or#tm67107536的個人專頁

睇返大家嘅comment都指呢間鋪嘅職員態度差，特別係中性打扮嗰位女職員，明明間鋪唔多人，我哋有8個人，我行入去同佢講8位，目測都睇到起碼一半吉枱，但阿女職員即時手指指無乜禮貌咁叫我哋出返去等🙄 我哋出返去，其實都想走，跟住個女職員出到嚟第一句就話「我哋規定小朋友都要俾錢㗎喎，佢都要嗌一個餐最少$138！」 佢係指住坐喺bb車上面1歲嗰個小朋友🤷🏼‍♀️ 其實有最低消費我哋無問題，但問題係態度真係好差，有咁多comment 都指出過呢個問題，但管理層都唔理，真係無謂貼錢買難受囉！…查看更多

Book咗5:30，上到去小朋友好急要去廁所，個職員呼呼喝喝咁唔俾我哋用洗手間，我話我book咗枱，叫我朋友帶小朋友去洗手間先，個職員都係好冷淡咁不停話「對咗資料先」但又唔攞資料出嚟對🙄 咁如果我walk in係咪就無得用洗手間啦？明明上到去其實好多吉枱無乜人，但偏偏唔安排窗口位俾我哋，不過呢個是但啦～啲職員全部企埋晒一邊傾計，想搵個人問下OpenRice 半價即係咩，好似係我阻住佢哋傾計咁🤷🏼‍♀️ 勁敷衍反住白眼咁答C10呀！原來所謂嘅餐牌半價，淨係指C10嗰一款雞！食物味道其實ok嘅，環境都唔錯，但水都無杯囉，要Pleasssssse先會有水飲！老老實實，咁嘅態度一定無下次！…查看更多

企喺度等無人理，眼神示意咗佢3次先話：「你講咪得囉」🙄 所謂$25/3件椰汁糕就係呢塊嘢，可能大家對「件」嘅定義唔一樣！味道係得個甜字，完全無椰汁味，唔會有下次！…查看更多