humorzi的個人專頁

海陸空 (尖沙咀)尖沙咀金馬倫道33號The Cameron地舖喺尖沙咀一直都唔難搵韓國嘅餐廳，特別係有大家都一定識嘅韓國街。 今次見朋友介紹就去另外一間韓印紅嘅韓國餐廳試吓。眼見樓面大部份嘅員工都係韓國人，不過大家唔需要擔心，因為佢哋大部份都係識講廣東話或者中文。溝通上唔會有任何問題，同埋佢哋仲會好熱情咁介紹你可以食乜嘢。我哋叫咗半份菜包肉，半半炸雞（揀咗甜辣同埋柚子味）。落單嘅時候店員都已經話份量係會好大，點知嚟到真係超巨型，我諗可以一大班朋友嚟食。個菜包肉啲肉炆到已經超級腍，胖胖炸雞完全唔覺得油，加埋杯梳打特飲就啱啱好！…查看更多

燈籠滷味 (九龍灣)九龍灣偉業街33號德福廣場1期1樓F23號舖一直以來都係燈籠滷味嘅擁躉，行九龍灣發現原來佢都開咗間係德福。我覺得呢一間同平時嘅風格好唔同，連隻碟嘅擺位都唔一樣。豬耳炆到好腍好入味，其他蔬菜一律都吸滿晒滷味嘅精華，而最重要當然係台灣獨有嘅王子面，成個味道都非常之夾！…查看更多

壽司郎 (旺角)旺角太子道西193號MOKO新世紀廣場3樓350-351號舖都係貪佢有泊車優惠，所以嚟試吓。呢間壽司郎唔算大間，相對座位比較少，可能等嘅時間就會比較長。我哋一口氣都叫咗唔少壽司，發現有驚喜係佢個蟹腳蟹膏壽司，呢一款係期間限定一定要試吓，覺得佢都充滿着蟹嘅香味配合埋蟹膏真係一流。…查看更多

嚟到旺角嘅鬧市一直都唔愁搵唔到嘢食，不過呢一間餐廳有好多自家主打產品。雞肉咖喱烏冬，味道幾特別，因為佢個咖喱湯底係有少少酸味，食落去醒胃唔油膩。有少少北海道咖喱嘅香味。個人最鍾意佢呢款帶子大阪燒，味道調控得非常之好唔會鹹，仲食到入邊有好多粒帶子！黑芝麻醬蛋糕又係另一驚喜，拎上枱已經俾佢大細嚇咗一跳，我諗可以完全夠四至六個人食。黑芝麻醬非常之濃，如果鍾意食嘅朋友一定會超級鍾意！…查看更多

六游 (中環)中環蘇豪嘉咸街45A號1樓六游雞湯上海麵，超級有驚喜！ 一上枱已經聞到超大浸雞湯嘅味道，飲落都真係十分之濃郁！麻辣蜆味道啱啱好，唔會太辣同埋一啲沙都冇。蓮藕就有少少酸味，唔知道佢係唔係調味嘅問題。…查看更多

皇庭海鮮酒家 (流浮山)流浮山山東街2號地舖同屋企人揸車嚟到流浮山諗緊食乜嘢嘅時候就見到有呢一間酒樓，仲有超大笪空地可以俾你泊車。入到去餐廳都算好大，唔需要點等位。嘢食方面又唔算貴，都幾好食！特別要推介吓呢一個龍躉球炒飯，啲魚全部都好新鮮好彈牙！…查看更多

DALLOYAU (尖沙咀)尖沙咀廣東道3-27號海港城港威商場3樓GW3220號舖老實講，平時行開都覺得佢好貴唔捨得食。琴日行過見到佢好似有買一送一優惠，點知原來冇睇錯。 即刻去買返杯雪糕食，佢呢期出咗新嘅紅豆味雪糕。味道好濃同埋好滑。最難得係佢嘅買一送一，可以分開兩次。咁就唔怕一次過食兩杯太多。…查看更多

如月居酒屋 (旺角)📍旺角通菜街59-61號德發大廈地下2號舖旺角通菜街都不乏日本嘢，但係呢一間居酒屋離遠望過去已經好吸引。嘢食方面，雞皮餃子炸到啱啱好，串燒拼盤同埋天婦羅我個人嚟講，我好鍾意。因為佢哋唔怕好油，同埋個味道真係唔錯嘅，唔需要點太多汁其實已經夠味。最正就一定係個蟹蓋炒飯，簡直係色香味俱全！…查看更多

譚仔三哥米線 (荃灣)荃灣大壩街4-30號荃灣廣場L4樓410號舖之前喺調景嶺食過嗰間，蒜泥白肉好似俾人食咗啲先拎出嚟咁，嚟到荃灣廣場呢一間終於回復正常。麻辣10小嘅麻辣味好香，下次可以試吓再食辣啲。蒜泥白肉多蒜泥真係好正，啖啖都係蒜頭嘅味道，不過第二朝都唔想問返自己浸味。…查看更多

牛霸王 (觀塘)📍觀塘成業街19-21號成業工業大廈1樓26號舖今日跟個朋友嚟試吓呢一間位於觀塘主打漢堡飯嘅餐廳。 佢個手打和牛漢堡扒丼飯，每日都係限量，好好彩地俾我哋買到最後一份，配埋個秘製漢堡汁同埋日式泡菜。感覺完全唔會太膩，我本身就唔係好鍾意食泡菜，但係佢唔係好酸，接受到。之後叫咗個手打芝士安格斯漢堡扒丼飯，呢個真係不得了，芝士個味道配埋安格斯嘅油份，真係一定要試吓！我哋再叫咗個雞皮餃子同埋日式牛肉薯餅，佢個薯餅唔似一般咁樣好多洋蔥，反而食得出佢嘅牛肉味。ps 白桃烏龍茶，一拎到上枱已經聞到超香嘅白桃味👍🏻…查看更多

Godiva Chocolatier (創紀之城五期(apm)) (觀塘)📍觀塘觀塘道418號創紀之城五期(apm)大堂C-SP3號不時都有買一送一優惠，今日又見到有，點都要幫襯吓。大約排咗四個字，終於到我。雪糕依然一如以往咁軟滑，朱古力味都好濃。不過唔知係唔係太多人買嘅緣故，佢雪糕唔係幾成形，但係買一送一性價比咁高就乜都值返哂啦！…查看更多

之前食過，覺得真係幾好食嘅雙餸飯。今日晏咗少少出去食飯，有樣嘢就係冇乜人排隊。一口氣叫咗個三餸飯，有梅菜扣肉，煎蛋，同埋西蘭花炒肉片。梅菜扣肉唔會太鹹幾好，煎蛋反而有少少油，見到個飯盒底都係有油嘅，西蘭花炒肉片就啱啱好，唔會過熟好爽口！ 應該都係中環打工仔嘅窮人恩物！…查看更多

今日行開好少黎嘅調景嶺，諗唔到食乜，就食左我諗大部分香港人都一定食過嘅譚仔三哥。我叫左過橋米線，尖椒皮蛋，豬耳同埋大蒜泥白肉。味道上面同一般三哥都無乜大分別，佢地上菜時間仲好似快啲👍🏻不過失望位係我明明叫左三哥小食，但佢豬耳就黎左一人小食嘅size。大白肉個size 仲要令人覺得佢好似已經俾人夾走左幾片咁，成碟最多就係油。😓…查看更多

阿嫲麵包店 (太子)📍太子彌敦道787號地舖一直都聽朋友介紹過呢間鋪，可惜唔係成日行開太子買唔到試。佢有賣好多唔同款式同埋類型嘅麵包，仲有餅乾。今次就試左佢一隻肉鬆芝麻口味，佢味道有少少似肉鬆豬仔包，唔會太咸，幾好！不過留意番佢唔算好大，男仔可能要買多一份先夠～…查看更多

餃撚店 (土瓜灣)土瓜灣馬頭圍道187號地下2及4號舖麻辣萵筍，味道非常好，唔會太辣，成個口都充滿着麻嘅味道。非常創新嘅雙重芝士餃子，出奇地食落唔怕好膩！講到明俾你聽爆汁，就真係會爆到成枱都係😂…查看更多