CHUI_YY的個人專頁

新試下呢間餐廳，外賣叫乜唔重要，我手機落單去到攞手機俾個阿姐睇我張單到未，就甘俾佢鬧我唔好阻住曬，佢要收錢，個問題係我企左係度好耐等佢過黎，嗰陣仲未有人埋單，到佢過黎嗰陣先跟住埋單既人，鬧我仲叫我自己去入面對個外賣係咪我既，嗰刻我好想叫佢退錢，我唔想食你既服務態度！野食幾好食都好，就住甘既態度我以後black list!食評:泡菜叉燒飯，泡菜都多，飯有啲硬，普普通通無乜特別，所以更加可以可一不可再。…查看更多

今個週末想要個美好既開始，所以搵間優閒既cafe食個早午餐，迎接一日既開端😉呢間cafe開左好耐未有機會試，10點開鋪，11點前過去已經有4，5個人排隊入去，細細既cafe不能容納太多人，所以人流去得好慢，不過見到有人都會專門過黎買佢地自家制的面包外賣走🙂等左半個鐘沒有就入得去，兩個人坐低就order左個full breakfast, 抹茶麻薯包，熱朱古力和long blackFull breakfast 不過不失，同出面價錢食既都差不多，沒有太特別熱朱古力，可能拉花既關係影響左甜味同無咁有朱古力既香味，不是我喜歡既口味，不過拉花幾靚🥰抹茶麻薯包，果然係手工包，好扎實，雖然看上去不大，但真係好飽肚，煙韌同充滿抹茶香味，不甜，陣陣抹茶既苦澀味，早知就order一杯香甜既mocha 去搭配。總括來講，可以同一兩個知己好友嘗鮮下，推薦佢地自家制面包，沒有影到鋪裹的裝潢，不過喜歡影相打卡既朋友應該是不錯的選擇。👍🏻👍🏻…查看更多

今日happy Friday 同朋友放工去嘆一嘆， 之前係尖沙咀有食開dalloyau既甜品，今次就book左金鐘哩間dalloyau餐廳試下😋😋7點前黎到都未有太多人，但見隔離枱食緊啲甜品好似好吸引咁，不過我主要想試下佢既法式料理囉～ 坐低一陣侍應就放低麵包, 有兩款一個硬法包，一個軟包，個人口味覺得軟既好好味，食完唔够喉可以再添既，免費的😀之後同朋友叫左個好抵食既set 一齊share同散叫食物，set叫左龍蝦沙律，龍蝦湯加main course 同餐飲，甜品Slow-cooked Beef Bourguignon湯同沙律🥗真心覺得唔錯，沙律汁係加左水果汁好夏日feel, 湯既龍蝦味好出，入面有粒粒既龍蝦肉😋😋😋主菜叫左個slow-cooked Beef Bourguignon, 可惜太貪吃，食左先記得影低😞口感都幾驚喜，點解可以咁淋既，可能係慢煮既關係，所以佢煮到我覺得入口就化既感覺，唯一不足係可以再入味啲就最好Baked Scallop另外叫左個焗帶子，超正，好有椰奶既香味又有帶子既鮮甜，啲汁仲可以攞法包去沾黎吃又係不錯既選擇👍🏻Salmon Roll我就係因為見到廣告牌想試下呢個菜，真係好精緻好靚😍， 切開點中間係流心蛋，連蛋汁一齊食唔錯唔錯最後叫左個薯條小食，係我喜歡比較粗身既薯條，但salt重手左，略鹹左少少尾聲要完美當然少不了甜點既點綴，隨了跟餐的甜品我地揀左蕉糖泡芙，另外叫左個心太軟，泡芙之間有食過好食所以再食下，心太軟真係不得之了，勁流心，蛋糕不厚身，所以濃濃的朱古力流出黎，正丫喂😋總括黎講食物攞盤好精美，質素又好，食法國餐黎講價錢都抵食的👍🏻👍🏻下次再黎試下其他款睇有無驚喜先😤…查看更多

只是普通的英式all  day  breakfast  ,  沒有甚麼特別， 芝士炒蛋一啲芝士味都無， 叫左士多啤梨醬配多士，果醬不太甜幾好食(平時我係唔係咁鍾意食果醬既人🙂), 朋友叫左果醬沙冰都唔錯，其他味既果醬都幾好食。若然大家去到太多人等，可以選擇其他餐廳食，買佢既果醬試下就ok。其實友人叫左Benedict，個精髓係個流心蛋，可惜over cooked， 沒有流心，有點失望🤷‍♀️，而且沒有餐，要另外叫飲品，還要收取加一服務費的…查看更多