sindymelody的個人專頁

全幢都係間餐廳你見過未？我真係見過，呢間位於灣仔專門食泰國菜嘅餐廳。到底係乜嘢驅使佢有信心做咁大地方呢？我哋就即管我要搵吓呢個原因！泰式去骨海南雞（半隻）滑滑滑！泰國菜點都要試海南雞，就好似來香港一定要食雞蛋仔一樣。最重要係每一啖雞肉都係非常嫩滑，配上海南雞醬，開胃，美味，又飽肚，值得推介。冬陰功海鮮炒飯一放上枱就聞到一陣香辣嘅氣味，令人食指大動。海鮮配料充足，辣味適中，Oyster分量十足，非常抵食！馬拉盞通菜新鮮通菜本身都已經好好食，配埋馬拉盞嘅鹹香鮮味，將好似喺泰國先食到嘅嘢放咗入口，大大碟，食完之後非常飽。由此可見，新泰對自己餸菜出品有非常大嘅信心，所以先全幢都係做自己餐廳嘅。尚有好多特色泰國菜，留待下次再去品嚐。…查看更多

一定要推介比大家，荃灣老四火鍋小廚，係香車街街市3樓，特別推介牛雜鍋，炸大腸，真係超級好食，大腸炸到脆甘香，加埋脾酒係絕配，牛雜鍋個汁好正，加個烏冬，食到停唔到口， 牛雜又3大大件，仲有個扒豆苗，蝦煲超好抵食 ，大大隻蝦而且好多，…查看更多

3月14日，同女朋友係銅鑼灣Burger Room撐枱腳。裝修簡約，環境舒適，適合兩小口嚟到談心用膳；外面亦有露天餐座，適合一大班人狂歡作樂。主食：大烤菇芝士牛肉漢堡外脆內軟嘅漢堡包，自家製、厚成2cm嘅牛肉漢堡扒, 十足Juicy 既大烤菇....要抹到勁大個口先可以一啖全部食晒，真正嘅King of Burger👍🏻一食落口，啖啖肉汁流出來，所有食材融為一體，夾岩晒啲味，勁好食！小食：炸鱈魚手指係原條魚肉製作，滑到不得了。炸到金黃色嘅魚手指，缺一不可嘅沙律醬，一食就停唔到口！飲品：榛子牛奶咖啡以即磨咖啡沖調，味道OK! 價錢適中，位置舒適，食飽飽仲可以去隔離Donki SOGO行下街，悠悠閒閒過一晚。…查看更多

真開心，呢間竟然都開左係荃灣，就一定要食啦，人氣首選喎，揀左雪菜黃魚濃湯拉麵，湯底好青甜，厚滑，黃魚煎香左，所以出黎個賣相已好吸引，魚身有小小外脆內軟，重點係冇骨，魚肉鮮甜，份量又非常之足夠，拉麵軟硬度剛剛好，非常美味。另外當然不小得要叫馳名既生煎包啦，外層煎好，樣子相當不錯，咬一口，真的要小心咬，有好多肉汁係裡面，而且非常夠味口應一流，我連續食左2個，實在太美味，仲有叫左個小食鎮江淆肉，非常有層次感，入口爽口肉質亦不會太硬，味道不會太咸，正，呢餐冇揀錯…查看更多

又來香港食勻全世界系列，今次係位於銅鑼灣既泰國餐廳-馬泰。內部裝修非常有特色，揉合民族風情既擺設，唔講以為係民族博物館！坐低後都花咗幾分鐘去欣賞，心稔淨係個裝修都值回票價。主食 - 菠蘿海鮮炒飯擺盤係我見過最精美嘅菠蘿海鮮炒飯。菠蘿頭切好，棟起身。橫切原個波蘿，放上黃金炒飯，海鮮、肉鬆、大蝦。味道唔錯，對得住價錢有餘。飲品 - 青檸梳打鮮切青檸加梳打水，再用新鮮薄荷葉點綴，非常有泰式味道。總括然而，去開銅鑼灣，又想食平價泰國菜，去呢間就啱啦。…查看更多

一向愛辣如命中，見呢間都開左一段時間，梗係要試下，先叫左個水煮田雞，呢個真係好正，要推介下，田雞本身已口感好好，重點係有足夠既田雞脾，不會只係上身，而且隻隻脾都大大隻，啖啖肉，加埋香辣水煮，簡單食到停唔到口，而且材料十足，我叫左中辣是剛剛好，不會太蹌味，正，再叫左個麻辣併盤，有齊晒我想食既野，牛 ，豬肚，豬耳，雞腎，海哲，都係中麻辣，味道剛好，不會食到個口麻晒，而且可以食齊晒我想食既，岩晒我呢d眼濶肚窄既人，餐廳而家做緊特別優惠，咁岩我去果日可有一蚊口水雞，需然係試食份量，但都好正呀，好入味，雞好滑，值得再試…查看更多

最喜愛幫襯小店，這家店個店名幾特別，以為係食日本野，原來係食台灣便當，所以試試睇下好唔好食先，而這店亦可以外賣既，所以我都買外賣。我買左個台灣焢肉便當，加埋一杯紅茶拿鐵珍珠。個焢肉便當飯超夠味，醬汁夠晒同埋好多配菜料，件肉好夠淋而且好入味，肥瘦好均勻，不會過份肥膩，足料到不得了好夠食，送多過飯，好正杯飲品珍珠紅茶拿鐵，珍珠剛剛好不會太硬卜卦不會太淋，亦不會太甜，香濃滑齊晒，好正。佢會有糉賣架，我到時黎試下個下午茶糉餐先，因為都好吸引下。…查看更多

在這抗疫時期，最好就係外賣，加上呢間小店有我最喜愛的台式鹵肉飯，要加倍支持手足，點左個主食懷舊肉燥飯配豬軟骨，對於一個OL黎講，份量已經好足夠，而且價錢相當超值，但味道亦好有水準，肉燥不會太韌同硬，加有冬菇一齊煮，肉汁亦足夠，撈埋飯好正，豬軟骨cut左細舊，亦蚊到相當入味又夠淋，真心正再加左個小食黑白花枝丸，超爽口又彈牙，而且係即叫即整好新鮮熱辣，丸丸加上一些香料粉好好食，下次要去問下係咩粉先得，味覺口感一流另一個同同事分享既小食係台式肉鬆旦捲餅，外面好脆口既脆皮，裡面係肉鬆加埋旦，好香口 不油膩，好好味。今餐好平好飽仲好好味…查看更多

放工經常街市睇下有咩食，見到呢間新開，又好似幾多人買，而且仲有好多餸揀，所以就即管試下，重點唔係貴囉…就揀左2餸試下先，魚香茄子同埋薯仔排骨，魚香茄子好夠味，茄子夠淋，但又不至於爛晒，醬汁亦不會太喊，撈埋飯食剛剛好，薯仔排骨d薯仔好入味，排骨唔會太硬，剛剛好連老人家都應該咬到，味道相當不錯，好有酒樓小菜feel, 呢檔仲有其他賣不錯既中式小菜，真係可以慢慢試，每次都可以轉下唔同款，好似蒸肉餅同埋蚊豬手，下次一定要試下。…查看更多

其實係因為餐廳好攪笑，所以先約朋友食，全店係食台灣食物，又好似幾特別，一人一鍋都幾衛生，又唔使怕要夾口味，本人就叫左個香蒜牛鍋，牛肉肥瘦適中，而且仲有好多配料，有蟹籽丸 ，牛丸 ，鳴門卷，蜆，娃娃菜，粉絲，魚付，栗米....,都幾多野食，鍋料已經非常充足，仲可以配飯或米線，非常抵食，香蒜鍋非常香，湯底非常鮮甜美味，成個食晒可以連湯都飲埋，再叫左杯超級解暑開胃沙冰，荔枝沙冰，真的非常勁荔枝味配鍋一齊食係最佳配搭。小食就叫左個麻辣臭豆腐，麻辣不算太辣，所以所有人都可以食到，臭豆腐臭度亦相當適中，唔會臭到隔離，所以呢間餐廳好藉得推介…查看更多

荃灣美食實在太多，揀左呢間好有懷舊色彩試下，入到去餐牌內食物好吸引，樣樣都想試，但又食到咁多，只好叫左個鮮茄湯豬潤叉燒湯麵餐，鮮茄湯好濃蕃茄味，好夠酸，正正，豬潤絕不太老，夠爽口，有口感，叉燒又夠嫩滑，小小半肥瘦，成個麵可以連湯都飲晒，真心超好味，餐飲叫左菠蘿冰，粒粒新鮮菠蘿肉粒，唔係罐頭菠蘿，夠晒開胃醒神解暑，不會只係溝糖水，再加多件馳名滷水雞脾，脾脾色香味俱全，滷水汁唔咸，脾肉嫩滑，啖啖都好香好滑流，非常好味，唔怪得咁多人叫黎食。下次要試埋其他先…查看更多

朋友介紹話要試下呢間火鍋，所以就約埋3，5知己去試下，一上到去就比個景吸引住，高層開揚，仲可以有日落景，真係不得了，叫左個辣酒花螺雞煲，中辛辣，送到黎超級香味，花螺好大隻，口感相當不錯，雞件亦相當嫩滑，而且份量亦不少，配料有鮮冬菇，洋蔥所以更加香，仲有一樣朋友話一定要食架，就係爆芝響鈴，果然相當一流，炸到鬆脆既響鈴內有流心芝士，簡直係邪惡得黎，又食到欲罷不能，真的正，仲有叫個蝦滑都介紹比大家，好彈牙，超新鮮，好爽口，超級鮮味加口感，所以要再encore, 羊肉片也不錯，不太蘇，夠晒美味，下次一定要再黎食呢間，有靚景有美食既餐廳…查看更多

真心要推介，真心正，用心炮製之美食，加上用樽裝，方便送禮，又易拎。而家放係屋企又可以當小食，又可以送飯食，送麵食又得，介紹下酒醉鮮海蝦，蝦超大隻，仲好有咬口，兼夾爽口彈牙，酒青香，不是用酒浸釀，係用酒精不太高而有營養的黃酒浸的，竟有酒香亦不會弄醉淺酒量既人，好好味。另外朋友再送多樽麻辣鴨舌，鴨舌本身已經是我的至愛，加上麻辣更加不得了，麻辣醬非常香， 不會偏重過份辣，而係香味濃郁，撈麵食真係正到停唔到口，鴨舌好爽口入晒味，真心要介紹比所有人…查看更多

荃灣新開燒肉放題，身為街坊必定要試下啦，星期一都好好生意，應該都唔差，果然有好多選擇，燒肉不在話下，亦可以鍋，又可以壽司刺身，相當低食，燒肉要推介下個秘制叉燒，醃製到入晒味，又唔會有味精，肉質夠嫩滑，燒完都唔食硬晒好難食，呢個要食，另外就係魚，燒完唔會散晒，仲有口感，好好，而火鍋有幾款湯底可以自由選擇，個魚皮超正，新鮮炸好脆口，又大件，響鈴都係脆卜卜 ，刺身方面有我最鍾意食既三文魚腩，甜蝦，帶子，都好新鮮，入口唔係霉晒既貨式，好鮮甜，仲有其他熟食都好正，例如炒蜆，雞中翼等，太多野食，根本食唔晒，所以一定要再黎多次先得，樣樣都想食…查看更多

好鍾意冰室，好有懷舊既感覺，而家既冰室都比較乾淨企理，呢間都幾好，我見人人都叫呢個皇牌，而望落又好吸引所以都叫黎試下先，鮮蝦叉燒炒蛋飯，果然色香味俱全，鮮蝦大大隻，好新鮮爽口，叉燒唔肥，最緊要蛋炒到好滑滑，仍流有蛋汁，整個飯口感賣相一流，令人好回味，再配埋咸檸七，清熱消滯。而朋友就叫左個蝦干蒸排骨配白飯，這個亦好香口美味，我試左蝦干，好大隻好香口亦好有口感，排骨亦醃到好入味，蒸到剛剛好，不會太老好硬，原來咁樣蒸排骨都咁好味，正，下次我要試下呢個先。…查看更多