這間位於白沙灣碼頭酒店地下的食之劇場餐廳， 主打日本菜法國菜， 以用心烹調美食給顧客為本， 因為我們坐於吧檯可以一邊欣賞大廚榮師傅之廚藝， 一邊欣賞戶外白沙灣碼頭之美景， 簡直係相得益彰。
當日有多款精選午市定食套餐， 只需300至400港元， 就可以食到咁有質素嘅食物，相當超值。 其實咁嘅價錢，以這裏的日式高尚裝修和戶外的美景，已經值回票價。
先嚟前菜：野菜沙律， 新鮮健康， 食完令胃口大增。
再來南瓜配木魚絲，口感軟腍，少少甜味又有栗子口感。
主菜是鰻魚飯,單看賣相已非常吸引。 原來這鰻魚大有功夫， 有別於一般餐廳即時焗製。 鰻魚是先經過蒸然後再燒過， 再加上餐廳自家醬汁去醃製， 味道與口感都非常出色，只需食少許已分辨到非一般煮法，非常出色，質素好高。
至於別一款是黑豚腩肉酱燒丼， 味道極佳， 也是自家醬汁味道甜甜地，完全不鹹。 最欣賞是這些黑豚肉就好像腩肉一般， 有少少肥肥哋口感特別，佐飯一流。 
最後是餐廳自家製雪糕， 芒果口味， 原粒芒果肉 ，新鮮清爽口感，正！
…查看更多
今日餐廳轉了新menu， 可試新菜式,正。芋頭花枝餅，有四大件，口感好粉的芋頭，味濃， 混上足料的花枝餅，炸得金黃色，香口美味。蚵爹肉碎泡飯，好多蠔仔，size也不細，味鮮。而肉碎配上泡飯，配搭令胃口大增。甜蜜糖心蛋拼芝士雞翼， 溏心蛋配上香炸雞翼，挺特別，味道出色。滷肉燥刈包， 香濃惹味嘅滷肉，汁濃好食， 還有地瓜條，甜甜地又香脆。
黑糖冬瓜茶， 很少嘗試飲冬瓜茶，因味道太淡， 但配上黑糖甜甜地又不錯喎 ，非常潤喉。
台式酸梅冰， 之前飲得太甜啦， 今次試下酸酸地嘅酸梅冰， 醒神開胃， 解渴怡人，正。…查看更多
$198加一兩小時任食，包一個湯底（四人以上可選鴛鴦鍋），七款生掹海鮮，八款自選升級配料，同任食火鍋配料。:)湯底有好多選擇，我們四位可以揀鴛鴦湯，點了猴頭菇鯊魚骨和雪蓮椰子湯，兩邊湯底平分秋色，鯊魚骨湯料非常豐富，加入紅棗 杞子和猴頭菇，湯味更突出和濃郁。而另一邊椰子味芬芳撲鼻，未食都覺得清新香甜。正當剔緊食乜火鍋配料時，侍應好快就奉上一盤海鮮拼盤，包括海蝦 活刀貝 生蠔 蟶子 青口 龍躉肉。全部都好新鮮，洗得乾淨，最先食海蝦，大大隻夠生猛， 爽口彈牙，蟶子肉厚鮮甜，生𧐢超級肥美，好吸引呀。打邊爐冇肉食點得呢， 分別點了特級美國肥牛，頂級安格斯牛小排和日本黑豚肉三款， 睇個樣質素都唔錯 ，美國肥牛好大碟，無雪味，色澤紅潤，肉味濃郁。牛小排油花分佈均勻，肉質相當軟嫩。黑豚肉色澤偏粉，油脂比例較高，口感滑溜質素上乘。手打丸子，最正係蝦丸，新鮮打造，爽口彈牙有蝦味。叫咗鮮蝦雲吞同鳳城水餃， 皮薄餡靚，都ok嘅。有花膠仔食，份量好多，出街甚少食到， 口感結實同爽口。仲有好多蔬菜丸子菇類同麵，都係無限任食，食到飽飽只係二百零蚊， 高質素又抵食， 下次出旺角都要再嚟幫襯。…查看更多
這間茶木都好大間， 座位又多，當中靠近窗邊的卡位又濶落,啱哂我邊食邊傾。:)餐牌款式其多， 圖片又精美吸引，好不容易才揸定主意點餐。Teawood三小碟， 溏心蛋、醉雞和台式豬血糕、台式烤夫， 特別的食。 最欣賞的醉雞，肉質嫩滑而酒味香醇，肶肉肉厚又入味。豬血糕和烤夫都好辣口，口感以烤夫為佳。而溏心蛋色香味美，也不錯。紅燒半筋半腩牛肚麵, 好香的一道湯麵。 當中主角牛筋牛腩超軟淋， 容易咬口， 香濃的牛腩味， 味道確實不錯。而非常入味的湯底， 配上闊條的面身，咬口爽彈，正。芝心雞翅， 賣相好吸引， 香氣撲鼻， 店員剛放下不久 ，我便忍不住馬上放入口，味道惹味。而雞翼皮特別香脆， 加上肉質入面配合了芝士和蘑菇，滋味滿足。海鹽珍珠奶蓋岩漿蛋糕， 茶木最近流行的主打甜品，因為有姜濤號召， 賣相又吸引， 蛋糕口感軟綿綿好有彈性，甜甜地又唔太膩，配上朱古力甜筒和大量杏仁片，好食。芒果沙冰，凍凉解渴怡神，飲落芒果香甜，好fresh。而紫薯奶蓋， 味道幼滑香濃， 質感好creamy。…查看更多
牛肉薵喜燒份量足，set得又靚又整齊，睇落幾豐富，材料有雪花牛肉片 大萵 金菇 冬菇 豆腐 娃娃菜，醬汁味道甘甜濃郁，牛肉口感仲好juicy添， 食完個湯唔好嘥，加入烏冬同生雞蛋， 超滿足呀。點了一份和風牛小排陶板燒，$99八塊唔係貴，質量非常唔錯，油花分佈相當均勻細緻，吃起來肉質軟嫩肉味十足。壽司卷盛，五種款式 ，賣相小巧精緻。個飯唔會太大舊，整體質素都好新鮮。盛滿天婦羅盒子飯，金黃色蛋漿薄脆唔厚，食落香口鬆化，酥脆美味。以和食來說，餃子可算是常見熱門菜色，$29六隻好抵食，餃子煎至金黃色，外皮酥脆香口，皮薄多汁味道一流。和民位於四小龍商場裡面，交通便利， 荔一枝角站行上去就好易揾到，店鋪環境舒適好坐， 店員招呼週到，食物款式種類又多，而且價錢合理， 下次有機會都會再來。…查看更多
價錢大眾化、味道好又提昇了CP值，幾十片一個餐，看看這碟紐西蘭肉眼扒就知， 超大塊又肉質嫩，配上跟餐之咖哩汁，佐飯特別正， 連埋嘢飲都係HK$93元,低食。煙三文魚白汁忌廉意粉，味道香滑，意粉又是大大碟， 煙韌彈牙， 不錯。值得一提這裏的凍杯又係大大杯，而且杯具特別，果然係2.0風格，下次來愉景新城肯定會再食這間。…查看更多
這裏的烤鴨即時製作， 師傅現場慢慢一片片切， 分成三碟。 第一碟先嚟鴨皮， 點上蘸藍莓和爆炸糖， 新穎食法，口感特別香脆。再嚟第二碟鴨胸肉， 配上傳統芥末醬，味道酸中帶甜，肉質嫩滑可口。第三碟是鴨髀肉， 連皮帶肉， 最啱用卷餅包的傳統食法， 加上甜麵醬、蔥絲、黃瓜條，味蕾好享受。 亦可以用西式食法，配上藍莓醬加紫色洋蔥和京糕條，食法夠曬特別， 味道更上一層樓。
跟着還點了獅子頭、磯煮鮑魚、 黃扒魚肚、紅燒炸乳鴿和福建炒飯， 豐富到極。
獅子頭HK$48一客， 味道香濃、肉質嫩滑，配上迷你白飯,幸福在心頭。磯煮鮑魚HK$88一隻， 鮑魚浸了特製醬汁， 味道出色，肉質鮮甜爽彈，片片厚薄適中，好彈牙。黃扒魚肚HK$148一盎， 口感鮮味， 一大片魚肚金黃發亮，滑口又營養價值高, 加上小南瓜來烹調，好入味好好飲。紅燒炸乳鴿HK$88/隻， 即點即炸，熱辣辣非常入味，皮薄肉嫩，味道特別惹味。最後朋友想食福建炒飯， 雖然是大路菜式， 但這裏的福建炒飯做得粒粒飯粒分明，加上配料新鮮，濕濕地食落又不膩口，有水準。朋友食完這間羲和雅苑後，都舉起手指公大讚，話回到美國都介紹其它人來試下。…查看更多
想不到會有人參烏龍茶，那種回甘是我最喜歡的。先點一個開胃菜，菠蘿黑醋骨。甜酸甜酸正好來開胃，而且肉多骨少，又選用鮮菠蘿，真好。菜怎可少呢？我至愛椒絲腐乳通菜，這裡的一點也不覺肥膩，辣味剛剛好。江浙名清炒河蝦仁，嘩！真晶瑩剔透，味道清香細膩，質感又爽又滑，份量超多！四個人都不能全消。酥炸金蠔來了。可能因為近流浮山，所以這些金蠔特別味美。炸好也那麼大啊！蔥花和其他調味都滲入脆皮身，金蠔煙韌，層次豐厚。好似少了雞鵝鴨？因眼闊肚窄關係，只可以來一小隻樟茶乳鴿。驚喜啊！味道很特別，肉又嫩。雖然肉少，但更入味。味品怎可少呢？豆沙鍋餅和鴛鴦桂花糕，味道一濃一淡，絶配！我個人特別欣賞鍋餅，這皮薄餡厚又不油不膩。茶、豬、菜、海鮮、甜品都齊，又好味，完美！…查看更多
主打廣東菜、 新加坡菜嘅樂天經典跟隔離同系樂天皇朝的上海菜食法不一樣，口味更迎合大眾，加上這店的裝修高雅堂皇， 雲石效果的枱配上木色座位, 寬敞的間隔，令人 進餐時倍感輕鬆自在。:)廣東菜、新加坡菜的餐單款式甚多， 加上圖片賣相吸引， 不其然多叫了幾碟餸。先來招牌菜必吃首選之一， 黃金焗螃蟹， 點了中size份量， 這隻經典新加坡螃蟹估計有斤幾重， 價錢HK368元 絕對超值， 加上蟹肉新鮮鮮甜, 配上陣陣香氣撲鼻嘅鹹蛋香味， 絕對是色香味俱全，CP值其高。跟著古法清蒸黃魚，每份HK$118, 肉質鮮甜、口感香滑，食黃花魚絕對以清蒸為最正確的烹調方法。之後砂煲花菇西蘭花扣海參，HK$198, 雖然是細份量，但三個人食絕對可要飽肚。 味道方面，海參入口即化， 而冬菇味道香濃， 西蘭花滲滿了海參和冬菇的味道，非常入味爽口。燉湯點了個淮山杞子鮮螺頭湯，大大盎只係HK$188 , 材料豐盛，除了鮮螺頭，也有淮山、杞子、排骨、赤肉、老雞和雞腳， 夠曬營養，入口溫和滋潤，每人可飲到兩大碗，加上湯渣食落也非常美味， 滿足到瀉。最後來個臘味炒飯， 香口味濃， 飯粒粒分明，濕濕地食入口又特別惹味，口感嫩滑美味。原來呢度的甜品好有水準， 叫了楊枝甘露， 香甜又滑， 比起一些著名的糖水店的更好味,好滿足。
…查看更多
今晚星期四， 門口雖然是有人龍， 但慶幸排了十零分鐘便可以入座， 而且還有卡位坐，正。這裏裝修大方得體， 令食客視覺舒適，加上座位寬敞， 令享受美食更佳。打開餐牌， 款款美食都吸引至極，真是樣樣都想食， 最後叫了不同美食， 期待中！小食點了芝心雞翅， 雞翼皮脆肉香， 特別惹味，而裡層加入芝士、 蘑菇， 熱辣辣非常惹味， 好特別的一道小食。紅燒半筋半腩牛肚麵，好濃郁的牛味， 牛腩牛筋口感軟熟，麵質又彈牙，加上湯汁充滿香濃牛腩味， 最後忍唔住連湯都飲曬，好味。聖女茄魚湯煮蛤蜊， 茄汁味濃，配上鮮甜蛤蜊，正。芒果沙冰, 表層球形的是真芒果，新鮮香甜。 而沙冰充滿芒果味，好濃香，加上冰凍無比， 特別好飲。最後唔夠喉，還點了個甜品:黑糖草莓芋圓仙草豆花， 材料豐富，有士多啤梨、清心丸、珍珠、薏米、紅豆、仙草、芋圓和底層之豆花， 甜而不膩。 加上有香草點缀， 色香味美。 食完後，滿足感爆燈。先後食過多次茶木， 無論是午餐、下午茶和晚餐， 畀我感覺都好有水準。…查看更多
我地先叫一個冰鎮苦瓜。苦瓜切得透簿，冰涼透心，配上蜜糖，味道清新，消暑一流。第一次見苦瓜可以砌成花形，賣相好精緻呢😍😍😍嚟到點可以唔食蟶子？我地叫左兩款蟶子，分別喺鹽焗蟶子同蒜蓉蒸蟶子。蒜蓉同蟶子係絕配，穩穩陣陣無得輸👍👍👍鹽焗蟶子用鐵板上，保持熱辣辣。原隻上更加大粒飽滿，咬落去爆汁Juicy😋😋😋湯方面叫咗個扁肉湯。湯入邊有一粒粒細細餃子，口感似魚皮餃，配上紫菜，味道鮮甜。我地仲叫左個荔枝肉，酸酸甜甜好開胃😊😊😊再嚟一個興化炒米粉。米粉俾我地平時食嘅幼好多，有啲似意大利天使麵。配料比普通炒米粉豐富得多，有蝦有蜆有豬腩肉有白菜仔有紫菜，每一口粉都啖啖料👍👍👍實在太好味道，今晚又食大咗，要跑番幾個圈先🏃…查看更多
首先梗係食刺身，種類都幾多，除咗常見嘅三文魚 甜蝦 希靈魚 象拔蚌...等刺身之外，仲有少見嘅三文魚腩同甘鳥貝刺身，質素尚算新鮮。象拔蚌食落好爽口，甜蝦鮮甜美味， encore係常識吧。壽司都有好多選擇， 全部細細件容易入口，最欣賞黑松露帶子同花之戀壽司，夠晒新鮮味道唔錯。燒羊架出乎意料之外好味，沒有羊羶味，羊架燒至剛剛熟，入口軟嫩，加上醃醬甜中帶辣，香口惹味，抵讚。黃金燒蠔size大細不均，不過~芝士香味同蠔的鮮味配合得宜，水準唔錯。天婦羅做得出色，唔會太厚炸粉，熱食最好味。叉燒拉麵，肉片偏薄和肉味較淡，反而烏冬Q彈牙，加上湯底清甜不油膩，味道尚可。呢度仲提供好幾款前菜小食同沙律，例如芝麻八爪魚同螺肉，我們超鍾意食。百多元就食到咁多美食都不俗呀。…查看更多
進入店舖， 估不到閒日都咁旺場， 好彩我哋有卡位坐，坐得舒適， 加上餐廳餐枱擺設空間非常寬敞，不會有太迫嘅感覺， 傾計都開心啲。餐牌好多選擇，有套餐又有散叫，發覺這裏的套餐非常抵食， 就決定叫了個 Meat and Fish Holic set,有 九個item才368元， 有餐湯、有沙律、有小食、有主菜、有嘢飲又有甜品，感覺超值。餐廳兩款一齊嚟， 特濃南瓜粟米忌廉湯，南瓜味勁香濃，加上滑滑嘅忌廉配搭，口感香滑。 而別一款法式芝士洋蔥湯， 洋蔥打碎與湯混為一體,加上整件脆香多士浸上,味道特別。半份娃魚凱撒沙律，新鮮沙律菜，口感爽口，健康味美。小食叫了個秘製炸雞， 四大嚿啱啱好，熱辣辣食落非常酥脆，肉汁多，正！意粉是這裏的主打， 必食之一。 芝士煙肉帶子忌廉意粉，意粉果然彈牙，小麥味香濃。至於煙肉和帶子份量也多，濃濃芝士配搭食，不錯。主菜也很特別，香烤北海道豬扒， 本身已是鐵板盛上， 豬扒熱辣辣非常惹味，而中間有個燒得極熱的鐵石， 將切件了的豬扒放上去，不消片刻已熱氣上升， 沙沙聲極吸引，食落味道更香，肉質更佳，好好食的一道特別主菜。是日甜品是布朗尼蛋糕加草莓,細細件就朱古力味極濃，口感有層次，好味。再加2杯熱檸水和熱咖啡,食完咁豐富的一餐當然慢慢傾，享受下啦。…查看更多
The wave 這間Stadium就係其中一間，地方夠大，座位又多，價錢大眾化，就算Lunch time都不用等太耐。:)和同事各點了個Set lunch, 炸魚薯條和烤連骨豬扒配鮮果沙沙醬，味道佳，加上湯、沙律和飲品，比其他茶餐廳 豐富得多。炸魚沙律大大份，炸魚外層炸粉勁多勁厚，好在炸得酥脆，而內層魚塊雪白，熱辣辣都好好食。至於薯條，味道也佳。最愛的烤豬扒， 黑毛豬要全熟，烤得特別香濃，肉汁又多，味道香，好好食。別忘記這裏還有一些玩意可供食客消遣， 桌球、飛鏢機和足球機，可大顯身手。…查看更多
