sleepymice的個人專頁

週五晚，喺大埔墟火車站踩單車過來。去到的時候晚上七點，沒有訂枱，已經要等五張枱。於是在大埔藝術中心行下，北角晚上大部分都已關了門，等了40分鐘後終於有台。Order Roasted Sourdough Pizza w/ Margarita Style - Half ($88) 上到嚟比較失望，造型係麵包樣唔係pizza，Sourdough中間氣孔十分少，變咗個蕃茄芝士包。Roasted Spanish suckling pig (1/4) ($388)份量同味道ok，個皮都幾脆，不過這個價錢不算抵。spaghetti Bolognese ($138-63) on promotion now全晚最好食呢個，果然係主打hand made pasta。意粉煮得剛好有彈性，味道不錯。order two drinks as well 兩杯嘢飲都不錯，價錢可接受。不過上嘅時候冇講邊杯係乜嘢個名，係西餐嘅服務嚟講可以改善。總體來說，喺大埔這間不算便宜，不過環境服務食物還是過得去。…查看更多

周日在附近踢完波過嚟食個下午茶，不過看來下午茶時間是他們的休場時間，客人不算多，部分員工都在休息。叫了個下午茶餐，蕃茄焗豬扒飯同熱奶茶，問咗係唔係炒飯底，師傅話一定係炒茶飯底。出到嚟剛剛焗起豬扒份量不是太大，蕃茄沒有罐頭味。奶茶是港式用了斯裡蘭卡茶底，是傳統的味道。簡單食個下午茶。…查看更多

最近在鮮芋仙 (MeetFresh) 試了一次他們的紅豆沙芋圓，感到非常失望。記得以前這道甜品是那麼的美味，紅豆沙香濃，芋圓Q彈有勁。然而，這次的體驗卻大相逕庭。首先，紅豆沙的質感變得稀薄，口感不再那麼細膩，味道也淡了許多，見到好明顯是溝了很多水。芋圓的質量更是令人失望，感覺不再那麼Q彈，反而有些硬，有些甚至有點過熟，完全失去了以前那種彈牙的口感。整體來說，這次的紅豆沙芋圓完全沒有以前那種令人回味無窮的感覺。看到品質如此大幅度的下降，真的是非常令人失望。希望鮮芋仙能夠重視產品品質的維護，找回以前那種讓人愛不釋口的味道。畢竟，顧客期待的是一份穩定且高品質的甜品體驗。咁既質素真的不能說香港人要返大陸食嘢。…查看更多

Stepping into  is  Barista Caffe like entering a vibrant coffee shop with waffle.I ordered two tea sets : Stewed apple waffle with bacon & sunny-side up egg (half) ($62) and Mixed Berry Waffle (half) ($54) and a cup of hot chocolate. The waffle arrived piping hot, crisp on the outside yet fluffy inside. The hot chocolate was rich and decadent. It was the perfect compliment to the waffles, helping cut through the slight richness while enhancing the mixed berry source.The staff were all smiling and attentive. Barista Caffe delivers on what a cafe should be - a lovely escape from the hustle of the city in TST, transporting me to peaceful area with their delicious hot chocolate and warm, inviting ambiance.…查看更多

前幾日朋友講開呢間喺柴灣嘅叉燒外賣，今日咁啱去開柴灣上堂，順便買左$100半肥瘦叉燒返嚟食，佢嘅叉燒其實唔平，要$209蚊一斤。喺度等師傅斬叉燒嘅時候，仲聽到佢講“而家呢個時候唔加價就傻”。😅😅講返佢嘅叉燒既質素，叫咗半肥瘦但係佢畀咗偏肥既，佢燒嘅顏色畀其他燒味舖深，加上佢嘅汁，係傳統舊式嘅味道，有麥芽糖嘅甜味，我覺得佢有少許偏死甜，不過都算咗幾好食。始終傳統風味嘅叉燒係香港買少見少，不過有點小貴，所以不能經常食。…查看更多

I recently visited Pala Wanchai for dinner and had an incredible experience! i had visited their shop in Sheung Wan before.i ordered drinks before 7pm for happy hour promotion (3-7pm) with selected drinks at $48 each. The Ravioli was cooked perfectly to order, and the filling was flavourful and delicious. The Hawaiian pizza had a great balance of sweet and smoky flavours of the ham and pineapple, that was complemented perfectly by the cheese. The Tiramisu was a great way to finish off our meal. The creamy texture and coffee flavour was the perfect end to a great meal. Everything was fresh and the service was excellent.…查看更多

星期六11：54去到，好彩有位唔使等。到了1：10 就拎將單來叫我埋單，跟住埋完單就話夠90分鐘了要我離開。咁因為佢餐廳裡面無洗手間，所以我朋友要去咗k11洗手間未番，我話等埋我朋友番來就走，同埋都未真係夠90分鐘，咁佢就有兩個唔同既人不斷過來叫我走，仲要話check過機肯定我已過了90分鐘，態度好似我冇畀錢要趕我走咁，勁差既態度同語氣。咁去cafe，有時間限制已經唔係咁好，但係香港既土地問題，租貴想做多d客我都明白，只不過服務態度同語氣就係可以控制既，呢d嘢其實可以做得好d吧.講番食物，都係正常嘢，杯matcha latte有啲淡冇咩matcha味，個short ribs沙律都畀得算多kale既同埋幾嚿凍嘅牛. …查看更多

打電話去訂，大堂有八折，每人送一隻南非大鮑魚。我自己第一次去，但係啲朋友就當咗呢度係飯堂，呢間係尖沙咀好有特色嘅私房菜火鍋，有好似去旅行嘅門口，有唔同特色嘅vip房。我哋開頭坐大堂，不過之後越嚟越多人嚟，所以俾咗我哋去vip房。食左仙氣花膠醉雞鍋， 超正嘅炸九肚魚（真係香港唔係有咁多地方呢樣嘢係好食嘅），佢嘅皮蛋同炸雞都幾好食，食左勁好味嘅手切肥牛（大）同和牛拼盤，啲丸都好彈牙好新鮮。之後食下食下飲多咗冇再影相，再叫多咗半隻雞，encall咗牛，加咗啲粉絲通菜。整體來說，全部食物嘅質素都十分好，亦都有好好嘅服務，值得再嚟幫襯。…查看更多

係尖沙咀返工，可以選擇既正常價錢既地方真心唔多。周圍嘅餐廳都排曬隊，行咗好耐終於見到呢間唔使等，所以今日試咗源記，叫左佢既午餐set 紅酒雜菜牛腩飯（$54）。其實我都知道係尖沙咀這個價錢會有咩質素，完全唔會有d咩期望，但係佢真係一碟白飯，又硬又幹，雜菜唔知係邊，d啲牛腩一半係筋，牛腩又柴又硬，完全唔知自己食左d咩。個餐跟咗個熱奶茶，反而正正常常過得去，起碼畀個飯好。這個價錢喺尖沙咀應該還是有其他好少少的選擇。…查看更多

喺文化中心聽完音樂，想食星馬菜，咁啱見到呢間。喺門口見到堂食有九折。今晚叫咗新加坡海南雞飯（$88），新加坡魚蛋喇沙麵（$68），同炸榴槤湯圓（$38）。海南雞飯良幾好，雞肉算滑，味道過得去，個油飯幾好食。魚蛋喇沙麵，湯底較辣，魚蛋應該係街外貨，個麵條有啲淋。炸榴槤湯圓，個碟跟生菜上唔知咩玩法，見到以為食緊熱盤唔係甜品。榴槤湯圓上枱夠曬熱，明顯啱剛剛炸出嚟，畀個讚佢，榴槤餡味道算做不錯。整體來說，這間性價比好高，味道還過得去。…查看更多

想試呢間開咗好耐嘅店好耐，終於喺堅尼地城食完晚飯過咗嚟買好靚嘅紫番薯蛋糕（$43）。 外面係紫色嘅紫番薯mousse，高高嘅塔身，裏面係紫番薯海綿蛋糕，味道淡淡唔會太甜，都算不錯的。…查看更多

聖誕係公司抽到一百蚊cash voucher，今日經過所以諗住用咗去。而家店舖做緊兩個優惠，原個蛋糕九折，細蛋糕買三送一。不過店員話用cash voucher唔可以用店舖優惠。原來cash voucher都係優惠嘅一種，神之marketing。咁我唯有買少啲😂。買咗72%濃郁黑朱古力蛋糕（$52），同柚子軟芝士蛋糕（$50）。外層柚子味好清新，裏面芝士冇乜特別，唔算好濃味。朱古力蛋糕好食好多，朱古力味濃，鏡面外層加mousse加脆脆內層，好有層次感。不過50蚊個蛋糕比其他有啲貴。…查看更多

石澳週末中午人很多，很多餐廳都坐滿人。呢間意大利式餐廳喺石澳都好出名，門口坐滿曬人，有好nice嘅員工。今次叫咗個four cheese pizza （因為朋友唔食羊，所以走咗goat cheese) + parma ham on top。 pizza 餅底偏薄，3 cheese 加ham配合十分好味。black truffle risotto， 個risotto啲飯好有咬口，我朋友好鍾意個risotto 既味，不過我就鍾意乾身啲嘅risotto。加咗兩杯嘢飲同埋甜品tiramisu. 略嫌milkshake 較細杯，不過passion fruit smoothie就好吸引同大杯。tiramisu味道幾好，唔算太濃coco 。喺石澳嘅要食西餐，呢一間係好嘅選擇。…查看更多

之前經過呢間人氣台式小店幾次，終於第一次嚟買。因為今晚好想食台式嘢，但係之前試過砲台山區另外一間台式餐廳喺搬完之後大不如前，所以嚟咗呢間去買。雖然佢喺小巷，店舖不大，但都會容易搵到既。今晚買咗佢嘅古早味手工滷肉飯（$38）同加咗冬瓜茶（+$8）少甜。佢嘅滷肉飯，算係香港可以食到好食嘅，滷肉同滷汁比例十分足夠，又唔會太濃味，啲飯男仔食都夠飽。佢嘅冬瓜茶配滷肉飯可以解油膩，十分match。見到佢嘅招牌台式芝士土司好吸引，不過今次冇買留返下次去再試喇。…查看更多

係moko食完正餐，係時間照顧下第二個胃。原來有好多餐廳的moko無乜食甜品的專門店，所以就㨂咗The Pantry & Chips Republic 食疏乎厘班戟。餐牌上都有幾款口味，如cream burlee同士多啤梨比較特別，但我地㨂咗簡簡單單的原味。由於即叫即整，所以等咗約30分鐘先上菜。個班戟都算疏乎，非常軟熟同有空氣感。但佢個焦糖牛油唔係室温，係凍冰冰的，所以放咗係熱辣辣嘅班戟都係唔溶，同個班戟分開咗，夾唔到一齊食，好失望。而生果配料都比較少，再多少少失望。這個質素絕對不值這個價錢喇。…查看更多