個用蟹肉整出奇地好食🦀中間係煙三文魚，而底下係啲沙律菜，雙重海鮮既配搭非常襯，食落口毫無違和感😋. 🥢 #三文魚籽海膽龍蝦汁意大利麵 $168💭 呢個麵啲海膽同三文魚子真係多到嚇親，舊海膽係完完整整一條，而啲三文魚子係食到尾都仲有😱個汁濃到好似飲緊龍蝦忌廉湯咁，食完淨左啲都用羹不埋尼飲，好抵食🤑. 🥢 #烤西班牙乳豬伴蘋果醬 $308💭 係舖頭既signature dish，個脆乳豬拆晒骨去醃，老闆話淨係整呢個都要用兩日時間，皮同肉之間有層膠質，食落骨膠原豐富👍🏼佢個蘋果醬更加係無得頂，用新鮮蘋果蓉整，凍冰冰好清新，亦可以解下膩🍎. 🥢 #檸檬薑蜜熱飲 +$18 🥢 #青檸藍蝶花熱飲 +$18💭 薑蜜雖然唔算係好特別，不過用左好靚既杯去裝令到成件事好打卡able，好有貴婦feel📸藍碟花就好似少見啲，成杯野紫藍色好靚😍上網search下原來係明目養顏既好朋友～.#歌劇院蛋糕💭 依家做緊優惠，係 #openrice @openrice_hk 訂枱可以有免費法式甜品一客及免費寫字服務，今次送左個歌劇院蛋糕🍰好重酒味，鐘意酒既朋友應該會幾岩食🤤overall成間野性價比都幾高，而且啲伙計都好nice好有耐性去介紹每碟餸，整體體驗非常之好呀😎.#元朗美食 #🐷在元朗 #🐷_食 …查看更多

#20240314 📝📍 Cocoon @cocoon.restaurant.kt 觀塘開源道54號豐利中心1樓104室➖➖➖➖➖➖➖➖➖➖➖➖➖➖➖➖➖#燒雞肉 $18/串#燒翠肉瓜串 $18/2串#燒花枝丸 $22/串#燒牛肋條串 $48/2串💭 一間西餐廳有埋串燒食真係第一次見，小朋友先做選擇，呢度可以全都要😏雞肉望落啲紋似雞胸，但食落超滑🐥翠肉瓜仲keep到juicy唔會乾，花枝丸尼到一度以為係棉花糖，原來係對半切開左，味道就正常啦😂最好食係個牛肋條，淋得尼有少少嚼口，啲汁甜甜地，強烈推薦！.#炸海苔魷魚 $78💭 平時叫個名寫有海苔既野食都唔會太大期望，因為通常啲紫菜粉都係裝飾無咩味，但估唔到呢個係上枱已經聞到隱約既紫菜味👅魷魚鬚炸到香口，唔係勁厚粉果隻，點泰式辣醬食又幾夾🦑.#慢煎果園雞配薯條 $178💭 開頭以為佢係大大隻雞髀，望真啲唔只囉，呢度已經係半隻雞，咁細既雞可想而知係有幾滑幾嫩，蒙住眼食係唔知自己食緊雞胸位，仲要去晒骨超方便食🍗切開啲雞油滴落底下啲薯條度，食落仲正🍟.#百香果檸檬梳打 $48#藍莓乳酸沙冰 $58💭 一人叫一杯野飲都好正常姐，但呢度啲野飲大杯到一個人自己飲應該會飽左😅尤其杯沙冰好似黑洞咁飲極都有，建議share比較好🍧呢度野食真係唔差，但慘在開錯地方，成餐飯都得🐷一枱客，諗好大因素係樓下看更要抄身份證，咁樣真係玩死左啲小店🪪.#觀塘美食 #🐷在觀塘 #🐷_食 …查看更多

#20240309 📝📍 雞駅花膠雞米線專門店 觀塘開源道60號駱駝漆大廈第三座1樓I室➖➖➖➖➖➖➖➖➖➖➖➖➖➖➖➖➖#花膠雞煲翅 #米線 $98💭 樓上工廈竟然有翅食😏啲翅仲要成塊上，有啲受寵若驚，無辜負呢個價錢🤑雞係貴妃雞，煮得岩岩好，無論係唔係雞髀位都好滑👍🏼個辣豉油係精華，用啲xo醬配啲調教過既豉油，香味提升左唔只一個層次咁好味🤤.#胡椒豬肚雞 #米粉 $60💭 兩碗既雞係一樣，同樣都係有雞味得尼又滑又又彈牙🐔米粉係極幼身果啲銀絲米粉，個湯飲一啖已經暖全身既feel，好飲到可以成碗飲晒，岩晒呢幾日又濕又凍既天氣🌦️.#金磚豆腐 $42 💭 豆腐size岩岩好一啖一粒，一上枱就忍唔住食既🐷中晒招😂因為即叫即炸入面熱辣辣，外脆內軟，而且面頭有啲七味粉同芝麻幾惹味，食下食下好快就食晒😋.#觀塘美食 #🐷在觀塘 #🐷_食 …查看更多

#20240307 📝📍 越南老街筲箕灣南安街93號鯉景大廈地下A號舖➖➖➖➖➖➖➖➖➖➖➖➖➖➖➖➖➖#碳燒豬扒配扎肉撈檬 $68💭 第一眼望落就見塊豬扒好大塊，成個碗面九成位都係佢🐽加埋啲扎肉同配料根本見唔到啲檬粉咁滯😬啲花生同炸蒜令個粉香口左好多🥜豬扒有蜜汁味，鬆化得尼仲好淋，好似啲半肥瘦叉燒咁好好味😋.#原隻椰青海鮮焗飯 $138💭 面頭係椰漿同海鮮，有蝦🦐青口同魷魚🦑入面係炒飯，原個椰青咁樣上都幾打卡able📸椰青入面啲肉可以刮落尼食，原先覺得個炒飯味道比想像中淡，但反而同啲椰青肉幾夾，太重口味就會食唔道啲椰味🥥.#新鮮椰青 $48#薄荷朱古力咖啡 #熱 $38💭 尼到啲東南亞餐廳點可以唔叫返個椰青飲下，非常清甜，啲肉都好滑好嫩😜越南另外出名既野飲就係咖啡，呢度難得有好多唔同款既咖啡，試左薄荷朱古力幾好飲，咖啡味唔會好濃烈，撈勻尼飲薄荷味比較出，係另類提神🇻🇳.…查看更多

#20240222 📝📍 匠森串燒 @jiangsen_barbecue 觀塘成業街15-17號成運工業大廈1樓3室➖➖➖➖➖➖➖➖➖➖➖➖➖➖➖➖➖#燒蒜芯 $25#墨魚腸 $22💭 唔係好多串燒舖有蒜芯食，用汁燒而無用孜然粉令到佢食落juicy唔會乾，又唔會好大陣蒜味好食🧄墨魚腸切左粒上方便share食，其實同台灣腸無咩分別，只不過係黑色版，鐘意台灣腸既朋友應該幾岩食🖤.#燒雞皮 #兩串 $28#豚肉荔枝卷 $35💭 兩樣都係第一次食，燒雞皮原來無想像中咁肥膩，燒到脆脆地，咬落卡嚓一聲，輕輕用鹽調味已經好好味🫙豬肉片入面包住荔枝幾特別，咬落爆汁而且好甜，幾開胃🐽.#招牌風味烤豬手 $58#秘製燒豬頸肉 $58💭 豬手應該係先煮淋左再燒，表面脆口但入面好淋，食落有膠質，感覺補充左好多骨膠原～豬頸肉爽口，本身無乜調味全靠個黃芥末醬，未試過咁食原來都幾夾😋.#汁燒安格斯牛仔骨 $78#燒雞中翼 $20💭 兩樣都燒得岩岩好唔會過熟，牛仔骨有3塊，上枱果陣仲見到粉紅色，食落juicy非常好味🤤雞翼用孜然粉調味，調得唔會過分唔會死咸，而且大隻漲卜卜望落吸引🤩.#秘製黃金香蒜茄子皇 $48#燒菠蘿 $28💭 茄子有兩款揀，揀左蒜味，佢同平時食果啲有啲唔同，面頭好似打左個芡咁，可能因為咁個茄子望落未算好透但食落又ok喎🍆師傅好貼心咁最後先上燒菠蘿，都幾大份，好多汁好甜，臨尾食可以當甜品🍍.#觀塘美食 #觀塘黃店 #🐷在觀塘 #🐷_食 …查看更多

#20240219 📝📍 大家冰室 上水馬會道170號地舖➖➖➖➖➖➖➖➖➖➖➖➖➖➖➖➖➖#椰子雞煲 #半隻 $168💭 非常清甜既一個湯底，入面有馬蹄、龍眼肉、蘿蔔、椰肉🥥粟米🌽 紅棗，真係數之不盡咁多料，樣樣都幫個湯增添左啲甜味，而且樣樣就咁食都食得返材料本身既甜，最特別係有新鮮既椰子肉，好似飲緊椰青咁😋雞新鮮而且唔肥，煮陣熄火焗熟佢食落就更加滑身彈牙，就咁點個煮過既辣椒豉油食已經勁好味🐔.#日本廣島蠔 $78💭 大大隻蠔淥完都唔算縮得好勁，襯住個咁清甜既湯底食一流，唔會搶左蠔本身既鮮甜味🦪唔想食淥蠔見佢仲有做串燒，可以揀燒蠔試下～.#雙拼配料 $65 🫧 #自家雲吞 +$10 #自家水餃 +$10💭 有啲配料可以揀雙拼，人少少食唔到咁多雙拼就可以咩都試啲，餐牌上面有紅色星星既就每樣加多$10🌟雲吞同水餃一睇樣就知自家製，水餃係娃娃菜豬肉餃，好有屋企媽媽包既feel🏠雲吞就咁都望到啲橙色，入面有蝦肉同蟹子，皮薄餡靚🥟.#雙拼配料 $65 🫧 #牛丸 #鮮鵝腸 +$10💭 牛丸粒粒都不規則既圓😛咬落實淨有少少筋，似係手工製而唔係用機整，賣少見少🐮鵝腸輕輕淥一淥就食得，keep到爽脆口感，點啲豉油食仲正🪿.#枝竹 $28#娃娃菜 $28💭 枝竹同娃娃菜本身就正正常常既，但用呢個湯底淥即刻昇華左好幾級，枝竹索到啲湯既甜味，娃娃菜係索湯得尼再自帶甜味，比起其他菜更加正👍🏼.#凍檸茶 #500ml $20#凍檸水 #500ml $20💭 野飲有得揀500定1000ml，老實講1000ml真係有啲癲，淨係飲野都飽晒，加上椰子雞湯唔係啲咩重口味既野，所以🐷覺得500ml已經好夠，係茶餐廳風味既飲品，味道熟悉無特別🥤.#上水美食 #🐷在上水 #🐷_食 …查看更多

#20240207 📝📍 Owens @owens_hongkong 太子砵蘭街412號地舖➖➖➖➖➖➖➖➖➖➖➖➖➖➖➖➖➖#SetMenuForTwo $408 🥢 #法式蟹肉龍蝦湯 +$38 🥢 #沙律菜 💭 龍蝦湯有好濃郁既龍蝦味🦞入面仲有唔少蟹肉可以食🦀就算要加錢都覺得值得😜沙律菜就咁睇同平時果啲無咩分別，食落就發現佢個醬係與眾不同，佢唔係用芝麻醬或者黑醋開個汁，而係用雞醬，無錯！就係平時食開既泰式辣醬開個汁😂酸酸甜甜好過癮. 🥢 #蒜蓉焗生蠔 💭 有蒜蓉同芝士兩樣揀🧀怕太滯揀左蒜蓉，即叫即整咁上枱，熱到連面頭啲蒜蓉都食唔到🥵啲蠔大大隻漲卜卜咁，睇落非常吸引🤩咬落亦非常juicy，唔會焗到乾晒🦪. 🥢 #龍蝦汁虎蝦闊條麵💭 呢個汁係完美複製左果個要加$38升級既龍蝦湯，都係有濃郁既龍蝦味，熱愛龍蝦既朋友有福了🥰闊條麵唔會煮得過淋，而且幾掛汁加左分，虎蝦煎香左，無論就咁食定點啲汁都一樣好味🦐. 🥢 #露絲瑪莉香草燒羊架💭 有個薄荷醬同蘑菇汁都係基本配置，羊有3舊，本身羊味好足，揀左5成熟，煎到入面粉紅色好靚仔，覺得唔點醬就咁食都好夠味🐐配菜唔係薯條用左煎薯，無咁熱氣得尼仲食到薯仔既原香味🥔. 🥢 #伯爵茶麻糬提拉米蘇 +$38 🥢 #Owens牛角窩夫伴雪糕 💭 麻糬提拉米蘇係個新穎既配搭，一粒粒麻糬十分煙韌，tiramisu啲手指餅索晒酒香，食落有啲菜味又有啲酒味🧁牛角窩夫同雪糕一冷一熱夾埋食無得輸，上面仲有啲七彩粟米片打卡一流🧇. 🥢 #香茅生薑蜜 #熱 🥢 #檸檬茶 #熱💭 可以唔使加熱就有薑蜜都係要抵讚，天氣凍飲返啲薑暖下胃唔錯🫚而且佢既檸檬茶係用Lipton茶包好高級，可以係咁加熱水沖過杯新既咁飲🫖.#太子美食 #🐷在太子 #🐷_食 …查看更多

#20240130 📝📍 小火山 銅鑼灣堅拿道西10號冠景樓1樓B室➖➖➖➖➖➖➖➖➖➖➖➖➖➖➖➖#蝦片及醬料費 $28/位💭 都係依家先知泰國有樣野叫泰豬鍋mookata，就係一邊火鍋一邊燒烤，同一個爐做晒好得意😜一坐低有兜蝦片，雖然要收錢但就可以無限refill，淨係睇menu咬下咬下都食左唔少，過口癮唔錯👍🏼.#泰式芭拉魚露拌木瓜沙律 $78💭 平時出面食啲野泰國野都係用普通魚露，而芭拉魚露係泰國東北菜經常用到既，呢度可以食到算係有啲特別😎呢個沙律感覺好raw，青木瓜成日都食到，但入面有生既四季豆又係有啲特別🥗樣樣加加埋埋就變左好特別🤪不過呢個沙律偏辣，怕辣既朋友要小心⚠️.#小火山湯底 🫧 #小火山牛骨船湯 #香茅椰汁雞湯 +$60💭 舖頭會比蔬菜清湯做湯底🥬當然可以加錢升級其他湯，升一個加$38，升晒兩個就加$60🤑牛骨湯用左5個鐘以上時間去熬製，再加埋十幾種藥材，飲落濃得尼帶少少甜味🤏🏼雞湯有椰汁同青檸既配搭，酸酸地好似一碗唔辣既冬陰功，照咁飲已經好好飲🥥.#小火山x曼谷柏拉差燒烤套餐 $328 🥢 #柏拉差醃泰國無激素豬肉 🥢 #手切鮮豬潤 🥢 #柏拉差醃牛柳 🥢 #原隻鮮魷魚💭 個餐望落得兩碟野好似有啲少咁，不過千祈唔好睇少佢個份量，因為佢啲肉塊塊都有返咁上下厚度同大塊，絕對唔係平時打邊爐啲薄片，所以其實食食下都幾飽🥩第一次食燒既豬潤，佢整得好無啲腥臭味，口感係砂潤🐽啲豬同牛都用醃料醃過，淋身好易咬開，味道亦好泰國風味🇹🇭反而魷魚無醃過，新鮮好易咬開，放落湯淥可以索到個湯仲好味🦑.#泰式奶茶 $38#泰式奶綠 $38💭 平時食泰國野梗係嗌返個椰青飲下，不過比個沙律既辣震懾左，發覺要嗌返啲奶類中和返🥛兩杯都味道正常既，一定要揀就奶綠比較特別👅不過用途好重要，兩杯解辣程度max😂.#銅鑼灣美食 #🐷在銅鑼灣 #🐷_食 …查看更多

#20240125 📝📍 Xi Xup @xixup_hk 大圍積存街70-72號景星樓地舖➖➖➖➖➖➖➖➖➖➖➖➖➖➖➖➖➖#大叻薄餅 $88💭 點諗到食越南野竟然有pizza食🇻🇳佢細細塊但少食多滋味，餅底用左米紙，有返啲越南風味得尼又唔會食完就飽晒，pizza面係用豬肝醬溝芝士，再配啲肉鬆，甜甜地又咸咸地，會令人想一啖接一啖咁食，再配埋個酸子醬點尼食又多層味覺衝擊🍕.#火魔牛肉 $68💭 一上枱店員哥哥會點火🔥打卡able得尼仲聽到個煲入面滾既聲音👂🏼牛肉一食就係熟悉既味道越南牛河啲牛味🐮有個飯或者粉撈下仲正，呢個仲跟個蝦片一齊食，不過就咁食已經脆卜卜，點埋個魚露食仲好味😋.#肉鬆烤茄子 $68💭 茄子切開左一舊舊，用左啲燒汁落去烤，咬落好juicy咇晒汁🍆上面啲肉鬆有畫龍點睛既作用，令成個鬆味道多左層次，唔會得燒汁咁寡🐉.#順化扎肉牛尾湯米線 $98💭 食越南野點可以唔食越南河，呢個用料一啲都唔越式，但湯底就好有越式風味，滿滿胡椒香味少少辣喉👅牛尾有兩大舊，食完補充左好多骨膠原，米線爽口彈牙，最正係唔會浸到淋晒可以慢慢食👍🏼.#大圍美食 #🐷在大圍 #🐷_食 …查看更多

#20240124 📝📍 小神燈新派飯館 @lanterngarden.jr 將軍澳調景嶺彩明街1號彩明商場2樓251-252號舖➖➖➖➖➖➖➖➖➖➖➖➖➖➖➖➖➖#晚市茶位 $13/位#餐前小食 $15💭 一入間舖已經比啲懷舊氣息充斥住，水壺用返木塞果隻即刻返返去細個果陣咁，茶類除左有平時茶樓啲傳統茶之外，仲有玄米茶揀🍵小食有個咸酸菜雞腎，少少花椒香但唔會辣，咸酸菜沖水功夫做得好好，食落有口感又唔會重口味，雞腎爽口，係一個唔錯既開胃菜👍🏼.#沙薑焗海花螺 $128💭 好新穎既配搭，平時食開沙薑就梗係配雞🐔花螺唔係鹽焗就辣酒煮，估唔到沙薑同螺都咁夾，而且佢個沙薑唔係平時點雞有層油係面果隻，而係整左做個沙薑醬，可以成粒花螺都比啲醬包住，非常入味🐚.#椒鹽瀨尿蝦 $168💭 如果講去大排檔🐷既必食list有啲咩，椒鹽瀨尿蝦一定榜上有名，面頭落左超多炸蒜超惹味🧄再帶少少辣味係食到吮手指👆🏼啲瀨尿蝦炸得幾透，連個底啲腳鬚都可以一齊食埋🤤.#金沙鬼馬百花釀油條 $98💭 係油炸鬼入面釀蝦膠，然後再用咸蛋黃去整，三樣野分開都好符合🐷既口味，夾埋一齊又係一個新既食法，蝦滑實淨彈牙，個咸蛋黃醬稍微稀身啲，令油炸鬼可以索到啲汁入去，咬果下就有咇汁既效果😜.#爆膏奶油蝦 $138💭 呢隻蝦好熟口面😂係次次去親泰國都會食既大頭蝦🇹🇭真係隻隻都爆膏，如果會食蝦頭吸埋入面仲好味🦐成碟野勁重牛油香，剝完殼啲蝦肉再點多次啲汁仲正🧈.#海鮮粉絲雜菜煲 $98💭 見前面啲都係用手食既惹味野，所以叫返個菜清清地，無諗過咁大煲😱上枱果陣啲湯仲滾緊，海鮮主要係魷魚🦑蝦乾同八爪魚🐙不得不讚個廚好細心，用啲菜隔住等啲粉絲唔使浸晒落湯度，食果陣就唔會淋晒，保持到口感☺️.#迷你炸饅頭 $18💭 見$18有4粒咁抵點可以唔叫，炸饅頭同煉奶真係絕配，簡簡單單已經夠好味，最正係佢個饅頭面頭炸得好鬆脆得尼又唔會油，4粒細細粒🐷自己一個都食得晒😎.#椰汁椰果爆珠仙草 $28💭 以為呢度食大排檔野，點知又有啲新奇甜品試下，🐷鐘意佢啲仙草比較挺身唔會好淋，一片片好似豆腐花咁好搞鬼😏個底係花奶，溝埋面頭有啲椰漿🥥最好既食法係一啖有晒全部野，不同味覺享受👅.#將軍澳美食 #🐷在將軍澳 #🐷_食 …查看更多

#20240119 📝📍 川魔 @sichuan_magic 荃灣大壩街4-30號荃灣廣場L4樓439-441號舖➖➖➖➖➖➖➖➖➖➖➖➖➖➖➖➖➖#山東手撕雞 $108💭 呢個手撕雞有啲特別，同平時🐷認知上既手撕雞唔同，佢係熱辣辣，然後充滿鹵水既味道👅佢係原隻拆肉上，隻雞本身唔大隻所以就算雞胸位都好嫩好淋，而且係鹵到連啲骨都化化地既狀態，好入味🐔.#過橋金湯翡翠苗 $78💭 好高級既藝術品咁🎨用一個好中國色彩既煲好煮住啲雞湯，然後打邊爐咁比左啲金菇同翡翠苗可以淥落去煮尼食🍲兩種菜本身同雞湯都好夾，好似上湯煮菜咁好好味😋而且即煮即食熱辣辣，食完菜仲可以飲埋啲湯暖下胃，冬天食感覺好窩心❄️.#肉抹水晶粉 $88💭 係住家炒粉絲既感覺，入面有啲椰菜絲🥬肉碎同蛋碎🍳重重既麻油味，食多幾啖發現呢個同韓式炒粉絲有啲相似🇰🇷啲粉絲非常煙韌，係比薯粉更加煙韌，身為煙韌控既朋友真係唔可以錯過☺️.#荃灣美食 #🐷在荃灣 #🐷_食 .#荃灣好去處 #川菜 #川魔…查看更多

#20240117 📝📍 Flagship @flagship.hk 灣仔船街35號地舖➖➖➖➖➖➖➖➖➖➖➖➖➖➖➖➖#麻唔辣四川蜆 $168💭 見到呢間野個menu好多都幾玩野，就好似佢地個招牌咁，中西合璧😂見到面頭好多花椒，聞落就有啲麻辣香氣搞到驚驚地，點知食落真係名符其實既麻唔辣，食到有花椒味但一啲都唔辣，亦唔會食到個嘴痺晒，第一次食咁既感覺好新奇👅蜆無比花椒蓋過到陣味，依然鮮甜大粒，加$28可以有6塊包，有橄欖油既香味，就咁食會比較dry，不過點埋啲汁食就岩岩好☺️.#21天熟成厚切豬扒 $338💭 大大塊既斧頭扒🪓見佢咁厚切落去又全白無粉紅色，心諗實好鞋口啦😣原來係慢煮關係，食落唔鞋之餘仲帶少少爽爽地，邊邊位有少少肥膏煎完滲啲油香出尼所以豬味再重啲🐽特別在個佢地自家製既洛神花醬，甜甜酸酸咁幾解膩🌷配菜都好吸引，有啲焗香左既豆角同紅蘿蔔條🥕仲有成舊蒜頭可以逐粒剔出尼食，鐘意食蒜頭既朋友實好開心🧄.#冬陰功大蝦Pasta $198💭 上面有兩隻大蝦煎香左好入味🦐冬陰功醬唔會好咸，淡淡地好易入口，最正係個意粉煮得好靚，彈牙唔淋身，係al dente既口感，好耐冇食過咁想翻兜既意粉喇🍝.#灣仔美食 #🐷在灣仔 #🐷_食 …查看更多

#20240102 📝📍 串皇 @skewerking_csw 深水埗福榮街218號美居中心地下63號舖➖➖➖➖➖➖➖➖➖➖➖➖➖➖➖➖➖#生菜魚肉碗仔翅 $18💭 千祈唔好比呢間舖頭個名呃左，叫串皇以為得串燒食，🐷都係坐低膠menu先知原來咁多野揀🤤三溝睇落好似好普通，但如果食得辣配埋自家製菜脯食又別有一番風味，第一次食碗仔翅落菜脯估唔到又夾架喎😏.#原隻茄子 $24#四季豆 $10#韮菜 $10#錫紙什菌包 $48💭 蔬菜類都正常水準，韮菜同茄子都係食串燒必叫item🍆四季豆比較少見，以為會好乾食落原來都juicy，什菌勁香牛油味🧈用切角取代左切片咬落更加有口感🍄.#牛仔骨 $20#叉燒 $15💭 平時就算係串燒鋪叫牛仔骨都係件裝散上，呢度將佢串埋一串好搞笑😂望落以為一塊過實好難咬開，點知呢串原來係三塊痴埋，食落無咁踢腳好貼心💓叉燒性價比超高，唔係孜然味而係蜜汁叉燒，食落一啲都唔柴口，咬落又甜又多汁，強烈推薦👍🏼.#雞肶 $24💭 用左外賣紙袋裝住好有街邊小食檔風味，雞髀大大隻漲卜卜賣相已經令🐷流晒口水，啲雞髀肉好滑好嫩，然後面頭用蜜汁調味，用手拎住豪邁咁食勁正🍗.#生蠔 $31/3隻#扇貝 $41/2隻💭 其實呢度啲野食整體尼講都係好平，搞到🐷忍唔住係咁嗌，老闆娘經過見到都驚訝地問食唔食得晒架🤪講明先🐷無浪費食物架，叫幾多食幾多呀😎啲生蠔同扇貝平到先十幾廿蚊一隻，面頭有蔥有孜然粉但都無遮蓋佢既鮮味，又juicy又好味🦪.#燒煲仔飯 #雙拼 $48+10 🫧 #滑雞 #臘腸 💭 以為佢叫串皇串燒出色都算啦，原來煲仔飯都好出色，單餸先$48，之後每加一樣就$10，簡直係平靚正👏🏼叫蠟味啲油香落晒啲飯度，煲底仲有好多金黃色飯焦，係煲仔飯既精粹🍚性價比極高😍.#深水埗美食 #🐷在深水埗 #🐷_食 .#門口可拍車 電話：84946694…查看更多

#20231231 📝📍 小魚兒尖沙咀金馬倫道16號金馬大廈1樓 🍽️銅鑼灣波斯富街24-30號寶漢大廈1樓➖➖➖➖➖➖➖➖➖➖➖➖➖➖➖➖➖#江團魚 $348 🫧 #黃金特濃蒜香豆花💭 呢條魚主打肥美同油香，感覺吸收左好多蛋白質同膠質，基本上啖啖肉，條條都大骨咁濟🐟本身食親呢啲都面頭佈滿花椒辣椒🌶️難得呢度有唔辣既湯底揀，有海量既炸蒜同蒜蓉不特只，仲有好多原粒蒜頭，搞到成兜野都勁香🧄湯底包左啲芫荽、洋蔥、青瓜、芽菜、雲耳、豆腐同寬粉，雖然每樣少少但加加埋埋都幾豐富.#風琴豆腐 $38💭 惹味既海底就一定要叫風琴豆腐，其實就係變左樣既豆卜，目的都係索晒啲湯汁尼食，平時成條上食落會有啲踢腳，呢度將個風琴豆腐一開三，可以方便share食好貼心💓.#土豆 $36#出前一丁 $28💭 比🐷想像中既份量要多，而且塊塊都厚切咁，滿滿既澱粉質，真係唔使驚唔夠飽，叫多左個公仔麵，同個充滿蒜味既湯底好夾，連佢跟果包味粉同麻油都覺得多餘唔需要落喇😎.…查看更多