kakalol.kok's Profile

一入去已經冇人理 等左陣有個黑面呀姐指我地去張枱 坐低叫野食啦 條友勁唔耐煩咁：講numberok 咁講number囉 全程黑面黑到以為佢同我有仇一路食一路有一隻隻飛黎飛去 打死左2隻食完出黎隻腳勁痕野食係好茶廳質素囉 搞唔掂…Read More

不嬲都有去開嘅 平時冇乜人 食物幾好服務都唔錯咁情人節冇book位 行過問有冇位啦 又話有喎 咁就入去囉 個日冇得散叫 只有佢個set 好似1000唔使2個人 但要再加一 有個腥腥地嘅帶子蝦頭盤 個樣幾靚嘅 但真心唔好食 一上已經聞倒有啲腥 個人覺得煎一煎應該仲易啲入口之後有個紅菜頭湯 個底應該係南瓜湯 甜甜地味道唔錯然後個主菜就耐喇 等左足足一個鐘 又大風 吹到頭都痛 當日生意好好坐到好爆 我估係餐廳未試過或者好耐未試過咁多客睇倒個個都忙嘅 但如果真係做唔切其實真係要諗諗係咪應該接咁多客入黎主菜一個係鮑魚同唔記得咩魚 正正常常囉 另一個係牛 好韌 生熟程度做得算好 5成左右 但肥得黎韌韌地然後個甜品隔冇耐就上黎 一如以往賣相靚嘅 黑朱古力慕絲 味道幾好 又有個情人節手寫牌仔幾有心整體唔錯嘅 因為中間要等先坐左2個半鐘 不過都係平日去好睇又好食啲 咁囉…Read More

一開始黎左個焗面包薯條先 慢慢食住飲野 再等多幾個字 可能半個鐘先黎個豬手炸豬手熱辣辣好香口 皮脆但有啲啲硬 但好食嘅 肉都夠林嘅 最後埋單350蚊 係呢區算係好好好好平推薦！…Read More

6點半去，唔使等。但好好笑，明明入面冇乜人，應該坐得3枱倒，佢地第一句就問有冇訂枱，仲要個語氣好似係你冇訂枱嘅就冇位坐架喇咁。但重點係明明你入面就冇乜人：）入到去，叫左個凱撒沙律，百幾蚊，正常囉。個慢煮豬腩肉，好軟好林，幾得意係ok嘅。杯凍latte味道可以嘅，但佢真係好細杯，3啖倒就飲完。炸蕃薯條好食，好香脆，外脆內軟，係唔錯嘅。整體一般，不過不失咁。入夜之後餐廳比較暗，環境可以。服務正常，味道可以。…Read More

新開張嘅餐廳，唔使等位就有得入。一開始叫左個豬配薯仔，個豬煎得好香，因為全熟所以有啲硬，但可以嘅。有雪梨，幾得意。個鴨胸窩夫啲肉好嫩，有沙律菜，窩夫好香香料味，應該係rosemary。炸雞窩夫，炸雞好嫩好軟滑，估佢唔倒。配3個醬，honey mustard, blue cheese, tar tar sauce。上埋個甜嘅藍莓乳酪雪糕窩夫，個雪糕好綿好滑，乳酪藍莓味都好濃好出。窩夫好香脆，好食。之後唔飽，加左個和牛漢堡窩夫，個陣我已經飽左，味道正常。不過其嘅份量都比較細，呢份算正常，因為佢有一大份炸薯條。仲有個牛扒，比較薄，都香嘅。將軍澳區好多餐廳都貴得黎服務差食物仲差，呢間餐廳整體黎講服務好好，加水加得好密，食物幾好，推介。…Read More

澳南不嬲貴，呢間都一樣。叫左杯latte 好細杯 200ml或者300ml 超超超超超苦同酸，24味咁。叫左個薯仔咖哩飯，好頹，咖喱唔香，似啫喱。薯仔係好細粒唔同顏色皮個啲，全部冇味。似係水煮完掉落咖哩度，各有各嘅，大家嘅味道係100％分離嘅。仲叫左個咸蛋黃炸淮山，有驚喜。好香口，熱辣辣，幾好。都有8大舊，算唔錯。最尾叫埋個鬆餅，都ok嘅。佢啲吉士醬滲哂去個鬆餅度，用叉㩒落去啲醬好似暗瘡啲膿咁好多個毛孔咁jit出黎，個畫面好震撼：）…Read More

下午冇訂位walkin，入面坐滿要出坐面。原來坐出面仲闊仲舒服，枱相距遠啲，ok嘅。反而餐廳入面比較逼，仲要介左條路比人拎野食，人來人往係擦肩嘅。甜品種類都多，仲要有雞蛋仔，不過唔好食哈哈。澳門主題，有豬扒包，但包冇烘啦凍嘅，連塊扒都凍架囉。塊豬扒係好硬少少膏都冇嘅，好明顯係有炸過，但因為放到凍哂而塊炸皮已經林哂，仲要同塊肉分分地開。少少醬都冇啦，唔好話有生菜蕃茄，難食嘅。隔離有個切粒矮瓜加唔知乜，放係法包片上面。法包又出事，又凍又硬，介喉嚨架。燒野度得啲菇同瓜，正常嘅。 好笑嘅係有炒飯炒麵，要飽嘅人係有野食嘅。成餐係可以嘅，話哂唔貴。 係食左個幾鐘有10幾個十歲唔夠嘅細路不停跑黎跑去，職員見倒冇出聲。明嘅香港多西客，一陣遇著西父西母仲煩。後黎有個類似老豆嘅物體出現左，但佢一句都冇叫佢地唔好跑喎。 餐廳人來人往，咁多人拎野飲野食，可能有熱湯嘅咁其實真係好危險囉。 又係生仔要考牌系列。…Read More

早幾年一年都去幾次，近2年就冇去嘅。 早排就book枱去食啦，早一星期book有枱嘅。去到唔使點等就入得，窗邊嘅，雖然冇乜景，但坐得都好逼，同隔離兩張枱都好近，行出行入要側身先過倒。因為坐得近，其實聽倒哂隔離枱講咩嘅。今次訂晚市，先發現原來冇龍蝦。雖然之前都係咋野凍龍蝦，但而家668蚊一個連cheapcheap凍龍蝦都冇又真係好唔抵喎。海鮮佢得青口，麵包蟹（唔好食），凍蟹腳（咸但唔鮮）。Sosad佢有個泰式沙律吧，有青口墨魚呀豬頸肉個啲，酸酸辣辣唔錯嘅。佢啲壽司就不嬲都唔太吸引，冇試。魚生今次都冇食到。個川貝燉湯係得個咸字，都唔清甜嘅。沙律吧度有驚喜，菜嘅種類幾多。個燒味部冇左乳豬，得雞同叉燒同變左滷水野。滷味佢一碗碗執好，一舊鴨，紅腸，墨魚，豆腐。冇得比人揀囉，明明我唔食紅腸。麵檔我冇試，有啲唔多肥嘅和牛，個樣唔多吸引。試左個蕃薯天婦羅，新鮮炸野即拎正常嘅。個天婦羅蝦可能炸起一段時間，林嘅，唔得囉。隔離有燒龍蝦拎，一試點知係起哂肉加洋蔥同其他野加好多醬去焗，成隻得個3粒龍蝦碎，真係唔該哂。仲要勁咸。試埋佢個鐵板炒龍蝦烏冬啦，好香口嘅，但咸好痴線。冇試到咖哩，但試左個冬陰功湯，正正常常啦。甜品方面種類都多嘅，馬卡龍係ok嘅，但拎哂之後fill得好慢。重點黎喇，食左個幾鐘我就開始肚痛，快快脆埋單跑返屋，即時疴水！！！！！！不過我冇老婆冇事，佢冇食麵包蟹同蟹腳，唔知關唔關事。我估今次會係我最後一次幫襯呢間野。…Read More

新開見都唔少人就試下，唔使等位，9成滿人。 入到去，好逼，而家咁嘅時勢冇話坐開少少，加塊板就叫你坐。走廊位逼到差唔多要則身先過倒，同隔離枱超近，中間仲要冇板囉，一坐低其實有衝動起身走算。都坐左，算啦睇下有咩叫啦。叫左杯薄荷梳打，正正常常嘅。重點黎喇，佢會杯墊好濕，佢放低都唔敢摸，用叉撩開啲啦，佢移動過嘅路有條灰灰綠綠啡啡顏色嘅水路囉，好恐怖究竟係甩色定上幾手啲漬另一杯奶蓋，正常嘅。飯未黎，甜品上先，ok。黎到份量同佢memu圖唔同，實物細一半。ok嘅，反正坐得唔舒服都唔想留得耐。等左陣個飯都上埋，個樣得意嘅，但入面得個咸字，得3，4粒肉，飯係冇味地咸。冇味，但可以好咸，好神奇。個飯仲要收148加1，老實講我覺得唔值嘅。有啲野試過就算，唔會再去…Read More

平日午餐，早一日訂位，仲諗緊緊book唔book倒，又比我book倒喎。入面唔太大，都坐滿人。位同位之間都唔太遠，未至於好好坐咁囉，但又未到好唔好坐嘅。網上見倒有個deluxe餐，諗住去試下嘅，點知去到話冇左喎，得返餐牌個啲。其實係唔係要有人定期更新下網上嘅菜單呢。最後叫左個牛同海鮮餐，不過不失啦。個鮑魚唔會韌，但味唔太濃。個蠔有驚喜，本身唔太中意蠔，但味道可以嘅。薄燒牛就正正常常，蒜味好出。仲有炒飯加個炒菜，好飽。整野食個師傅係小鮮肉，味道唔知啦，但上碟啲野食個樣係佢隔離個（有少少肉）嘅姨姨靚好多囉。500蚊一個人，ok啦。PS 我枱面張濕紙巾係個吉嘅袋，我自我安慰： 都好過連埋張用過嘅濕紙巾嘅…Read More

晚市禁堂食，4點9入去趕尾場。今次叫左個炒金邊粉，味道正常嘅，甜甜咸咸。仲有個蒜蓉炸雜菜，好蒜，超超超蒜，ok嘅。同一個串燒set，豬牛雞各2串，豬係最香，不過佢都幾肥。牛就冇乜好濃嘅牛味囉，正正常常咁，雞都係正常嘅。 幾香口。另外叫左杯青檸梳打同咸檸7。因為限聚，所以可以2人坐4人枱，係幾舒服嘅。服務一般啦，好左啲嘅，之前係叫極啲員工都愛理不理咁樣囉，而家叫做有人應下嘅，唔可以話好好，但叫做有進步嘅。…Read More

環境幾舒服，服務幾好。半自助餐黎嘅，沙律甜品任食加個主菜。沙律都有6，7個選擇嘅，有咸有甜，都幾好。個湯係西蘭花湯，好飽肚。。。今次我地主菜叫左個牛扒同豬扒。 牛扒就正正常常，唔會太鞋但又唔係滑囉，牛味一般，有嘅，但又未到好濃。個豬扒反而有驚喜，本身好厚身，但好軟滑，完全估唔到。口感同味道都好好，好抵食。甜品就一般，個泡芙係ok嘅，其他就冇試喇。book位嘅時候有講係週年紀念，送左件蛋糕加支蠟燭! 仲安排左窗邊位，好貼心…Read More

將軍澳呢間好食過海港城個間好好好好好多，片皮鴨塊皮冇咁油咁”蘇”，熱辣辣脆啲又香啲，冇話又咸又油到爆肝爆腎。 仲要近排片皮鴨特價，好抵食，所以都成日去食。服務就2間都差唔多嘅，正正常常咁。今次除左片皮鴨，叫左個叉子燒餅，燒餅好鬆脆，熱辣辣係ok嘅，不過都幾飽肚。另外仲叫左個炒粉絲，佢就都幾濃味，比較油少少，食完之後個喉嚨勁乾，好似好熱氣咁，下次都係唔好叫佢。仲叫左2杯蘋果醋，酸酸甜甜，唔錯嘅。得閒再去。…Read More

第一次去嘅時候係ok嘅，叫左個冬陰功粉同菠蘿炒飯。好濃味嘅，第一啖幾冶味，但越食越口乾。咸到之後超超超口乾，乾足全日，乾到喉嚨有少少痛個隻。到第二次去嘅時候，就完全自助咁樣，冇人理，叫住啲呀姐手，明明有眼神接觸嘅但都係被無視嘅。都等左陣，最終有人理喇，但要同人坐到勁近囉。之前又由頭黎過喇，叫極都冇人理嘅，恭喜佢生意好好。咁好唔憂做我地生意啦，所以冇食到就走左。都唔係話要咩服務，但冇人理嘅話就唔會有下次喇。…Read More

見係黃美琪開嘅就去試下，第一次去嘅，叫左個炒飯同麻辣面。個炒飯都叫做炒到一粒粒嘅，不過係超多油，同食倒一粒粒味精，仲要勁勁勁勁咸。而個蘿蔔麻辣面就不過不失，蘿蔔唔太入味不過都林林地嘅，都好大碗。 仲叫左個台式糖水，味可以嘅，但係爆腎咁甜。重點黎喇，我地坐近廚房出菜位，全餐就睇住佢地啲員工除口罩食野啦，就咁用手整個垃圾筒啦，就咁又摸完口罩啦，唔洗手就去上菜收碟。而家咁嘅時勢都咁唔衛生，真係唔會有第二次。…Read More