NoelYang的個人專頁

千里迢迢🚌由九龍入去元朗呢間壽司店，只因在市區好難搵到扺食又鮮味😋嘅魚生同壽司。舉個例子比大家，一個魚生壽司lunch set都只係八十幾蚊，仲唔收加一。件件魚生都係厚切，壽司上面片魚生又係拖地，見到都開心死，食落就緊係飽死😜，Double滿足👍👍。鰻魚壽司係必食之選，成把間尺咁長，真係要分開三段食😂，燒得好香又有口感。炸雞硬骨同炸墨魚咀又大碟又香口，唔係市區果D細細碟，好難開心share又試吓佢嘅花之戀壽司，size夠大，但卷得唔係好靚，賣相差少少，但魚生大件又鮮味，蟹籽滿滿的，都係抵食之作。…查看更多

呢區好多懷舊茶餐廳，街坊入去飲杯咖啡奶茶，食件蛋撻曲奇就會好滿足。今日我地都來體驗下呢種風味，之後同亞爸亞媽可以吹吓水先食個椰撻同果占曲奇，好好味！曲奇好鬆化，唔會好重牛油味；椰撻係近年時髦餅店好難搵到嘅食品，今次可以懷緬一下。快餐叉燒蛋烏冬賣相同味道都強差人意，味精湯底，純粹為飽肚而食公司燴意粉嘅配菜就全部都有煎過，味道香口，但蕃茄汁就好淡未，食哂成碟個肚都有空虛感，所以叫多一樣試吓豉汁豬排炒意聞落去好香，好有鑊氣，急不及待，食！味道好鹹呀！食左幾啖真係食唔到！…查看更多

上星期見到電視介紹呢間食店，開創先河以人蔘雞湯底麵食做招牌麵，落重本，實行貴嘢平賣益街坊。今日個場都好爆，我地等左10分鐘先入到去。招牌麵當然要試吓，另外有個叫沁沁飯嘅臘味香油飯，店員大力推薦，我地又試吓啦！再加個醉雞卷同羅漢果茶。人蔘雞湯麵果然蔘味十足，甘香潤喉，見到有人蔘、紅棗、杞子材料，新鮮餚製嘅湯係會有一種清新的甜味。平時食麵都唔會飲個湯，因為唔想食太多味精，但呢個湯就可以放心飲啦！個飯一送過黎巳經聞到陣陣香味，臘腸係厚切一段段，唔係切薄片，呢到要比個讚👍，好有口感。個飯點解咁香就因為吸收左臘腸、臘鴨同雞嘅油香，但飯粒仲好爽身，唔會油膩同濕淋淋，應該係臘味肥瘦適中嘅效果。我問老闆係唔係秋冬季🍁先有得食？老闆話要突破傳統觀念，所以會全年供應呢個飯👏👏。唔怪得差不多每枱都叫呢個醉雞卷，原來真係堅好味。香醇的酒味滲哂落雞肉，又有黨蔘、紅棗、杞子做醃料，加埋手工製作，呢個又係貴嘢平賣嘅食品。羅漢果茶係自家製，味濃又清甜，係靚食材嘅天然味道。…查看更多

每次出筲箕灣地鐵站就見到店外聚集一大班等候取食物嘅客人，個個都好有耐性，眼神充滿期待。店內只有兩款食物：雞蛋仔及格仔餅，全部即叫即做，我每次都要食哂兩樣先感覺滿足原味雞蛋仔，毋需玩唔同味道，傳統已是最好的。粒粒都漲卜卜，皮脆肉厚，香濃蛋味，係全香港最好味嘅雞蛋仔，真係食到停不了口格仔餅就要等耐少少，因為佢真係好厚，摺埋有成2吋厚，真材實料，香濃蛋味，煙靭彈牙，食半底巳經好飽肚，加埋花生醬同砂糖，簡直係宇宙美食。…查看更多

筲箕灣東大街食市林立，係一條出名嘅食街，一定有好多好嘢食。行到街中段，見到安利門口等左成30-40人，嘩！一定係好嘢黎啦！我都去攞張飛等埋一份。條街咁多嘢睇，我攞左飛之後行開20分鐘，點知我已過左我個號碼，好彩姐姐好人俾返個位我。我叫左個魚蛋粉，因為我覺得以魚蛋粉做牌頭嘅粉麵店，個魚蛋粉一定要做得好好。碗麵上枱啦！外表無特別，如果多條菜就會加分。我第一口食粒白魚蛋，唔彈牙！粉粉地，仲要無味！再試埋魚片，彈牙少少，都係無味！河粉最穩陣，爽滑可口。至於個湯底就過份清，都係無味！如果要用上20分鐘等候入坐，然後食一碗淡而無味，一般水平都味到嘅魚蛋粉，我好肯定無下次！！…查看更多

出左糧今晚想食好D，就上酒樓吧！翠湖係街坊式酒樓，無華麗裝修，但食物唔係是是蛋蛋做比老街坊，而係分量足、味道佳。剛踏入秋冬，我地已經急不及待食羊腩煲。大大煲好多羊腩，無羊騷味，肉質仲好諗，有少少肥膏，所以好易咬開。煲𥚃面嘅枝竹吸收左湯底嘅香濃，好正。附送嘅一碟唐生菜好鮮甜，足夠比我地兩個吸收纖維，有助消化。胡椒豬肚湯，好香濃胡椒味，少少辣，令味覚為之一陣，好醒胃。豬肚大大件又夠多，比我地食過夠仲叫左兩個小食泰式鳳爪丶海哲雲耳，兩者味道差不多，辣中帶甜，幾特別…查看更多

打破傳統👊呢到日日由朝到晚有茶飮、有點心食，啱哂我呢D食無定時，想幾時食就去食嘅人招牌生煎包果然名不虛傳，包嘅底面都煎得好香脆，但又唔會感覺好油膩。包皮亦算薄，裏面有椰菜、豬肉，肉汁保存得好好，整體味道很不錯。本人平時唔多鍾意食生煎包，因為口感好肥膩，但呢個我就好鍾意食上湯皮蛋小棠菜，湯底幾好飲，菜又唔會太冧叉燒腸，個皮厚左少少，豉油太鹹啦炸菜肉餅飯都幾好味，唔會太多肥肉，久違了嘅炸菜令人好有回憶！馬拉糕鬆軟香口，熱騰騰又唔太甜，必試…查看更多

呢間食店門面唔算大又唔靚，但𥚃面好多食品選擇，有麻辣丶唔辣、肉食丶素食，兩道大牆壁貼滿食物相片，好多嘢食呀！呢個水煮魚用嘅係魽魚，肉質爽脆，我地要左大辣，但唔算好辣，加有薯粉及豆卜，吸收哂麻辣汁嘅味道，真係辣得好爽。紅油炒手，雲吞細細粒，一口一粒加埋辣油，連同肉汁一齊品嚐，味道一般，無太大驚喜。蒜泥白肉，肉片好薄，都係加埋辣汁同蒜蓉一齊食，味道一般。鹵水併盆有豬耳丶豬腸丶雞翼尖丶豬肚丶鹵肉丶豬脷，款式夠多，鹵水味唔係太濃。呢到收費唔算平，勝在食素食肉者丶食辣唔食辣嘅朋友可以共治一爐，各取所需…查看更多

第二次嚟呢間印度人主理嘅印度餐廳，真係忍唔住要評一評。地方唔大，裝修唔靚，但店內潔淨整齊。店員全部係印度人，講英文，menu中英對照，放心入去啦！$58-$78蚊一個set lunch，有湯丶有主食丶有小食，naan薄餅任叫任食，即叫即做，呢個係賣點。我地叫左兩個餐，蕃茄汁咖哩牛腩同瑪沙拉燴雞。印度菜香料會偏多，咖哩香濃而不辣，加入蕃茄汁令到咖哩仲甜甜地。牛腩質地腍軟，充滿口感，牛味豐濃。瑪沙拉咖哩由多種香料混合而成，所以味道好複雜，聽說每家食店都有其獨門配方，我就好鍾意呢個黑胡椒味重嘅味道。雞件質地就一般嫩滑，全部已經去骨。小食烤蒜子雞件配幾滴檸檸汁有清新開胃嘅感覺。因為咖哩汁真係好滋味，我地叫左三款唔同叫感嘅naan，即叫即做熱騰騰薄餅鬆軟香口，點上咖哩汁就真係食到停唔到口。…查看更多

自從無喺金鐘返工，巳經四年無黎過金蘭花，今日舊地從遊，裝修不變，本menu仲靚左好多。我同男友兩個人忍唔住叫左六道菜，兩個飲品🍹。我地最鍾意呢個泰式燒雞，皮脆肉嫩，燒得好香，每件雞都啖啖肉，點埋泰式酸辣汁仲好味。冬蔭功湯味道洽到好處，酸辣椰香味都平均，海鮮份量算多，又夠大碗。麵豉炒芥蘭味道只係一般，芥蘭好爽口恐龍蛋係第一次試，用溏心雪花皮蛋，外層包蝦膠，然後炸到香脆可口，係巧手菜，值得一試食泰菜當然要有串燒，叫左豬雞各三串，食之前點上滿滿香甜沙爹醬，簡直食到停不了泰式拼盆有蝦餅丶魚餅丶春卷同釀雞翼，全部嘅味道沒有大驚喜美食lover未去過呢間泰國餐廳就要馬上搵日去呢…查看更多

辛苦搵錢lunch食餐好是常識吧！呢間茶樓收費較同區其他酒樓貴，但點心即叫即蒸，部分食品款識更有別其他酒樓。竟然有爽口秋葵食，點上附配嘅甜辣鼓油，太正了！黑松露蝦餃皮薄餡多，太美味！叉燒包不會只有肥肉，蠔油汁又夠濃蟹籽蝦膠釀豆腐不是用盒裝豆腐，可以品嚐傳統豆腐，太好了！蝦膠彈牙到不得了！蝦腸的蝦好彈牙爽口三色豆糕這個潮式甜點，每粒豆都大大粒這個lunch三個人食左$270六個點心，還不算貴呀！最重要是可以食到有良好食材、用心製作的食物…查看更多

今日返去學生時代嘅老地方懷舊一番。以前放學肚餓就會去丹麥餅店買熱狗同雞脾食。廿幾年裝修不變，食物依然不變，仲係好好味。熱狗個包好甜又鬆軟，外皮烘到少少脆，主角香腸碌住燒，香脆肥美又可口，配上秘製沙律醬，真係越食越滋味。唔知點解🤔個人大左，覺得隻熱狗好似細左，幾啖就比我ko左隻狗狗！好在仲有隻炸雞牌。外皮炸到脆一脆，但肉汁依然可以保留得到，雞肉又滑又軟，只可以用皮脆肉嫩黎形容隻脾。雞脾仲灑上胡椒鹽，超級美味…查看更多