MercuryPig的個人專頁

見新開張，環境都算幾企理乾淨，諗住近近地咪試下囉。頂！點知真係中晒伏！成間餐廳得個收銀識落單，叫嗰樣無嗰樣都算，湯飯黎到無湯，淡某某又唔好味。D扒味道差，肉質梅，份量極少，賣相同味道都好差。Order 5 個餐黎錯3個餐。落單等得耐，出餐等更耐，值得一贊嘅只有樓面d姐姐，最耐嗰個只返左一星期，但大家都好盡力去做好服務。最後我地餐晚飯仲要去第二間餐廳再食過，真係無言。…查看更多

之前都叫過幾次外賣，不過次次都係食水煮魚，味道算唔錯，仲要有配菜簡，喺元朗暫時係呢間最好食。今次第一次黎到堂食，令人非常失望。我地一行7人，嗌左好多野食，份量少得可憐，令到價錢變得非常不合理，服務又差，成間舖只有當日喺門口接待的女仔最有心去做客情，耐心講解折扣等...最無厘頭就係嗰個7:30pm前埋單7折，首先，門口明明係寫住7:45pm前埋單，個侍應仲好唔客氣咁講係7:30pm前全部人離開餐廳。其實訂枱時你地溫馨提示一下，我可以book早d。最後我地7:30pm前離開，但當時餐廳只剩返一枱客，真係好難理解咁強硬嘅折扣係為左令客人唔好再黎而做嘅？？好老實而家呢個環境，仲要係平日，會好full？我見最多人嗰時都係得4枱客，咁你地都唔識做好客情嘅🤷‍♀️…查看更多

今次係第二次去食Dinner Buffet，好難相信一間酒店餐廳可以退步到咁。食物味道絕對稱不上好食，普通茶餐廳味道，種類亦少得可憐，生蠔賣相恐怖，一d鮮味都無，放題質素，無龍蝦提供，長腳蟹無味唔新鮮，甜品同樣種類非常少，味道同樣keep到水準(差)，不吃也吧。衛生環境差，一坐低發現地板同枱面都癡粒粒要叫職員抹，條抹布濕到滴出水仲一陣up味，最後要自己用濕同乾紙巾抹返。呢個經濟環境收咁嘅價錢完全提供唔到酒店質素，只能表示超伏！免費都唔會再去。唯一可取之處係部分職員服務幾好。…查看更多