davetsang711的個人專頁

今日經過呢間餃子店 所以入去試下本身好鐘意食荃豐中心一間叫餃子X既餃子但奈何成日太多人就算外賣都要等好耐今次就試下呢間確實有驚喜 我點左紫菜豬肉煎餃 配上海麵個麵一黎到 真係土同荃豐中心果間 不相伯仲個湯底係自家煲制香甜豬骨湯味食完麵可以飲曬啲湯煎餃 香脆 餃子皮簿餡靚好好食同荃豐中心果間有得比較好值得一試重要係唔洗等太耐有曾經懷疑過佢係唔係荃豐中心嘅分店因為個豬骨湯底差唔多係一樣係餃子餡有小小唔同下次想試吓其他唔同嘅煎餃佢有好多款式選擇…查看更多

雖然喺屋企附近，咁耐以嚟都未食過峰壽司，因為朋友邀約就嚟試下一試發現好驚喜，估唔到喺香港以咁低價錢都可以食到咁高質嘅壽司壽司飯同醋嘅比例剛剛好，飯軟硬適中，亦唔會太凍或者太熱啲料每一款都好新鮮，刺身有鮮味鰻魚壽司係其中一款最推介，鰻魚燒得好靚，加埋個鰻魚汁超好味軍艦亦好好，紫菜好脆，亦好足料，由其是蟹膏軍艦，蟹膏夠多，味道好香濃，食完成口蟹味叫左勁多，埋單每人約二百蚊，質素拍得住喺日本食咁，抵食好食！ …查看更多

今晚同屋企人試一次呢間開左一段時間但第一次試既食店呢度得意𣇈係可以自己動手做鐵板燒師博當然做鐵板師博都要學下野先好在佢餐牌上有教學仲有QR Code可以上youtube睇示範今晚晚餐兩個人食左都唔少野廣島大阪燒、海老牛油帶子特上牛肩肉、和牛牛肩肉、泡菜炒魷魚由於食物材料新鮮 所以我呢啲新手都可以整得好好食泡菜炒魷魚好食 好香 魷魚好林好好食而重點同製作過程複雜既廣島大阪燒睇寶影片後 唔太難上手覺得好好食 仲可以DIY自己想要既形狀兩人共食左六百幾蚊…查看更多

愉景新城日式餐廳午餐餐牌好多選擇，價錢偏貴，大部份餐都要百幾蚊最後揀左個吉烈豬排定定食同牛肉烏冬定食個餐幾豐富，有主菜湯沙律前菜蒸蛋同甜品，仲送飲品，味道都幾好如果平小小會成日幫襯 …查看更多

午餐叫左一碗四川擔擔麵，一碗酸辣湯麵兩碗味道都係好普通，麵有小小硬，擔擔湯底同酸辣湯底都唔夠辣，好彩只係四十八蚊唯一好處係佢有茶包揀，茶葉質素唔錯，揀左菊花菜，好香菊花味 …查看更多

已經唔係第一次黎食但第一次寫呢間食評今次晚餐無book位上黎好采都有位環境唔錯 側邊好多boardgame可以玩不過黎呢度食係最主要晚餐有沙律 湯 主菜 同甜沙律清甜好食 蕃茄湯夠味 而唔拿喉晚餐點左黑毛豬意粉 同西班牙龍蝦湯海鮮飯黑毛豬煎得香好好食龍蝦湯海鮮飯好好食 海鮮好新鮮飲品係朱古力香蕉奶 及 菠蘿熱情果梳打朋友話朱古力香蕉奶好好飲不過我唔飲奶 所以無試而菠蘿熱情果梳打 都係正常味道甜品食抹茶忌廉蛋糕及芝士蛋糕好好食 唔太甜 好香抹茶味道食完再想食多個今餐兩個人食左$377但質素好好 正價比高…查看更多

係旺角午餐想試下啲唔同既野經過見到台風，門口唔太多人就排下試下啦平時見荃灣果間排隊好長。等左十幾分鐘就有位唔算耐等既時侯店員會俾定張點餐紙你今日午巿係三款沾麵揀我就叫左個 魚介豚骨蕃茄海蝦沾麵麵就揀左普通250g湯底香濃 啲麵沾完湯再食好好味而朋友魚介豚骨沾麵 好好食 好香既香介未另一位朋友叫魚介豚骨焙煎黑芝麻沾麵呢個入口 好似食緊芝麻糊咁好香芝麻味正體黎講好值得去食適合1-3個人 容易有位晚餐拉麵應該都唔錯…查看更多

香港好味小籠包唔多，呢間係其中一間食完想再食嘅位置喺青衣城最高層，閒日6點幾去到，唔算多人，去到7點幾就差不多滿座，如果人多最好係訂左位先餐牌好多野揀，揀左好耐最後叫左呢幾樣野食：辣粉皮比較厚身，覺得可以再辣多少少蘿白絲酥餅好熱好鬆化，食落唔會覺得好油，但味道較淡招牌八色小籠包賣相吸引，每個小籠包味道都好突出，最愛係蟹粉小籠包，真係食到有蟹絲炸醬麵味道唔錯，大大碗，食完好飽豆沙鍋餅好驚喜，外脆内軟，豆沙不太甜，仲好香蛋味整體滿意，下次會再幫襯…查看更多

假日一早入嚟食早午餐佢11點開，我地早左小小到，但入面店員好好，比我地入去坐住等開鋪，而店員全程都好友善，服務值得一讚六個人去揀左五樣野，味道唔錯，碟頭都好大，夠晒飽!…查看更多

葵涌廣場必食之選位於葵涌最高層嘅一角，鋪仔細細，經常大排長龍，當然有佢嘅過人之處價錢30幾蚊起跳就有兩塊梳乎里pancake,相比起其他名店，下下都要近一百蚊嘅價錢，真係非常之超值，雖然要企住等成十幾廿分鐘先有得食，但都好值得今次揀左原味pancake加朱古力醬，一如以往pancake蛋味好香，厚簿適中，質地非常之鬆軟，入口空氣感好強，食完好似冇食咁水準好穩定，食左好多次都保持到，以後都會繼續幫襯…查看更多

以煲仔飯做賣點，嚟到梗係試下煲仔飯上檯好熱，有飯焦，飯味唔錯泡菜同牛肉都好食，不過用嚟整煲仔飯好似怪怪地咁另外豉油偏咸冇乜甜品，唔似煲仔飯豉油午餐嚟講60蚊有飯有野飲，不過不失啦 …查看更多

間中都會想食自助餐，今晚揀左the place，貪佢位置方便餐廳好大，好多座位，環境舒適寧靜食物方面應有盡有，海鮮冷盤有蟹有蠔有蝦，長腳蟹好鮮味，蠔係即開，不過我唔食所以唔知好唔好食熱盤最吸引係焗龍蝦同鵝肝，焗龍蝦唔算好大隻，但芝士同龍蝦味好夾，食左幾轉。鵝肝即煎即食，大大件好邪惡！另外值得一贊係甜品，蛋糕好多款，賣相好靚，由其是八爪魚蛋糕，影左好多相呃likeopenrice即日訂位有七折，510蚊左右一位，今時今日食自助晚餐算唔貴 …查看更多

今日一個人在旺角想搵間坐得舒服既餐廳食午餐好多地方一係多人 一係又係米線碟頭飯之類行行見到呢間茶茶台式餐廳見唔洗等位 即刻入左去坐地方大 感覺唔迫 佢午餐加埋杯台式飲嘽閩只係五十幾蚊算係好抵食係街就算買一杯普通台式飲品都要二十幾蚊我今次叫左個台式鹽酥雞排肉燥飯飲品要左杯荔枝紅玉我食過好多間鹽酥雞 好多做法都唔到呢一間就炸完面頭有啲粉作吊味雞排炸得脆 但就唔係酥脆果隻而肉燥就一般 正常通常肉燥飯都配有椰菜呢一碗都唔例外 但味道就似我返回中學時代飯盒中既蔬菜味道而荔枝紅玉 我叫左小甜就真係無乜甜味 都算唔錯而佢係一個外賣台式飲品杯咁上同平時台式餐廳唔同見到好開心 飲唔曬都可以拎走正體黎講 午餐呢倨價錢呢個水準算唔錯…查看更多

荃灣中心呢頭不嬲無乜好野食，難得有間日式高質小店鋪仔細細間，都幾迫下，但每一日午飯時間都座無虛席最推介係咖哩飯，咖哩香濃，唔似一般餐廳嗰啲，豬扒同漢堡扒都好高質，同咖哩好夾！ …查看更多

諗唔到lunch食乜就會嚟，貪佢近近地，質素都可以叫左越式炒飯，有蝦有扎肉，幾大碟足料，味道就一般啦另外揀左香茅豬排撈檬，豬排好大塊，而且好香好鬆化，非常好食，檬粉就正正常常整體嚟講，間中去開飯幾唔錯 …查看更多