shmily的個人專頁

忙裡偷閒'鼠'過長洲三人遊輕鬆下,行到又熱又攰,見到呢間又係洲啤工房既豬士家,未見過亦未聽過,見出面既menu有甜品就諗住可以涼快下.入到去坐低啦,原來出面個menu真係等於入面既,選擇唔算太多(就我黎講),甜品仲只係得兩款tim.諗住兩個叫晒架,點知只得海船回歸一款:(都殺啦.海船回歸 - $25menu都有寫係鮮冰果+雪糕,本身係提子粒同西瓜粒,但我地諗住西瓜粒會涼爽d,於是轉晒做西瓜粒.雪糕冇得揀得兩款,食得出係維記雪糕.d西瓜粒雪到好硬(可以掟死人!)食落口凍到喊但因為雪得太凍似食冰多過食西瓜,冇西瓜味好冇真實感.儘管真係涼快左好多但未有特別覺得好味唔肚餓所以冇試其他野,但以甜品黎講未有突出之處,或者下次試下其他野食啦.…查看更多

同朋友一行三人商討旅行大計,一致決定去cafe飲住野慢慢傾:)原本朋友提議去Augur7,無奈我地係路痴三名登打士廣場多cafe就眾所周知,惟有求其揀一間.一到樓下,已經有兩個姐姐不停遊說我地去呢間'可愛風'既cafe眼見傳單上面有我(懶人)至愛既梳化同鬆弛熊,於是抱住試下無妨既心態就拍板上去啦一上到去,只有一枱幾個人同一個員工,我瞄準鬆弛熊cushion就衝左過去張梳化度啦一睇個menu,都唔算平架,平均一杯野飲起碼都要$30而我地又未食lunch,於是叫左2個set luch加多杯野飲黎meet佢每人要一杯野飲既min. charge而叫set lunch加多少少錢就可以換多個小食所以我地就加左兩個,本身我地諗住叫蒜香雞翼可惜佢冇:(,menu張相都幾吸引架只有4個小食可以揀我地又只揀岩一款喎,於是就膽粗粗問下個waiter要其他得唔得,佢又出奇咁順攤喎set lunch就包一個餐湯,一個mai dish同一杯汽水(一罐上).另外我地仲叫左杯巨峰提子Q果特飲.甘筍忌廉湯甘筍蓉配忌廉湯,軟身到不得了既甘筍令到個湯既口感好特別好有層次,飲湯既同時又有野咬既感覺好有趣,而且比一般忌廉湯冇咁油膩椒鹽魷魚鬚我地勇於爭取既成果炸得好靚,香噴噴得黎仲係脆身既麥樂雞原本應該係麥樂雞拼薯角,但係佢話冇薯角俾晒麥樂雞我地,一黎到,我地心諗:咁多既!一數原來有成十二舊咁多,小食黎講每人四舊都夠晒喉啦!炸既技術幾好,表面乾身但係一咬係有汁既.點埋個醬好好味,我地要添醬佢都冇咋形吉列豬扒咖喱飯咖喱甜度適中,岩晒唔係好食得辣既人(例如我),當中豬扒既炸漿夠薄夠脆無得頂,惟塊豬扒都幾薄呢度扣左少少分忌廉三文魚意粉好香忌廉味!夠熱食落特別好味,汁同意粉比例岩岩好唔會太乾太濕,意粉硬度亦都適中,食唔停口要爭食因為我地麻煩唔食什菌所以意粉得呢個選擇,點知反而有驚喜巨峰提子Q果特飲冇咩特別,冇咁酸既利賓納,係d椰果大粒過出面少少.成間舖頭得一個男仔,招呼,落單,煮野,傳菜一腳踢,我地都唔好意思太麻煩佢,雖然只係得兩枱人.我地走果陣先多返個女仔幫手不得不提就係個男仔煮野真係唔錯(幾surprised)無論意粉多士麵香都全間舖都聞到結果就係我地坐左半日就掛住玩層層疊呀果d,野就冇咩點傾過p.s.雖然環境都叫舒適,但係我麻麻地佢梳化既質地啦(冇錯奄尖聲悶就係我)印象難忘呀,會再黎過捧場!:)…查看更多

因為未夠鐘睇戲又恰好有d餓,於是一行三人黎左呢間第一次試既食店.香辣雞翼真係好好味,個汁有少少蕃茄味又辣辣地,好惹味,想食完又食.法式薯茸焗田螺水準中上,芝士味濃!芝士青口意粉比前者更重芝士味,青口鮮甜,反而意粉普通.店內環境舒適整潔,不失為等睇戲時消遣既選擇,坐耐d都冇所謂.雖然我地只係兩個人食,但係個waitress都好細心咁拎足3份餐具俾我地,服務唔差.…查看更多

因為之前miss左一次食放題既機會,所以家姐特登帶我黎2000円補返數,同行既仲有媽媽同家姐男朋友.午市限食1點到3點,搞到1點3先係太子補完習既我趕頭趕命跑到上黎原來家姐先岩岩到,午市舖頭冇咩人,得2,3枱人左右.叫左杯柑桔蜜順返條氣,又幾好飲.試過其他野飲都冇咩特別.刺身拼盤一送黎覺得幾得意,之後再送黎既都冇乾冰,刺身ok新鮮,三文魚又肥又厚,食左幾塊已經有d膩,但係無論叫一人份定係二人份既三文魚都係一樣咁多,去洗手間時經過廚房發現左一個好有趣既景象就係成個廚房都係一塊塊未切既三文魚,而全個廚房既人都好努力咁埋首切三文魚,唔怪之得佢好似唔洗錢咁係咁塞俾我地食胡麻茄子鍾意食茄子既我同家姐點完又點,要多麻醬先好味架!芝士焗薯皇有驚喜!一大塊芝士係面,但係d薯皇仲熱仲脆,唔錯:)牛油焗金菇唔錯,全部金菇都好均勻咁有牛油味,唔會一d有一d冇.清酒煮蜆冇沙但係冇咩酒味,d蜆太細,有d仲未開晒烏冬拉麵都好大碗因為一定要叫2人份雜菌茄子真係挾左2下就食唔落去沙律全部都落左好多醬,鹹到唔想食芝士焗西蘭花唔錯,份量少少反而少食多滋味鐵版燒牛舌因為始終認為牛舌都係鹽燒最好,所以呢種煮法我地都唔太受落.冇甜品實在係敗筆之一,仲有張枱太細根本唔夠放野食,d人成日企係隔離未食完就想收碟,我驟眼睇店面都幾細下,枱唔多房又唔大,適合人少少4個人左右黎食,價錢同質素可以接受…查看更多

又一班朋友出遊啦長洲我黎過幾次,但係呢間菜館都係第一次試.我地係食套餐既,五個人三餸一湯.我地11:30左右坐低先岩岩開舖,冇乜人就要求坐入面有冷氣.環境一般啦,小本經營,桌椅都叫乾淨.白飯任裝但係我地都食唔到咁多飯,反而個湯我地就再添,好似本身係冇得添架但係個老闆娘都好好人咁添俾我地我個人就好鍾意飲湯既芝士斑塊睇色澤已經覺得好靚,夠金黃芝士汁都唔夠仲要加埋芝士粉,芝士味香到爆!脆口又夠熱,認真冇揀錯d汁撈飯一流黑椒牛肉粒佢個真名我唔記得啦,西芹蘿蔔腰果同牛肉粒,冇咩驚喜,仲稍嫌牛肉粒同西芹比例差太多蒜容粉絲蒸扇貝味道唔錯,但係唔夠粉絲要爭食舊扇貝太薄啦唔夠喉我幾鍾意呢類型既食店,一大班人分甘同味傾下計又熱鬧又開心…查看更多

同學屋企冇飯開於是同佢一齊食晚餐: )一直都知道呢間鋪頭係附近但係成日路過都冇入去食過今次同學提議就正好試下呢間個個好評既熱店啦!6點30黎到都唔少人喎!坐得好逼.反而過左一陣d人走咁d我地換左去另一張冇人既枱樓面都幾細呀.得3,4張枱不過小本經營嘛.同埋大家一齊食感覺咪仲好味; )我地2個人叫左湯白菜水餃(大$21)同埋湯韭菜水餃(大$20).但係我最祈待既係個湯底; P一上枱迫不及待飲啖湯 - 好熱;但係好甜!試得出好足料再試餃 - 一樣鮮甜味美試一試同學既韭菜餃,分別就係比我既白菜餃香口最驚喜係呢度既秘製菜甫辣醬,又香又辣,配餃一流好彩同學勸我唔好加麵因為10隻餃真係唔少,而且飲晒碗湯真係飽到上心口; D最後好滿足咁捧住個肚咁離開仲同同學約定下次要試埋煎餃臨走仲見到老闆2公婆係後面好溫馨咁包緊餃子呢度d餃仲係每日由人手新鮮包架,夠晒誠意: D…查看更多

我屋企同麵站只係一條馬路之隔,都食左成十年有多,而家,我就食緊碗外賣既雲吞米線加腩汁($12)外賣加$1.堂食$11隨住通貨膨脹,咩都加晒價,佢要加價都無可厚非,但係優惠套餐就仲係度既推介建議當然係大大份既雲吞同鯪魚球啦.不過跟住時代變遷,已經冇以前報紙雜誌講到既咁好味雲吞都係咁大粒,蝦都係咁足料,但係蝦既鮮味就冇以前咁出啦鯪魚球係我哥哥既至愛,水準咁多年都冇變,生雲吞同生水餃依然係打邊爐或煮麵既best buy items唔好祈望佢會好乾淨,我成日都懷疑佢會有清潔証書係點得返黎除左老闆客氣d,招呼果d人都唔好期待佢會好好禮貌不過一試無訪,我因為長食所以會買外賣…查看更多

14/04/2008因為急住買返學鞋,於是放學後黎到德福廣場.買完鞋之後,已經10點,曾經去過1次赤丸製麵所,記得唔錯,又應該未關所以再一次黎到赤丸.因為夜既關係,鋪裡面冇乜人,我同家姐2個人被安排坐係好闊落既卡位店員既服務幾好,都冇話就收鋪就黑口黑面對住你咁,收menu時都有禮貌咁問下仲有冇咩需要.因為家姐既朋友提及過赤丸既烏冬比較出色,特別係冷熱烏冬所以黎親都係叫烏冬偏多.叫左:冷烏冬(細) - $10一貫水準,唔錯.彈牙十足滑蛋吉列豬扒鳥冬- $36蛋真係好滑,豬扒幾入味,豬扒浸湯所以比較lum,整體黎講好味.茄子撈烏冬(微辣) - $3x配搭好好,冇唔協調既感覺,醬汁惹味,但係偏濃,所以對鹹味比較抗拒既人唔建議,但係以鍾意食魚香茄子既人黎講{正},既香又惹味.小食(切片既腸仔加上醬汁) - $8-$15腸仔配上類似黃芥末既醬汁,味道好特別腸仔唔算太肥膩,芥末醬汁突出但唔會太搶,係幾好既配搭.兩次黎都好滿意,價錢合理亦食得好飽,順帶一提,烏冬真係滑身又彈牙,好好味由於家姐結帳,實際價錢唔多清楚…查看更多