edithmak的个人专页

Coffee Break喺屋企附近嘅商場已經開咗幾年（好似係），但位置差唔起眼，從來都無去食過。今晚約咗屋企人食生日飯，本身想去嗰間小店原來已經執咗，所以近近哋搵咗Coffee Break試吓。本身對佢無咩期望，所以都無影相。最初上嘅龍蝦汁海蝦忌廉意粉不過不失，但點知D其他餐點陸續送上嚟之後，越嚟越有驚喜。牛扒同豬架都好味，肉質嫰同juicy；魚柳肉質OK，但配搭開胃醬汁同豐富配菜；牛肉漢堡雖然我自己無食到，但屋企人讚咗幾次話好食；特價小食拼盤絕不敷衍，有薯條同炸雞、雞塊、炸蝦各兩三件；肉桂炸雞腿一上枱我小姪仔已經話好香，食落口好惹味。每款菜都感覺廚師製作好用心，在配搭、烹調、擺盤都兼顧到同唔錯，而且每碟份量十足，比一般餐廳份量大。每款都可以以$18加一份沙律同一杯飲品，真係幾抵。我哋仲發覺佢個menu好多選擇，我哋花咗好多時間先落完單。呢間小店絕對值得支持，我哋會再encore，希望佢喺而家香港咁差嘅環境下都可以繼續做落去，祝佢越做越出色！…查看更多

慕名而來，早知道這是一家台灣地道味道的人龍店。一個人叫了起司蛋餅、甜不辣、鳳梨火龍果汁。起司蛋餅份量好大，超多蛋和芝士，芝士不但拉絲，更加"必”出來，入口飽滿超好味，個人覺得比在台灣吃的更好味。對甜不辣沒有什麼期望，但入口好驚喜，口感QQ地，外面撒上味粉好惹味。鳳梨火龍果汁是店員推介的，是由新鮮火龍果和鳳梨打成，甜甜酸酸，而且有鳳梨果肉纖維，好fresh，又是另一個驚喜。另外一提，一入店內，已聽到老闆娘用國語跟我說話，但說完之後怕我聽不懂，又補上兩句廣東話，濃濃的台灣腔和人情味，幫我們這些暫時去不到台灣的香港人一解鄉愁😜。…查看更多

第一次幫襯，三個人叫左3份午餐，加左兩份小食。無骨海南雞飯 -- 雞肉夠嫩滑，但有點過鹹，份量略嫌少。作為餐廳主打菜式，我覺得有點失色。肉骨茶 -- 足料，藥材味夠濃，有當歸、杞子、枝竹、蒜頭、大大隻冬菰。豬肉夠入味夠冧，份量又多。 加埋油炸鬼同個惹咪辣椒豉油，馬來海鮮炒貴刁 -- 味道是類似厦門炒米的咖喱味，炒得好入味，料多粉又多，小食叫左兩份$10泰式無骨鳳爪 -- 每份有4件(兩隻)，好味唔太辣，大件厚肉，配菜都不少，抵食，服務則有待改善，我們坐在餐廳最入兩張枱其中一張，另外一張都有客，三個侍應全部企喺望唔到兩張枱嘅位，我要行出去叫他們入嚟落單。我們三人 share，我叫侍應俾幾隻碗或碟，但她只俾一隻碗(無言!)。眼見店內所有枱都沒有人提供清水，雖然食完覺得口渴，而且見一旁有一排裝滿水的杯，但見佢哋成餐飯都放左喺度無郁過，所以都唔敢問侍應攞嚟飲。埋單$207，整體食物質素高、抵食。…查看更多