foodie_ppp's Profile

大埔有好多唔同美食，同朋友行行下發現左間日本野，咩都唔諗就入去食了入到鋪頭。位置雖然唔大，但都好有日本feel，環境乾淨氣氛幾好。餐牌亦有好多唔同選擇有刺身，丼飯，壽司，串燒，炸物 最後叫左個北海五品盛丼飯 有三文魚 油甘魚 帶子 海膽牡丹蝦，材料好新鮮，牡丹蝦幾大隻 海膽都好鮮甜 雖一要講既係飯差小小玉子壽司鰻魚壽司火炙牛肉壽司玉子同鰻魚壽司都不過不失 最出色既係火炙牛肉壽司牛肉燒得香口 味道出色三文魚腩 牡丹蝦刺身刺身保持水準十分新鮮三文魚腩好厚，肥嫩香潤…Read More

本身喺呢度附近返工，嗰日放咗工之後同同事心血來潮嚟到呢一間日本小店食夜晚。一入到店，店員都非常之友善，主動介紹有咩好食，有咩直送嘅魚生。但係因為呢兩日，唔係太想食魚生，所以主要都叫咗啲熟食。首先就叫咗個送酒嘅小菜，雞軟骨。呢度嘅雞軟骨都炸我非常之好，唔會過分油膩，亦都唔會有好多炸粉。然後就上咗非常之足料嘅鰻魚飯。但鰻魚嘅汁有點點太甜。之後就嗌咗個小小嘅玉子壽司。 主食就叫咗一個吞拿魚茸海膽飯。呢度嘅海膽質素都唔錯，價錢雖然唔貴，但海膽不會太苦澀。呢度嘅海膽都有淡淡的海水味，雖然不算是非常鮮甜，但絕對對得上它的價錢。食到最後，甚至有服務員來詢問我們的看法。整體感覺這間店，提供了不錯質素，有很多款式，有平有貴。…Read More

今日放左工好攰好想好好休息下充下電！所以決定去搵間好野食下，於是同朋友一三人係旺角搵食！ 當時8點左右，等左半個小時。當中的火炙壽司非常好吃，左口魚火炙壽司，三文魚火炙壽司，還有鰻魚壽司我非常推介。當中的左口魚火炙壽司，火炙令到左口魚的油脂分布在壽司，入口嘅口感非常豐富。還有就是黑松露海蝦壽司都非常推薦！！這裡的刺身也非常不錯！三文魚的油脂分佈還好，但北寄貝和扇貝不算很新鮮～ 而有些燒物也非常不錯👍🏻 例如牛舌，燒得脆脆的～一口牛也可以一試～ 最後還有encore一輪花之戀～最後要讚既係呢度既服務！出野食出得幾快下，而且無遺漏！ 服務生都好幫得手，主動收碟幫手轉碟，唔洗出聲已經做左！所以整體感覺都很好！！…Read More

紅磡嘗鮮今次上完堂就試一試間新開既比較養生既麵店。一入到黎都可以坐得幾舒服😌，連BB chair都有，所以friendly下！一開始店員都好friendly介紹呢度有咩招牌啲既麵同湯。呢度既麵大都有花膠，我都係時候需要補下啦！所以我就揀左個花膠雞肉麵。麵我就揀左粗麵，都幾彈牙好食，而且都好足料！啲花膠都有幾多，但啲雞就略略唔夠嫩。但最推薦既的確係個兩個湯，分別係木瓜燉花膠湯同冬蟲草花響螺燉花膠湯！最好飲嘅就係冬蟲草花響螺燉花膠湯，冬蟲草花燉出嚟嘅湯非常之清甜啊配埋啲花膠呢就對女人就好補！！而且響螺嘅海鮮味呢都可以令到這個人都精神！木瓜無花果燉花膠湯都唔錯，但係呢就冇冬蟲草花燉花膠湯咁出。係啲花膠都好多！非常足料！現嘅一個方面呢我就帶叫咗杯薏米水。我本來以為係一杯杯好細嘅薏米水啦，點知呢原來係一支支裝非常之方便嘅薏米水。最後都飲唔晒但係都可以帶走慢慢飲！總括來講呢如果係要養生清清淡淡呢你呢度食個lunch都唔錯，特別係考試期間補一補～…Read More

今次黎到間印度🇮🇳餐廳試下。黎到空間都好大 好寬敞下。餐單有中英文因為比較小食印度野 所以一開始都問一問有無咩推薦既菜。首先第一道係 Kadai chicken， 呢度好似個個黎都會食。佢係一道好似烤雞咁既菜，佢烤既時候好似加左啲香料，所以食落去都有點香料既味道。然後佢係有個sauce可以點住黎食，有啲spicy and sour既味道。之後當然係curry and nann 既配答。但curry既味道比較淡味小小，而佢嘅味道應該都係比較屬於印度嘅口味啦就唔似我哋平時喺香港普通的快餐店食嘅咖喱咁，即係唔係偏日式同埋唔係香港人種口味。佢呢隻就多啲香料嘅味道，比較earthy。點解呢入邊呢都係有啲雞，但雞就比較鞋身。而薄餅既份量其實都唔多，如果好似我咁四個人一齊去食既可能要叫2-3盤左右。不過都有唔同既款可以揀，有素菜啲，有肉等等。嘢飲就叫咗杯杯芒果汁，呢杯芒果汁算係不過不失，無咩芒果味。整體來說，黎試下印度菜都算可以。但價格有啲偏貴。…Read More

今日行過呢間新開既奶茶店～之前聽人講話呢度啲珍珠有唔同味，所以就黎試下。我叫左杯奶綠加桂花珍珠～ 啲桂花珍珠真係有桂花既碎碎，清香得黎又幾甜，真係好夾又幾好食。我都試左試朋友個杯烏龍奶茶加珍珠，真係好好飲！茶味足，而且桂花珍珠好夾烏龍既茶香！但布丁🍮就最好唔好揀啦,容易太甜…Read More

今次同朋友去銅鑼灣行街，想去一啲舒服啲嘅地方坐低飲杯嘢食個飯。之前聽人講呢度附近有間食fusion菜幾唔錯嘅餐廳~所以就黎試吓。呢度嘅消費都唔貴～我哋就叫咗個Set dinner～首先想嘅係頭盤，我叫咗個燈影紅曲米牛腱～佢係有三片牛腱，然後有啲醬汁係上面～個醬汁有啲酸酸地，配上牛腱都幾開胃。可能因為係頭盤嘅關係份量都有啲少。然後湯我就揀咗個稍為中式啲嘅海皇羹。入邊有啲海鮮🦞，不是太特別～主菜就叫咗個阿拉斯加蟹肉燴飯～呢個飯都幾好食。阿拉斯加蟹肉很鮮甜，而配上蛋白燴飯，多咗啲中式嘅感覺係入邊。但都幾夾。當中最鍾意嘅就係最後呢個竹炭蝦餃。蝦餃嘅皮非常之彈牙，入邊好足料～ 但可惜只有三隻一下就食晒😭😭最後嘢飲方便我就叫咗杯cocktail.熱情果為主調～整體來說這裏嘅菜式都不錯而最令人驚喜嘅係呢度嘅風景同埋氣氛都非常舒服可以坐喺度慢慢傾計。而且呢度嘅服務都唔錯每碟菜上嚟嘅時候服務員都會仔細去解釋每一個菜式！如果佢又再新嘅Menu會再嘗試！ …Read More

工作了一整天，終於下班，同朋友想搵個地方，食啲好野慰勞下自己，同埋搵個地方好好傾下計，所以就黎左呢到。 我地叫左個最多野食既廚師發辦。我集中講下有咩好值得一試燒紫薯仔 — 紫薯非常香甜～雞頸肉 — 燒得剛好，一口咬落去有新鮮既肉汁，再加小小檸檬酸中和一下！Nice ! 雞軟骨— 送酒一流！ 白鱔 — 新鮮，肉質嫩滑～溫泉蛋配免治雞肉脆串— 非常巧妙！係雞肉串入面自家加左啲雞軟骨，令口感多左層次 而且配埋溫泉蛋食 有多一種既口味。呢間幾令我驚喜，係其他地方都無見過咁巧妙既雞與雞軟骨。百香果慢煮黑豚肉— 呢個都一定要試試！黑豚肉慢煮後，啲肉汁鎖緊左係入面，雖然無左油去幫手，但係成個口感更加嫩，三成熟。海鮮茶碗湯—新鮮既海鮮原料係哂個茶碗入面，非常鮮味，再加小小檸檬🍋去提鮮，非常好飲。一個可以飲到差唔多6，7杯～ 最後不得不提既係師傅既用心同人情味。師傅不時同我地分享下，而且聽到我地做野咁忙，都叫我地飲多幾啖海鮮湯補補精力。而且環境非常優雅，適合傾下計 慢慢享受。…Read More

前個排見有人介絡呢間，話好多野燒，所以就約左試下呢間。我地一行有四個人，不過只可以用一個爐。等個爐起同D野食既期間，都有D韓小菜俾你食住先～ 可以開下胃先。我地一開始就叫左唔同既肉。試左幾隻牛肉都覺得一般，唔係話太好，有D冷藏既味道。 但係五花肉就正啦 ！果然韓燒重頭戲就係五花肉。當中入面既spicy五花肉最好食，先燒一燒D脂肪，D油既香味入到件肉到。可自行決定用唔用菜一齊食，我就一口過 ～ yumyumyum !!! 另外我有encore既就係海鮮帶子。一個人食左起碼用4個...... crazy me 。但真係好正，但要小心mon住，千其唔可以燒老左。 D帶子食得出都幾新鮮下 ！ must try ! 炸雞就炸粉有D多。友人仲叫左個冰冷麵。我自己就唔係好鍾意食，但佢地話好好食 ！ 可以參考參考野飲既選擇都幾多下～ 唔洗擔心。最後食完就有得揀食韓雪條定係食西米露。我就揀左韓雪條。有個朋友傻傻咁揀左西米露，最後...哈哈哈Overall 佢有咁多野揀黎食 就幾好！ 可以一試 …Read More

老老實實，香港人食放題好似已經走火入魔，所以我平時已經食少左，因為覺得間間都差唔多。但今次難得地被我個朋友拉左過黎...佢話呢間唔係普通放題 要我試一試。一入到去就見到有個生蠔吧。可以即折即食！叫左既話可以無限任添。 個設計好似係酒店食自助餐咁。第一印象已經幾唔曾～ 之後我地兩個人 但可以坐左半圓既檯，都幾大下。我當下好impressed。 食過旺角放題就知兩個人個檯細都無得頂.....食多啲都無位放。 好啦講下野食。 當然有好食既！ 推薦既係牛舌！！ my number one here。一口咬落去，汁已經出黎～ 而且好爽好好食，一啲都唔會好tough！ 呢個係我encore之一 另外，左口魚同油甘魚都幾唔錯！！ 但個吞拿魚就盡量唔好叫........ 火炙壽司都幾多種揀～ 左口魚要試一試！而黑松露個個都幾夾，濃郁得黎又唔會過膩。甜品方面既選擇都好多！ 我首先食左個哈根大師雪糕！ 然後仲可以即整即食既pancake 我地揀左紅豆味～ 雖然唔係話好特別，但見到的確想食！ 仲有好多其他熟食 但我就無試到了 野飲一定要提即橙汁機！幾fresh orange juice !! I am loving it !!!! 偶然試試別緻既放題的確都係種享受～ …Read More

同朋友去完荔枝角行街，便打算係附近覓食。見到呢間餐廳環境唔錯所以決定試下！雖然係工廠大廈入間，但呢間餐廳裝潢佈置都好有氣氛，好靚。昏黃嘅燈光，別緻的裝飾品同埋植物特別有情調，而且好寧靜。不單止啱情侶，就算係朋友聚會放鬆下都得！今次試左餐湯，係南瓜湯，入口好香濃，不過唔算細滑。餐包比較特別，配上義大利菜常配麵包的黑醋同埋橄欖油，酸酸地幾開胃。我地仲叫左蒜蓉包，好香好脆好好食。餐廳仲配上整個烤蒜，喜歡的朋友可以用烤蒜香黑醋醬配麵包食，別有一番風味！主菜方面叫左個蕃茄長通粉。個人覺得味道有點淡，蕃茄味不夠濃。但中意淡口味的朋友應該會覺得不俗。另外仲叫左燒春雞。雞脾肉有肉汁，而且嫩滑！不過胸肉略嫌乾身。配菜方面有薯條，小蕃茄和甘筍等。甘筍脆身清甜頗好吃。此外亦配上中東米，口感平常的米飯截然不同，有興趣嘅朋友可以一試。最後飲住清爽解膩嘅水果茶聊天，唔錯！…Read More

估唔到元朗都有一間咁chill既餐廳。我地一開始係條街度覓食，成條街都幾多野食。但見到呢間餐廳有埋室外既檯，帶埋狗狗黎都可以，成個氣氛都好chill，所以就揀左呢一間了。Chilling night in bar & restaurant.首先上左個開胃既小菜，但我就無點食。之後就叫左枝生力啤啤佢。我地叫左三個前菜，一個菜，兩個主菜。但點知前菜未黎，個菜已經上左....我地叫左個馬拉盞炒通菜。但略咸左啲，通菜有小小苦澀味。然後主菜上黎，叫左個金邊粉。個金邊粉都幾好食，都推薦可以叫一叫。唔會過油，我最怕金邊粉太油。之後個豬頸肉都上埋黎～個豬頸肉都好推薦！燒得幾好食！外脆內暖～配埋個sauce! Very gooood! 佢仲配左個沙律可以解膩～ 之後個三個前菜終於上.....…Read More

黎呢到食雞煲，絕對會令你有選擇困難症，因為可以叫既種類實在太多，連海鮮都有。 首先我地揀左一個花膠既雞煲，裡面都有幾多花膠下～ 等左十分鐘左右就黎到個雞煲。但美中不足係隻雞既質素唔係好咁，唔係屬於嫩既雞，可能係我地唔好彩。可能我地叫左小辣，所以個汁都唔係話好有味，有啲可惜。但係大讚既係好多料講，咁我就重點講下有邊幾樣係值得叫～首先牛我地都叫左幾種，有雪花肥牛，安格斯同手切肥牛。 雪花肥牛可以自己屋企食算， 但手切肥牛同安格斯呢就推薦大家可以試下！ 手切肥牛牛味都幾重，唔會話有雪地藏味，雖然比唔上三花趾 五花趾個啲，但我覺得食雞煲可以叫到呢種非常唔錯，幾surprising. 而安格斯就偏tough d ，鍾意既都可以試一試。而另外好需要叫既係芝士魚腐，呢碟野都幾有趣同新鮮！ 食落一啖芝士馬上bit出黎，都幾好食👍🏻👍🏻👍🏻👍🏻 野飲叫左個凍柑桔🍊，上到黎成杯啤咁大邊，一路食一路飲非常爽。最後不得不說既係呢度既服務態度，係姐姐為主，但係好熱心，態度好好，而且仲會主動幫手換碟啊，提醒我地邊啲要襯新鮮look，唔好令我地呢班口水佬掛住傾唔記得食。…Read More

考完試同朋友去左極尚大喜屋食放題 刺身款式好多 有劍魚腩 油甘魚 希靈魚 馬刀貝 北海道帶子等 每樣都好新鮮好好味 特別係馬刀貝 鮮甜得黎夠爽口 非常滿意壽司方面嗌左龍蝦膏玻璃蝦 池魚 黑松露油甘魚同白松露吞拿魚 松露壽司比想像中出色 同魚嘅鮮味幾夾 喺出面比較少食到 黎到可以不妨一試 另外仲嗌左醬燒三文魚腩 同兩件手卷 初頭驚手卷份量會好大好飽 但黎到出奇地係兩舊bb手卷 一啖一舊 size非常理想 食完都仲有肚試聊其他熟食熟食就嗌左天婦羅蝦 超級好食 新鮮炸出黎 外皮唔會太厚 蝦亦都有少少彈牙感覺 外脆內軟 一個字 讚！除左天婦羅蝦 北海燒帆立貝都唔錯 個人覺佢似焗多過燒 不過整體上都算唔錯 料同醬汁都好充足 另外仲有豉汁炒花甲 呢樣我就唔太滿意 因為食落有少少沙 所以要扣分到最後當然唔少得甜品 每人限叫一杯Haagen-Dazs或者Movenpick雪糕 我就叫左個季節限定嘅黃桃味Haagen-Dazs 而朋友就叫左個雲呢拿Movenpick 兩杯都各有特色 Haagen-Dazs有果肉 黃桃味清清淡淡 無傳統嘅朱古力味咁濃 食飽之後再食就最啱 而Movenpick雪糕比較軟身 雲呢拿味亦都好濃 鐘意食雲呢拿嘅朋友一定要試呢個…Read More

放題classy 今次其實第一次食吉壽。雖然店面幾大，但都好多人。今次去食就只係同友人兩個食，所以都好似慢慢揀，揀揀食。吉壽既種類都幾多下，刺身既種類都幾多下。刺身方面三文魚都幾唔錯，但係油甘魚就係啲啲雪藏味...但其他都唔錯，不過不失。而熟食雞軟骨同牛舌都係無得輸，好惹味！最令我覺得驚喜係，呢度火炙壽司都幾唔錯下，不會過油，剛剛好。如果有更多選擇就好了！！！！甜品方面比較少。無乜特別 所以無試。但竟然發現有yogurt雪糕.....但係唔知點解有啲油油地咁，所以食左小小就無繼續。野飲選擇都唔太多，有點可惜。Overall speaking，呢間放題作為放題係好唔錯，好多選擇！幾岩一班人黎。Come and try !! …Read More