狼之家的個人專頁

今日上完堂，所以我無無聊聊去咗深水埗，跟住我突然想食齋。之後搵到而家呢一間齋舖，食個普普通通嘅素食，見到裏面其實都有一半客滿咁多人，所以諗住味道應該會唔錯呀！首先叫咗個酸齋，真係好差，從來未試過咁差嘅，冇味道就算啦！仲要燒焦味，所以我食咗兩件就冇再食啦！之後上嗰個芝士焗豬扒飯味道係唔錯，只係比較乾，但係啲齋猪扒就比較似梅林午餐肉，好似真肉囗感。整體來講係深水埗呢個價錢嘅性價比係比較一般，但啲味道咁樣，我一定唔會再去囉！…查看更多

首先一坐下來，桌子是這麼清潔，叫侍應都唔鬼理我，話始終會有人執，現在立即落單。由於趕時間，所以就落單叫左XO醬干炒牛河，諗住普通野應該唔會中伏，點知就中伏了。味道好淡，但是油超多，好似食豬油撈河咁！唯一好處是快，我食完都未有人執台。…查看更多

我看了open rice 都好多年，但一向只是看，未寫過食評，為了防止再有人好似我咁中伏，所以今次要寫出來。原本是訂了位於二月二十四日晚上六時和老婆慶祝元宵節，於是那天我們準時六點正去到餐廳，點知搭𨋢先知去唔到五樓，唔通執左。咁冇辦法啦，我們去問問樓下的管理員，佢地間餐廳中午有開，不過晚上未有人返，叫我們行陣街再返來看看，之後我去左行美麗華商塲，其間打了十多次電話比間餐廳，但都係冇人聽，半小時後，呢間餐廳都係冇開，我們只好心情極差地再去其他地食晚飯，但都唔開心啦！第二天下午我打電話比呢間餐廳，問佢地點解有訂位又唔開門，個位哥哥仔好X串話星期日冇人訂位，開唔開門關你乜事，我好重語氣叫佢查清楚再回覆我，之後佢好似心虛咁話原來佢地睇漏眼，只有我一個訂位，所以休息左，依家幫你再訂位補數，我話你們先給我們道歉，我再考慮下是否訂位，我其實點都要訂位，用左張團購卷，佢地只是草草說了句唔好意思，再幫我訂了位。最後於三月九日吃一餐普通得只是比花園餐廳用料好一點的西餐，再送了一件意大利涷餅作致歉，不過佢地既品質連團購價$499+$128都唔值。建議大家停一停，看一看清楚，再決定是否去搏下啦！…查看更多