manr的個人專頁

疫情之下第一次嚟到幫襯，門面靚咗，座位舒服咗，午市來講價錢中上，一行九人，每人$94 ，佢嘅食物味道算係對得上呢個價錢。不過佢嘅服務態度就令我唔會再食。當日帶咗支香水搓手液，走嘅時候忘記拎。轉頭行返入餐廳，已經冇咗。冇咗都算，個老闆竟然不屑咁問我支搓手液有咩咁貴重，係唔係男朋友親手整或者佢滴香水入去。我答佢唔係價錢問題，而係我想要返。無論我嘅物品平或貴，佢都冇理由用一個睇唔起嘅態度。既然佢睇唔起，咁就比番啲佢睇得起既人食，反正唔係平。（當時已經2點幾過左午市繁忙時間）…查看更多

一向好鍾意食串燒，但因為太熱氣既關係，唔可以隨便亂食，一定要搵間好味既先唔洗晒左d quota~今日放工搭左2個站，去左出名多野食既大角咀訪尋美食。天氣凍凍地，去左博文街食串燒。呢條街環繞住既都係舊式唐樓，但其實經地鐵站穿過匯豐落黎好方便，都只係5分鐘就到。呢間日本居酒屋店既裝潢好別緻，店面唔算好大，但因為枱椅都寬闊，所以坐落一d都唔覺逼夾。最重要既一點係雖然佢係食串燒，但完全冇串穿店一般有既bbq味，可能就係因為老闆細心咁用一個大窗台作為間隔，十分通氣，就算夏天來都唔會覺得焗。本來我還為免周身味而著簿衣服，但呢度完全唔需要有呢個擔心!但要留意既係窗臺位適合食煙人士，如果你唔係煙民，都有可能係呢個位吸左唔少二手煙既。因為book左枱，即時就可以入座。望望manu，有串燒，拉面，同shabushabu揀，仲有各式各樣配串燒既日本酒，送串燒一流。正!我地2個人，最後先揀左一d串燒同埋一個shabubu加拉面底，如果仲有肚既就食埋甜品。可能由於係星期一既關係，食客唔算好多。但食物等候比較耐，可能因為即叫即燒既關係，等左20分鐘左右先有食物。期間店員都有送上熱茶，服務態度都好ok等左一輪，食物正式上場。先黎既有豬腩肉，超好味。一般串燒店都提供各種調味粉，但呢度完全唔洗，廚師已經配搭得好好味。唔會太油膩，舊豬腩肥瘦適中，食完好想即時再點。再黎既係一口牛，外脆內軟，雖然未至於入口即溶，但真係燒得岩岩好，好淋好juicy。然後係牛仔骨，呢個口感就算係so-so，佢一舊硬d，另一舊就淋d，但味道一樣咁好！唔少得既仲有羊架，本身好鍾意食羊，但呢個除左肥d 個個位，d肉真係有d"鞋"，而且醃料好似唔太入味最後既串燒係白鱔，講真，佢真係好大條，由魚腩部份到魚側，性價比極高，又脆又肥，廚師冇用到好多調味粉，所以特別食到佢本身好鮮既味道!比較要留意既係佢有小細骨要小心。食完串燒，出場既係Shabushabu。我地揀左牛乳味，不過呢個味只算係正常，牛乳味唔太濃郁，性價比唔算高，因為呢個價錢同佢整間店既食物質素比應該要更右好味。但整體份量算足料，有3粒新鮮大東菇，牛既份量唔多，但配菜既新鮮算係補足得到。一個人食加拉面底就可能食唔到其他野食。整體黎講，呢間店既串燒真心值得推介同再食，佢唔單止味道好，食材新鮮，而且價錢絕對相宜，仲要食完都完全冇串燒臭味。由於所在位置，客人唔多，店面有特色，整潔，也是與三五知己相聚既好地方！…查看更多

一向好少專登去cafe 食野，因為總係覺得cafe既食物質素性價比略低。今次男朋友提議食呢間LM Cafe，係觀塘商廈地下，同地鐵站距離大約10分鐘，一開open rice見到咁多好評。本身都只係諗住試下，冇咩太大期待，估唔到又會令我感覺有d驚喜。一去到個門面有d普通，一個大易拉架咁。但入到去，d裝修同枱椅，都比一d樓上cafe更精緻同有特色。中間係高左少少d bar 枱，卡位係sofa椅，而且牆身同內左環境好乾淨，就咁影張相都見到立立令。事不宜遲，立即拎起餐牌揀野食。作為龍門冰室既分支，佢既有傳統冰室食物，例如多士、一丁、排餐；佢都有作為cafe既西餐選擇。選擇咁多，樣樣都想食，一場黎到，就中西各點一款試下。最後揀左個一品鐵板同一個all day breakfast。先上既係all day breakfast 既和風沙律。一眼望落去，d沙律菜唔似十分新鮮，但同佢個醬汁一齊食，好似有d柚子味又有d甜醬油味，比起出面一般既芝麻醬撈，我更加鍾意呢個。然後就係all day breakfast，呢個真心有驚喜。內容好豐富，有大大隻磨菇(係超市見過都唔平)，一捲煙三文魚，唔太咸，好似細細捲，其實有好幾塊捲實左。2款不同既德國腸，外層好鬆脆但食落唔油既炸薯餅。唔算得上好滑，但炒得好淋好香牛油味既旦。仲有仲有beacon、烘過既厚多士同健康既沙律菜同茄汁豆。接落黎既係一品鐵板，本身諗住作為冰室，呢個應該有信心保證，估唔到佢居然比唔上上面個all day breakfast。揀作薯菜伴底，佢一黎到個下，真係嚇一跳，因為佢既份量真係好多，絕不欺場。如果伴飯，3個女仔食都可以，加埋甜品就岩岩好。唔知係唔係因為份量太多，佢個一品牛排粒好韌，好難咬。2條腸仔係廚師腸，又一唔慳成本既證明。2隻天婦羅蝦，味道都唔錯，但俾d汁浸淋左變得唔脆。2隻炸帶子最過份，有魚旦味！雞排又係一塊厚既，雞肉都算幾滑。呢個絕對係肉的選擇，如果你本身好鍾意食肉，呢佪餐絕對滿足到你。雖然食左咁多﹐但黎得cafe，都唔可以唔試下佢地既甜品第一個係tiramisu，認真，佢賣相一般，個杯邊好似唔太整潔咁。食落口太淋，有d一太pat pat既感覺，好明顯係homemade 自家製既。但佢個味道的確唔錯，越食越想食，如果佢手指餅既質地控制得好d，咁就更好啦。chocolate banana waffle 配chocolate ice cream，佢個樣好靚，睇落去好開心，但味道我就覺得一般，佢個waffle太淋，入面好似未熟晒咁。朱古力味都冇咩，得甜味。仲有d cream 可能天氣熱，溶得好快。總括黎講，雖說不上是美味得令人再三回味 不過食完咁多野連甜品，每人都只係100蚊多d。而且佢仲有好多招牌小食未試，下次會考慮主攻小食，一定會再有驚喜…查看更多

上一次食已經係大半年前。今次再訪，本身想食番上次食唔到既魷魚炒面。但今次再黎，都係與佢無緣:(唯有點佢個frd,豚肉炒面。不愧係一杯，完全冇令人失望。食起黎完全唔覺得油膩或者太salty,除左豬炒得林同入味之外，炒左d菜係中間令到成碟野有多一d既口感味道比賣相更好。除左炒面，仲食左佢既其中一個招牌菜，一杯關西燒佢入面有 多款不同既配料，加上佢既醬汁，真係食完可以再食最後講下鋪面，佢都算多位，今日唔係好多人。一去到就有位。餐廳好整潔，坐吧枱有少少逼。咁多燒物既餐廳，冇咩油煙，但味道都係有既。算好唔錯啦！…查看更多

由於聽聞呢度就快結業，加上同事食完之後大讚美味，所以呢日lunch特登與幾位同事一嘗滋味。餐廳地點唔難搵，但記得要行岩座數 - A 座但就算行錯，周邊既藝術小店亦唔會令你失望搵到餐廳,入面好寬敞，好大既空間，lunch去居然得3至4枱可能呢d文化地方都係假日比較受歡迎。Lunch set 選擇唔多，主要係2款burger. 慕名而來，當然食beacon cheese 肉食burger. 一個lunch set 連salad / fries & drinks 比起單叫個包居然只係相差3蚊…$128 一個set, 其實都算唔平，單計食物未必justify 到呢個價，但加埋佢舒適既環境都真係好吸引到人再去。飲品選擇左 fresh lemonade.一飲落去有d酸，但唔知點解之後會慢慢有甜味係喉嚨沁出黎個包同薯條都算等左幾耐，差唔多20分鐘。但全部野都好食得出佢係即煮。薯條熱到有少少拎唔起，包既肉汁配上熱狗醬加甜甜既紅菜頭美中不足既係個包有d似提子包冇提子(我同事話):(Overall食物質素好，環境舒適，加埋值唔值$128就見仁見智。但應該要等自己多d時間時去食，因為除左可以慢慢享受佢地環境，三五知己傾下計之外，仲可以行埋周邊文化小店…查看更多

Omg kitchen, 老闆很年輕，是新轉手既店裝修冇變，但擺位有少少唔同左。食過幾樣野，幾樣都唔錯，加上可能新，冇咩人識，唔係食飯時間基本上唔多人。夏威夷漢堡個包好大個，女仔食一個已經飽左。佢2塊夾既包都有煎過焗過，中間有蕃茄，菠蘿，生菜，beacon, 仲有重點…免治牛排。店舖標榜即叫即做，每一part都見佢有鐵板既痕跡，連免治排都係手打既~個包食落係熱既，真係即叫即做！吞拿魚雜菌意大利面(可以加配黑松露)好好味，個面既硬度岩岩好，有嚼勁。坊間一般都會比較稔同煮到D 面發大左，呢度真係岩岩好。雖然賣相唔係好靚，尤其佢用外賣盒裝，但味道真係好唔錯，而且好足料，正蜆肉唔知咩辣意粉呢個好惹味，但對於我呢D 少少辣都唔食得既人黎講都係略嫌有少少over，食少少就已經夠。但身邊食得辣既朋友都話岩岩好。仲有個煙三文魚意大利飯，好好味又唔"漏"，但因為唔記得影相，下次再寫。…查看更多

今日Lunch 好想食日本野，本身諗住去ifc板長，但由於太多人決定轉戰元氣Lunch set 總共有abcd 4個A餐係刺身(有三文魚，帶子同海蝦)，加一個淨烏冬及5件sushi(2件反卷，一件三文魚，仲有兩件唔記得左)B餐，因為想叫時已經售罄，所以見唔到真貌C餐，就係我食個個，火炙系列，有三文魚(厚厚地)，帶子同蝦。望落去一般，但食落去都幾好味，個人覺得個飯煮得好好味，但要85蚊加一就有d貴最後D 餐，80蚊，牛油果長腳蟹飯，上菜後隔離同事大叫，哇～咁少d蟹肉既!! 其實都算略少，性價比頗低。全部餐都跟面豉湯，蕃茄沙律同一個關冬煮，(a餐就得個蕃茄沙律)整體黎講，食物味道，質素，份量都唔算差唔算少，但計落差唔多成一百蚊一個lunch,就真係唔係好抵。如果各位黎開上環又想食性價比高既日本野，可以參看我另一篇食評，"尋寶記" 係蘇杭街附近，同樣價錢，更高享受…查看更多

為慶祝經理又再升職加薪，經理邀請左一班同事黎呢度食個美味lunch.由於一早book左位，去到等5分鐘左右就可以入座，我地14個，要分開2張枱先得，但餐廳安排左係同一間房，所以都ok.坐底，已經有茶預備左，lunch set 由A至O都有，選擇唔少經過上次之後，知道左原來牛肋骨係好好味既，左揀又揀下，最後係濃湯牛肋骨同炆牛肋骨之間揀左後者落單之後，平均每4個人有5小碟泡菜，可見附圖。 小妹特別喜愛圖右上角同右下角的，恕我唔知佢叫咩名，但甜甜的，很開胃上主菜，有一盤炆牛肋骨，3舊大2舊，很入味，都煮得好稔，炆完後既醬汁沒有剩很多，火喉預很剛剛好。除了牛肋骨，仲有幾2舊大白蘿蔔，東菇同紅蘿蔔，除左菇，其他配菜就唔太入未啦～之後仲有個韓式清湯，本身見佢好清，預佢冇咩味，一試，湯有淡淡既甜滲入舌頭，真係唔錯110一個午餐，唔算平，但性價比中高，如果換成晚餐，呢個質素可能要大約$170至$180以上配送一個白飯，恰恰好飽。但冇餐飲既，湯都夠啦…查看更多

又有一日同同事食飯，3個女仔行經呢度搵野食之前已經想試，但因為鋪面實在太細，次次都FULL，今次一行入去，收銀姐姐就話我地知好快有位等左陣同時睇野食，食種類唔算多，但一般壽司店有賣既同便當SET 都有揀左個自己本身都好鍾鍾意既火炙三文魚飯$65加$10跟餐有多個前菜中華沙律同樽裝綠茶個三文魚飯一出黎就已經好香，食落去，燒既程度岩岩好，有少少火炙味之餘，仲有好甜的三文魚鮮味係味蕾度慢慢散發 真係食得出食材的新鮮同廚師既功力 不過飯既份量唔算多，食完只係岩岩好飽但飯同魚既比例算適中，唔會太多白飯唔夠餸前菜中華沙律個份量都好多，好味，其實仲有枝豆可以揀，但小妹就唔太鍾意食 本人覺得餐廳食物方面需要改善既地方可能係豉油有少少太salty，冇左日本壽司豉油慣有的淡淡甜味去帶出海鮮既鮮味整體黎講，十分滿意 …查看更多

第4篇食評，估唔到要俾負評 上星期lunch 同同事出去食飯，由於有少少趕時間就隨便入左呢間食車仔面諗住黎個quick lunch…點知咁就中伏啦 呢間野唔算好大，但勝在人流快，大家食完個面就走到有位時，店員忍唔住大鬧我地點解揀咁耐… 入到去坐，我地已經一肚火，諗住快快食完走，點知一食，第一啖我地懷疑自己味蕾，因為就好像食左前日煮左但唔記得放入雪櫃既豆腐味道。後來我地終於搵到源頭，原來係佢既牛腩同佢既"牛腩湯"= =||| 一咬落舊牛腩就有d"忘記放入雪櫃"既汁b出黎，就係佢滲入d湯度令到D湯都有同一陣味我地已經停晒手唔食，諗住飲埋佢個檸檬茶就走，飲料係正常ok既 廚藝唔好，食物可以淡味可以濃味都可以唔好味; 但"忘記保鮮"既味道真係接受唔到，食完番去都有D頂住唔舒服。我地3個人叫左8個唔同既餸，最好味冇變壞既算係白蘿蔔同魷魚……查看更多

話說今日小team lunch, manager每次帶我地去既都係好地方 今次揀左間韓國野食。上到去，人唔係好多，加上book 左位，完全唔洗等就可以即時入座揀野食。一坐低，已經有個前菜放左係度，4個人一份，總共有4款，份量唔算多但岩岩好，味道亦都好唔錯，泡菜對於少食辛既小妹黎講有d覺得太辣。不過整體都全部都唔油膩，好味menu lunch set,都有十幾個選擇，價錢係$138~$228都有。揀左個$188既鐵板韓式牛肋骨配白飯，D肉煮得好稔好juice，份量都唔少，配上一個白飯岩岩好。但食食下就覺得佢其實有d 鹹，食晒d白飯仲有2~3舊肉淨。但都因為好好味同唔好浪費食物，所以都食埋佢除左呢個牛肋骨飯，仲試食左隔離同事既野菜飯，同豆腐湯飯。野菜飯好大碗，好多菜，但對我黎講都係有少少辣，不過我d食得辣既同事就覺得岩岩好，同份量真係好多，佢地一個女仔都食唔晒。豆腐湯配飯，入面唔只豆腐，仲有d豬肉係入面，好足料，湯都好好飲最後，每人都有一個甜品，其實係雪糕糯米滋配紅豆同一d醬，個糯米滋係解凍左少少先serve 既，唔似得某d日本餐廳將佢地雪到變左舊冰好硬先拎出黎。佢少少溶配上紅豆蓉加個醬，超夾味…查看更多

今日同老闆去business lunch, 有幸可以試下呢間出名貴但性價比低既日本餐廳 小妹最鍾意食日本野，不論日式燒肉定火鍋刺身都係心頭好因為係business lunch,唔方便影相，我試粗略形容，大家請勿見怪一入去係一間十人房，左右掛左褔抽象水墨畫，面對一個平時鐵板餐廳會見到既鐵板台，整齊，乾淨一坐低waiter 哥哥就將枱上面既餐巾個d擺好，然後就等老闆們吹水等齊人到menu終於出現，打開第一頁就係久聞既懷石料理，最平個個都$720, 第2，3頁係d鐵板餐，之後有d壽司餐，同淨飯唔跟餐，最有印象個個係海膽飯(唔係餐)，要700蚊…(￣Д￣)ﾉ考慮一輪，最後跟客人揀左個盛惠$780的lobster beef roll teppanyaki ，有D咩食呢?先來一個沙律，十分普通，沙律菜加半個蕃茄仔食完，waiter哥哥問老闆想係房入面個鐵板煮定係出面煮完拎入黎難得黎到，老闆俾我地有埋視覺享受，叫左煮師入黎煮十分期待但，由於business lunch 既關係，唔可以係咁望個廚師=.=其實除左見佢煎煎煎之外，都唔係好睇到佢做左咩…事先有2個醬預備左係枱面，一個係芝麻，另一個唔記得左anyways, 第一個主菜上場，龍蝦teppanyaki, 食落食到龍蝦的鮮味，從食材黎講，真係幾好味，話晒係龍蝦。但其實認真，同媽咪係街市買到既龍蝦($60幾蚊一隻再清蒸唔差太遠)第2個主菜，beef roll, 有蔥卷住係入面，味道好夾，份量幾多，有成6~8條。但認真，同買d靚少少肥牛番屋企微煎唔會有太大分別…最後一樣係海鮮飯，呢個飯比起出面既有誠意好多，真係有好多海鮮粒，同d飯炒得幾乾，但大酒店，炒飯黎講缺少左d 獲氣最後一個甜品，我覺得係最顯酒店味道既食物，芒果奶心卷，真係比出面既好味，同真係出面食唔到既！以上既其實都真係幾好味，但就堅唔值$780，就算唔想自己煮，直接出去食應該500蚊都食到，可能仲好味D，但對於for business 黎講，呢度寧靜大方整潔不失禮，服務好，食氣派環境補數啦…查看更多

同事生日，一小team 人一齊食lunch由於一早訂左位，所以完全唔需要等就可以入去上去二樓廂房，要脫鞋入座，好彩冇著鴛鴦襪未坐底，已經有一小盤一小盤的薯仔沙律每一個放係枱面睇落好似放左好耐咁，賣相都唔特別討好但估唔到食落去比想像中好味，除非你唔鍾意食薯仔叫野食，其實一早有心頭好，由於小妹鍾意食海膽又鍾意食刺身，所以好快就揀左個海膽雜錦刺身飯賣相唔錯，驟眼睇好似好細個飯，但食落去份量都唔少海膽唔算多，三文魚有2件，帆立貝2件，味道都幾鮮中間隻蝦真係好大隻，另外仲有北寄貝同池魚各2件，但味道就一般，唔知係米因為佢D醬油太salty之後仲有一個燉旦同牛奶凍甜品，甜品OK但個燉旦就真心普通，並冇太大驚喜其他同事叫左其他餐，有吞拿魚茸飯，上面有隻旦，好得意我冇試食，但鍾意食吞拿魚的同事話呢個味道唔錯，鍾意食吞拿魚的朋友都不塠一試另外有同事叫左個刺身天婦羅配鳥冬，個人覺得呢個性價比最高，佢有4款刺身︳都係厚切，仲有個天婦羅鳥冬睇落都好唔錯，下次去我會食呢個，可惜冇影相全部LUNCH SET 都係配面鼓湯，冇野飲，以價錢及食物質素比較，唔算得上抵食但如果想慶祝生日或者一班人坐底吹水，呢度都係一個唔錯的地方!…查看更多

 與男朋友慕名而來的甜品店，到達時間晚上十點，餐廳內就只有一對情侣在聊天，所以一去到就有位入到去左睇又睇MENU，甜品的名同其他店所差無幾，但參考附圖就有好多都好特別，確實不得不讚老闆的創意。雖然食飽左，但都試左店內２個甜品，一個飲品既然慕名而來，當不得不試必食的爆炸星球。一來就係一個別緻的圖球︰外層以朱古力為包裝，內層配以士多啤梨爆糖雪糕，加埋個士多啤梨白朱古力去打開，真係不得不再一讚，創意！但食落其實就係士多啤梨雪糕加上朱古力，雖然並冇太大驚喜，但咁岩小妹就係鍾意佢地既配搭。最重要係老闆的心思，係食之餘仲滿足視覺同玩樂上的享受，＄５８絕對值得一試:)另一個食左綠茶心太軟，曾經係其他店食過，念念不忘，所以特登試下呢度的手勢綠茶味有少少過濃，淨食個心太軟會覺得有少少苦，加上佢個豆腐味雪糕就岩岩好，＄５２相對有Ｄ貴，但賣相都唔算差，同老闆絕對落足料最後試左佢個牛魔王飲品，柑桔santa vittoria配chocolate swril雪糕，我個人覺得OK，味道都幾夾，都係個句，賣相絕對氹到你歡心除左甜品，佢仲有其他野食，但小妹就未有機會試啦，放張圖俾大家參考…查看更多